Seite:DE CDA 3 057.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Otto von Heinemann (Hrsg.): Codex diplomaticus Anhaltinus. Band 3.

curias ecclesie nostre sitas in villa Winninge pro quibusdam curiis eiusdem monasterii sitis in villa Redere titulo commutacionis in idem monasterium transferendo iure proprietatis perpetuo possidendas, nos igitur meliora et utiliora prospicientes reliquimus prefato monasterio curias suas liberas et solutas pro nostris curiis in Winninge quandam pecunie summam recipientes, quam convertimus in reditus nobis utiliores ad vicariam domini Henrici sacerdotis dicti de Heynrode assignatos donando prefato monasterio quatuor curias suprascriptas perpetuo possidendas. In cuius rei evidenciam pleniorem dedimus prescripto monasterio presentem litteram nostris sigillis et subscriptis testibus communitam. Testes huius sunt: dominus Theodericus de Waldale, Johannes de Scakendal, Hinricus magister hospitalis, Henricus de Heynrode, nostre ecclesie sacerdotes. Datum anno Domini millesimo tricentesimo quarto, feria secunda post festum Pentecostes.

Aus dem Original im Landeshauptarchive zu Wolfenbüttel, mit den an Pergamentbändern hängenden Siegeln der Aebtissin (II. Taf. XII. 3) und des Conventes (II. Taf. VII. 2).

84.

1304. Juni 4. Gernrode. Die Aebtissin lrmingard II von Gernrode über die Bewidmung der Marienkapelle und des Altars des h. Kreuzes in der dortigen Stiftskirche seitens des Gernröder Stiftsherrn Heinrich von Polen.

In nomine Domini amen. Nos Ermegardis Dei gratia abbatissa in Gerenrod presentibus duximus publice protestandum, quod de communi consensu totius nostri capituli donavimus et dedimus ad instantiam domini Hinrici capellani et canonici nostri dicti de Pollonia proprietatem curie sue site iuxta coquinam dominarum extra urbem ad capellam beate virginis apud nos in ambitu sitam, idemque noster canonicus, accedente ad hoc tam nostro quam tocius nostri capituli consensu, donavit et dedit eandem curiam suis expensis edificiis emendatam et arearum spatiis ampliatam predicte capelle cum omni iure et proprietate in perpetuum libere possidendam. Et ut plus mereatur apud Deum, dedit etiam idem noster canonicus et donavit curiam, que antea spectabat ad eandem capellam, sitam in monte ad altare sancte crucis cum uno humulario in subsidium misse animarum, que ad illud exnunc iugiter est dicenda, similiter in perpetuum libere possidendam, ita tamen, quod rector eiusdem altaris solvet annis singulis in signum recognitionis fertonem usualem rectori predicte capelle curia de premissa eiusque memoria ad utrumque altare in perpetuum iugiter peragetur. In cuius rei testimonium sigillum nostrum una cum sigillis nostri premissi conventus et domine Gertrudis preposite nostre et domine Berte decane nostre presentibus duximus apponendum. Datum et actum Gerenrod, anno Domini m^o.c^oc^oc^o quarto, vigilia Bonifacii martiris.

Aus dem Original im Haus- und Staatsarchive zu Zerbst: sämmtliche vier Siegel (II. Taf. VII. 2. XII. 3. XIII. 1. u. 2) hängen unverletzt und wohlerhalten an grünseidenen Fäden der Urkunde an.

Empfohlene Zitierweise:
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 57. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_057.jpg&oldid=- (Version vom 31.7.2018)