Seite:Hugo Martina 1856 0734.png

	Hugo von Langenstein: Martina

An gottes dienste machet blint

95

Und in dez himelriches stec

Abwirfet vnd der selden wec

Noch von der welte aventiure

Div mit süntlicher stiure

Den liuten kvrzwile git

100

Ez ist der welte widerstrit

Der tumbe intumbem wane

Gelicher wol dem mane

Wan der wahzit vnd swinet

Sin lieht mit vnstete schinet

105

Svz wirt och niemer steter

Div welt in liehter wete

Wan si git nv liep nv leit

Ir frovde scharpfes ende treit

Diz buoch ist von marter

110

Die sante Martinun lip zarter

In der gotes minne enpfienc

Wunder got mit ir begienc

292,1

Mir ist fur war gesaget

Daz div selbe reiniv maget

Wol zwenzic marter enpfie

Der ich niht wan einlof hie

5

Getihtet han zerime

Mit kranker kvnste lime

Noch so sint ir nivne

Mit warheit ane geriune

Daz seiten mir zetiute

10

Guote geistlich liute

Die ez geschriben lasen

Mit warheit ane masen

Die het ich getihtet gerne

Wan si ist ein liehter sterne

15

Aller werden gotes marterere

Daz sol nieman wesen swere

Wan ich han marter sit noch e

Uon keinem heiligen gelesen me

Diz buochelin vnd diz getiht

20

Ergie von miner kvnste niht

Wan stuonde gottes ich daran

Daz ich doch niht sprechin kan

Daz were mit vf ivwern fromen

Von sant Martinun komen

25

Mit vrlobe ich ein rede tuon

Der ez fur einen œden ruon

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 734. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0734.png&oldid=- (Version vom 18.8.2016)