Dvr miete niht geneiget
Noch dur liebe gesweiget
In himel vnd vf erde
Den engeln Dominationibus
Svn wir gelich wesen sus
Daz wir daz fleisch widerspænic
Gewalteclichen machen
Doch mit bescheiden sachen
Daz geile fleisch in banden han
Doch niht gar verderben lan
Wan wir furhten dez libes tot
Und sin im gelovbic wol
Da von vns nieman leren sol
Principatus der engel diet
Svn wir gelichen horent wie
Allen vnsern obern hie
Bieten ere vnde zvht
Daz ist mengem als ein zuht
Ane hofart sunder schame
Daz siv vns heizen ane müegen
Und wirs mit willen tüegen
Wir mun vns och geliche wol
Potestatibus dem starken her
So daz wir vns mit steter wer
Gen den tieviln setzen
Die vns hie wellent letzen
Und mit ir truge vngezalt
Den svn wir zallen ziten
Mit kanpfe wider striten
Den geist niht lan verderben
Dar an svn wir mit crefte
Uirtutibus der engelschefte
Gelichen vns mit listen
Daz wir den eben cristen
Vnd aller beswerde lazen fri
Darzvo guotlichen pflegen
Hugo von Langenstein: Martina. Hg. von Adelbert von Keller. Stuttgart 1856, Seite 613. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0613.png&oldid=- (Version vom 18.8.2016)