Benutzer:Jonas kork/MartinaP1

[1] DIZ IST SANCTE MARTINVN BVOCH EINER MÄGEDE
VON ROME DIV EINLIF MARTER ERLITTEN HAT.

1,1

SWie lüzil ich der fuoge han

So wil min herze niht abe gestan

Ez welle minen tumben sin

Uf verlust ald uf gewin

5

Wisen sundir minen dank

Swie daz ich si an witzen crank

Und ovch so lüzil kvnste pfleg

So wil ich vf trostis weg

Mit der gedinge stepphin

10

Mit zvoversihte schepphin

Kvnst der ich niht selbe han

Vnd von nature der ir lan

Dez ich von warheit wol enthebe

Da von ich kvnsteloser hebe

15

Ein swere burde

Div lihte harnach wurde

Mit so wol geringet

Dez doch min herze dinget

Daz ich si lihte wol getrage

20

Mit gotis helfe als iv sage

Ich tihte niht dur œden rvon

Swie ich doch œdeclichen tuon

1b,23

Ich tihte dur willen einer megde

Div dirre welte geiegde

25

Unerdrozzin hat geiagt

Daz man von ir wirde sagt

In himil vnd vf erde

Da ist ir name so werde

Geschriben an daz lebinde bvoch

30

Da von so sol si habin ruoch

[2]

Min und menges armen

Vnd vbir vns erbarmen

Daz wir iht erwarmen

Under dez tiefils armen

35

Nv tuo vf herre minen munt

Die zvnge mache mir gesvnt

Zereden dez ich niht wol kan

Vnd doch zesprechin willen han

Der den hohin wissagen

40

Siner sprache hiez gedagen

Den reinen zacharias

Daz er niht wol gelovbic was

Der vil hohin botschaft

Und der gotlichin craft

45

Div im von gabrielis munt

Dur vnsir heil was worden kvnt

Von sinem svn Johannes

Daz doch hohirs mannis

1c,49

Uon wibis libe nie wart geborn

50

Ein vor lovfer was erkorn

Der selbe ihesu christo

Daz lazin wir nv wesin so

Herre la mich erwachin

Mir dir la minen rachin

55

Zesprechin sunder ruomen

Entsliuze minen guomen

Der dez esils munt entsloz

Dar vz menschlich stimme floz

Dez wissagen Balaam

60

Der dur valschir miete kram

Uerfluechin wolde din eigen liute

Herre vatir sende hiute

Dur dinir tugende volleist

Mir den werden trost geist

65

Den dv dinen ivngeren

Santost die wol hungeren

Mohte nach der genade din

Daz siv darnach wol tatin schin

Wan in was alliv sprache kvnt

70

Und machiten siechen vil gesvnt

An sele vnd ovch an libe

An mannen vnd an wibe

Hilfe herre daz ich belibe

An fride vnd ich geschribe

[3]

75

Ein teil diner wunder

Div dv hie vor besunder

1d,77

Worhtest indiner gotheit

Div sint zetief vnd zebreit

Und menschin sin zelasse

80

Wie dv vz der ersten masze

Div da heizit yle

Da inne solche wile

Div erde lac von gotis sin

Under den elementen drin

85

Als si mit nebil wer bedaht

Vnd lac alda gar ane maht

Und beit alda vntz vf div zil

Daz got siner wunder spil

Begienc mit den element

90

Div er berihte mit ir rent

Vnd siv do von ein ander schiet

Als im sin hohiv wisheit riet

Darzvo daz wit abgründe

Daz mit dez wazzirs vnde

95

Erfullit wart vnd menic hol

Dar vz so flivzit ane zol

Uns vil menic brvnne clar

Der sueze clinget dur daz iar

Vnd menic herze erfrovwet

100

Dez frovde wart gestrovwet

Und och die erde fiuhtet

Erglentzit vnd dur livhtit

Wirt menic lihtiv heide

Mit mengem vnderscheide

2,1

Die wir nv sehin beide

Infrovde vnd ovch inleide

Nv was der mensche werde

Gemachit vf der erde

5

Daz er da solte mit genuht

Niezin da die süezin fruht

Daz er dem herrin sunder wanc

Seit lob vnd iemer danc

Dez craft er vf der erde sach

10

Vnd an dem himellichim tach

Daz er mit mengem wunder

Gezierit hat besunder

Da stat div lihte sunne

Diu menic berndiv wunne

[4]

15

Dez tagiz git der tumben welt

Diu vil crankis wider gelt

Git dem hohin herrin

Daz mac ir wol gewerrin

Inzierit ovch der mane

20

Wir müezen liehtis ane

Dez nahtis iemir mere sin

Wan daz vns luhtet ie sin schin

Man sihtin schone schinin

Wahzin vnde swinin

25

Als im von gote geordint ist

Wer mac so mengen spehin list

Erschriben vnd erlernen

Als er mit den sternen

2b,29

Gewundert an dem himil hat

30

Die er so wehzillichin lat

Lovfinde vmbe swenkin

Wer mohte daz bedenkin

Und der planeten sunder ganc

Wan etteslichis lovf ist lanc

35

Ee er begrife den vrsprvnc

Sost menic alt vnd daz zvo iunc

Uon dirre welt gescheiden

Zefrovden alzeleiden

Er hat gezierit ovch den luft

40

Dur sinen gotlichin guft

Mit mengem vogil sunderlich

Genatiuret wunderlich

Daz siv ir schepher schone loben

Vf erde vnd in den luften obin

45

Als man vil dicke hœrit

Ir sanc vns truren stœrit

Er hat div wazzir vnd daz mer

Gezierit mit mengem sunder her

Daz in dem wazzir fliuzit

50

Dez och der mensche genivzit

Und dicke har genozin hat

Er hat vns mengen sunder rat

In dem wazzir gefüeget

Daz sin milte rüeget

55

Wan div grostu creatiur

Die got in lebinder natiur

2c,57

Ie geschuof daz ist der visch

Der in dem wilden mer so frisch

Frolich fluzit vnde vert

[5]

60

Und nivzit daz im ist beschert

So wont ovch uf der erde bort

In mengwis an mengem ort

Menic tier so wunderlich

Dem vnsir herre sunderlich

65

Sin natur hat gegebin

An der geschephede vnd an dem lebin

Diz allis hat dem menschen got

In sin gewalt vnd sin gebot

Gegebin vnd in zeinem voget

70

Dar vbir gesat swie dic erbroget

Gein im der kranke stovp

Der vil lihtir danne ein lovp

Gen sinen hohin creftin wiget

Und doch so hohir richeit pfliget

75

Daz er sich gein im hiuzit

Vnd dicke torlich striuzit

Gein sinem herren sinen kamp

Als gein dem wolve tuot ein lamp

Und von im selbin niht en mac

80

Gelebin ein halbin tac

Der vil armer horsac

Er muoz verbern den wider slac

Dv dirre rede si genuoc

Und grifin an daz mære kluoc

2d,85

Wie ein krankis frovwelin

Dirre welte valschin schin

Und ir gezierde vbir want

Vnd gotis vient tet geschant

Mit gotis minne wafen

90

Man horte sich wislich strafen

Mit rede dez tiefils kempfen

Die sach man sere stempfen

Mit valsche gein ir menic lvge

Und menic mortlich truge

95

Daz ahte si do cleine

Wan ir edil herze reine

Gevestit was mit gotis segen

Da von so kvnde niht gewegen

Gein ir dez tiefils kvndekeit

100

Swie vil er des gein ir wart geleit

Maria kvneginne her

Din lob ist witir vnde mer

Danne alle zvngen geahten

[6]

Kvnnen vnd betrahten

105

Och wiget din hohe minne

Fur allir menschen sinne

Du hast vor mengen stunden

Die grozin genade funden

Die vnsir vordirn verlurn

110

Dv si zerat gebin kvrn

Der daz boste im selbin riet

Daz in von himilriche schiet

3,1

Hin in daz abgründe

Ein vatir allir sünde

Ist er vnd och ein ane vanc

Div kvrtzwil ist biim lanc

5

Daz hastv frowe erwendit

Dur dich ist er gebendit

Da sin gewalt ein ende hat

nv gip mir frovwe dinen rat

Und hilf mir erkirnen

10

Daz lob diner dirnen

Vnd diner himilschen gespiln

Daz hilf mir an ein ende ziln

Nach ir wirde vnd miner ger

Und mich din güete dez gewer

15

Martina frowe romschiv magt

In himil vnd in erde tagt

Din lob nach gotis eren

Daz wolt ich gerne merin

Mit vil guotim willen

20

Nv ruoch an mir gestillen

Dez libis vnd der sele strit

Der groz geginherti git

Wan der lip der zivhit nider

Alliz zvo der erde nider

25

Dar vz er ovch gemachit ist

So strebt div sele zallir frist

Zvo der himelschen hierusalem

Do menic guldin Dyadem

3b,29

Gotis kenphin ist bereit

30

Lieht als div sunne och richez cleit

Daz hilf och mir erwerben

Und la mich niht verderbin

Sit vnsir lebin ist ein strit

Als iob der guote vrkvnde git

35

Dur diner martyr ere

Der was vil vnd mere

[7]

Den ich von frowen ie gelas

Daz sprich ich an ir allir haz

Ane gotis muotir

40

Die hater svn vil guotir

In hohir vollekominheit

Fur allir creatur geleit

In sin gotlich bilde

Daz in div magt milde

45

Iemir fur vns armen bitte

Lieplich nach muoterlichem sitte

Nv lazen diese rede stan

Ich wil abir furbaz gan

Vnd mich vf die hystorie lan

50

Die ich da her gemeinet han.

Do allir kvnge herre

Uil hohir vnde merre

Danne allir sin erdenkin kan

Hie von geschuof den ersten man

55

Nach sin selbis bilde

Der wise vnd och der milde

3c,57

Daz er daz riche beseze

Daz der vngemeze

Uerlor dur sine sunde

60

Der in daz groz abgrunde

Da fur ist gehuset

Da ist der schalch vercluset

Uor got ist sin gehugde tot

Im ist gewegen daz rehte lot

65

Dez moht er niht vermiden

Er müese den menschen niden

Und bot im also dicke

Sines ratis stricke

Vntz er daz hoh gebot zerbrach

70

Daz got so lange wile rach

An sinem knehte adamen

Und sit an sinem samen

Den gap er in der vient gewalt

Der wart an im so menicvalt

75

Vnd treip mit im sin govgil spil

Und sinen schimpf vntz uf daz zil

Daz got mit siner güete

In siner tugende blüete

Der menschen erbermeclich ansach

80

Der sin gebot dur rat zerbrach

[8]

So was er doch sin hant getat

Den er gemachit selbir hat

Und sant alher den himel hort

Daz was sin vaterlich wort

3d,85

Zuo einir megde reine

Die er erwelte alleine

Uon frier muot gelüste

E er daz ert geruste

Geschuof vnd ovch der himel selen

90

Vnd swaz man wunders mac gezelen

Der sant er hohe botschaft

Uon siner gotlichin craft

Bi dem engil gabriel

Daz ir lib vnd ovch ir sel

95

Uon der rede betrubet wart

Daz schuof ir kivsche vnd ovch ir art

Der bote sprach niht furhte dir

Div hast nach dinis herzin gir

Bi gote genade funden

100

Dv solt in kvrtzin stunden

Gebern dez hohstin kvnges kint

Dez elliv rich fur eigen sint

Und doch bi der geburte din

Nach als vor ein maget sin

105

Dez wart div eine gehorsam

Von der got an sich do nam

Des er niht e gewesin was

Der megde wamme was sin vaz

Und beleip doch iemer mere sit

110

Daz er e was an allen strit

Vnd tet hie sines vatir wort

Den liuten kvnt in menic ort

4,1

Als er ez von dem vater las

Wie ein anegenge was

Uon dem der doch niht anevanc

Alhie gewan noch anevanc

5

Vnd stat in siner hende

Anevanc vnd ende

Und ist an ende vnd an drvm

In secula seculorum

Vnd kan siv beide machin

10

Uon disen hohin sachin

Seit er der diet vnd der iuden

Do volgeten siv dem helle rüden

Der riet in vf den vngewin

[9]

Den sit befunden hat ir sin

15

Wan si dem lebindige lebin

Mit tode ein ende wande gebin

Daz dur uns menschlich erstarb

Und vns ein lebindis lebin erwarb

In dem wir iemer lebin mvn

20

Bi dem lebinden gotis sun

Der dur vns starb vn genas

Dem truogen si vil grozen haz

Sit vnd ovch den iungeren sin

Die von in littin mengen pin

25

Und andir menic werder helt

Der von der welte wart beschelt

Ir guotis vnd ir wunne

Vnd von ir besten kvnne

4b,29

Dez sint siv wol ergetzit

30

Der dorn siv niht me kretzit

Den hie der tiefil wetzit

Kein vngemach siv letzit

In dirre durrehtunge

Do alt vnd darzvo ivnge

35

Cristes kenphin sluogen

Die sinen namen gewuogen

In mengem vngeverte

Noh hertir danne herte

Do keyser Alexander

40

Daz riche hielt do vander

Vil der cristenlichen diet

Als in div gotis minne riet

Daz was im harte sware

In dem vierden iare

45

Als er sin riche ane vienc

Dez er och frömde dinc begienc

Er saite dur sinen valschen got

Dur alle die welt ein nvwe gebot

So rehte strenge vnd och so vbil

50

Als im geriet der helle grubil

Daz die von Galylea

Den goten solten opfirn sa

Und daz niht langir fristen

Daz meinder an die cristen

55

Wan die von Galylea sint

Uzirweltis gotis kind

4c,57

Der name der tiut ein vbir vart

Wan er ist seleclich geschart

[10]

