|
Wilhelm Stieda (Hrsg.): Briefwechsel Hildebrand Veckinchusen |
|
|
Op desse selve tyt untfenk ik ut Albrecht Sengenstaken 10 vate vigen, 13 tunnen alluen, 2 vate rosinen, 1 vat myt Areschen. Hirvor gegeven to vracht 11 mark 1 schot.
Item vor dyt guet to puenttolle palgelt 4 mark, optoschepen 2½ mark 6½ sl., to bordinkgelde 2 mark, vor den alluen op to wage to dregen 13 schot 7 ₰, item vor alle guet to kellerhuer 5 mark. Aldues so es de summa van allen guede to ungelde: 35 mark 19 scot 13 ₰.
Hirut vorkoft int erste 100 Aresche, dat stueck vor 6 mark myn 9 schot, summa es 562½ mark; vorkoft 25 tunnen alluen, de wougen 283½ sten 5 punt, den sten vor 1 mark. De summa hirvan es to gelde 283½ mark 6 sl. Vorkoft van den rosinen 53½ sten 4 punt, 1 sten myn, den anderen mer gegeven, tosamen gerekent summa 63½ mark myn 6 ₰. Vorkoft 120 korff vigen, 1 korff myn, den anderen mer, summa 286 mark 2 schot. Summa van dessen guede alle ungelt avegeslagen alzo vorgescreven steyt, aldues so es de summa blivendes hirvan 1160 mark myn 8 sl. unde 1 ₰myn.
Darnest 14 dage na pingesten[1], do untfenk ik van Clawes Swarte vor 20 ℔ gr. 177½ mark, vor elk ℔ gr. 9 mark myn ½ ferd.
Darnest 14 dage na sunte Mychgele[2] untfenk ik ut 1 schipperen, quam van Lubeke, 2 scharlaken, 2 Ypersche, 4 Lirsche, 2 witte Belsche; hirvor to vracht, puenttol, optoschepen 1½ mark. Hirvan vorkoft 4 Lirsche vor 120 mark, noch 2 scharlaken vor 125 mark, noch 2 wytte vor 19 mark myn 1 scot, summa hirvan van den de vorkoft sint, alle ungelt averekent, summa blyvendes es 262 mark 10 scot.
Darnest 3 weken na Mertine[3] untfenk ik ut Tewes Luedekenssone 10 pipen olies, de stonden to vracht myt allen anderen ungelde, dat dar op quam 18 mark myn 18 ₰. De olie heft gegolden blivendes geldes, dat ungelt averekent, 323½ mark unde 18 ₰.
Item int jar Christi 1400 in dem 21 jare, 2 dage na sunte Bartolomewes dage[4], do untfenk ik op dat solt, dat ik hir kofte unde vorkofte, aveslagen alle teringe unde unkost, so leyp jue to to juewen dele 18 mark 14 scot.
Item tovoren, do ik jue rekenscop screff, do leffer ik jue 32 mark 12½ scot 13 ₰. Van dessen 32 marken 13 scot gaff ik mynem broder vor 11 sl. 8 gr. 2 Engelsche, de gi eme weren schueldych 4 mark 33 sl. Des hebbe ic ok avegerekent vor 1 queade nobel 10½ ferd. Aldues so scholde gi noch van den 32 marken 13 scot 25 mark 7 scot unde 22 ₰.
Alfdues so es de summa in al dat ik van juewer wegen untfangen hebbe sedder dat ik jue rekenscop screff, alzo myt den 25 marken 7 scot 22 ₰, de ic jue was van der anderen rekenscop, summa in al es 1966 mark 22 scot myn 9 ₰.
Int jar Christi 1400 int 20 jar op unses heren hemmelvart[5], do gaff ik wedder vor jue ut int erste Peter van dem Water vor 10 ℔ gr. – 89 mark myn 1 ferd 1 d. vor elk ℔ gr. 9 mark myn ½ ferd.
Op pingest avent[6] gaff ik her Merten Brandenborge vor 11 ℔ gr. – 97 mark unde 15 scot.
Briefwechsel Hildebrand Veckinchusen. Leipzig: S. Hirzel, 1921, Seite 333. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_333.jpg&oldid=- (Version vom 31.7.2018)
