Seite:Briefwechsel Hildebrand Veckinchusen 235.jpg

	Wilhelm Stieda (Hrsg.): Briefwechsel Hildebrand Veckinchusen

nicht von der Hand des Sivert Veckinchusen. Nur ein Exemplar ist adressiert. Adr.: An Hyldebrand Veckinchusen to Lubeke littera detur. Das adressierte Exemplar weist am Schlusse unter der eigenhändigen Unterschrift auch einen Zusatz von Sivert Veckinchusen persönlich. Auf dem nicht adressierten Exemplar hat Hildebrand Veckinchusen an zwei verschiedenen Stellen bemerkt: 494 marc, sowie: Item Polander antworde Syverde 27 gulden, dey sint noch nicht to rekenschap ghekomen, so my dunket. Dieses Exemplar weist außerdem unter dem Namen des Sivert Veckinchusen einige Zusätze von derselben Hand, die den ganzen Brief schrieb: Item Tydeman Swarte nam op van juwer wegen to Brugghe 200 gulden, die betaelde ic hir Koenraed van Bolde. Item noch sal ic betalen Gerd Sparenberge 400 gulden.

Aldus hedde ic aver all vu^or ju vyrgeven also vurscreven steyt 2269 gulden 8 wit den.; die slae ic aff aen den 2029 gulden 8 wyt den., aldus bleve ghi my hirvan schuldich 239 gulden 10 wit den. und ic hebbe vur ju noch mer geldes vyrgeven. Ic en wete nycht off dat si, Jan Gymmen und syner selschapp schryvet my, wo ju rekenschapp myt em steit und off gy icht mer weten dat ic vu^or ju vyrgegeven hebb. Item juwe 12 stucke wasses hebbe ic to Mentze sand, dat wolde hir nicht gelden, des is hir vele komen, ic vru^ochte kome des vele in de messe, dat sole sere afslaen. Item ic hebbe noch nicht van Brugge vernomen offte ghi ok mer geldes hebben opkomen in de messe to betalen eder ghi ok de 1000 ducaten averkofft hebben eder wanner gy van Brugge scheden syn end my wondert, dat gy altyt op my averkopen dan ghi geldes bi my hebben aldat ic schryve dat helppet my allet nicht. Got betert; si et dat ghy juwe dynck to Vrancfort wol laten vyrrichten ic wels neyn hoberman, doch ic wel dar gerne to helppen mer dat werck vruchte ic sole enen groten affslach dar krigen wye reyt gelt darvur hebben sall.

Broder ic schryve ju rekenscap van juwen dyngen anno 18 4 dage vur sante Mychele^[1] schreff ic ju lest rekenscap, do bleve gy my schuldich 300 gulden und 71 gulden und 18 wyt den., des solde ghi den Greveroden to Lubeke geven hebben 200 gulden, des ghi nich en deden dar op quam to schaden 7 gulden. Item ic hebbe send vor ju utgeven Wyneken op me Orde 100 gulden. Item Henric Moseler vur 104 gulden 1 ort overlansch gulden, dar var betalt 314½ guyle gulden^[2].

Item Arnt Cregevelt vur 25 engelsche nobelen 66 gulden. Item den vormanne vur 1 stro wasses und 1 tonne to vracht 36 gulden. Item Harman Hagemanne van Lemgaw vur 2 stro wasses und 1 tonne 4 gulden. Item

---

1. 25. Septbr.
2. In dem nicht adressierten Exemplar heißt diese Stelle, ohne Zweifel richtiger, folgendermaßen: Item Henric Moseler vor 104 gulden 1 ort overlansch gulden, darvur betalt 108½ guylge gulden. Item Herman Vrydach vor 304 gulden 1 ord overlansch gulden, darvur betalt 300 gulden 14½ guylge gulden.

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 48. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_235.jpg&oldid=- (Version vom 31.7.2018)