Swer vbir vert ingotis her

60

Uz disem wilden klebir mer

Vnd swer niht bringen wolde

Sin opfir als er solde

Der muoze liden groze not

Und einen lasterlichin tot

65

Vnd sazte dar vbir rihter

Die machten daz gebot so swer

Und haten sich so vollekomen

Dez tievils vrluge angenomen

Wan daz gebot was fur geleit

70

Mit so grozir hertecheit

Und so vorhteclicher dro

Daz man verdilgen wolt also

Div reinen cristenlichen werc

Div vil swerer danne ein berc

75

Dem tievil warin elliv zit

Dur sinen angeborn nit

Div selch gebot enpfiengen

Die von dem keisir giengen

Die schriben furbaz in div lant

80

Vnd tatin daz gebot erkant

Mit dez keizirs ingesigel

Als siv do hiez der helle rigel

Swer daz opfir braht den gotten

Als von dem keisir was gebotten

4d^[1],85

Der solt enphahin menic ere

Uon dem richen keisir here

Swer abir daz verspreche

Daz man andem reche

Dez richis vnd der gotte zorn

90

Vnd solte menge not bekorn

Und wunderlich marter

Sin lib vol vngesparter

Enpfan den lasterlichen tot

Der keisir alexandir bot

95

Sinen gotten michel ere

Die im wert vnd also here

In sinem herzin waren

Bi sines richis iaren

Den brahter tures opfir dar

100

Selber vor der romschin schar

Sinem liebin gotte appollen

Mit meine was bewollen

Der got vnd och sin dienist man

[11]

Dez er sich doch niht wol versan

105

Und hiez alda in grimme

Mit tiefillichir stimme
Sine bestin fursten
Die hohsten vnd die würsten
Die cristen alle vahin

110

Und darzvo balde gahin

Die cristes niht wolten
Lovgen als siv solten

5,1

Ez weren man oder wip

Den wolder nemen da den lip
Und lasterlichin schenden
Henkin vnde blenden

5

Vnd darzvo balde twingen

Daz siv müesen bringen
Ir opfir da appollen
Dem krankin erde schollen
Die selbin amptlivte

10

Ahten gar ze nivte

Swaz siv vbil tete
Alder bœsir rete
Gein den cristen mohten tuon
Wan vnder in so was kein suon

15

Ir einer hiez vitalis

Daz buoch vns tuot von im gewis
Er wære ein hohir graue erkant
Bassus der ander was genant
Dem man vil hohe wirde wac

20

Wan er dez richis stüele pflac

Do hiez ir einer Gaius
Diz dri warin alsus
Dez keisir ingesinde
Dez warin liehtis blinde

25

Wan ir sunder knehte

Lebtem gar vnrehte
Und volgeten ir reten nach
Den was so ger vnd och so gach

5b,29

Mit ir sunder listen

30

Wie siv die reinen cristen

Uon ir gelovbin kerten
Vnd vngelovben merten
Als siv ir herren lerten
Da mitte siv sich herten

35

Nv kamin vil geswinde

[12]

Dez tiefils ingesinde

Und ovch sin vngelunstir

Zvo dem gotis munster

Daz da zerome ist gesat

40

Vnd sahin an der selbin stat

Die reinen magt martinam

Daz ir zehohin selden kam

Uon ir grozin strite

Der in die welt so wite

45

Ist vnd furbaz iht geleit

Als iv her nach wol wirt geseit

Diu sprach zegote ir rein gebet

Daz si mit gutem willen tet

Ir antlüt vf gerihtet

50

Zetugenden wol gepflihtet

Wan sie mit ovgen anesach

Der vf der hohin himil tach

Sitzit vnd gebiutet

Und sine kenpfen triutet

55

Bi ir so stuonden knehte

Von adil vnd von ir rehte

5c,57

Und och vil hohir dirnen

Die biir mohten lernen

Tugent vnde seldekeit

60

Der was so vil an si geleit

Si was och von geburt so hoh

Daz si von reht vnamge floch

Wan tugende daz sint edilkeit

Als div schrift der warheit seit

65

Mit den was gebluomet

Da von si iemir ruomet

Dez himils ingesinde

Bi der megde kinde

Si treit der megde kranzil

70

Den lilien wizen swanzil

Den si mit kivschi erworben hat

Der martir cleit ir wol anstat

Daz wuosch si in dez lambis blvot

Dur wazzer dur fivr si wuot

75

Und ist nv komen wol zestade

Vz dirre wilden welte bade

Swer si an ruoft den leitet sie

Da er ist iemir sorgen fri

Ir vatir hat och michil ere

80

Von adil was er also here

[13]

Im was so hohe witze kvnt

Daz er was worden dristunt

Der keisir svnderlicher rat

Daz man zegrozin wirde hat

5d,85

An in so was och gar geleit

Dirre welte richeit

Man sach die reinen süezen

Den armen livten büezen

Ir kvmber vnd ir armekeit

90

Ezzin trinken vnde cleit

Gap in div gotis spiserin

Dur minne in gotis namen drin

Si hielt och den gelovbin

den warin niht den tovbin

95

Wan si gelovbte ein valtic

Einen got drivaltic

Indrin benemden einen got

Dez gewalt vnd dez gebot

Stat in hohim werde

100

Den himil vnd die erde

Mit einem worte er werden hiez

Und ovch daz mer vnd sinen griez

Si hate eine genade groz

Daz von ir reinen munde floz

105

Div lebinde gotis lere

Die lerte div vil here

Si was ein gotis predierin

Von den hohin namen drin

Und lerte die cristenlichen e

110

Sie hate genade furbaz me

Daz si in guoten werkin was

Ein durliuhtic spiegil glas

6,1

Da inne menger sich ersach

Daz er den hohstin got veriach

Schepher allir dinge

Ane misselinge

5

Si was bereit ovch elliv zit

Inden kampf vnd inden strit

Gein dem alten slangen

Der hat si vmbe gangen

Dem hat si daz hovbt zirtrettin

10

Und hat mit willen sich gewettin

In daz senfte gotis ioch

Si tet dem tiefil scharoch

Vnd och an sinen creftin mat

[14]

In mittin in dez spils stat

15

Si wuot mit creftin heilis furt

Und hate ir nieren wol begurt

Mit der kivschi gurtel

Si was ein reine turtel

Der name tiut ein tube

20

Si mac der minne trube

Wol von schulden sin genant

Wan siv den hohin heilant

Gebunden mit der minne hat

Den man mit liehter nivte vat

25

Danne mit der süezin minne

Vnd och mit kivschim sinne

Nv kamin dez tiefils knehte

Nach tievillichim rehte

6b,29

Und griffen an die reinen magt

30

Da von ir herze cleine irwagt

Frovwe dv solt wol vernemin

La dir die rede wol gezemin

Alexander der welte herre

Der eret dich vil verre

35

Dur din hohin edilkeit

Und dur dine tugende breit

Er hat ovch von dir vernomen

Daz dv sist vollekomen

An libe vnd ovch an muote

40

An frivnden vnd ovch an guote

Dv bist ovch von dem ersten

Geslehte vnd von dem hersten

Daz in romschir wirde lebt

Und in den hohsten eren swebt

45

Er priset dinen wandil ovch

Der ist behuot vor schande rovch

Vnd bittit dich dur dine tugent

Und dine minneclichen iugent

Daz dv nach dinen vollen

50

Dem werden got appollen

Din richis opfir bringest

Und siner helfe dingest

Vnd din gemüete twingest

Und hohir eren dingest

55

Martina div vil selic

Div guote vnd div meilic

6c,57

Div süeze an alle getiusche

[15]

Div reine vnd ovch div kiusche

Div schone wandils frie

60

Dez hohsten gotis amie

Div clar und ovch div guote

Mit frovderichem muote

Sprach zvo dez tiefils knechten

Mit den si wolte vehten

65

Ich wil rihten minen ganc

Zvo miner kilchen anevanc

Und mich da dem hohsten got

Mit truwen eichen ane spot

Vnd sinem sun den reinen crist

70

Der alder welte loser ist

Dar zvo dem heiligen geist

In allir tugende volleist

Dar zvo dem babst an gotis stat

Und vbir sine schaf gesat

75

Zehuoter vnd zehirten

Daz er div gar verirten

Schaf zewege kerte

Und gotis schar gemerte

Dar zvo die pfaffen die sich gar

80

Gemerwet hant zegotis schar

Die sich niht lazent rovben

Der cristenheit gelovben

Und in die helfe reine

Den guoten algemeine

6d,85

Und gangen danne infriger kvr

Zvo dem richin keisir fur

Da muoz ich eine kvrze frist

Dur minen herrin ihesum crist

Striten mit dem tovbin esil

90

An kvnsten vnd an creftin wesil

Dar zvo den keisir schenden

Und siner frovde pfenden

Svz kvm ich in die hohin kvnft

Mit miner martir signunft

95

Da ich belibe sunder zal

In dem himlischen sal

Do si die rede also getet

Do sprach si got ir rein gebet

Uon dannan gie si drate

100

In dem gotis rate

Fur dez keisirs palast

Da was si wol ein frömder gast

[16]

Ir antlüt was so vil gevar

Dur luhteclichin also clar

105

Daz ez vil mengen wundert

Noch mere danne hundert

Die bottin die si brahton dar

Die besten von dez richis schar

Die giengen von dem keiser hin

110

Alexander herre vernin

Div edil hohe Martina

Div stat vor dinem palast da

7,1

Div riche vnd ovch div here

In loblichir ere

Div hohste von den cristen

Div wil an disen fristen

5

Den hohen goten helferich

Ein opfir bringe lobelich

Und wil die cristen alle

Mit lobelichim schalle

An vnsir gotte kerin

10

Vnd dine frovde merin

Do wart der keisir frovdenrich

Er hiez di maget minneclich

In sin kvncliches gaden

Lieplich mit hoher wirde laden

15

Da er mit frovden lebte

Und wider den hohsten strebte

Der im doch sele vnde lebin

Von sinir guote hat gegebin

Do si fur den keisir kam

20

Der schone in michil wunder nam

Div von ir lieht antlüte brach

Noch grozir clarheit er ir ia

An ir geslehte hoh geborn

Daz von dem riche was erkorn

25

Und sprach apollo grozir got

Wie din gewalt vnd din gebot

Mit creftin vert dur alle welt

Und gist den dinen lonis gelt

7b,29

Daz dv so suoze twingest

30

Mit diner milte bringest

Daz dir daz minnecliche wip

Ir sel ir guot vnd ovch ir lip

Dir zeinem opfir sendit

Und ir gemüete wendit

35

Von den valschen kristen

[17]

Die mit ir zovbirlisten

Die rehten gotte wellen tretten

Siv muosin allir ere vf wetten

Wan ich wil uf si warten

40

Siv muozen miner barten

Weizgot nv gebizin

Ich wil ir lebin slizin

Vil gar vntz an ein ende

Füeze vnd darzvo hende

45

Muozen siv zelone han

Ald abir von dem riche gan

Do er getet alsolche dro

Do sprach er zvo der magit do

Frowe hastu guoten sin

50

Als ich von dir bewisit bin

Und och den muot vnd den gedanc

Vf din hohe selde lanc

Dinen willen dine tugent

Dine blüegenden iugent

55

Gesamnit als ich han vernomen

Daz dv mit willen wellest komen

7c,57

Mit opfir fur die gotte her

nach der ewarten ler

Als kvnge vil vnd fursten groz

60

Und menic andir ir genoz

So ganc hin für vnd brinc aldar

Din opfir for den romschen schar

So hast genade funden

An mir an disen stunden

65

Du solt mit mir gemeine han

Daz riche vnd dir vndertan

Nach dinem willen iemer sin

Dv solt ein riche keiserin

Nach dinen eren frouwe wesin

70

Min herze hat dich vz erlesin

Für alle die ich ie gesach

Dv maget zedem keisir sprach

Heiz mich opfirn ane bluot

Dem got der ane mazin guot

75

Und ie an allen fleckin was

Der vf der winde vedirn saz

Der alle dinc von nihte

Geschuof vnd gar berihte

Und div niht waren werden hiez

80

Und vns div wunder schowen liez

[18]

Ich wil appollen lan vernemen

Div opfir div im svln gezemen

Ich schaffe daz er berefzit wirt

Vnd in plage niht verbirt

7d,85

Ich mache daz er wirt vermelt

Schier vnd sines lonis gelt

Nach sinem rehte enpfahit

Daz im vil balde nahit

Daz er von sinen klawen lat

90

Die werden gotis hantgetat

Die er so ture kovfte

Do sich der werde slovfte

In der megde buozin

Ane meinez truozin

95

Der iunge mensch der alte got

Der dur daz vaterlich gebot

Erloste siner hende werc

Der ein krefteloz getwerc

Von siner sünde worden was

100

Der dur vns starb vnd genas

Der hat dem tode ein ende gebin

Daz svn wir alle merken ebin

Nach sinen hulden gerne strebin

Und wil nv sunder sterben lebin.

