Seite:Hugo Martina 1856 0613.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Dvr miete niht geneiget
Noch dur liebe gesweiget

65
Daz minnet got der werde

In himel vnd vf erde
Den engeln Dominationibus
Svn wir gelich wesen sus
Daz wir daz fleisch widerspænic

70
Hie dem geiste vndertênic

Gewalteclichen machen
Doch mit bescheiden sachen
Daz geile fleisch in banden han
Doch niht gar verderben lan

75
Der lere ist vns doch niht not

Wan wir furhten dez libes tot
Und sin im gelovbic wol
Da von vns nieman leren sol
Principatus der engel diet

80
Div vns ie daz beste riet

Svn wir gelichen horent wie
Allen vnsern obern hie
Bieten ere vnde zvht
Daz ist mengem als ein zuht

243d,85
Wir svn sin gehorsame

Ane hofart sunder schame
Daz siv vns heizen ane müegen
Und wirs mit willen tüegen
Wir mun vns och geliche wol

90
Dem engeln aller tugende vol

Potestatibus dem starken her
So daz wir vns mit steter wer
Gen den tieviln setzen
Die vns hie wellent letzen

95
Mit bekorunge menicvalt

Und mit ir truge vngezalt
Den svn wir zallen ziten
Mit kanpfe wider striten
Den geist niht lan verderben

100
Vnd hohen Ion erwerben

Dar an svn wir mit crefte
Uirtutibus der engelschefte
Gelichen vns mit listen
Daz wir den eben cristen

105
Mit erberme wesen bi

Vnd aller beswerde lazen fri
Darzvo guotlichen pflegen

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 613. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0613.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0613.png&oldid=2892228“