|
Wilhelm Stieda (Hrsg.): Briefwechsel Hildebrand Veckinchusen |
|
|
5 grossen min 9 vinckenogen. Item vor 2 broeke 3 grossen 10 vinckenogen. Item vor 1 vlessche 3 grossen.
Item vortert up den wege van Dorpmuende to Danske met ryden, met vaeren met leytsaegen, met kost 10 gulden Rins 13½ grossen unde 1 mark Prues nyes geldes; de mark gaf Gerwen ut unde ok ander duenc, daer he my mede reyde to wegewert als he wol wete.
Item vortert van Danske to der Ryge met dem perde, met leytsaegen sumtyt, perde to hoeren, daer ik min pert mede rouewede, 3 Rins gulden 1 mark Prues nyes geldes 14 ore, de boetaelden Toemas.
Item von Ryge to Derpte 3 verdinge 1 or met leytsagen.
Item vor 1 paer schoe 5 ore.
Item vor 1 paer langer socke under myn staevelen 10 ore met makeloen.
Item vor 1 brock 3 ore.
Summa 19 Rins gulden unde 1 mark Prues nies geldes unde 2 ore unde 14 ore, de gaf Toemas ut.
Item up den anderen dach na suente Angeneten dach[1] toch ik van Kollen to Danske.
Ik quam to Danske in den 18den dach[2]; des anderen daeges toch ik vort to der Ryge in den 10den dach[3] van Ryge to Derpte 3 dage 1 nacht.
Int jaer unses heren 1420 des anderen dages na sunte Matyes dach in der vasten[4] dat ik, van Derpte toch wedder na Bruegge; doe was ik tussen Derpte unde Ryge 8 dage.
Item vortert daer en tussen 3 verdinge 10 artige.
Item so gaf ik vor beslach to den perde von Danske to Derpte unde wedder to Danske 23 ore.
Item vor 1 renseler 4 sl. Lub.
Item vor 1 mark wasses to lichtte up den wege 4 ore, vor 1 brock 10 artige.
Item vor min staevelen to vornoeten 5 ore.
Item so was ik up den wege tussen Ryge unde Danske 19 dage min ½ dach.
Item vortert daer en boven(!) 3 Aernumsche gulden 1 mark Ryges 1½ mark Prus oldes geldes met perde to hoeren, want myn pert wart henckende, do ik van der Ryge reyt.
Item vor 1 paer haesen 26 ore.
Item tussen Danske unde Bruegge 9 Rins gulden 8 gr. Vlams.
Item vor 1 brock 3 gr.
Item vor 1 paer scho 8 sl. Prus nyes geldes.
Item vor lappen 2 sl. Lub.
Dat is summa an ungelt 15 gulden, vortert tussen Derpte unde Brugge. Summa met ungelt 17½ gulden 1 sl. Prues.
Briefwechsel Hildebrand Veckinchusen. Leipzig: S. Hirzel, 1921, Seite 162. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_285.jpg&oldid=- (Version vom 31.7.2018)