105

Der kvnec Alexander

Dise rede vnd ander

Die er hat alda vernomin

Von der megde vollekomin

Der kvnder rehte niht verstan

110

Er hiez die ivncfrowen gan

In den richin tempil

Div ein rein exempil

8,1

Aller frowen wesin sol

Si was gesterkit also wol

Uon dem hohin trost geist

Dez wart alda von ir geleist

5

Dez von dem kvnge was gebeten

Man sach sich frolichen tretten

Mit vnverzagtim muote

Div suoze ingotis huote

Tet als si opfirn wolde

10

Mit silbir vnd mit golde

Div reine gotis gimme

Sprach mit senftir stimme

[19]

Keisir dv solt selbe ingan

Und din ewarten bi dir han

15

Die diner hohin gote pflegint

Den ir so hohin dienst wegint

Vnd alle die ir diener sint

Ez si man wib oder kint

Daz siv die warheit mugen sehin

20

Und och bescheidenliche spehi

Wie rehte süezecliche

Und och wie luterliche

Der elliv dinc zerehte wiget

Der guote bi der welte pfliget

25

Min opfir hie enpfahe

Vnd daz von mir niht versmahe

Daz im min herze bringet

Und helfe an in gedinget

8b,29

Do hiez der keisir riche

30

Die livte algeliche

Hin indaz tempil gahin

Da siv div wunder sahin

Die got dur sin dirnen tet

Und dur ir crefterich gebet

35

Daz von ir suozin munde gie

Daz got vil willeclich enpfie

Als siner guote wol gezam

Do daz volch zesamine kam

Die alten vnd die iungen

40

Die kamin zvo gedrungen

Und wolden schowen die geschiht

Vnd der megde vergiht

Martina div vil here

Div mit gotlichir lere

45

Der welte philosoffen

An kvnste hat vertroffen

Und doch gelich den schafen

Gar an der welde wafen

Vnd doch zestrite wol bereit

50

Gein der viende sicherheit

Daz her wafin si doch truoc

Da mitte got den viend slvoc

Da von was si gesterkit

Und hœrit vnde merkit

55

Daz cruce was ir mure

Dur die dekein gebure

[20]

8c,57

Mit zorne het gebrochin

Daz han ich so gebrochin

Gebur sint die niht tugende hant

60

Der vnnfuog bi gestant

Swer tugende hat der wol ist geslaht

Und gein der welte wol gemaht

Die hate och dise frowe

Vnd stuont in wunschis schowe

65

Wan si was schone an libe

Als wol gezimit dem wibe

Noch schonir an dem gelovbin

Dez mohte si nieman rovbin

Do dv magit also stuont

70

Zewer alsam sie kenphin tuont

Do ovgte sich da offenlich

Ein zeichin daz was egslich

Daz bi ir was vnd si bevie

In dem si stuont vnd sicher gie

75

Nv was alda div here

Nach gotlichir lere

Wisir danne der slange

Wan dem was sin wange

Uon ir kvndekeit dur brot

80

Der si vil dicke hat bekort

Ein valtic als als ein tube

Ir muot was sleht niht strube

Vnd sach vf hin zehimel

Div lebindigiv simel

8d,85

Ir sele hat gespiset

Dez ist ir lob gepriset

Als ez got selbe hat gemacht

Umbe ir dienist wol geslaht

Si hat zegot ir hende zertan

90

An den si hat gar verlan

Ir guot gedinge vnd ir kanpf

Dez sich der keisir sit beranpf

Wan div gotis dirne

Was hohir wisheit virne

95

Als si von schulden mohte wesen

Wan si hette wol gelesen

An dem lebinden gotis buoch

Da von so nam si cleinen ruoch

Swaz dirre welte frovde was

100

Si was ein stetir adamas

Wan nieman den gebrechen mac

[21]

Noch dar an maken keinen clac

Wan allein mit bockis bluote

Also stuont niht der megde muot

105

Den moht dekein gesmide

Noch triboc noch blide

Noch phederer noch Tarant

Der die gotis steinwant

Mit keinem sturme moht erwegen

110

Swaz man der moht an si gelegin

Ir herzin tür was wol verspart

Vor der zirblaten hohvart

9,1

Div als ein krotte swillet

Und gein dem löwin billet

Daz vil kleine hündelin

Als muot gein gote hohvart sin

5

Dez spulgte div niht rene maget

Si was mit selden wol verhagt

Ir tugende wert was grüene

Gen gotis vienden küene

Der si vil vbir wunden

10

Hat vnd der helle hunden

Do si stunt vor appollen

Mit dem si was zerhollen

Gein gote si sich frovte

Heinlich si im drovte

15

Und sprach also div gvote

Tovgen in ir muote

Ich sage dir herre guoter lob

Als abraham ysaac iacob

Tatin in den alten zit

20

Ane valsch vnd ane nit

Lob si dir dar nach ihesu crist

Der siner kenpfin loser ist

Lob si dir heilic trost geist

Wan dv in alliv herze weist

25

Din vmbefundin heilicheit

Git kranken herzin guot geleit

Du schenkist och die minne

Div vz blüendem sinne

9b,29

Vleischlich vorhte tribet

30

Und sorgin ane belibet

Dv bist ein miltir ratgebe

Der minne trube vnd och ir rebe

Der die sele trunkin tuot

[22]

Daz ir ist clein derwalte guot

35

Dv bist ein milter geber kvnst

Ane nit mit gantzir gunst

Dv bist gar ane masen

Siv müesen tobinde rasen

Die von dir sagent niht wan guot

40

Dez vaters zartiu swankil rvot

Div siniv kint verswinget

Und siv zevorhten bringet

Daz siv sich üebint geistlich

Vnd lant die minne vleischlich

45

Dv bist ovch ewic iemir

Und wirt och ende niemer

Diner hohin gotheit

Von ewen zewen an geleit

Ob allen kvngen kvnc genant

50

Dir sint elliv herzin erchant

Und ir gedanke rehte bar

Dir dienit allir engil schar

Allir creature herre

So ist din craft noch merre

55

Wan dinen lihten ovgen

Kan niht beliben tovgen

9c,57

Gesihtic vnd ungesihtic

Ez muoz dir sin vergihtic

Ez flieze ez krieche ez fliege

60

Wan der vil tumbe giege

Der mit diner hende

Ane missewende

Nach dir wart gebildet

Der sich alleine wildet

65

Gein dir vnde nieman me

Dez mac sin werden daz geschre

Dv hast in diner güete

Mit selderichir blüete

Einen gotlichin namen

70

So heren vnd so lobsamen

Gegebin ihesu cristo

Dinem sun dez bin ich fro

Mit dem dv sterkist alle die

Die din veriehint vf erde hie

75

Hohir got Emanuel

Dich rufet an lib vnd sel

Der hie ist gein wurtic

Unvertic vnd vnfürtic

[23]

Ist din gewalt an endis drvm

80

Zehelfe diner dirnen kvm

Dur din hohin magencraft

Der diner menscheit ist an gehaft

Erfulle mine girde

Nach diner hohin wirde

9d,85

Und ruoch dinen govgelstock

Vnd den helleclichen bock

Der vnbewegelich hie stat

Blint vnd tovb so ist sin rat

Uellin vnde brechin

90

Vnd dinen zorn rechin

An dem dez murdeclich kvnst

Der liute sin vnd ovch ir gunst

Mit heinlichir trugeheit

Het erblendit vnd verleit

95

Daz siv an in gelovbint gar

Und er si tuot der sinne bar

Der selbe ist allir tugende bloz

Wan sin gewalt ist gar ze groz

Und darzvo sin gebende

100

Daz mein ich an dem ende

So die verlornen scheiden

Muozin hin mit leiden

Die zvhit er in sin gewalt

Der ist an in so menicvalt

105

Daz er siv in die helle kruft

Füerit dur in hohin guft

Den siv gein ir scheppfer hant

Darumbe siv div hellesche bant

Iemir muozen liden

110

Und alle frovde miden

Der welte suoze ist danne bitter

Mengen frist vnd darzvo zitter

10,1

Und och der zene grisgramen

Darzvo ewecliches schamen

Ein tac der ist da tusint iar

Man zerret in hut vnd har

5

Vnd ruowent niemer stunde

Wan die helle hunde

Spilent mit in nidis spil

Und wert daz iemir ane zil

Da ist der sterbinde tot

10

Vnd ein vntœtlich not

Da ist der ahteclichir ban

[24]

Si sint an wirzin alle wan

Daz fuget in der helle grubil

Der diz wunderlich geschrudil

15

So lange zit besezzin hat

Daz füeze hat vnd doch niht gat

Daz hovbt hat vnd darzvo munt

Vnd im doch sprechin ist vnkvnt

So het ez oren och dabi

20

Und ist och der gehœrde fri

So hat er ovgen ane gesiht

Hende ane grifes pfliht

Darzvo nasen ane smack

Dirren tovbe govtil sack

25

Der die liut entreinet

Vnd ir sin versteinet

Die an in gelovbint

Und siv der witze rovbint

10b,29

So soltu herre ruochin

30

Mich dine genade suochin

Ich din arme dirne

Gip wisheit minem hirne

Mir demüetigen sunderin

Daz noch erkenne den gewin

35

Der vf din nivwen vbiltat

Nivwe lusheit funden hat

Und die nv vestet alle tage

Sin valscher munt sin oder krage

Nv laze im misselingen

40

Sit daz er sin gedingen

Setzit vffen sinen got

Dur den lasterlichin spot

Daz er noch innen werde braht

Der ez vil lutzil hat gedaht

45

Vnd erkenne in dirre frist

Daz dv der welte scheppher bist

Und daz din einic wisir rat

Elliv dinc gemachit hat

Von niht mit einem wörtelin

50

Urhab gap vnd hiez si sin

Als ez sich hiute zeiget

Gein diner craft sich neiget

Alle lebinde creatiur

Si si gehiur oder vngehiur

55

Div bibent gein dir vnd zittirt

Erteilit welt vnd wittirt

[25]

10c,57

Swie er so wil so stat daz wetter

Er sitzit vf dez himils etter

Und hat die erde in siner hant

60

Beslozzin im ist gar bechant

Aller herzin sinne

Beide vz vnd inne

Die siht er vnd ir willen

Er kan die hohvart stillen

65

Den svn wir einic anbettin

Uz sime gebote niemer trettin

Mit willen einen halbin fuoz

Vnd werbin vmbe sinen gruoz

So ist mir herre daz wol kvnt

70

Wie ovch gesprochin hat din munt

Ich mac wol toden vnde gebin

Nach dem tode ein nivwis lebin

Ich slahe den lip vnd mach in wunt

Ich heile vnd mach in wol gesvnt

75

Da von so ist din hohir name

So creftic vnd so lobsame

Irkant mit ganzir wirde gelt

Von dirre welt in alle welt

Da wiget din frovde rich gezelt

80

Für der welte iamirs velt

Vnd do dv maget ir gebet

Gein got so willeclichen tet

Do wart ertbiben groz

Da von sich menic mur entsloz

10d,85

Und daz div stat erschütit wart

Von der wunderlichin art

Die got irzovgte dur die magt

Div dur in streit vil vnverzagt

Si was sin brut vnd sin gemahel

90

Ir herze hertir danne ein stahel

In siner minne gehertet hat

Da von so brach si als ein glas

Ir vngelovbin elliv zit

Uon der ertbibin wit

95

So viel der got appolle

Der gap sin ere zezolle

Vz im so wart vil menic stuck

Im wart erzeiget ein smaher drvc

Gelichir wiz nah vnheil

100

Uolleclich der vierde teil

[26]

Dez tempils nider wart gevalt

Daz menic sel dem tiefil galt

Wan im wart ein groz geschoh

Zestiure in sin verworhte loch

105

Ein mengi groz der heiden wart

Mit den ewarten vngeschart

Ze tode da getruckit

Und also frisch gezvckit

In den helleclichin nebil

110

Da daz fiur vnd ouch der swebil

Ir spise vnd och ir erbe wirt

Da iamir angest iemer birt

11,1

Da man snidit vnde mæiet

Swaz man alhie geseiet

Da wiget div rehte wage

Dem lant man als dem mage

5

Man git alda daz rehte lot

In daz lebin ald in den tot

Da wirt der valsche fursprech

An siner zvngen vngerech

Der miete nieman da gert

10

Ez wirt alda nach reht gewert

Zespot wirt der gelichzer

Vnd hie der welt richzir

Als och den heiden geschach

Daz mengir mit den ovch sach

15

Und ovch der riche keisir

Der wirt an frovden heisir

Mit murdekeit erlaffen

Der hate tempils pfaffen

Ze vare gesendit gen der magt

20

Als her nach wol wirt gesagt

Nv was div groz ertbibin

In ir zorne noch beliben

Stunden ein vil michil teil

Daz der keisir vil vngeil

25

Floh von grozen vorhten

Div im die wunder worhten

Do sprach zim der süeze lip

Div reine magt vnd nit ein wip

11b,29

Alexander dv solt stan

30

Zvo dinem abgotte gan

Der ist hie heime gesuochit

Uor got ist er verfluochit

Und alle die in hant für got

[27]

