Also synt die selve geschickde heren, mit veel arbeit ind versoekens, mit dem vurschreven Peter van dem Blaisbalge oeverkomen ind eyns worden ind haint yem dat vurschreven erve affgegoulden in urber unser heren ind yrre steide, as vur viC. r. gulden, dry mark ind vunf schillinge vur yekligen gulden gerechent, zo bezalen half sent Remeys missen neest komende, ind die ander helfte zo paischen darna neest volgende, ind darvur haint die vurschreven dry geloift ind gesprochen, ind unse heren vamme raide haint sy vort davan geloift schadelos zo halden. Verdragen ind geslossen up unser vrauwen avent assumptio anno xxxix.
Kunt sy, dat Peter zome Blaisbalge ind Druytgin, syn elige wyf, yere zwey halfscheit van eicht kyntzdeil as van zeyn kyntzdeilen der smitten, gelegen up der Smitgassen orde zo deme Malsbuchel wert, alreneiste deme groissen huyse Gurtzenich, as die smit aldae lygt mit yre hofstat, dae nu eyn nuwe huyss upsteit, bis an die sytmoere des vurschreven huys Gurtzenich by der straissen ind bis hynden schiessende up die kuchen des vurschreven huys Gurtzenich ind van der selver smitten up deme orde by der selver Smitgassen bis an die steynen keymenade des vurschreven huyss Gurtzenich in die vurgenante gasse ussgainde mit den wonyngen tuschen der vurschreven smitten ind kemenaden by der Smitgassen up die vurgenante hoefstat gebuwt mit der heimlicher kameren up der vurschreven hofstat gelegen … vort yre dirdeil zweyer kintzdeile, wilche zwey kintzdeile maichent zwey zeyndeile alle der vurschreven erve … vort yere halfscheit van seeszeyne gulden erflichs zins, die man jairs gilt van allen den selven erven … gegeven ind erlaissen haint den eirwirdigen vursichtigen unsen heren vamme raede der heliger stede Coelne … Datum anno domini mccccxxxix, die xiiii mensis novembris[1].
Wir Heynrich Hardfuyst, scheffen zo Coelne, ind Gumprecht, syn elige son, doyn kunt allen, den dis brief vurkomende wirt: Als die eirsamen wyse heren burgermeistere ind rait der steide Coelne yetzont eynen buw zo nutze ind urber yrre stat boyven muyren bestaynden haynt ind bynnen begriffe desselven buwes eyn begynen convent lyget, des yn zo dem buwe noit is, wilchs conventz wir Heynrich ind Gumprecht oeversten ind erven syn, so bekennen wir Heynrich ind Gumprecht vurgenant vur uns ind unse erven, dat wir myt den selven heren burgermeisteren ind raide der steide Coelnen eynen wessel ind kuyt angegangen hayn in maissen hirnae geschreven, as dat wir den egenanten heren dat selve convent, as dat bynnen synen muyren ind dache steyt, vrij los ind van allen zinsen of ungelde unbesweirt overgeven ind gelevert, ind yn zo nutze ind urber yrre steide vurgenant des verzegen ind davan reichte werschaf zo ewigen dagen, as erfsreicht zo Collen is, zo doyn geloift hayn, ind overtmitz desen brief overgeven, leveren, verzyen
- ↑ Ennen (Gesch. der Stadt Köln III, S. 1007) lässt „die Eheleute Peter und Druytgen von dem Blasbalge im November 1440 dem Rathe ihr Achtzehntel und ein Drittel zweier Zehntel“ der Schmiede verkaufen.
Johann Jakob Merlo: Haus Gürzenich zu Köln, sein Saal und dessen Feste. Selbstverlag des Verfassers, Köln 1885, Seite 76. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Merlo_-_Haus_G%C3%BCrzenich_zu_K%C3%B6ln_-_76.jpg&oldid=- (Version vom 1.8.2018)
