| Olde Vranksche schilden Olde Keysersche schilden Olde Gentsche schilden Schilden de de grave Johan latest werven dede slaen to Ghend |
van 54 in de Troysche marck sullen loep hebben, dat stick over 4 sl. gr. |
| Inghele von Vlandern Inghele van Brabant |
van 48 in de Troysche marck sullen loep hebben dat stick over 4 sl 7 gr. |
De dobble silverne penninghen latest werven geslagen to Ghend over 8 Inghelsche sullen loep hebben, dat stick over 7 Inghelsche unde de cleyne penninghe unde grote geslagen alse boven sullen loep hebben int avenant.
Item myn vorscreven hern doet slaen goldene helmen van 68 in de Troysche marck, daer aff dat dat stick loep hebben sal over 40 groten.
Item halve goldine helmen, dat stick over 20 gr. unde silverne dobble penninghen dar aff dat de 20 werd zyn eyn van den vorscreven goldinen penninghen unde incte[1] grote unde halve grote unde vierendele van groten unde dobble unde incte[1] verantwordende den silvernen penninghen.
426. Hans Holste (in Riga) an Hildebrand Veckinchusen in Brügge.
- Rev. St.-A. Orig. Adr.: An eynen erbaren man Hylbrant Vockinchuezen te Brucghe hec littera detur.
Vruntlike grote und wes ik ghudes vormach an mynen leven swager Hylbrant. Wetet leve swager, dat unze swager Engelbert Wyte noch meynet to zaken upe Johans Walravens gud, dem God ghenedych zii, van wederlegynge wegen des is zynen broder Dyderyk Walraven zynes broder gud in Vlanderen ghelavett und besegeld, to betalen dat zael Werner Scerer doe betalen upe Andorper marcket und upe lychtmyssen. Unde unze swager hevet my screven, dat ik jue scryven zolde, zo wol dat geld[2] betalen zael. He hevet jue wedder[3] screven, dat gy et[4] dar van zyner wegen vor des kopmans rechte vordere zoken. Hirmede zo beholde jue Got ghesund unde myne moder de grotet zere van myner wegen. Ghescreven upe sunte Jacopes avent.
427. Brief eines Ungenannten an Hildebrand Veckinchusen.
- Rev. St.-A. Orig. Adresse fehlt.
Wijt lief Hilbrant, als ghy wael wyt, dat ic u myn brief versat heb ende ghy wael wyt, dat ic qualic tukoem ende ic dat gelt vur ander lude betalen moet, en hed ich u nyt darvor gelaeft, so en soldu van den anderen gesellen niet gehad hebben, darom so bid ich u vruntlichen, dat ghy my myn brief doet hebben, de ich wael geloest heb, dat ich nyt vorder clagen en darf ende bestelt, dat ich die brief hude des dachs heb, want ich sy to Coellen senden sal.
Wilhelm Stieda (Hrsg.): Briefwechsel Hildebrand Veckinchusen. S. Hirzel, Leipzig 1921, Seite 433. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Briefwechsel_Hildebrand_Veckinchusen_433.jpg&oldid=- (Version vom 31.7.2018)
