Seite:De Zimmerische Chronik 4 245.jpg

	Froben Christoph von Zimmern: Zimmerische Chronik. Band IV. Herausgegeben von Karl August Barack.

Von rindtflaisch gar ain merklich zal,
Auch schweine seiten brait und schmal.
Zwelf tunen wildtpret in dem salz,

Da was ain große suma schmalz,

5

Und was man bruchet übers jar,

Dess lag bei ainanderen gar.
Der koch gieng dört, dess nam ich acht,
Die cost hett im ain bauch gemacht,

Als ob er mit aim kinde gieng.

10

In freiharts wis er mich empfieng.

Ain kanten satzt er an den mundt,
Die ich kum ufgeheben kund;
Sie hielt ain fiertel oder mer.

Er sprach zu mir: »Lieber domine,

15

Ein guten trank den bring ich euch!«

Er thet ain solchen großen schluck
Das man gar nach den boden sach.
In rechtem schimpf ich zu im sprach:

»Das ist fürwar ain gaistlich sinn!

20

Ain stork gugget mir lieber drin,

Dann du mit deinem schnabel kurz.«
Er wand sich umb und ließ ain furz
Und sprach zu mir: »Alde! alde!

Demoiselle Raron c'en est^[1].

25

Intelligis^[2] hoc, mein lieber geck?«

Mit dem fürt mich der knecht hinwegk
Hin in den sal zu aubendtanz.
Ain jungkfraw schen gab mir ain kranz

Und bate mich, das ich freulich wer.

30

Ich sprach: »Zart fraw, uf all mein er,

Hie ewer orden mir gefellt
Und mich zu freuden genzlich stellt.
Dis closter ist so reich und frei,

Ich main, das kains uf erden sei,

35

Das disem kinde gelichen sei.«

Sie sprach: »Glaubstu das sicherlich,
So bist daran nit ganz ain thor.« 
Zu hand der keller trat herfor,

Ain zwehel strackt er über tisch

40

Und satzt darauf ain schlafftrunk frisch,

Confect und ander tresanei,
Gebraten bürn warn darbei,
Mit ainem zucker wol gespret.

Und als der han die nacht zu kregt^[3],

45

Die herrschaft schnelleclich ufbrach^[4],

Ie zwai die suchen ir gemach.
Dessgleichen thet auch ir gesind,
Sie namendt sich mit armen gschwindt,

---

1. Demoiselle Raron c'en est] conjectur für: dy am as öl Raron zane.
2. Intelligis] hs. Intellgis.
3. kregt] hs. kriegt.
4. ufbrach] hs. ufbracht.

Empfohlene Zitierweise:
Froben Christoph von Zimmern: Zimmerische Chronik. Band IV. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1882, Seite 245. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_4_245.jpg&oldid=- (Version vom 12.4.2018)