Seite:Hugo Martina 1856 0639.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Wan alle zvngen vber al
Lobent in enwider strit
Ane mvge alle zil

105
Ir lob daz hillet iemer

Noch werdent mvede niemer
Diz lob ist iemer me bereit
Der grundelosen wisheit
Div groze wisheit so hie pflac

110
Kvnic salomon vil mengen tac

Uor allen menschen vz gelesen
Div vor im ic wan gewesen

254,1
Dv were ein schinpf vnd ein spot

Zehimelrich da vor got
Daz munt ir merken daran
Er kvnde niht gemachet han

5
Ein grase blat noch ein lovb

Da von was ir wisheit tovb
Wan div wahzint dur daz iar
Ane zal vil offenbar
Sin svn der schone absalon

10
Der an clarheit die cron

Truoc vor allen vz erkorn
Die vor im e wan geborn
Daz were ein vngestaller gvse
In der liehten himelschen cluse

15
Sin schoni waer mit vrdrvtze

Gar ein vngehurer butze
Und merkent an der sunnen daz
Div im doch vngelich was
Div doch schoner siben stunt

20
Wirt als ich e machte kvnt

Die selben schonheit sibenvalt
Git got den sinen mit gewalt
Die im zehimel sint gezalt
In der suozen minne balt

25
Azahelis groziv snellekeit

Uon der vns vil ist geseit
Div schrift in gelichet schiere
Einem wilden snellen tiere

254b,29
Sin snelheit was so groz
30
Daz sit noch e sin genoz

Geborn wart von menschen kint
Div snelheit alsam ein wint
In dem himelriche wege

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 639. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0639.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0639.png&oldid=2892237“