|
Wilhelm Stieda (Hrsg.): Briefwechsel Hildebrand Veckinchusen |
|
|
257. Rechenschaft des Philipp Spormaker über eine von ihm im Auftrage Hildebrand Veckinchusens von Brügge nach Dorpat ausgeführte Reise. – 1420.
- Rev. St.-A. Orig. Das länglich zusammengefaltete Papier, das nach den vielen Einbiegungen ursprünglich in ein ganz kleines Format zusammengelegt war, trägt den Vermerk von Hildeb. Veckinchusens Hand: Dysse rekenschap hevet my Fylypus overgeven, dey my nicht behaghet myt alle my Hildebrande Veckinchusen unde ok mynen vrenden. Zum Schlusse findet sich eine Nachschrift von H. V.’s Hand.
Int jaer unses heren 1420 des suendages vor suent Anggeneten dach[1] dat my min swaeger Hilbrant Veckinchuesen sande van Bruegge to Kollen.
Item daernegest sande he my brieve by enen loeper, de ghescreven weren up sunte Antonies dach[2] daer ik mede toch in Lyflant, als he my by den selven loeper scref to der selven tyt na gueet dunken Gerwen Maesscheyde. Item wes ik untfangen hebbe to der tyt an tergelt up de reyse unde vortert hebbe guntheyn(!) int lant bet to Derpte van Bruogge ut.
Item untfangen van mynen swaeger Hillebrant to Bruegge 2 Rinssche gulden unde 1 Deventer gulden.
Item untfangen van Johan van Boekel to Doertmuende 10 Rins gulden.
Item untfangen van Gerwen Maesscheyde to Danske 4 Rins gulden unde 1 mark Prues nyes geldes, wes he my mer daen heft on ander duenc, daer he my mede reyde to wege wert met den perde, dat heft Gerwen als gescreven; ik en hev anders nicht screven dan wes ik untfangen hev an reden gelde.
Item untfangen to der Ryge van Toemas Veckinchuesen ½ mark Ryges. Summa in al als hervorscreven steyt 16 Rins gulden unde 1 Deventer gulden unde 1 mark Prues nyes geldes ½ mark Ryges.
Dit hev ik untfangen an redem gelde an 14 or, de Tomas boetaelden unde wes Gerwen utgeven heft an ungelt unde wes ik to Danske in der herbergen vorterde.
Dyt is wes ik untfangen hebbe up de wedderreyse:
Item untfangen to Derpte van her Hilbrant van den Eyke an tergelt 1 mark Ryges.
Item so gaf he vor 1 hoeyken van 1 Munstroeles, den ik daer maeken liet, 4 mark Ryges und 13½ or vor 1 koegel van dem selven vande.
Item untfangen van Toemas Vockinchueesen to der Rige 3 Aernuemsche gulden unde 1 mark Ryges.
Item untfangen to Danske van Gerwen Maesscheyde 1½ mark Prues oldes geldes unde 7 Rins gulden.
Item untfangen van Hilbrand Hoeyman 1 Rins gulden.
Summa wes ik untfangen hev up der wedderreyse an reyden gelde 13½
Anmerkungen (Wikisource)
- ↑ Vorlage: Ziffer 1) statt 2) wie am Fuß der Seite
Briefwechsel Hildebrand Veckinchusen. Leipzig: S. Hirzel, 1921, Seite 159. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_282.jpg&oldid=- (Version vom 31.7.2018)