Die werdent ovch dez tiefils spot

35

Sich wie er ist gehandilt

Vnd wie er ist gewandilt

In ein vil krankis stuppe

Dich hat dez tiefils wuppe

Begriffen hie vnd vmbezogen

40

Din selde div hat sich versmogen

Liz vf die stucke clein vnd groz

Und la si schowen din genoz

An wen ir gelovbint

Die ivch der selden rovbint

45

Vnd darzvo die ewarten

Uon gote die verscharten

Vnd och den andern allen

Die in dez todiz vallen

Sint alhie beclemmet

50

An libe an sele erlemmet

Och ste er vf ober nv muge

Und ez an sinen creftin tuge

Vnd helfe den helfelozin

Den in valschis kosin

55

Uon sinent halbin ist gelegen

Siv hant so vil von in geplegen

11c,57

Dienstis dez er ist vnwert

Swie sin doch menger noh begert

Der sinen schepher varn lat

60

Dez er ist eigen hantgetat

Und lat den hohin zimberman

Der vz erden machen kan

So mengen wunderlichen lip

Beide man vnd darzvo wip

65

Vnd ander menic creatiur

Div lebin hat von siner stiur

Wie mac ein man mit sinnen

Den vnsin gewinnen

Daz er gelovbt an einen stock

70

Der ist noch swechir denne ein boc

Der ist doch den hirten vndertan

Und muoz nach sinem willen gan

Zeholtz vnd och zevelde

Daz ich mit warheit melde

75

Got ist so wol gegüetet

Daz er dar vmbe niht wüetet

Daz ich an siner milte spur

Er gap dem menschen frie kvr

[28]

Zetunde vbil vnde guot

80

So wol im der nv hat den muot

Daz er mit friem sinne

Und mit der waren minne

Irkennit der in hat erlost

Von dem iemer werndem rost

11d,85

Der dem tiefil ist bereit

Mit ewiclichir stetekeit

Nv keren in den meren wider

Die ich verlazin hat sider

Der tiefil der in dem abgot

90

Die liute trovc in sin gebot

Der walget in dem stovbe

Der valsch vnd och der tovbe

Der wulte in der äschin

Da sach daz vngeweschin

95

Uolk mit den ovgen

Offenlich niht tovgen

Ich mein daz vngetovfte

Daz got so tiure kovfte

Mit sin selbis bluote

100

Der milte vnd och der guote

Daz wunder sach da menic wib

Beide man vnd darzvo lip

Wie der tievil da gewarb

Dez frovde vor den liuten starb

105

Der ruoft in grozim grimme

Mit einer luten stimme

O Martina reine magt

Ein selic dirne hoh betagt

Dez hohsten gotis in dem himil

110

Dv bist vil gar an allen schimel

Aller boser sünden

Daz mvoz ich von dir künden

12,1

Und dar zvo menge tugende

Du hast in diner iugende

Geminnet ie den hohstin got

Vnd wol behalten sin gebot

5

Uz sinem wege niht getretten

Als dich sin liebi hat gebetten

Nv hast dv mich erschreckit

Gar vnsanft erweckit

Von minem eigen huse

10

Und hie vz miner klvse

[29]

Mit gewalte gar vertriben

Daz ich bin crefteloz beliben

Vnd bin von dir geneiget

Dv hast mich gar erzeiget

15

Wie vngestalt wie vngehiur

Ich bin fur alle creatiur

Wie crank ich von nature bin

Daz wirt min grozir vngewin

Hie han ich lange zit vertriben

20

Und bin mit ruwe hie beliben

Ahte vnde nivnzic iar

Mit rehtir zal daz ist war

Vndir keisir augusto

Sibin vnd drizic iar also

25

Daz mir nie kein vngemach

An minem huse hie geschach

Und och bi keisir antonien zit

Bin ich gewesen ane strit

12b,29

Fivnf vnde vierzic iar

30

Mit rvowe stille vnd offenbar

Sehzehin vndir alexander

Swaz der vnd der ander

Ist mit rehtir zal gewesin

Div bin ich elliv wol genesin

35

Der het mich vnd min friez lebin

In din gewalt alhie gegebin

Er het in boser akvst

Gegebin mich in der verlust

Die mir ir opfir brahten

40

Und mich niht versmahten

Och was der heiligen so vil

Alda her vntz uf daz zil

Die dur ir schepphere

Mengir hande swere

45

Mit guotim willen hant gebittin

Und so gedulteclich gestrittin

In menge wis geletzit

Alsam ein zil gesetzit

Dur stetchit mit geschutze

50

Daz was gar vnnutze

Wan ir minne stete was

Gein gotte denne ein adamas

Und etsliche pfenden

An füezin vnd an henden

55

Etslich man rovbete

[30]

Der lide vnd ovch der hovbete

12c,57

Etslicher wart geseget

Als noch ir zimbirlivte pfleget

Da mit ir ivwer holtz dromen

60

Do wurden etslich genomen

Und lebindic geschunden

Als man nv tuot den hunden

Vnd etslich gehenkit

Und in dem mer ertrenkit

65

Vnd mengir slahte kvmber groz

In ysen man ir mengen sloz

In karker vnd in prisvn

Dur den lebinden gotis sun

Daz ich doch nie wart offen

70

Und also ser getroffen

Als nv von disen frowelin

Daz offenlich ich wordin schin

Min herschaft ist also wit

Gewesin vntz an dise zit

75

Daz muget ir alle selbe sehin

Als ich iv allen wil veriehin

Ich hat der bosten geiste

In ganzir volleiste

Under mir vier hundert

80

Die mir wurden gesundirt

Zwen vnd sibinzic darzvo

Die beide spate vnde fruo

Waren mine knehte

Nach dienstlichim rehte

12d,85

Der meister was ich vnd der voget

Der ieglichir kam gezoget

Und brahte mir vnklegelich

Sibinzic selen tegelich

Vnder den so was ein fürste

90

Der was in der getürste

Daz er ein furste von bozheit hiez

Der och dekeinen tac liez

Er brahte mir vil flizic

Selen sehz vnd drizic

95

Der waz geheizin effigdon

Dez was ich von im gewon

Die alle horten in min ampt

Und ich ir herre vnverschampt

Nv haste frowe mich vertriben

100

Da ich vil lange bin beliben

[31]

Du hast mich so gar versmaht

Din gebet ist mir ein aht

Dv hast mich gegebin zestiure

Dem helleclichim fiure

105

Nv weiz ich niht wa ich wese

Da ich vor dinem ban genese

Und ich die zit vertribe

Mit sichirheit belibe

Dv hast geswechit mir min lebin

110

Und mich gewalteclich gegiben

Vriel dem engil her

Dez muoz ich liden herzen ser

13,1

Er hat minen vzganc

Uerbrennet gar dez bin ich cranc

Vnd muoz gebinde lidin

Die cristenheit vermidin

5

Der mac ich keinen schadin tuon

Est ane minen danc ein svon

Doch hab ich noch den willen

Daz ich si gerne villen

Wolte hin als och da her

10

Svz stat min wille vnd min ger

Und sprach spotwis also

Keisir dv maht wesin vro

Daz dv mit grozim flize

So mengir hande wise

15

Funden hast den cristen

Mit dinen hohin listen

Dv hast an disen stunden

Dez ich wene funden

Einen strengen kampfgenoz

20

Der sol dich schiere machin bloz

Gewaltis vnd der eren

Div sol er beidiv keren

In lastir menicvalt

Du in schanden solt werden alt

25

Din riche sol ein ende nemen

Als dir von rehte sol gezemen

Wan dv muost iemir truren

Und dine frovde ersuren

13b,29

Dich stichit der lebinde angil

30

Armuot vnde mangil

Enpfahit dich geswinde

Zestetim ingesinde

Diz sprach mit lutem ruofe

[32]

Und mit grozim wuofe

35

Mit weniclichir stimme

Egber vnde grimme

Grisgramen mit geschreie

Mit tievillichir weide

Brüelende mit clagelicher luot

40

Als er von reht vnd billich tuot

Der tievil varnde dur den luft

Ir was alda ein michil clvft

Bœser geiste samenthaft

Den was alda benomen ir craft

45

Vnd fuoren an geleite hin

Uf schaden vnd vf vngewin

Got tue vbir si sin ban

Vnd mache si an creftin lan

Und ruoche siner knehte pflegen

50

Vnd sende vns sin hohin segen

Der vns beschirme vor der diet

Die er von himilriche schiet

Dur ir grozin hohvart

Div von erst funden wart

55

Uon dem tiefil lucifer

Wan in besaz ein tumbe ger

13c,57

Daz er dem wolte sin gelich

Der in geschuof vnd himilrich

Dez wart er do geschaffen

60

Als von ihm sagint die pfaffen

So lasterlichin missestalt

Daz nieman lebt so rehte balt

Der in einest sehe

Wie grulich vnd wie smehe

65

Der valsch ist von nature

Den neme dez vnture

Und wer ein oven hinder in

Glüeiende vnde furin

Bereit er füer an alle twal

70

Von der gesiht in die kal

So we dem armen der in sol

Steteclich in siner dol

Schowen mit den ovgen

Offenlich niht tovgen

75

Do div verfluht geselleschaft

Dur die lufte fuor mit craft

Do wart ez also vinster

Zeswen halb vnd winster

[33]

Daz da nieman niht gesach

Daz wunder daz alda geschach

80

Daz der tiefil worhte

Daz braht so groze vorhte

Dem volke daz ez viel da nider

Und wurden also swach der lidir

13d,84

Ein zwivil groz si hinder kam

85

Beidiv wip vnd darzvo man

Wie ez ergan solte

Und wie ez enden wolte

Wan si so groze wunder

Sahin siv da bi svnder

90

Div nie wan da vor geschehin

Dez si da gotte muozen iehin

Der obin in dem himel ist

Der vns behuotit ane frist

Sin wisheit vnd sin hohir list

95

Git uns an lip an sel genist

Noh konde sich der keisir niht

Verstan von sinnen der geschiht

Nv prüefen disiv zeichin

Und rehten sin erreichin

100

Er was gesihteclichen blint

Als die verworhten alle sint

In hat daz lieht erblendit

Daz alle trüebe wendit

Und himel vnd erde entluhtet

105

Div durren herzen fuhtet

Daz in der winster glestet

Mengem fromden gestet

Dem livte daz in dem lande was

Und an dez todis schatten saz

110

Daz hat da lange gewandelt

Vnd was vil vbil gehandelt

14,1

Da von ez kvme hate erbitten

Daz lieht da in der naht enmitten

Uon der megde wamme schein

Der vil edil karwunkil stein

5

Der edil hohe werde gast

Von dem der seltzame glast

Al dur die erde wart gesehin

Und och dez liehten sternen prehin

Den Balaam der wissage

10

Gekvndet hat vor mengem tage

[34]

Daz was der rehte leitstap

Der den drin kvngen gap

Geleite der vnkvnden wege

Und si fuorte in gotis pflege

15

Vntz siv den kvnic funden

Dem siv an den stunden

Drivaltic opfir brahten

Dez siv sich wol bedahten

Golt wierovch vnd mirren

20

Dar an sunt ir niht irren

Daz golt tiutet kvngis gewalt

Der was an im gar vngezalt

Der wierovch tiutet vnverschart

Daz er was ein ewart

25

Und der Leuiten vbir gült

Von im so wart div e erfult

Div mirre och daz zetute gab

Daz man in solte in ein grab

14b,29

Legen nach gewonheit

30

Mit vil grozir bitterkeit

Div mirre ist von nature bitter

Svz leit er dur vns mengen zitter

E daz er vns zehulde

Breht vmbe vnsir schulde

35

Diz lieht die welt erluhtet hat

Diz lieht die valschen niht lat

Gesehin alsam dem keisir geschach

Alexander der och niht sach

Und sich konde niht verstan

40

Daz diz alliz was getan

Von genade der hohsten gotis

Und von der craft sis gebotis

Vnd sin verhengede vnd sin gewalt

Appollen abgot hat erwalt

45

Dez tempils och den vierden teil

Und daz der tievil an ein seil

Gewalteclich gevangen was

Vnd im erzovget grozir haz

Uon dem engel vriel

50

Dar vmbe daz er menic sel

In die helle hat verleit

Mit siner valschen kvndekeit

Daz er nv tivr erarnet

Wan er ist nv verbarnet

55

In die vinstirn helle

[35]

