Seite:Briefwechsel Hildebrand Veckinchusen 279.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Wilhelm Stieda (Hrsg.): Briefwechsel Hildebrand Veckinchusen

inne 4 Kornnewallesche kesse, der sende 1 Ryxsen. Hir sin noch inne 20 cleyne kesse, darvan sende Ryxzen 4.

Item so sende ick dy noch 3 wanne, dar men dat korn sal mede sconne maket; dey wanne sint op elken hantgreppe ghemerket aldus

Item so lat Tydeman dat was vorkopen, dat her Hinrych Rappesulver betalt werde. Ick hope van den mussen unde ander dinch solle ok ghelt werden. Dat sal uns nicht baten dat ick dar nicht einsy, so moyte my God helpen, ik were ghernen derwort, konde ick dar wol reyden. Wolde myn broder syk anders bewysen, so solde dat al gud werden myt der hulpe Godes. So my dunket, so wyl dyn moder nicht velle doghet don. God van hemelryke moyte uns bet bystan dan unse vrende noch by uns don welt. God moyte al beteren al umme.

253. Hildebrand Veckinchusen und Bertram Rennebergh setzen Herman Platenschleger in Kenntnis von dem Stande des gemeinsam unternommenen Feigenhandels. – Brügge 1420 Octbr. 15.

Rev. St.-A. Pap. von H. V. Hand beschrieben. Auf der Rückseite des Blatts von derselben Hand an verschiedenen Stellen: 1. Dyt es ein breyf an Herman Platenslagher, dey

kopye dar van 1300 korf fyghen.

2. Item so beholde wy blyvendes 1300 corve fyghen summa dat wy betalen moyten hirvorn 1300 cronen ofte 3 sl. 6 gr. vor den cronen, des komet uns wedder to bate 16½ sl. vor 33 korve fyghen, dei Bertram her Johan met den Eye wedder vorkofte weder.

3. Item so hebben wy desse fyghen koft van her Johan vanme Eye unde Wyllem Gherolf 1300 korve fyghen elken korf umme 3½ sl. gr. hir van den fyghen worden vorloren 17 korve, dey wy an der packinge vorloren unde 33 korve vorkoft to 6 gr. den korf.

4. Item so es dey summa van al den fyghen to hope 227 ℔ 10 sl. gr. den korf to 42 gr. darto unghelt also 15 ℔ gr. hirvan hebbe ick myne helfte betalt op 2 ℔ na, dey Wyllem unde Lamsin Woyst hebben solen, byt to Hamborch. Hiraf gheyt to mekelerdye 5 ℔ 5 sl. 7 gr., aldus sal elke helfte sin van den fyghen afgeslaghen 16½ sl. van den 33 korven to betalende blyvendes 110 ℔ 13 sl. 11½ gr.

In den namen uns heren Herman Platenslagher gude vrent ju gheleyve to weten, dat wy under uns beyden hir hebben koft 1300 korve fygen seppen gud, elk korf stet erstes kopes 42 gr. Desse fyghen daran sta gy dey helfte myt my Bertram Rennenberch unde ick Hildebrant Veckinchus sta dey ander helfte. In den namen uns heren. God geve uns beholden reysse unde wynnynge.

Item so geleve ju to weten, dat wy van dessen fyghen hebben scheppet to Hamborch wart in den namen uns heren:

Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 156. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_279.jpg&oldid=- (Version vom 31.7.2018)