vendidimus perpetuo possidendos. Ut autem hec vendicio robur optineat perpetue firmitatis, predictis fratribus in testimonium dari fecimus presentem paginam sigilli nostri
munimine roboratam. Testes huius sunt: Petrus plebanus, Conradus et Otto fratres
filii Thiderici militis de Waldeshere, Heydeko de Osverdesleve, Johannes de Hallis, Genderik sagittarius, famuli, et alii quam plures fide digni.
Datum per manum notarii nostri Werneri, anno Domini millesimo ccco quarto, sabbato proximo post diem Pasche. Nos vero Henricus de Waldeshere, quia proprium sigillum non habemus, sigillo dilecti fratris nostri uti voluimus ista vice.
1304. April 8. Ascharien. Erich von Frose verkauft dem Kloster Michaelstein eine halbe Hufe Landes und einen Hof zu Winningen, die ihm Heino von Winningen aufgelassen.
Ego Ericus famulus dictus de Vrose omnibus in perpetuum. Quia res geste multociens pereunt et negliguntur, nisi testimonio litterarum vel proborum hominum firmius roborentur, igitur per presentem litteram recognosco fidelius et protestor, quod ego cum pleno consensu filiorum et heredum meorum, videlicet Erici et Thiderici, et cum bona voluntate sororis mee Mechtildis proprietatem dimidii mansi iacentis in campis Winninghe et proprietatem unius curie in eadem villa cum attinentiis eorundem, que dominus Heyno miles dictus de Winninghe a me tenuerat in pheodo sed modo simpliciter et plane mihi resignavit, fratri Jordani magistro curie claustralis in dicta villa ad manus venerabilis domini abbatis et fratrum ecclesie gloriose virginis Marie in Lapide sancti Michaelis pro marca et dimidia Stendalensis argenti vendidi pariter et donavi perpetuo possidenda. Ut autem hec mea venditio et donatio firma iugiter maneat et inconvulsa, hanc paginam super huiusmodi venditionem confectam sigilli mei appensione firmiter roboravi. Huius rei festes sunt: dominus Betemannus sacerdos et notarius domini Ottonis1 comitis de Anehalt, dominus Henningus de Monte, dominus Zsander dictus Stumpe milites, Arnoldus de Jersleve famulus, et alii quam plures fide digni. Acta sunt hec in Ascharia, anno Domini mo.ccco.iiijo, vjo Ydus Aprilis, quarta feria proxima post diem beati Ambrosii episcopi.
1304. Mai 6. Zerbst. Burchard von Barby verkauft dem Nonnenkloster zu Zerbst vier Höfe zu Eichholz und schenkt demselben zwei Wispel Roggen ebenda.
In nomine sancte et individue trinitatis amen. Oblivioni locus subtrahitur et labili memorie utili subvencione succurritur, quando res inter mortales acte scripturarum et
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 54. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_054.jpg&oldid=- (Version vom 31.7.2018)