In daz schant gevelle

14c,57

Daz er iemir bvwen sol

Mit der eweclichin dol

Div wunder vnd div zeichin

60

Div kvnden niht erweichin

Dez kvngis hert gemuete

Daz in flinsez fluete

Gehertet an vnselden was

Noch herter danne ein adamas

65

Nv werin die vbiln geiste

Reht alsam geneiste

Hin gescheiden mit ir her

Ane danc sunder wer

Waren siv verswunden

70

So gar an den stunden

Uon der hohin gotis craft

Div wart an in sigehaft

Vnd daz vil creftic gebet

Daz div süeze maget tet

75

Daz wart von gote erhoret

Dez wart alda zerstoret

Daz alte lanc oppfir

Daz valsch was vnd koppfir

Und och die lasterlichin sitte

80

Die in lang waren mitte

Gewesin vnd an geerbit

Dez menic sele verderbit

Was an gotis hulden

Die drvmbe muzen dulden

14d,85

Gotis eweclichin ban

Ez werin frowen oder man

Ovch hat div maget here

Den kvnic an siner lere

Noch furbaz me gepfendet

90

Enpfuozit vnd enthendet

Warin sine valschin gote

Und hin gescheiden mit ir rote

Sie hatim sine wissagen

Mit gotis kvnst alda entragen

95

Die waren von ir gesweigit

Ir hohstir sin geneiget

Wart von ir vnd gar genidert

Der meistir kvnst genidert

Die an den hohsten sternen

100

Ir spehin vnd ir lernen

[36]

Konden fromdiv wunder

Ob vns hoh vnd vnder

Wie ez den liuten sol ergan

Wie ir gelucke solde stan

105

Und wie div zit vnd div iar

Sich solden rihten al fur war

Nach den siben planeten

Dez wolden siv propheten

Von ir selbir kvnste wesin

110

Und haten da von vil gelesin

Vnd wie der stern Kometa

Den lovf vnd sine meta

15,1

Tovgen in dem firmament

Gat vntz uf den innsten sent

Der stern ist lüzil liut erkant

Und ist vmb in also gewant

5

Daz er sich selten schowen lat

Vnd swenner verborgen stat

So gat ein rovch vnd ein kvnst

Uon im als von dez tievils tunst

Vnd swenne man den sternen siht

10

Der tiutit gerne so man giht

Urlug oder manslaht

Daz man tribet tac vnd naht

Er tiutet och gemeinen tot

An liuten an vihe dez todis not

15

Er tiut och gerne tiure iar

Ich han den selben sternen für war

Mit minen ovgen wol gesehin

Dez ich mit warheit vil veriehin

Si warn an dem gestirne

20

So kvnste rich so virne

Und da zvo von den winden

Die maht alda zekinden

Martina div vil mere

Und och die zovbrere

25

Dit mit ir valschen listen

Die luge wolden fristen

Dem kvnge als zeliebe

Vnd och dez opfirs diebe

15b,29

Dez tempils ewarten

30

Die ander bosheit harten

Die sluoc der gotlich gewalt

Umbe ir bosheit menic valt

Der heiden ein michil presse

[37]

Den wart mit vollem messe

35

Ir sunde gar vergolten

Swaz siv alhie beholten

Mit ir vngelovbin

Dem valschin vnd dem tovbin

Den siv niht wolten lazin

40

Dez wurden siv verwasin

Daz siv die slangen azin

Und siv dez niht entsazin

Der keisir do mit grimme

Mit toblichir stimme

45

Hiez er die maget vahin

Vnd sine buobin smahin

Die vf ir minneclichin nack

Ir gabin mengen hals slac

Daz was in vngemeze

50

Daz die valschis reze

Ein so schonis bilde

So kivsche vnd och so milde

Sie frevillichin mit gebenden

Solten ane wenden

55

Daz von himil der werde helt

Hat im selbir vz erwelt

15c,57

Der daz beste erkennen kan

Der werde hohe zimber man

Der diz bilde selbir sneit

60

Der hat gezierde vil geleit

Daran mit grozim flize

Ir antlüt lilien wize

Was vnd darzvo rœseleht

Daz ez dem brivtgovme möht

65

Uon schulden wol gevallen

Ein tumbe sunder gallen

Gap ir libe ein reines tach

Do er ir herce so rein ersach

Und ein so minnecliches cleit

70

Von dem iv wirt ein teil geseit

DIZ IST VON DEM HEMEDE

An ir hut ein hemede

Gemachit harte fremede

Wan ez wart nie gespunnen

Noch gebleichit an der sunnen

[38]

75

Noch vz gelwen flahze

Geverwet nach dem wahze

Ez was och niht von hanfe

Geblvwen in dem stanfe

Ez was och ane zotten

80

Gezeltet noch gebrotten

Daz werk wa vngeblvwen

Wan ez wart nie gebuwen

Ez wart noch nie geseiet

Gelochin noch gemeiet

15d,85

Daz hemde wart nie geweben

Daz got der megde hat gegeben

Nv sprechint wie im were

Daz der wunderere

Siner liebin briute gap

90

Daz nie menschin hant gewap

Swer ez kovfen wolde

Der moht ez niht von golde

Noch mit silbir wider wegin

Da mit der himelschliche degin

95

Sin reinis bilde hat becleit

Daz was div wize kvschekeit

Die got so sere minnet

Daz man im abgewinnet

Sin riche vnd swez der mensche gert

100

Dez wirt er allis gar gewert

Der megde megtuome

In dem hohsten ruome

Uor gotis ovgen blüeiet

Da bi div sele trüeiet

105

Vnd wirt da von gespiset

Als mich div warheit wiset

So sint daz rehte megde die

Die got gemehilt waren hie

E daz siv vom der welte

110

Und von ir minne gelte

Waren iht bekrenkit

Und dar vngewenkit

16,1

Ir muot beliben stete

In der vil reinen wete

So daz ie früer wære geschehin

So bezzir vil dez muoz man iehin

5

Der eren riche Beda

Sprichit an einer stat da

Die megde sun vnd ist ir reht

[39]

Mit ir geberden werden sleht

Und ir natur erschricken

10

Gein manlichen blicken

Vnd gein ir rede sere schamen

Ir wort div svln halb erlamen

Mit fuge in ir munde

Uon bluger vrkvnde

15

Der guot sant Bernhart

Der wiset vf die selbin vart

Er giht der blüeiende magtuom

Allir tugende si ein bluom

Vnd ein durliuhte gimme

20

Ir lut hat süeze stimme

Ein swestir der engel

Der kivsche ein lilien stengel

Ein glasvaz der cristenheit

Daz durluhten schin treit

25

Vnd och der sele ein lebindes lieht

Dar abe got selbe niht enschiet

Sit trittet lise geluste

Und ovch ir akvste

16b,29

Mit craft vnder die füeze

30

Und och ir valsche süeze

Si vbir windet die lœsen geiste

Und ir brimnenden geneiste

Si versmahet gar die welt

Ir gezierde ir frovde ir lonis gelt

35

Si wirfit all frovde nider

Vnd rihtet crank gemute wider

Si ist ein schilt vnd och ein wer

Fur der svnden wüetens her

Sant Augustinus schribet

40

Swer in dem fleisch belibet

Und doch ane daz fleisch lebet

Vnd dez gelusten wider strebet

Der hat ein irdisch lebin niht

Er hat mit gotis engiln pfliht

45

Swer engilschlich nature

In menschlichir figure

Und in dem fleisch erwirbit

Vnd sin vntugende erstirbit

Dast grozir ere vnd hoher lon

50

Uud^[2] bringet wirdeclicher kron

Danne si von selbin hat

Vnd in kein kvmber ane gat

↑ WS: Im Original wurde an dieser Stelle der Buchstabe „d“ vergessen. Dieser wird im Register verlangt.
↑ *Druckfehler anstelle von "Und"

[40]

Der engil hat die selecheit

Uon got der hat in so breit

55

Daz er niht bœser dinge gert

Er ist dez besten gar gewert

16c,57

So muoz div maget erstritin

Mit herten vbilen zitin

Und muoz vil dicke erswitzin

60

Daz si den bosen hitzin

Dez geilen fleischis muge engan

Vnd bi der reinekeit gestan

Der tiefil treit ir stetin haz

Dur daz si wil erwerben daz

65

Daz den engiln ist erkorn

Und von nature angeborn

Ein engil wesin alt ein magt

Als vns div schrift mit warheit sagt

Ist vil gar vnmuglich

70

Vnd ander stete trugelich

Ez muze von gotis genaden wesen

Der hat siv beide vz erlesin

Der magtuome sweimet

Als im got hat beneimet

75

In eweclicher wunne

Ob menschin kvnne

Und obir nature hoh

Wan si der welte vnfuore floch

Ez sprichit sant Bernhart

80

Den megdein zimt von rehter art

Driv dinc div si wol zierint

Ob si div niht verlierint

Scham an ir ovgen vnd ir antlüt

Daz er in ratet vnd gebiut

85

Daz ander daz er meinet

Daz ist also erscheinet

Si svn ir wort einvaltic

Sin vnd gar gewaltic

Daz siv iht varen vzsir wege

90

Daz dritte han in guotir pflege

Daz ist willige armuot

So ist der schaz wol behuot

So machit alle guot

Und ir sint alle tugende fruot

95

Von den megden sprichit sus

Der guote sant ysodorus

[41]

Swelh magt ist an dem libe ein magt

Und ir der muot dar vnder wagt

Vnd niht rehter stete pfliget

100

Div hat dem fleisch niht angesiget

Und mac ein magt geheizen niht

Die wile der muot dem libe nit giht

Der muot der muoz dem libe

An mannen vnd an wibe

105

Vnd och der lip dem muote

Mit vnverscharter huote

Iemer stete kvsche pflegen

Ist dez an beiden niht geschehin

Dem wirt och niht der megde lon

110

Noch div megtlich kron

Div da heizit aureola

Div hat vil hohin pris alda

17,1

Die die maget zehimil tragent

Die hie dem fleische wider sagent

Aureola ist sunderlich

Ein kron gemachit wunderlich

5

Wan div kron ist zwivalt

Nach wunsche gar vnd gar gestalt

Die si tragent elliv zit

Umbe ir zwivalten strit

Daz si ir fleisch vnd och ir bluot

10

Hant vbir wunden vnd ir muot

Die welt vnd och ir fursten

Sint von ir richen hursten

Vil dicke hie zerkretzit

15

Dez sintz wol ergetzit

Mit aureola dem kranze

Uon zwivaltem glanze

Er ist genant nach golde

Die megde hant in zesolde

20

Die in dem fleisch erworben hant

Daz den engiln ist benant

Von got der si also geschuof

Daz in niht tuot der welte wuof

Diz ist div reine kvschekeit

25

Uor got ein vzirweltis cleit

Daz er Martinen hat gegeben

Vmb ir kvschis martir leben

Svz was sin vzirweltiv brvt

Becleidet an ir wizin hut

[42]

17b

DIZ IST VON DEM ROKK

30

Dar vbir hat ir got gesnitten

Ein rock nach guoten sitten

Daz was div frie miltekeit

Mit dem div reine was becleit

Si gap ir lip mit frier wal

35

Dur got in dez todis val

Der sele tot den mein ich niht

Ze dem hat si deheine pfliht

Ich mein alhie dez libes lebin

Daz wart gewehsilt vnd gege

40

Vmb daz lebin daz iemer stat

Da frovde nah froden nivwe stat

Got selbe lobt miltekeit

Da von ir lob mvoz wesin breit

Got nemmit si der selden kint

45

Die hie vf erde milte sint

Und sprichit vz sinen witzin

Ir sunt daz ertrich besitzin

Daz ist gemeinet in drie wis

Daz erste ist der welte pris

50

Div welt div minnet miltekeit

Und wirt ir lob von milte breit

Daz andir ist daz ertrich

Daz er besitzit frolich

Vmbe die milte die er hat

55

Vnd ez im got mit fride lat

Daz dritte daz ist in wirt geben

Ein also reht süezes leben

17c,58

Alhie ioch vf der erde

So rein vnd och so werde

60

Daz got in solhir süez git

Alle tage vnd alle zit

Daz siv der welt süeze wegint

So hie die tumbe liute pflegint

Reht als einen fulin mist

65

In ist der süeze ihesus crist

So süeze zallir stunde

In herzen vnd och in munde

Daz si reht ein himilrich

Hant vf disem ertrich

70

Ez redet alhie min oder munt

Daz doch dem herzen ist vnkvnt

Wan ich leider nie bevant

[43]

