| — 24 — |
Wie got sein sun tzu vns welt senden.
So bald das worth recht warth vernumen,
Durch den heyligen geist aussgossen
In den leib Marie verschlossen.
Zu bethlahem hat sie geboren
Ein frucht ob allen creaturen,
Das hoechste gut ist noch feil,
Die heyllige muter hie vnd dorth,
Junckfrow Rein fur vnd nach der geburth.
So bald die treyg Kuning wurden gwar,
Der ein Kuning der Juden solt sein,
Den sie fundent durch des sternen schein,
Von Jerusalem dethen reithen,
Lenger woltent sie da nit beyten,
Das kindlin inen ausserkoren.
Vm Ein vr rithens von dan gar schon,
Der leuchtent stern wolt sie nit verlon.
Fur Bethlahem leytet es von dannen,
Jer kuncklich cleydung leytens an
Gar schon Erleucht von Edlem gestain,
Von silber berlin vnd rhotem gold:
Der edlen frucht warenth sie hold.
Daran Maria geboren hath.
Ein creatur den schopfer gebar:
Das vnmuglich aller engel schar.
Got hat die muter auss erkoren,
Vor bethlahem in eyr alten scheur,
Darin was weder liecht noch feur,
Da was ein ochsslin vnd eselin
Bey einem hart steinin cripelin.
Da Maria ier kind angebeth;
Mit frouden sie den herren erkenth,
Im hew verwickelt bis an sein henth.
des noment die Kunig ebwen war
Auf iere knie fielentz behend,
dethent dem kindlein gross reuerentz;
