by en weset, ych en kuonde nicht tho siende komen, dat ghy des quit sint, dar is vare an; wes myn oem vorkoft van den win, dat en wete nicht wol hoe et darum is und ic wyl Enghelbert spreken, dat wy by boeck komen, dat ic dat inscrif neme und scrive ju de rekenschap dat irste[WS 1], dat ic kan. Und hir is to male harde kopenschap in deme lande und wetet, dat et vrede de Duone up is, darmede wart wol und blivet gesunt tho langer tyt und gruetet myn vadderen sere, und al dat slecht und nucht icht doen dat in lif is, dar biedet over. Ghescreven on mey dage tho Rige.[1]
103. Tideman Brekelvelde (in Lübeck) an Hildebrand Veckinhusen in Brügge. – 1415 Mai 9.
- Rev. St.-A. Orig. Adr.: An Hildebrand Veckinchusen to Brugge littera detur.
Vruntlike grote unde wes ik gudes vormach. Hildebrant, gude vrunt, ju gheleve to wetene, dat ik ju screff gy Wydowe deme lopere enen breff upten 7 dach in majo unde dar screff ik ju vuste inne, wes ik ju to scrivene wiste, also dat ik noch nicht en wet, wat ju Tideman Swarte ghesant hevet op unse dink. Hir en wet ik noch nicht 1 wort van, dat my seker tomale wunderlick dunket wesen, dat he my hir nicht van ghescreven en hevet unde he doch wol wet, dat et my mede tohoret unde dat ik min eventur mit ju stan wolde, do unse heren van hir opwart to deme consilium ghesant worden.
Item Hildebrant, so hebbe ik unsen rys unde tymean, den ik hir hadde, al vorkofft, mer van deme tymeane en hebbe ik des gheldes noch nicht unde van deme ryze hebbe ik entfangghen by 72 mark Lub. Also vele is darvan gheworden off darby; ik en hebbe des noch nicht mit deme manne overgherekent Item van dessen 72 mark 4 off 5 sl. mer off min dan 72 mark Lub., dar sal ik noch al ungelt affnemen, wes ik darvor utghegeven hebbe to ungelde.
Item Hildebrant, alse gy wol weten, dat ik ju in enem breve screven hebbe, den ik screff des dinschedaghes na deme sundaghe in der vasten, alse men sanck reminiscere.[2] Dar screff ik ju inne, wo ik unse dink hir vorslaghen hadde, also dat ik ju ghesant unde vor uns utghegeven hadde, dat ik nu al betalt hebbe summa is: 1700 unde 12 mark unde 13 ₰.
Hirop so hadde ik weder vorkofft unde van unser wegene hebben solde, op dat ik al betalt worde summa was 800 unde 77 mark 7 sl. 4½ ₰. Item we uns do schuldich was van deme ghelde, dat screff ik ju do in deme sulven breve, besunder 27 mark, de me uns schuldich was van 3 sickeltun, dar en screff ik ju do nicht van, mer ik screff et ju na in enem breve. Hildebrant, van deme ghelde, dat men uns do schuldich was, darvan hebbe ik entfangghen
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 121. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_121.jpg&oldid=- (Version vom 31.7.2018)
