Item synt wy Engelken Haghelsten 16 scheppunt wasses 6 lyspunt 9 marc℔, dat scheppunt vor 17 marc sulvers.
Summa 550 marc und 5 marc 5 sol. Item heft he untfangen 200 marc, item nue to wynachten 150 marc.
Item kostede dat was to ungelde 8 marc mynus 4 sol.
Item ghekoft 3050 lynwedes, dat 100 vor 4½ marc.
Item den strykers 11 sol. Item vor de hude 3½ marc 16 ₰; item to vorende 18 sol.; item 38 sol. vor 1 lynen slachdok; summa 145 marc.
Item noch 1 rolle, dar was inne 1100 ellen, dat 100 vor 4½ marc. Item vor de hude und to slande 22 sol.; item 6 sol. to vorende; summa 51 marc 4 sol.
Item so hebbe yk betalet Bernt Vyschorste 40 ℔ gr. to Hamborch. Bernt Vyschorste de kofte over de cleryk dat ℔ gr. vor 7 marc mynus 1 sol. summa 277½ marc.
Item noch hebbe yk betalet Bernt Vyschorste 30 ℔ gr., de heft Bertram overghekoft, dat ℔ gr. vor 7 marc mynus 2 sol. summa 206 marc 4 sol.
Item so hebbe yk utgheven 77½ marc vor vorlon vor unkust und vor terynghe, also hir schreven steyt, summa dat yk utgheven hebbe 1115 marc 4 solidi.
Item schal Bertram noch utgheven 10 ℔ gr. to 7 marc myn 2 sol., summa overal dat se wedder untfangen hebben 1184 marc Lub.
Item hebbe yk utgheven vor 220 korfe to vorende van Hamborch to Lubeke, vor elk korf 20 ₰. Item den dreghers 7 sol. aftobryngende; item so gaf ik to Hamborch ut den dregers vor 800 korf vige, elk 100 6 sol.: summa 26 marc 4 sol.
Item gaf yk noch ut vor 100 korfe, elk korf 20 ₰. Item den dregern 5 sol. Item vorterde yk in twen reysen 3½ marc 7 sol.; item gaf yk ut 12 sol. uptodregende vor 200 korfe 38 korfe.
Item gaf yk ut 10 sol. vor 200 korfe uptodregende summa 16 marc.
Item gaf yk ut uttovorende van Hamborch to Lubeke 22 korfe, vor elk korf 18 ₰. Item gaf yk ut vor 40 korfe tovorende wente to Lubeke, vor elk korf 18 ₰.
Item gaf yk Lyppelde, unse werde, 5 marc vor ungelt und vor kost van des knechtes wegen. Item so vorterde Bertram 9 marc, summa 20 marc min 3 sol.
Item so kostede 50 korfe vygen 2 marc van Hamborch wente to Luneborhh myt kost. Item vorterde yk to Lunenborch 3 marc.
Item gaf yk ut vor 28 korfe to vorende 18 ₰.
Item gaf yk ut vor 55 korfe vor elk korf 18 ₰.
Item so vorterde yk to Hamborch 2 marc, summa 15 marc 4½ sol.
Summa 77½ marc myn 2½ sol.
Item so hebbe yk untfangen 1228 korfe; item bleven in der ballast 13 korfe. Item behelden de scheppers 3 korfe; item 2 korfe den armen luden; item Hildebrant Syvert Bernt Konyngh 3 korf, Lyppelt unse werde 1 korf to Hamborch, aldus hebbe yk untfangen 1228 korfe und nicht over.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 374. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_374.jpg&oldid=- (Version vom 31.7.2018)
