|
Wilhelm Stieda (Hrsg.): Briefwechsel Hildebrand Veckinchusen |
|
|
276. Tideman Brekelvelde (in Lübeck) an Hildebrand Veckinchusen in Brügge. – 1421 Juni 25[1].
- Rev. St.-A. Orig. Adr.: An Hildebrant Veckinchusen to Brugge littera detur. In dorso von der Hand des Empfängers: 21 in jullejo. Die Schrift ist an einer Stelle durch Wasser zerstört.
Vruntlike grote tovorne screven. Wetet, Hildebrant, gude vrunt, dat ik ju sunderlinge nicht to scrivene en wet, dan alse ik ju wol alrede screven hebbe. Besunder, dat Hinrik Kule, Herman Wulff unde Herman Dersouw to Bertolt Herentrey unde to my west hebben unde wolden van uns hebben van deme ghelde, dat uns Ghobelinus Marte gheantwort hevet, 60 ℔ grote alse van juwen parte to behoff des Lubeschen derdendele. Hir hebben se uns hartliken ume toghan, doch so en kan en van uns nicht werden, wante wy dat ghelt gheleydet hadden laten unde se weren darna bestan unde wolden dat gheleyde opdriven; al hedde dat gheschein, so wolde wy alyke wol ghesein hebben, wes wy to donde hat hedden.
Item so gheleve ju to wetene, dat Enghelbert Veckinchusen, juwe vedder, my ghesant hevet enen breff van deme kopmanne, dar de kopman inne betughet, dat gy eme mit vryen willen overgheven 50 ℔ grote an deme ersten ghelde, dat ju boren mach, dat de Romesche koning schuldich is. Aldus so hebbe ik to siner behoff overgheantwort 350 mark Lub. vor 50 ℔ grote alse van juwen partte. Got gheve, dat et mit juwen willen sy. Dit hebbe ik den vrunden al ghescreven.
Item so wetet, dat hir nein payement to bekomene en is dar uttoghevene, doch so hebbe wy van Claus (!) unde Lambert Vrolinge ghekofft 100 ℔ grote alse wy ju 4 ghescreven hebben ok so beholde ik es to my 100 ℔ grote alse wy ju ghescreven hebben.
Item, Hildebrant, weset dar umer op vordacht, dat her Hinrik Rapesulver betal[t wer]de; ok so menet Kule, dat eme noch enbreken sole by 60 mark. Ik en wet ju anders nicht to scriven dan blivet ghesunt. Ghescreven des ersten daghes na sunte Johannes baptisten daghe anno 21.
Item all vrunt sin wol toreke. Got gheve langhe mit leve.
277. Walter Holdach und Peter van dem Water in Danzig an Hildebrand Veckinchusen in Lübeck. – 1421 Juli 2.
- Rev. St.-A. Orig. Adr.: An den erbaren man Hildebrant Fokenhusen to Lubeke sal dese breyf. In dorso von der Hand des Empfängers: Her Wolter Oldach, Petter van den Water, Johann Osterman 30 ℔ gr. op sunte Jacopes avent 21[2] 2 gronne Ypersche 70 marc Prusch, daran were vorleys 17½ marc Prusch. Das Papier ist am
Briefwechsel Hildebrand Veckinchusen. Leipzig: S. Hirzel, 1921, Seite 65. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_300.jpg&oldid=- (Version vom 31.7.2018)
