Seite:Briefwechsel Hildebrand Veckinchusen 382.jpg

aus Wikisource, der freien Quellensammlung
Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.


362. Everd van Meghen an Hildebrand Veckinchusen in Brügge. – 1423 Anfang September.

Rev. St.-A. Orig. Pap. Adr.: Deme ersamen und wysen man Hilbrant Veckinchusen detur littera. Darunter von H. V. Hand: 1423 jar 23 daghen in september Evert van Meghen.

Vruntlike grote. Wetet vadder, alze ik ju er unboden hebbe, dat ik Hope myn rekenschop al over hebbe gegeven und der betalinge si ik met eme wol ens, wante sey willen kort of dat gelt van my hebben. Vort alze gy my to unboden van olden gelde und van nyen gelde wan wy, oft Got wilt, tosamen kemen, so wil wy dat wol vinden, des werde wy doch der jare ens under uns, darumme lat uns puent vor pont reken met den olderluden, wante 1 ducate gelt do so wol 46 gr. alze sey nu gelt. Ick hope jo, dat uns de gude lude betalinge solen doen na utwysinge der ede, de wy hebben gedaen, darumme wert nicht guet gereppet anders den ℔ vor ℔, wy hebbent doch quat genoch vort alze gy begeren van my Tydeman Brekelvelden bref to hebben. Ik en hebbe anders nicht entfangen den ik em overgegeven hebbe und ik en drank dar nu myn levedage 1 pyntte wins up alz al rekene gy wol 14 ℔ gr. dey gy vortert hebben, ik en wet nicht wert boven[1] Kovelt, de hevet den bref van Tydeman Brekelvelde und van Bertolt Herentroy. Der erste der hey kumt, de bref de sal ju wol werden. Aldus moge gy ju dink met Hope wol reken, der betalinge sy ik met Hope wol ens. Seet gy dat gy juwen bref hebben dar gy en al dink in over hebben geven[1]. Anders en wet ik ju sunderlinx nicht to schriven den dat Got met ju sy. Ik bidde ju vruntliken, dat gy my ongemeyet laten, wante ik hebbe doch moynisse genoch.

Evert van Megen.


363. Sivert Veckinchusen in Lübeck an seinen Bruder Hildebrand Veckinchusen in Brügge. – 1423 Septbr. 21.

Rev. St.-A. Orig. Pap. Adr.: Hyldebrand Veckynchusen Bruge littera detur. Darunter von H. V. Hand: 1423, 6 daghe in ocktober.

Wetet leyve broder, dat wy juewen breyf an myn suster und an my ghescreven op sunte Jullys dach[2] wol vornomen hebben unde myn suster heft nu eyn antworde von Boekel dat hey ghelovet heft vor sunte Mertyns[3] by ju to wesen, woe em Got sunt unde mach leyte, men hey wel eyrst to Munster unde syn dync dar slychten. Dyt heft my myn suster ghebeden ju to scryven.

Item, myn suster dede my nu over 3 dagen 1 cleyn pak unde 1 sueben, deyt wel ic ju in kort senden unde slaen dyt in 1 tunnen. Weret my er worden, ic heddet ju lange ghesant. Item also gy umme myn sone Hyldebrand screven hebben, hey is eyn junge unde wet nicht vele unde ic vruchte hey kunde ju nicht nuette werden, want gy wol merer hulppe unde bystant behoveden

  1. ↑ a b Schwer leserlich.
  2. ↑ 1. Septbr.
  3. ↑ 11. Novbr.
Empfohlene Zitierweise:
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 382. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_382.jpg&oldid=- (Version vom 31.7.2018)
Von „https://de.wikisource.org/w/index.php?title=Seite:Briefwechsel_Hildebrand_Veckinchusen_382.jpg&oldid=3224734“