hadden, up sodaenen zynen breff darynne dat he an ju versoekende was, dat gy hir over solden komen, juwen voet by den zynen to settene etc, so screve wy ju, dat gy ju nicht en drofften holden noch en solden van dem scrivene, also ju Johan Kovolt van me herwart to komene gescreven hedde, men umme dat Willem de loeper van Constantz wedder gekomen were unde hedde uns tidinghe gebracht, dat de betalinge van den 3000 kroenen noch harde ungereyt were, so dat dat uns allen grotlike van noeden were, dat darup by uns selven vervolch gedaen worde, doch want nu nymande van uns hyr gadelick en were, dus daene vervolch to doene, alset noch en ys, so begerde wy van ju versoekende unde vermanende, dat gy sonder sumen unde groet vortreck hedden getogen an unsen heren den Romschen konincgh umme maninghe to doene van dan vorscrevenen 3000 kroenen unde ock van der kost unde theringe, de hyrumme gedaen zyn, unde noch moeten gedaen werden, alse gy wol weten doch umme dat gy up den vorscrevenen unsen irsten breff hyrynne mochten sluteren unde de sake nicht also zeer to herten nemen alse uns allen na der tidinghe, de wy hyr vernemen van den konincghe vorscreven unde ock van der bistandicheit des coepmans de uns weddervaert, so begere wy noch van ju versoekende unde vermanende, dae gy ju nicht verdreten en laten dat vorscreven vorvolch in juwes selves persoenen so ernstafftigen to doene also gy wol kennen, dat uns allen daerane groete macht licht also dat wy van sodaener last, darumme dat wy in groten schande unde in unverwanliken schaden komen mochten entslagen moegen werden unde vry staen, ju hyrynne bewisende also wy ju wol to betruwen unde uns allen grotlike unde hoechlike wol van noeden ys. Unde Ditleff Rolvestorp ys komen van lyve tor doed, God genade syner zielen. God zy met ju unde moete uns vorlenen guede tidinghe, dat wy van desser last by juwen vervolghene moeten untkommert werden. Ghescreven up ten 19ten dach in decembri int jaer 1417 under ingezeghele Johans Kovolt des wy alle samenlike up desse tyt hyr to gebruken.
| Hildebrand Zuderman Evert van Meghen |
juwe vrende up desse tyt to Brucge. |
Ock wilt gedencken, dat de kroenen hyr ghelden 50 groten Vlamsch.
179. Gerwin Marschede an Hildebrand Veckinchusen in Brügge. – 1418 April 17.
- Rev. St.-A. Orig. Adr.: An den erbaren man Hildebrant Veckinchuesen to Bruegge littera detur.
Darunter von H. V.s Hand an verschiedenen Stellen der Rückseite: 13 in meye 2 stucke wasses unde ½ schepunt wasses. – 1 tunne boteren – item dey summa van den 2 stucke[WS 1] wasses dar schelt – in Wormen in Stalberghen.
Vruentlike grote vorgescreven an mynen leven vruent. Hildebrant Veckinchuesen weten sole gi, dat ik untrychtet hebbe de 50 ℔ gr., de Engelbrecht
Anmerkungen (Wikisource)
- ↑ Korrigiert nach Berichtigungen
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 205. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_205.jpg&oldid=- (Version vom 18.7.2016)