Daz ich den luten tuon erkant

Wan nieman gantze frovde mac

75

Gehabin einen halben tac

In irre eht iemir etswaz

Daz in der frovde machit laz

Swer solhe frovde erwirbet

Div hie noch dort verdirbet

80

Der ist hie vnd dort ein selic man

Daz ich nv da von reden kan

Und mir doch ist so wilde

Dist ein gelichis bilde

Als der fur eine kreme gat

85

Da man vil krames schowen lat

17d,86

Dez in wol gelustet

Und ez vil dicke kvstet

Vnd och dez crames eine sint

Daz ist im frovde vnd ovch pin

90

Da von so horent den gotis rat

Den er gegebin den milten hat

Got ratet daz wir milte wesen

Der het och allir best gelesen

In der schuol der wisheit

95

Div so tief vnd och so breit

Swer da von gedenkit

Ze verre der wirt bekrenkit

Vnd der selbin witze fri

Div im ist von nature bi

100

Got git vns sine lere also

In dem ewangelio

Lernent bi mir milte sin

Ich bin der milte ein voller schrin

Vnd lernent bi mir demuot

105

Div alle tugende tuot behuot

Wan ich bin milt vnd demüete

Und vbir fluzzic aller güete

Swer tuot daz er leret

Dez lere vnd rat ist geerit

110

Dem lerer vnd ez niht wol an stat

Vnd in div lere berespet hat

Leren vnd niht selbe tuon

Daz ist ein spot ein oder ruon

18,1

Wer mohte dem getruwen

Uf sinen rat getruwen

Er sprach min ioh ist senfte gar

Zetragen swer sin nimet war

[44]

Der treit ez senftecliche

5

Wan ez giltet himilriche

Min burde ist och gar lihte

Wan ich si selbe wihte

Ich han si drizic iar getragen

Und vierdhalbis vf minem kagen

10

Swer nv nach mir welle gan

Als ich im vor gegangen han

Der sol sin selbis verlovgen

Offenlich vnd tovgen

Der sol sin cruce tragen enbor

15

Und tretten vf minen spor

Der man der so nach siner maht

Daz cruce tragen tac vnd naht

Bescheidenlich vnd verirt

Wan der himilschliche wirt

20

Will miltes ingesinde

Habin swa ers vinde

Daz got die milten minnet

Dez sint ir wol besinnet

An Moyses dem werden helt

25

Den got hat selbe irwelt

Vbir sind volk zerpfleger

Und ovch zeinem weger

18^b,28

In mittin dur daz rote mer

Da fuorte er daz gotis her

30

Dem kam nach iagende so

Der vbil kvnic pharao

Der wart alda entrenkit

Und in die helle gesenkit

Als ir wol dicke hant vernomen

35

Ich will dazalte mere dromen

Moyses der was erkant

Der miltest mensche den man do vant

Got wart nie menschen so heinlich

Dez vergiht div schrift gemeilich

40

Untz an cristez geburt

Mit rede vnd mit antwurt

Der och der miltekeit genoz

Wan div ist vor gote so groz

Daz er da mitte wolde

45

Becleiden als er solde

Martinam die reinen magt

Div sinen ogen wol behagt

Got minnet den der frolich git

[45]

Und mit gabe niht lange bit

50

Daz sich also betiutit

Swer trureclichen butit

Von im die gabe mit der hant

Dem si von warheit daz bekannt

Daz er den nvtz verlorn hat

55

Der von der wider gabe gat

18c

DIZ IST VON DER SVGGNIEGNIE

Got hate der wandils frien

Eine suggenien

Ubir den rock gesnitten wol

Als man ob rockin tragen sol

60

Daz was div gerehtekeit

Von der vil eren ist geseit

Div ist nv als ich wene

Uil luten selzene

Div was der megde wol bechant

65

Wan si gap ein schones pfant

Ir lip dur die gerehtekeit

Dez ist vnd wirt ir lob breit

Si ist ein harte frömder gast

Si ist mengem verrer dan ein rast

70

Der si doch weinet bi im han

Den lat si lasterlichin stan

Der wan der truget dicke

Die liehten ovgen blicke

Wan sint nv die gerehten

75

Weizgot siv muozen vehten

Mit mengir hande liuten

Die si wellen triuten

Mit den valschen mieten

Die och da her verrieten

80

Die crank gemuoten rihter

Den sint die miete wol gever

Beide stille vnd offenber

Tvo si vil mengen witze ler

18d,84

Div miete gar zehove fur

85

So muoz vil dicke vor der tur

Daz gotis reht beliben

Wer mohte gar geschriben

Was div miete wunders kann

Ez müeze tuon ein müezic man

[46]

90

Swer bi der rehtekeit gestat

Und si von im niht triben lat

Der muoz halten mengen kanpf

Der gitsack zvhit als ein kranpf

Zesamen menge zvngen

95

Dem alten als dem iungen

Swer wil gerehteclichen lebin

Der muoz dez vatters sich bewegen

Swester vnde brvodir

Und were der ein fuodir

100

Vnd wider die kvnde grinen

Die frömden vnd die sinen

Als och div reine süeze magt

Uon der cleide ich han gesagt

Div zarte gotis amie

105

Wie ir suggenie

Was vz rehtekeit gemaht

Als der vil guoten was geslaht

Div was gefurrierit mit zvht

Div hat ze megden ie ir fluht

110

Ir strit der was so zvhtic

Ir lere so genuhtic

19,1

Daz menic beiden ir genoz

Der in abrahames schoz

Frolich wart gefüeret

Da niemer in berüeret

5

Dirre welt swere

Sin frovde div ist mere

Div zvht div stillit mengen zorn

Der von den liuten wirt erkorn

So siv wolten vbil tuon

10

Div zvht dar vnder machit svon

Div zvht div minne weckit

Div zvht den zorn ersteckit

Div zvht div keret vientschaft

Ze rehtir liebi mit ir craft

15

Und och ir nvtz in elliv lant

Div zvht tuot alle tugende erkant

Div zvht beiagt der viende gunst

Daz ist ein wunderlich kvnst

Daz sint die zvht niht üeben went

20

Noch ir muot nach ir niht sent

Und si doch minnent dur ir fuoc

Daz si ist kvrteiz vnde cluoc

Got hat der magt ein hemede

[47]

Gemachit harte fremede

25

Ein rock ein suggenie

Zuo der himelschen storie

Da si von reht geordnit was

Noch hat er becleidit si baz

19b

DIZ IST VON DEM MANTEL

Mit einen mantel der was rich

30

Gemachet harte wunderlich

Der was gewurkit vz gedult

Der tugende vil ein vbirgult

Owe wer ist gedultic

Dez bin ich leider vnschuldic

35

Ich bin der si da nande

Und si doch erchande

Div der megde mantel was

Vnd dahte daz vil reine vaz

Dez tiuren mantils vmbesweif

40

Die magt vnd ir gewant begreif

Und was doch offen vornen

Daz man der hohgebornen

Cleider kos darvnder

Ieglichis besunder

45

Och sprichit sant Bernhart

Von der gedult vnverschart

Daz den gedultigen man

Div welt niht vbirwinden kan

50^[1]

Noch allis daz vf erde lebt

Die wile er an der tugende clebt

Daz ich die rede mache kvrtz

Gedultekeit daz ist ein wurtz

Uon der alle tugende gant

55

Vnd ir craft von ir hant

Wan als div wurz treit den bovn

Also treit si den sweren sovn

19c,58

Vf swaz man arbeit vf si leit

Daz treit wol div gedultekeit

60

Och sprichit von gedult alsus

Der guote sant Gregorius

Daz si den zorn stillet

Der dicke wider billet

Si zovmet och die zvngen

65

Den alten als den iungen

Si schirmt och daz gemüete

↑ Eine Zeilennummer zwischen 45 und 50 wurde im Original nicht vergeben

[48]

Uor vbil vnd vor vngüete

Vnd behalt och in gelucken

Demuot von bosen tucken

70

Ir svn daz von ir merken

Daz si daz herze sterken

Kan in widerwertekeit

Da von so ist ir lob so breit

Div selbe tugent git geleit

75

Und von dem tiefil sichirheit

Job der hat die selben tugent

Beweret och mit siner mugent

Den der tievil ane vaht

Mit craft mit allir siner maht

80

So was er ie so vollekomen

Daz er hat den sig genomen

Und ander menic werder helt

Der von der welt ist vil gequelt

Nv was der mantel vnderzogen

85

Mit tivrem fvoter vnbetrogen

19d,86

Div vedir was div hohe schame

Vor gote ist wert der tivre name

Er ist och hie den livten wert

Der herze tugent vnd eren gert

90

Div scham div leret gute sitte

Und lat niht gan vz eren scritte

Div scham gein selden gat enzelt

Div scham die tovgen niht vermelt

Div scham div zieret menge zvht

95

Und hat ze reinen herzen fluht

Scham div leret warheit

Si hat der luge wider geseit

Div scham div ogen zieret

Der munt von schame smieret

100

Scham ist eine hoher leitstab

Den got den megden selber gab

Waz solten frowen ane scham

Reht als die spelten ane rame

Scham ist allir tugend ein zovm

105

Ist alliz ane scham ein trovm

Ist ein rittir ane scham

Dez er ist vor der welte lam

Scham git allen tugenden rat

Da man si nach ir tugende hat

110

Si treit den hoh gelobten namen

Si kan div wilden ovgen zamen

[49]

Scham tilget menge sivnde

E daz si kam zekvnde

20,1

Vnd si dem rihter werde gesagt

So hat si scham vor gote veriagt

Scham deckit menge missetat

Div scham git allen tugenden wat

5

Scham cleidit wip vnd darzvo man

Nv horen waz si fuoge kan

Wie mac si so vil cleider geben

Si kan doch spinnen noch weben

Und vint ir ovch niht veile

10

In der welte teile

Ich sprich in einer bihte

Si mac die cleiden lihte

Die ir gewant mit rehte tragent

Als vns div buoch der warheit sagent

15

Man welle si danne suochen

An den swarzen buochen

Ob man si da vinde

Dez tievils ingesinde

Nv bitten wir die maget clvoc

20

Div daz gewant mit rehte truoc

Wan si was ir mantels vedir

Und was als ich iv sage enweder

Eichvrnin noch merderin

Noch vehe vnde hermin

25

Si was eht svz von hoher kost

Vnd schirmde vor hitze vnd vor frost

Svz was div magt bevangen

Mit einem mantel langen

20b,29

Ane snit vnd ane nat

30

Diz was ein wunderlich wat

Der meister ist och wunderlich

Der div cleider sunderlich

Kan sniden ane schere

Diz ist ein fremdes mere

35

Und kan si machin ane hant

Sin werk tuot in vil wit erkant

Er mac wol sin vil spehe

Sin snit der ist so wehe

Hei solt ich nach dem willen min

40

Iemir bi dem meistir sin

In siner spehin schuole

Bi sinem werch stuole

Ich wolte wunder machin

[50]

Von selzenen sachin

45

Ich wolte mere lernen

Danne alle die von Salernen

Ie gelassen vnd geschriben

Vnd noch ze paris sint beliben

Ich wolte die stein metzin

50

An kvnsten alle letzin

Und swaz vf erde werkis ist

Daz duhte mich ein kranker list

Nv lazen diese zavil rede

Vnd gangen wider an die pfede

55

Da wir die rede gelazen han

Div von dem mantel was getan

20c,57

Und wie der süezin megde cleit

Nach gotis willen was bereit

Mantel suggenie roc hemede wiz

60

Daz was bereit wol nach fliz

Div guote hat als ir gezan

DIZ IST VON DEM FÜRSPAN

Uor an ir brvst ein furspan

Als ich mich nv versinne

Daz was div süeze minne

65

Div lac in irme herzen

Daz hate senften smerzin

Von der minne wunden

Die stuonden vnderbunden

Und sun och niemer werden geil

70

Ir lip ir guot was alliz veil

Dur den si da hat verwunt

Mit minne vnz an ir herzen grunt

Ein wort daz sprichit Salomon

Vz sines wisen mundis don

75

Div minne ist starc alsam der tot

Uf erde wart nie grozer not

Danne hie dez libez sterben

Gewonlich vnd verderben

Nv merkint an dem sinne

80

Daz div starke minne

Dem tode ist gelichit

Wan dem tode wichit

Swem got vf erde hat gegebin

Sin vnd och verganclich lebin

20d,85

Da von ist niht ein wunder

[51]

Swelh herze hie besunder

Die starkin minne enphahet

Daz ez iemir smahet

Der welte liebi vnd och ir gunst

90

Als ein zornic karke brvnst

Ovch sprichit von der minnen ger

Ein meister heizit prosper

Daz div gewere minne si

Ein gerehter wille fri

95

Der von dirre welte guot

Gantzlich gekeret hat den mvot

Und gar zegot gefüeget ist

Stete an allen valschen list

Ovch sprichit sant Augustin

100

Von der hohin minnen sin

Daz div minne die man mach

Gelazin stunde alder tac

Daz ist div ware minne niht

Diz ware div hat iemer pfliht

105

Zvo der wernden stetekeit

Und hat von ir ein guot geleit

Sant Augustin sprichit mer

Von der steten minne her

Ich wande mit den ovgen

110

Got begrifen tovgen

Der menschelichen bescheidenheit

Daz was von mir ein affenheit

21,1

Wan nieman in begrifen kan

Wedir wip noch darzvo man

Wan mit dem ovgen der minne

Vnd mit dez geistes sinne

5

Wan si ist ein summe

Allir gutir tat allumme

Ein heil allir guotir sitte

Da erkennet man si mitte

Sist allir tugint ein vber gult

10

Mit der minne sint erfult

Elliv himelschen gebot

Div ie gebot der milte got

Si todit alle sivnde

Und hat von gote vrkvnde

15

Daz si die svnde swendet

Ir kueht zegote sendet

Si ist ein lebin allir tugent

Vnd git in craft vnd darzvo mugent

[52]

