worden / welches Cappellichen noch bey Mannes Gedencken gestanden / vnd durch den Bischoff von Meissen Johan von Maltitz aus diesem Hause desolirt worden / dann damals allbereit der Aberglaub in Abfall kommen. Andere wollen à Fundatore vnd Dippoldo von Maltitz den Namen hero deriviren, so verisimilius.
ISt der alten Heuser eins / vnd jederzeit der Fürsten von Sachsen Hofflager / vnd zuförderst derer so zu regieren angefangen / inmassen Hertzog Heinrich von Sachsen bey Leben seines Brudern Hertzog Georgen mit solchem Ampt vnd Freyberg / dann Churfürst Augustus anfenglichen auch mit solchem vnd dem Ampt Weisenfels bey Churfürst Moritzen Zeiten sich benügen lassen müssen / Hat den Namen von der Höhe / vnd daß es fast die Wolcken erreichen solle / Ist aber allerding nicht so vbermennigter Höhe vnnd zimlichen wol erbawet.
ISt auch der alten Heuser eins vnd hiezuuorn derer von Vitzdomb Erbschlos / hernacher derer von Harras / so es lange Jahr besessen / gewesen seyn / Als aber Eustachius der letzte dieses Geschlechts ohne Erben mit Tode abgangen / ist es an die Fürsten von Sachsen gefallen / die es jetziger Zeit vor sich vnd als ein sonders Ampt gebrauchen / darunter dann das Stifft Ebersdorff gehörig / in welcher Kirchen der beyder abgeführten Fürsten von Sachsen Ernesti vnd Alberti von dem Schlos Altenburg / Kleidunge von schlechter Art vnd allerhand Farben auffgehengt zu sehen.
Lorenz Peckenstein: Theatri Saxonici Ander Theil. Henning Grossen, Jena 1608, Seite 15. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Theatri_Saxonici_Ander_Theil_16.jpg&oldid=- (Version vom 1.8.2018)
