Seite:De Zimmerische Chronik 4 220.jpg

	Froben Christoph von Zimmern: Zimmerische Chronik. Band IV. Herausgegeben von Karl August Barack.

Das ir mich ganz verschmecht.
Wann ir euch recht bedecht,
Es wer euch selber laid;

Dann wer ich ain wilder Haid^[1],

5

Ir sollt euch mein erbarmen!

Was zeicht ir mich armen,
Das ir mich schelten so hart?
Ain bruder in aim bart

Der trueg nie hertern^[2] orden,

10

Der ie münch^[3] ist worden,

Als ich umb ewern willen thuo.«
      Sie sprach: »Gesell, sag an, wie,
Bistu gangen zu schul!

Du fiegtest wol uf ain bredigstul,

15

Zu verkinden die hailigen tag^[4].

Deinsgleichen ich nit sag,
Der gelerter sy in loica^[5];
Uß nain so machstu ja,

Als dann iez gewonhait ist.

20

Dieweil du aber ain so hüpsches Jäcklin bist,

So soll kain muter an irem kind,
Es sei gleich lam oder blind,
Verzweifeln oder verzagen.

Ich hab dahaimen ain sewmagen,

25

Der freut mich baß, dann du;

Da will ich mein nachpurn zuo
Uf dise fassnacht laden.
Versumpstu dich, so hab den schaden!

Nach dir will ich nit schicken.« 

30

      Ich erschrack von ganzem herzen mein,

Das mir die creften wollten entgangen sein.
Und mich selbs nit mer erkannt,
Da sie mich also anzannt.

Ich schlug mein augen nider

35

Und besan mich hin und wider.

Do ich nit wusst weder trum noch endt,
Gedacht ich: Frischlich angerennt
Ist wol halber gefochten.

Wiewol meine wort nit tochten,

40

Sie waren ir unangenem;

Und glaub, so der Endcrist kem,
Im würd nit ain haselnus.
Also muß ich mein sind büeßen!

Wann sie mich nit frindtlicher will grüeßen,

45

Dann sie noch thut,

---

1. Haid] vgl. Die Klage, herausgeg. von Holtzmann, v. 894—895.
2. hertern] hs. herten.
3. münch] so wohl, hs. mentsch.
4. verkinden die hailigen tag] s. Leo's von Rozmital Reise s. 181, z. 22 v. o.
5. loica] d. i. logica, nicht loiola, Loyola, wie Ruckgaber gelesen; s. Hätzlerin, Liederbuch II, 72, 160 und 216.

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 220. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_220.jpg&oldid=- (Version vom 12.4.2018)