Und grüenent in der minne rat

20

Alsam ein grüen roggen sat

Si git och gotis knehten craft

Vnd werdent mit ir sighaft

So mun wir gerne striten

In disen kvrzen ziten

25

Und ruren füeze vnd hende

Daz wir von disem ellende

Komen in der froviden sal

Da wunne ist iemer ane zal

21^b, 29

Div minne ist och ein balme

30

Der signuft ein galme

Den die gotis kenpfen tragent

Und grozis lob darumbe sagent

Och git div minne wafen

Allen gotis schafen

35

Die einvaltiges herzin sint

Die sint alle gotis kint

Den div minne wafen git

Gein den vienden in den strit

Div minne ist och ein richer lon

40

Der vollekomenen vnd ein kron

Sigit inrvwe groze fruht

Die svnder habint zvo ir fluht

Si leitet ir gebet zegote

Zvo dem ist si der beste bote

45

Wan got dem boten niht versaget

Swaz hie mit rivwe wirt geclaget

Ein frovde vnd och ein Gloria

Ein sig vnd ein victoria

Den hohen martereren

50

Den edilen den geberen

Die bie gegozzin hant ir blvot

Und wol beswungen mit der ruot

Der welt an alle ir schulde

Die hant nv gotis hulde

55

Ez sprichit och ein heiden

Owe daz er gescheiden

21^c, 57

Sol von dem himilriche wesin

Und iemir in der helle kresin

Er hat so wol geret von tugent

60

Vnd von der minne in siner iugent

Er was so kvsche so tugenthaft

Daz ich im der geselleschaft

Der bose wihte erbunnen muoz

[53]

Ich gunde im wol daz er den gruoz

65

Dez hohsten kvnges solte han

Und daz mit rehte wer getan

Der was geheizin Seneca

Der selbe name tiutit sa

Daz er sich selbe hab erslagen

70

Als ich iv wil daz mære sagen

Ein keisir der hiez Nere

Daz zvht meister was er do

Swenne in der keisir ansach

So erschrac er als er im veriach

75

Wan er was gar ein bœswiht

Als div schrift der warheit giht

Und wolte nach geluste

Lebin vnd in akvste

Daz anders kvnde nieman erzeln

80

Da von hiez er den meister weln

Nach sinem willen einen tot

Den er im do zelone bot

Er hiez sich setzin in ein bat

Und lazen an der selbin stat

21^d,85

Als im dez todiz vorhte riet

Unnz daz div sele von im schiet

Div fuor als gotis wille was

Doch sagent vns div buoch daz

In der helle brinnet niht

90

Wan eigen wille der hie geschiht

Der sprichit daz div minne fri

So kreftic von nature si

Daz si vnmugliche dinc

Mit rehte bringt in ir getwinc

95

Daz si werdent muglich

Und ist och daz vntruglich

Als man geschriben vindet

Div minne vbir windet

Swas vf erde lebindes ist

100

In kvrtzir ald in langer frist

Gein got sint elliv werk blint

Da bi man niht die minne vint

Div minne git den werken lon

Ir galm der hat so süezen don

105

Daz er der sele sanfte tuot

Und git dem herzen reinen muot

Minne ist von nature balt

Vnd ist craft so menic valt

[54]

Daz si den bindet mit gewalt

110

Der sine vient hat gevalt

Der magde cleit was vollekomen

Als ir da vor hant vernomen

22,1

Und och ein furspan an ir brvst

Div gar an alle akvst

Von der suzen minne was

Und lutir als ein spiegil glas

5

Nv was daz reine bilde

So kivsch vnd och so milde

Div guote sunden frie

Uber die suggenie

DIZ IST VON DEM GÜRTEL

Mit einem borten vmbegebin

10

Der was gewurkit noch gewebin

Er was och niht gestrickit

Vz siden noch gerickit

Und was niht nach pflihte

Gemachit in der tihte

15

Gezwirnet noch gespunnen

Dez ir got wolde gunnen

Gezettilt noch gedrihit

In hat got gewihit

Noch gewurkit in der rame

20

Sie mohtin haben ane schame

Noch gewurkit in spelten

Wer mohte den vergelten

Er was mit silbir niht beslagin

Si mohte in wol mit eren tragin

25

Noch geworht von golde

Als si in habin solde

Vnd was nach gotis willen greh

Noch hate ringgen noch daz pleh

22^b,29

Nv ratent ane swere

30

Wessin der gurtel were

Er was so wohl gespehet

Mit listen so gewehet

Daz man erkennen mohte

Dem er zekiesin tohte

35

Sin hohe meisterschaft

Vnd sin wunderliche craft

Und den selzenen sit

[55]

Den der riche golt smit

Erzovget an den gurtel hat

40

Der div cleider ane nat

Begurtet ane ringgen

Swer nv daz welle erzwinggen

Der showe mit den ovgen

Offen vnde tovgen

45

Swer och nv mit der sele liden

Nach lone wolte gerne smiden

Der solt sin herze twingen

Und zvo dem meister dingen

Daz er in sines herzin kamer

50

Mit der steten minne hamer

Die fivnf sinne müezen

Der sunden stabil glüeien

In der minne fiure

Daz wer ein stetiu stiure

55

Und danne mit bihte reckin

Die svln adren weckin

22^c,57

Der mahte sine sunde quit

So danne der spehe hovbt smit

Sinen erst irsehe

60

So lerter in daz wehe

Werc vollebringen

Und liez im wol gelingen

An dem wercke hoher tugent

Vnd gebe im craft vnd darzvo mvgent

65

Nv bin ich leider trege

Und starchim werk vnwege

Vor dem inbiz vnd darnach

Sost mir zestarkem werk niht gach

Da von ich kvnstelose

70

Uz tumbem sinne kose

Ich rat dez ich niht selber tuon

Daz ist ein affeclicher ruon

Min selbis ich gespotet han

Vnd tete mirs ein andir man

75

Ez mute mich vil sere

Svz wenet menger ere

Han daz im ein lastir ist

Swer nv welle an dirre frist

Horen wie dem gurtel was

80

Da mit daz tugende riche vas

Was bevangen vnd begurt

In selden div vil hoh geburt

[56]

Der borte was so rilich

Uon hohir kost so frilich

22,^d 85

Vnd wer der welte richeit

Zesamen gar vnd gar geleit

Die mohte niht vergelten

Der borten ane spelten

Und ane ringgen geworht

90

Der der megde vnervorht

Was gestrickit vmbe ir lanke

Div clar vnd och div blanke

Was dez gurtels wol wert

Der got zebrivte hat gegert

95

Si was an lib an sele bel

Dez ist ir lob vf erde hel

Ich wil den gurtel nennen

Den svnt ir wol erkennen

Swer da mit ist bestricket

100

Und an in ofte blickit

Mit der sele ovgen

So ist ez ane lovgen

Er werde sa gebunden

Ze gote an der stunden

105

Mit dem selben borten

Nv wil ich iv mit worten

Sinen namen entsliezin

Ez wolt ivch lieht erdriezin

Und moht ich iht geniezin

110

Ob wirs ivch wissen liezin

Der gurtel ist div stetekeit

Div allir tugende krone treit

23,1

Uon ir so sprichit der gotis zart

Der guote sant Bernhart

Daz div selbe tugende groz

Allir tugende si ein schoz

5

Da inne siv ir rvowe hant

Und frolich vz vnd in gant

Spilent als div zarten kint

Div spil vogil in muoter sint

So si willen varent

10

Mit zvht mit tugenden iarent

So sint siv bi dem eide

Der muoter ovgen weide

Und darzvn der frovden stap

Von dirre welt vnz in ir grap

[57]

15

Got hat den livten lere gegeben

Die lengirn went dez libis leben

Daz si die vattir eren sunt

Und och die muotran swa siv mvnt

Daz sol man geistlich verstan

20

So ist bezzir vil getan

So vil div sele och hoher wigit

So si dem libe an gesigit

Div stetekeit ein ende git

Allen tugenden ane strit

25

Und werdint an ir ende

Versuochit von ir hende

Die lute hant ein sprich wort

An dem ende wirt bekort

23^b,29

Wie der mensche hat gelebt

30

Der dicke wider got strebt

Und sprechint ez ist allis guot

Wirt daz ende wol behuot

Alsus versuchit si alle tugent

An dem ende bi ir mugent

35

Sist allir tugent ein amme

Als die este von dem stamme

Nemint ir craft vnd ir fruht

Als hant siv von ir algenuht

Si grunent vnde belüegent

40

Uon ir vnd swie siv trüegent

Den tugenden den div stetekeit

Niht guotis ende hat bereit

Die mvn ovch tugende heizen niht

Die dez namen niht hant vergiht

45

Der tugende nam ist sterke

Ze tiute als ich ez merke

Tugende sind niht wan ein strit

Der stete gein herte git

Gein dez libes brœdekeit

50

Die er von nature treit

Uon sinen muot gelusten

Vnd bœsen akusten

Die von nature im an wonent

Und im die sinne gar verronent

55

Si wiget mit rehter wage

Den tugenden ane frage

23^c,57

Den hoh gedienden werden lon

Und die wunneclichin kron

Div gein der sele glestet

[58]

60

Da si vor gote restet

Die kenpfen tragent crone niht

Von reht e man in sigis giht

Die wile der man in kanpfe stat

Und im sin kanpfgenoz niht hat

65

Dez waren sigdis alda veriehin

Vnd div vergiht niht ist geschehin

Uon den rehte griezwart

Der dar vbir ist geschart

Daz er die warheit kiese

70

Wer da mit reht verliese

Alder da gewinne

Daz stat an sinem sinne

Wer er den sig nach rehte gebe

Daz er in frovden iemir lebe

75

Nieman den schifman prisen sol

E er daz port ir grifen wol

Und ab dem wilden wazzer kvnt

Vf stepfet vf der selden grunt

O we wer enkirt vf den grien

80

Da im der himilschliche kien

Mit tusint liehtin zvndet

Dez herschaft nieman grundet

Der die marner lendit

Der schif dich zvo im lendit

23^d,85

Und git in rehtem segilwint

Die e warin liehtis blint

Ver irret in der sunden nebil

Daz si daz bech vnd och den swebil

Der vntugint entreinet hat

90

Daz nieman rein beliben lat

Wan si der reinen sele wat

Gehonet wol vntz vf den grat

Vor got vntugent smeckint

Di sinen zorn weckint

95

Und vnsir sel vertremment

Lip vnd sek erlemment

Vnd hant vns selden vil vertriben

An den buochin stat geschriben

Daz der wise gotis rat

100

In den vbilin sel niht gat

Der geist der vbir willic ist

In den so gat kein wisir list

Wan got ist vom nature guot

[59]

So guot daz da von kein muot

105

Getrahten noch gesinnen

Noch ende kan gewinnen

Sin gute hat niht ende

Und loset daz gebende

Daz von allen vnselden kvnt

110

Sin guote hat niht endis grunt

So verre sin nature gat

Fur sin kranken hantgetat

24,1

So vil vnd och sin edilkeit

Fur alle creature treit

Noch cleiner vnde minder

Ist alder welte kinder

5

Sivnde vnd och ir schulde

Gein siner hohin hulde

Wan als div scrift der warheit giht

So moht der welt svnde niht

Sin erbermede vbir wegen

10

Der man mit ruowe wolte pflegen

Wan sol der warheit niht verdagen

Got sprichit dur den wissagen

Zewelhir zit zewelhir stunt

Dem sunder wird sin schulde kvnt

15

Und die besuftet mit smerzin

Von riuwe in sinem herzin

Der wil ich niemer furbaz

Gedenken me noch habin haz

Wa wart ie minneclichir wort

20

Und süezers vf der erde erhort

So daz wir dur den sünden not

Niemir werde schame rot

Die wir hie han begangen

Noch deste wirs enpfangen

25

Owe wie ist vns so geschehin

Daz wir niht an die minne sehin

Die got vns hat erzeiget

Und sich gein vns geneiget

24b,29

Got wil daz wir mit stetekeit

30

Gein siner crefte sin bereit

Wackir vnd vil munder

Daz er vns hie besunder

Ane slafen vinden

Daz wir sin ingesinde

35

Wesen bi der reinen maget

Uon der diz mere ist gesaget

[60]

