|
Diverse: Codex diplomaticus Anhaltinus/Band 3 |
|
|
1343. Mai 5. Magdeburg. Erzbischof Otto von Magdeburg und das dortige Domcapitel vertauschen dem Kloster Gottesgnade das Dorf Schwarz gegen das Dorf Wulfen.
In nomine Domini amen. Otto Dei gracia sancte Magdeburgensis ecclesie archi- episcopus, Lodwicus prepositus, Arnoldus decanus totumque capitulum ecclesie eiusdem universis et singulis presentes litteras inspecturis seu audituris salutem in Domino sem- piternam.--Hinc est quod recognoscimus et tenore presencium publice protestamur, quod, cum honorabilis vir Johannes prepositus totusque conventus monasterii in Gratia Dei villam dictam Wulve cum omnibus bonis et pertinenciis ad eandem villam spectan- tibus nomine concambii seu permutationis ac donacionis titulo transtulerint cum omni iure, quo eandem villam et bona dicta dinoscebantur hactenus habuisse, in ecclesiam nostram Magdeburgensem in ius proprium proprietatis tytulo perpetuo possidendam, iure tarnen patronatus ecclesie eiusdem ville sibi et monasterio dicto retento et obser- vato, nos igitur, attendentes, quod ex iuris beneficio quilibet donatarius est suo donatori naturaliter ad anthidota obligatus et quod ecclesia nostra tamquam mater pia dicto monasterio, quod debet tamquam filiam amplexari, in similibus seu maioribus teneatur exhibere largitates, hinc est quod nos dicto monasterio in Gratia Dei pro libertate do- nacionis predicte seu concambii, ut supra expressum est, in recompensam damus pure et simpliciter resignamus villam dictam Swartz sitam prope curiam dicti monasterii versus partem australem cum omni iure et advocacia et omnibus bonis et redditibus seu pertinenciis ad eandem villam spectantibus tarn in villa quam in campis et in omni- bus bonis, que vulgariter vorlegen und unvorlegen appellantur, nichil nobis iuris in eadem villa et suis pertinenciis reservantes. Item nullas angarias seu perangarias ville et bonis predictis inponemus nec precariam seu exactionem vel peticionem, quocumque nomine censeatur, in eisdem faciemus, transferentes dictam villam Swartz cum advocacia et omnibus bonis ac pertinenciis dictis et proprietatem eorundem in predictum mona- sterium in Gratia Dei donacionis titulo in ius proprium proprietatis titulo perpetuo pos- sidenda, sicut nos et nostra ecclesia villam et bona predicta dinoscimur hactenus habuisse. ---Testes huius rei sunt: Lodevicus prepositus, Arnoldus decanus, Hermannus de Wederden prepositus sancti Nicolai in novo foro, Hermannus de Warberge prepositus sancti Sebastiani, Conradus de Indagine camerarius, Bruno de Querforde prepositus in Bevera, Friedericus de Plötzke, Volradus de Hessem prepositus in Angaria archidiaconus in Calvis, Hylmarus de Wederden, Lodwicus plebanus in Luden, Gumbertus de Wants- leve, Gerlacus cantor et vicedominus, Bernhardus de Meynersen prepositus in Nigen- borch officialis curie Magdeburgensis, Rodolfus de Welsleve, canonici ecclesie nostre, magister Giselerus notarins domini Magdeburgensis; item Hinricus de Arcksleve, Wer- nerus de Anvorde, Gerhardus de Wederden, Ylmarus de Covsvelt, Henningus de Stenvorde, Johannes marscalcus milites, Hinricus de Heymborch capitaneus domini Magdeburgensis, Bertramus de Saltwedel famuli; Conradus de Germersleve, Gherman de Haresdorp cives in Magdeburg, et quam plures alii clerici et laici fide digni. Datum et actum Magdeburg, anno Domini m°.ccc°.xl0 tercio, tercio Nonas Maii, sexto- decimo anno nostri pontificatus.
Aus einer älteren auscultierten Copie (». XV) im Staatsarchive zu Magdeburg.
Diverse: Codex diplomaticus Anhaltinus/Band 3. Dessay: Emil Barth, 1877, Seite 535. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_535.jpg&oldid=- (Version vom 31.7.2018)
