Seite:Briefwechsel Hildebrand Veckinchusen 140.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

Mynen dyenst. Wist, Werner, gode vrunt, dat ich uch send 2 fardel myt Wolter Fluich, de han ich bestait vur 5½ zinder beidsamen unde he sal han vur den zinder 18½ wit d., unde sint beid, half ossen, half leven, unde sy geldent hi gereyt gelt 12 gulden unde 100. Nu mucht yr proven, vat sy wortme kosten solen. Darumb slait sy van der hant myt den yersten, as gy moicht huftgelt krigen. Ich han ouch den sin bes gescreven in zwein anderen breven, sy sint ouch alsus gemirckt. Nich me zo deser ziit dan Got sy myt uch. Gescreven des manendages da^[1] meidach.

By myr Reynart

Noiltgin.

117. Sivert Veckinhusen’s Rechenschafts-Ablegung in Angelegenheiten des Gesellschaftshandels. – Köln 1416 Juni 2.

Rev. St.-A. Orig. Auf der Rückseite: dyt es unser selscap rekenscap und dazu von H. V. Hand: 1416, 12 in jullejus.

Broderlyke leyve vorscreven wetet also gy my lest scriven, dat ic ju scryven solde, wat gy my schuldych weren, broder dyt hebbe ic ju vele screven und welt op myn seyle nemen, dat ic des nicht beter wet, gy weten wol doe wy unse selscap rekeden to Brugge int 6^te jar, doe blef unse selscap also gud also 742 punt 10 gr.; war an dat was und al bescheyt wyset juwe rekenscap wol beschedelyken ut.

Darna int 11 jar 29 in desember screve gy my 1 rekenscap in 9 arx poppyrs dat gy na der eyrsten rekenscap untfangen hadden van desser selscap wegen op dat nye also dey rekenscap clar utwyset 2189 punt 3 sl. 11 gr. Hyr untegen hadde gy weder utgeven also dey sulve rekenscap ok utwyset 1994 punt 5 sl. 4 d. Dyt eyne tegen dat ander afslagen, doe solde by ju blyven op deyt 194 punt 18 sl. 7 gr., darto were gy der selscap van der ersten rekenscap int 6 te jar rekent 2 punt 19 sl. 4 gr. Item darto untfenge gy van den wasse to unsen parte, dat wy met Arnd Wachendorppe koft hadden 80 punt 5½ gr. Item untfenge gy van den nyen Dornschen dat ut Lyflande quam 116 punt 4 sl. 6 gr. Item van dem Sundeschen gelde wart 1 punt gr. mer dan gy vore rekent hadden. Item van 5000 lasten ward ju 22 punt 12 sl. 2 gr. Item van Tiiten selscap ward ju 22 punt 9 sl. 10 gr. Item van dem gelde, dat ut Pru^osen in Lyflande sand ward, untfenge gy 10 punt 13 sl. 4 gr. Aldus es desse summe, dat gy mer untfangen dan utgeven hebben 450 ℔ 18 sl. 3 gr.

Item tegen desse 450 ℔ 18 sl. 3 gr. hebbe gy weder utgeven boven dey 1994 ℔ 5 sl. 4 gr. dey vorscreven staen. Int eyrst Tomas Vockynchusen by Johan van der Bru^oggen 2 terlynge wandes, stonden tohope 69 ℔ 6 sl. 2 gr. Item geve gy op dat was ut eynen wessel, dat op ju overkoft ward, 500 gulden summe 70 ℔ 11 sl. 1 gr. Item sande gy my brysylienholt, stont 48 ℔ myn 20 gr. Item vorlore gy an peper 7 ℔ 6 sl. 8 gr. Item vorlore gy an saygen 42½ ℔ gr. Item Tydeman Swartten afslagen 39 sl. gr. Item

↑ Wohl: na.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 69. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_140.jpg&oldid=- (Version vom 31.7.2018)

[1] Wohl: na.

[1]