|
Wilhelm Stieda (Hrsg.): Briefwechsel Hildebrand Veckinchusen |
|
|
amen. Seget Boden dat he de laken vorkopen den hoghesten pryse unde holde dat gelt in mynerynge van uns.
Item dey ik dey eine tunne myt der syde in Snydewynde. Anders ein wet ic ju nu wat mer to scryvende, mer ramet des besten, dat de laken verkoft werden. Ic hope it synt gude gadinge van laken. Wert ok dat dar welk varve inne weren, ein ofte 2, dey de lude nicht hebben wolden, so lat se utsteken. Anders en wet ic ju nu wat mer to scryvende; mer wart wol in Gode. Gescreven 17 in merte 1417 in Brugge.
Item desse terlinch hebbe ic gesant to Hamborch an Albrecht, cranmester, dey sal se untfangen unde sal se ju vort senden. Got geve beholden wart, amen al umme.
147. Gerwin Marschede (in Danzig) an Hildebrand Veckinchusen in Lübeck. – s. a., aber vermutlich 1417 April 10.
- Rev. St.-A. Orig. Das Datum ergibt sich aus dem Briefe Nro … vom 23. April 1417. Adr.: Dem erbaren mane Hildebrant Veckinchuesen to Lubeke littera detur.
Item so wetet Hildebrant, gude vruent, dat ik jue hebbe gescheppet in Hanneke Troste to Flandern wart de 50 sentener keppers. Darvor sal he hebben 13 sl. gr. Hir es noch men 1 schip dat to Linden segelen sal, de schipper wolde nicht myn nemen vor de 50 sentener den 19 sl. gr. Darto so en wert he nicht reyde vor pingesten. Item so wel ik jue senden in Albrecht van Barken to Flandern wart 1½ scheppunt wasses. Ok so sal my noch mer wasses ofte werk werden van den de my vor juwen laken schuldych sint; unde wat my wert, dat wil ik jue al to Flandern wart senden. Nicht mer to desser tyt. Got sy myt jue. Gescreven op paschavende.
148. Gerwin Marschede (in Danzig) an Hildebrand Veckinchusen in Brügge. – 1417 April 23.
- Rev. St.-A. Orig. Adr.: An den erbaren man Hildebrand Veckinchusen to Bruegge.
Vruntlike grote vorgescreven an mynen leven vrunt. Hildebrant Veekinchusen ju geleve to weten, dat ik jue sende in dem namen Godes to Lubeke wart in Ludeken Detmer 2 stro, darinne 13 stucke wasses, wegen 3 schippunt 2 lis℔ myn 3 mark℔. Dat scheppunt steit erstes kopes 50½ mark, to wegen, linen, riven, puntgelt 13 scot. – summa es 156½ mark 5½ sl.
Item so sende ik jue to Flandern wart in Albert van Borken 1 stro, darinne 8 stucke wasses, de wegen 1½ scheppunt; dat scheppunt steit 51½ mark, to ungelde hirop mit int schep ½ mark, summa 77 mark 3 sl.
: Briefwechsel Hildebrand Veckinchusen. Leipzig: S. Hirzel, 1921, Seite 96. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_167.jpg&oldid=- (Version vom 31.7.2018)
