Seite:Hugo Martina 1856 0431.png

	Hugo von Langenstein: Martina

Bi dinen hulden romscher vogt

Div veigiv schande kan gezogt

In den kerker mit gehe

10

Als ir ie leit geschehe

Ich wande si were ertœtit

So vil waz si genœtit

Ich han gar erfullit hie

Dez ich din gebot enpfie

15

Keiser aller tugende stan

Nv horit dich daz wol an

Daz dv selbe nv gedenkest

Wie dv die tumben krenkest

Do sprach der helle reiser

20

Alexander der keiser

Wafen wie ist du bœse

Unholde so rehte lœse

So veste an ir gelovben

Daz si von dem tovben

25

Nieman kan bringen

Mit dekeinen dingen

Si kan zovbirs so gar vil

Da mitte si vns wil

171b,29

Alle stunde toren

30

Wil si dez niht horen

So svn wir si vil schiere

Mit einem grimmen tiere

Heizen gar zerzvcken

Zevil deinen stucken

35

Daz si als ir wol gezeme

Ein schantliches ende neme

Zvo der rede do gesweic

Iustinus vnde neic

Dem keiser vnde gerte

40

Urlobis dez er in werte

Morgen fruo do rihte

Sin buoben die bosen wihte

Iustinus der vil mere

Hin zvo dem kerkere

45

Von zorne begonder hœnen

Und sprach zvo der schœnen

Der keiser riche het gebotten

Daz dv werden gotten

Din opfir bringest balde

50

Vnd dine menicvalde

Zoberere lazest hin

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 431. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0431.png&oldid=- (Version vom 18.8.2016)