Seite:Briefwechsel Hildebrand Veckinchusen 284.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Wilhelm Stieda (Hrsg.): Briefwechsel Hildebrand Veckinchusen

Ryghes 3½ ore unde 2 Arnemesche gulden; summa darvan 37 sl. – Item Einghelbracht utghegeven 6 Rynsche gulden, summa darvan 16½ sl., darto gaf hey ut 8 gr. 1 einghels. – Hildebrant Veckinchusen heft utghegeven myt Hoyman tohope 7½ gulden Rynsch, summa darvan es tohope 20 sl. 7 gr. Untfanghen ick wedder hiraf 40 gr. 2 einghelsch. – Summa dat dat Fylypus tohop vortert hevet, 8 ℔ 11 sl. 7 ₰ Vlamesch. – Hirvan rekenne wy op dey Prussche reysse 2 ℔ 11 sl. 7 ₰, op dey Lyflansche reysse 6 ℔ gr., dat es elk 1 ℔ gr. – Item so hevet Einghelbracht betalt op dey Prussche reysse 17 sl. 7 eingels, Marsschede ok 17 sl. 2 gr. 1 einghels unde ick Hildebrand Veckinchusen ok 17 sl. 2 gr. 1 einghels. Darmede es dey Prussche teringe quyt van den 2 ℔ 11 sl. 7 gr.

Int jaer unses heren 1420 des suendages vor sunte Angeneten dach[1], dat my min swager Hilbrant Veckinchuesen sande van Bruegge to Kollen umme tydinge van werck unde was.

Item daernegest sande he my breve by enen loeper, de gescreven weren up suente Antonios dach[2], daer ik mede toch in Liflant.

Item wes ik to der tyt untfangen hebbe an tergelt. Item untfangen van minen swaeger Hillebrant Veckinchuesen to Bruegge 2 Rins gulden unde 1 Deventer gulden. Item untfangen van Johan van Boekel to Dorpmuende 10 Rins gulden. Item untfangen van Gerwen Marscheyde to Danske 4 Rins gulden unde 1 mark Prues nyes gelde on ander duenc, daer he my mede reyde to wege wert, als he wol jue scryft heft. Item untfangen van Toemas Veckinchuesen ½ mark Ryges. Summa 16 Rins gulden unde 1 Deventer gulden unde 1 mark Prues nyes geldes unde ½ mark Ryges.

Item untfangen up der wedderreyse an tergelt. Item untfangen to Derpte van hern Hilbrant von den Eyke 1 mark Ryges. Item so boetaelden he vor 1 hoeyken unde koegel 4 mark Ryges unde 13½ ore. Item untfangen to der Ryge van Tomas Veckinchuesen 4 Aernusche gulden unde 1 mark Ryges. Item untfangen to Danske van Gerwen Maeysschede 1½ mark Prues oldes geldes, noch untfangen 7 Rins gulden. Item to dem Suende untfangen van Hilbrant Hoyman 1 Ryns gulden.

Summa untfangen 13½ gulden Rins on de 4 mark Riges unde 13½ ore, de her Hilbrant van den Eyken utgaf vor den hoeyken; unde Toemas boetalden ok 14 ore, de he gaf emen man, de my leystschaegede in der nacht.

Item vortert van Bruegge to Kollen unde to Dorpmuende 2 Rins gulden 5 grossen.

Item an ungelt, wes ik dorfte up den wege, so gaf ik vor 2 mark was 6 grossen, dat ik loevede den hillegen bloede to der Wilsenac up dat ik met leve solde vort koemen. Item vor 1 paer socken 1½ grossen. Item 2 par housen 3 grossen. Item 1 paer schoe 6 grossen. Item vor schoe to lappen

  1. ↑ 14. Januar.
  2. ↑ 17. Januar.
Empfohlene Zitierweise:
: Briefwechsel Hildebrand Veckinchusen. Leipzig: S. Hirzel, 1921, Seite 161. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_284.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_284.jpg&oldid=3224636“