Seite:Hugo Martina 1856 0718.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Sines liebis vattern hulde
50
Die vns adames schulde
Vnd even hatten erworben
Mit den wir waren verdorben
Daz hat crist crist versuonet
Die alten minne ergruonet
55
Div im menschelichen bot
Dvr vns den scharpfen tot
285c,57
Da von div erde erbibende
Diz alter heizit daz sibende
In dem wir nv alle worgen
60
Beidiv abint vnd morgen
Daz da her gezellet ist
Uon der geburte ihesu crist
Kein zit furbaz wirt benant
Wan der niht endis ist erkant
65
Die och got selbe steten wil
An ende vnd ane zil
Dur frovde den friunden sin
Den vbilen vf steten pin
Nv beginnet div welt alten
70
Und an der minne kalten
Dez muoz ir sende aber trost
Crist der si dicke hat erlost
Man siht si sere swachen
An so mengen sachen
75
Nv sunt ir rehte merken
Wie si aber wil sterken
Got mit einem liehte clare
Minneclich vnd offenbare
Daz dur die vinster glestet
80
Und aldie welt hie gestet
Sam der sunnen liehte blicke
Dvr die truoben wolken dicke
Mit gewalte brechint
Vnd vns zetroste stechint
285d,85
Vf die erde hie zestiure
Aller lebinden creatiure
Div sich ir liehtes frowet
Der e was vil gedrowet
Uon der vil truben naht
90
Mit der si was bedaht
Dirre wolkenloser prehin
Der volleclich nie wart gesehin
Noch den wir reht erkanden
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 718. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0718.png&oldid=- (Version vom 17.8.2016)
Von „https://de.wikisource.org/w/index.php?title=Seite:Hugo_Martina_1856_0718.png&oldid=2880082“