Seite:Hugo Martina 1856 0645.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Als ich iv han bewiset

35
Daz was als ein brawen slac

Niht baz ichz gelichen mac
Wan siv sint verswunden
In einer halben stunden
Und gar ze niute worden

40
Nach der welte krankem orden

Gein dem daz iemer sol
Wesen darzvo frovden vol
Als sant augus bezivget
Dez munt niht enluget

45
Daz ist div himelsche stat

Div steter frovden ist so sat
Kein dinc ist vz wendic ir
Dez man da inne het begir
Och hant die liebin geste

50
In der halb der hohen veste

Niht dez ieman da verdrieze
Vngerne man da inne lieze
Dekein sache smehe
Die ieman vngerne sehe

55
Da ist niht daz ieman schade

Ald kein kvmber vf si lade

256c,57
In dem blugenden forest

Ist dekeiner slaht gebrest
Wan swez man alda begert

60
Dez ist man tusentvalt gewert

Kein frovde fluzit och dar in
Wan ir mac niht me gesin
Elliv frode ist beslozzen
In der stat gar vnverdrozzen

65
Und heizit der frode ein huz

Kein frovde fluzit och dar vz
Wan ez mac nieman frovde han
Wan der da inne sol bestan
In der stat ist gesamenot

70
Elliv frovde von gotes gebot

Und ist zesamen da gelesen
Dez mac ir niht me gewesen
Da von so koset och alsus
Mit sinem veleische augustius

75
An dem buoche da er seit

Von sele vnd libes armekeit
Wie iemerlich ir lebin ist
Uf diser erde alle frist

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 645. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0645.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0645.png&oldid=2888498“