|
Diverse: Codex diplomaticus Anhaltinus/Band 3 |
|
|
1327. April 1. Fürst Bernhard III von Anhalt entschädigt das Kloster Hecklingen für die Ueberlassung des Dammes und der Mühlenstelle in Gänsefurt durch Verleihung des Patronatsrechtes über die Kirche in Gross-Mühlingen.
In nomine Domini amen. Nos Bernhardus Dei gracia princeps in Anehalt, comes Aschanie dominusque in Bernneburch omnibus in perpetuum. 0 felicem hominem, qui, dum de supernis cogitat et disponit, curatione sui corporis interponit recolens, quod temporalia spiritualibus suffragantur. Sane cum summopere diligamus, ut facta nostra, que religiosis personis et loco inpendimus ob anime nostre remedium et restaurum proprietatum semite et loci in Gansevorde nobis et heredibus nostris appropriatorum omniumque progenitorum nostrorum illustrium principum bone memorie animarum pro salute et pro solacio eterno firma permaneant, ne per continuam revolutionem temporis ab aliquo calumpniam paciantur, in Signum perpetue memorie recognoscimus pupplice protestantes, quod domino Johanni preposito, domine Berchte priorisse totique conventui ac devotissimis in Christo ancillis in Hekelinge divino cultui mancipatis, onere magne paupertatis ac indigencie pregravatis, Dei amore ius patronatus parrochialis ecclesie in Maiori Mülighe de consensu nostrorum heredum dedimus, obtulimus cum omni iure in hüs scriptis et donamus cuiuslibet contradictione quiescente perpetuis temporibus possidendam, ut suam per hoc idem quodammodo sublevantes indigenciam divine laudis contemplacioni indulgere tanto ferventius valeant nostrique memoriam in vita quam in morte iugiter habeant, ut dictarum ancillarum suffragiis adiuti et hic a malis protegi et in futuro in eterna tabernacula mereamur feliciter introduci. Et ut nostra donacio a nobis liberaliter facta robur optineat, firma permaneat et inconvulsa nec oblivionis calligine in posterum valeat obfuscari, ad perpetuam firmitatem sepedictis ancillis Christi ac ipsarum conventui presentes litteras sigilli nostri munimine dedimus roboratas. Testes vero huius donacionis sunt: famosus miles Hermannus de Wederde dominus in Warm- mestorp, strennui viri Henning Quartyr, Hermannus Grudding, Bernhardus de Nyen- burch, Ghevehardus de Spzrone, Hinze Grise milites, Heidenricus Stripan, Hinricus de Roswizt famuli; dominus Cunradus de Conre notarius noster, et alii quam plures fide digni.
Actum et datum anno incarnationis Domini millesimo tricentesimo vicesimo septimo, quarta feria ante Palmas.
Aus dem Original im Haue- und Staatsarchive zu Zerbst, mit dem an einem Pergament- bande anhängenden Reitersiegel des Ausstellers (Taf. I. 2). — Vergl. die Urkk. no. 620 und 621.
Diverse: Codex diplomaticus Anhaltinus/Band 3. Dessau: Emil Barth, 1877, Seite 367. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_367.jpg&oldid=- (Version vom 31.7.2018)
