Seite:Briefwechsel Hildebrand Veckinchusen 104.jpg

	Wilhelm Stieda (Hrsg.): Briefwechsel Hildebrand Veckinchusen

Bruggen 264½ marc. Item schelt an eynem terlync wandes 220 marc Lub., dey my ok nicht toquemen. Item vor 18 marc Pru^osch 36 marc 10 sl. Lub.

Item rekende gy my dat an myner summe und rekenscop unbreken solde 128 marc dartegen hebbe gy 122 cronen, darumme scryvet my dey 128 marc weder to. Item gy scryven my ok eyns dat gy van Hans van Mynden gelt untfangen hedden, dat my angenge. Ok schelde my an andern gelde, dat Woesten op rentte geven were und ok van gelde, dat Gosscalc Steynhuse na geven es und ok vuste ander gelt, des ic nu met der hast al nicht vynden kan, doch hebbe ic ju dat al erscreven; wan gy al dync overseyn hebbe gy my wat to screven, dat ic nicht untfangen hebbe, dat scryvet my weder af op dat al dync slecht werde. Ic late al dync op ju staen, dat gy dat slecht maken. Ic hebbe met andern dyngen also vele to dencken und to doene, dat ic op unser beyder rekenscop nicht vele dencken kan.

85. Beurkundung eines im Jahre 1404 zwischen Engelbrecht Witte und Hildebrand Veckinchusen in Riga abgeschlossenen Vertrages. – 1413 Febr. 10.

Rev. St.-A. Kopie. Papier.

Anno domini 1404 feria sexta ante festum sancti Johannis baptista^[1]. Witlik sy dat dusse erbaren lude nagescreven alse her Gotschalk Bredeke Hynrik Rove bekant unde betuget hebben vor deme rade unde ere recht dartu geboden hebben, dat dusse nascrevene sake aldus gevallen sunt tuschen Engelbrecht Witten unde Hildebrant Vekkynchusen, do em Engelbrecht syne dochter lovede, do weren sie schelaftich umme hundert mark Rig. Derne wolde Engelbrecht Witte nicht vo^ergeven al gynge dee werscop nummer tu. Dartu antwardede her Tzorges also eer dee blidescop darumme nableve unde wolde syn bruder der hundert mark Rig. nicht enberen, hee wolde dee hundert mark vorleggen. Dusse vorscrevene sake geve wy Engelbrecht Witten unde synen vrunden tu erkennende. Do sprak Engelbrecht vorscreven, sendet see my her Tzorges, ik sende see Hildebrande vort. Oppe desse vorscrevene sake wart dee sulve blidescop vullentogen. Desse vorscrevene her Gotschalk unde Hynric Rove vullentogen dee eede an den jaren unser herren dusent verhundert drutteyne des vrydages na sunte Dorotheen dage.

86. Bode van Stochem an Hildebrand Veckinchusen in Brügge. – 1413 März 24.

Rev. St.-A. Orig. Adr.: An Hyldebrant Vyckinchusen to Brugghe sal dusse breeff. H. Veck.’s Hand hat hinzugefügt: Bode van Stochem 1413 op half meye.

---

1. 20. Juni.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 33. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_104.jpg&oldid=- (Version vom 31.7.2018)