Der got den gurtel hat bereit

Vz der steten stetekeit

Und si da mitte hat begurt

40

Div dur in streit in kanpfis furt

Mit siner minne wafen

Wol er si selbir zafen

Uon himilrich der werde helt

Der hat die crankin vz erwelt

45

Div er in dirre welte vant

Daz er da mitte tete geschant

Der welte fursten vnd ir risin

Vf dirre kvrzen frœde wisin

Daz wart wol ander megde schin

50

Martinen div der welte pin

Dur in so frolich hat erlittin

Und sine vient vbir strittin

Der es so richiv cleider gab

Div nieman sneit noch wab

55

Zehemde vnd zerocke

Div himilschlichiv tocke

24c,57

Hat eine suggenie

Div kivsche vnd och div frie

Und ein mantel vbir daz

60

Der hovelich gemachit was

Vnd dar ob einen gürtel

Div reine gotis türtel

Und an ir brust ein furspan

Als der guoten wol gezan

65

Div in siner minne bran

Aller tugent ein blüeiender stan

DIZ IST VON DEM SCHAPPEL DAZ HAT FÜNF BLVOMEN

Got saztir vf ir hovbit

Als megden ist irlovbit

Ein rich geblüemtes schappel

70

Uon tugenden daz was sinwel

Daz mac wol sin der eren kranz

Er was von sehz tugenden ganz

Schon vnd wol geblüemet

75

Daz got selbir zierit

So rehte wol kvrtierit

Ane mal vnd ane rost

Vnd vbir alder welte kost

[61]

Waz ez so wol gepriset

80

Als mich div warheit wisit

So was der erste blvomen bosche

Ane schinpf vnd ane hosche

Div vil hohiv demuot

Div alle tugende tuot behuot

24d,85

Und div vor gote blüeiet

Die nidez plast niht müeiet

Si hast so hoh genestet

Daz si vor gote restet

Der guote sant Bernhart

90

Uon der demuot hat enbart

Vnd spricht wir wellen demuot han

Der vns versmehde wil erlan

Der abir vns versmahet

Div demuot von vns gahet

95

Und och dur got armuot pflegen

Wer der gebrest vnderwegen

Wir werin wol dur got arn

Mohten wir wollust lazen varn

Wir werin och gedultic wol

100

Der vns erlieze smehir dol

Und div gedult wer stete

Der vns niht leidiz tete

Wir pflegen och wol stetekeit

Daz wir dem lib niht tetin leit

105

Und vnsir fleisch niht mvohten

Mit gisiln noch mit ruoten

Noch mit gebrest an spise

Vnd wir den aten zvgen lise

Und allen si fur war gekvnt

110

Daz demuot ist ein fundemunt

Vnd allen tugenden sicher wec

Si lat der sele keinen flec

25,1

Der wissage ysayas

Uon demuot hat gesprochin daz

Swer hie guotiv werc tuot

Ane rehte demuot

5

Der tete alsam der sine schoz

Offen gein dem winde groz

Trüeg da inne mel oder stovp

Der duhte die wisen alle tovp

Also sint vnsir werc ein spot

10

Vnd daz gebet alhin ze got

Da si och danne wisheit bi

[62]

So sin wir von in nutzis fri

Demuot daz hvbsche blüemelin

Stuont an dem stolzin schappelin

15

Daz div gotis dirne

Truoc vor an ir stirne

Der ander bluome div triuwe was

Den och div maget vzlas

Martina div vil seldenrich

20

Dem selbin blvomen ist gelich

Wan si was niht nivwe

Noch blode an der triuwe

Hab ieman rehte triuwe ganz

Der brech dar in dekeinen schranz

25

Wan si ist nv vngeneme

Der welte vnd wider zeme

Div triuwe ist och ein ingesigil

Ein sloz vnd och ein starker rigil

25b,29

Der alle tugende hat verspart

30

Uor missevende vnd wol bewart

Div triuwe vnd och div minne

Sint wol in einem sinne

Trvwe ist der minne swestir

Vil stetir vnde vestir

35

Danne nv si geswüstirgit

Als ist div welt och nv gesit

Div trivwe ist och ein tristkamer

Und tuot div wilden herzen zamer

Danne alder welte miete tvo

40

Sit lat niht abe spat noh frvo

Si git den tugenden guot geleit

Div truwe vnd och div stetekeit

Die sint von rehtir art gespiln

Wer möht ir lob zereht erziln

45

Trvwe ist der tugenden ein gezelt

Und wiget in allen hohis gelt

Sist allir tugent ein kamererin

Vnd schenkit in der minne win

Der von dem lebinden brvnne gat

50

Dez fluz och niemer stille stat

Trvwe ist der tugende malhe

Dem tuschen als dem walhe

Truwe ist der tugent ein bluome

Und der erbermede muome

55

Die zwo vnd och die minne hant

An sich gesnitten ein gewant

[63]

25c,57

Die drie went alleine

Haben ir dinc gemeine

Als guot frivnde gerne tuont

60

An der megde schappel stuont

Der dritte bluome mezekeit

Den wol div magt nach rehte treit

Wan si was messic an gesiht

Dar an mishvote si sich niht

65

Si was och mesic an der rede

Die furte si vf rehte pfede

Sie hielt die maze an spise

Gein zorne warb si lise

Und mæzic an dem tranke

70

Daz wag ir got gedanke

Si was och mezic an ir sitte

Si gie niht vz der maze scritte

Div maze stozt den tugenden zil

Si tuot ze wenic noch ze vil

75

Maze ist zallen dingen guot

Die tugende sint mit ir behuot

Elliv werc sint gar ein wint

Div ane rehte maze sint

Waz sol ze kalt vnd och ze warm

80

Waz sol ze rich vnd och ze arm

Waz sol ze lanc vnd gar ze kvrtz

Ze bitter gar ze süeze ein wurtz

Waz sol ze hoh gar ze nider

Waz sol geflügel ane vider

25d,85

Waz sol ane scham ein wip

Und ane fuoc dez mannis lip

Waz sol div selde ane kvnst

Waz helfent sinne ane vernunst

Waz sol ze stark oder gar ze swach

90

Waz sol ein hvz ane tach

Waz sol ein rittir ane muot

Der ist och ze nivte guot

Div maze tempirt alliv dinc

Umb alle tugent ein ganzer rinc

95

Div maze ist ist allir tugende vol

Dez stat si an dem schappel wol

Daz div reine maget truoc

Div ich e da vor gewuoc

Div vierde bluomen stude was

100

Div sich zvo dem schappel wol maz

Daz vil reine tugende vaz

[64]

Uil liehtir danne ein spiegil glas

Div milte erbermherzekeit

Die got von nature treit

105

Vbir sine hantgetat

Uon der dauid gesprochin hat

Daz div erbermede der er pfligit

Vbir elliv sine werc wigit

Er sprichit me an dirre frist

110

Daz och daz ertrich alles ist

Mit sinr erbermede vber fvlt

Nieman ist so gar verschult

26,1

Er werde in kvrzin stunden

Mit ruwe gar enbunden

Da von nieman verzwiviln sol

Got ist irbermekeite vol

5

Da von stahter daz blvmelin

An der megde schappelin

Div vobte erbermede elliv zit

Da von ir truogen grozen nit

Dez tievils burgere

10

Den was ir lebin swere

Wan siv erkanden gotis niht

Ir lot was valsch vnd ir gewiht

Erbermede ist lazin vnd gebin

Daz svnt ir merken rehte ebin

15

Ir svnt verstan daz gebin also

Swen ir die armuot fro

Mit ivwer gabe machint

Daz si von frovden lachent

Wend ir daz lazin och verstan

20

So svnt ir gar von herzen lan

Swaz iv leides ie geschach

Uon schaden vnd von vngemach

Daz svnt ir gar von herzin tuon

Lip vnd sel machen svon

25

Swer sich mit vbil richit

Vnd daz pater noster sprichit

Der bittit grozir rache

Got in latinschir sprache

26b,29

Swenner ze gote sprichit sa

30

Et dimitte nobis debita nostra

Sicut et nos dimittimus

Und danne abir alsus

Debitoribus nostris

[65]

So sint ir alle sin gewis

35

Daz er im selbin fluochit

Vnd vbir sich rache suchit

Er bittit gotis hulde

Uergib vns vnsir schulde

Als wir vnsirn schuldeneren tvoien

40

Die vns mit leide muoien

Swer danne von herzen hat vergebin

Der vert nach siner bet vil ebin

Swer abir mit argim willen gert

Wie wirt er siner bet gewert

45

Nv trahte ein wol bescheide

Die verlust vnd den gewin

Und laze disen kvrzin zorn

Daz er niht iemir si verlorn

Der tugenthafte Seneca

50

Sprichit von ir bermede da

Daz si menschlichir nature

Ein lutselic figure

Si vnd ein minneclichis cleit

Daz die menscheit tuot gemeit

55

Vnd machit si vnmelic

Der welte lutselic

26c,57

Wan si den lip schonet

Und die sele cronet

Vnd sich nach gote verwet

60

Da von si wirt gemerwet

In daz vil senfte mine ioch

Und lat der welte swæres bloch

Daz lip vnd sel erlemmet

Vnd allis heil vertemmet

65

Der och irbermede niht hat

Der ist ane cleit vnd ane wat

Und hat sich selb entedilt gar

Vnd ist der edilkeite bar

Die got an die erbermekeit

70

Uon frier guote hat geleit

Die gotis gabe ertovgent

Siner ebin menschin erlovgent

Er verlovgint an dirre frist

Sinen brvoder ihesu crist

75

Der vnsir niht lovgen wolte

Do er sterbin solte

Uon siner minne vbir vnser heil

Er loste vns von der sünden seil

[66]

Vnd hat erbermede vns vor getragen

80

Uf erde in menschlichen tagen

Daz wart an dem schacher schin

Der sprach herre gedenke min

So dv in din riche

Komest gewaltecliche

26d,85

Noch hate furbaz kein bet

Nv horent waz der süeze tet

Amen ich sage dir fur war

In dem paradise clar

Soltv noch hvte bi mir wesin

90

Uor aller not vil genesin

Svz wart er tusint valt gewert

Me danne er hat an in gegert

Martina div vil reine magt

Mit der erbermede was betagt

95

Div sich nach gote bildet

Ir herze was gemildet

Uon tugenden der si hate genuoc

Sie hate glinpf vnd darzvo fuoc

Da von si dem bluomen cluoc

100

Ir bermede an ir schappil truoc

Der fünfte blvme was gestaht

An den cranz wol geslaht

Der die maget kronen sol

Wan div was allir tugende vol

105

Ir herze och ane gallen was

Daz süeze zvckirmesic vaz

Daz hate got gewihit

Da von ir nit verzihit

Sin güete swaz si biten wil

110

Wan sie der martir hertis spil

Dvr sine liebi hat gespilt

Da von ihr lob ist vz gezilt

27,1

Nv ratent ane grozin haz

Was der fivnfte blvome was

Wan ez was niht der lilie wis

Uil verre hohir was sin pris

5

Ez was och niht der rose

Noch der zitelose

Ez waren ovch niht geleien

Die man da siht ze meien

Noch der wege bluome

10

Er was vil hohir an ruome

[67]

Und was och niht der viol

Noch div gelwe batenie hol

Galbine noch div rute

Daz div gotis trute

15

Truoc an ir schappel

Noch tille noch der venkil

Ez was och niht der grüene cle

Der vf der heide vnd vf dem le

Fivhtit in dem tovwe svoz

20

Noch der gelwe hanefuoz

Ez was och niht div minze

Die der engil prinze

Stahte an der megde krenzil

Zestiure an ir swenzil

25

Den er ir vor gegebin hat

Ane snit vnd ane nat

Nach hohim prise wol bereit

Der bluome von dem ist geseit

27b,29

Der ist als ich doch wene

30

Vil liuten selzene

Ich bin sin leider alze fri

Ez ist div luter gehorsami

Div ihesum crist den lobsam

Uon dez vattirs schoze nam

35

Vnd vz sinem buozen

Umb vnsir svnde truosen

Der div welt was erfult

Vnd stalt dez vatirs vngedult

Und darzvo sinen alten zorn

40

Der vns von schulden ist erkorn

Svz zoh in div gehorsami

Abe dem dem liehten kerubi

Und saztin vf der erde stovp

Da von erretet wart der rovp

45

Dez er vil lange was entwert

Vnd von dez tievils reise verhert

Der was ir herre vnd och ir voget

Biz daz der milte kan gezoget

Vf sinen spor mit cleinem her

50

Svnder danc vnd ane wer

Nam er im sin hangetat

Die er verlor dur sinen rat

Und leit im vf daz swere ioch

Vnd sluoc in in daz helle bloch

55

Da ist er in verbisset

[68]

Uersichirt vnd gewisset

27c,57

Da lit der arge bœswiht

Vil gar an alle zvoversiht

Gehorsami in mere twanc

60

Daz er verkos der engil sanc

Und der himel seit spil

Der da ist ane maze vil

Vnd leit sich in die krippe

Daz iunge murwe rippe

65

Lac vf dem herten hovwe

Uon ivda der starke löwe

Dez vattirs einborne kint

Ob im der esil vnd daz rint

Div in vil baz erkanden

70

Danne die kvnge von den landen

Er lac och kvngen niht gelich

Swie hoh sin vatir was swie rich

So lac er doch verwunden

An den selben stunden

75

Als kvngis kinde niht gezam

Bedeckit niht mit buggeram

Noch mit dekeinem schamblat

Der div welt doch mengen hat

Noch gewunden in den zendal

80

Noch in die pfellor liht gemal

In hat och div muoter sin

Gewunden niht in baldegin

Noch in den richin cidat

Niht bessirs och div welt hat

27d,85

Noch in den tiuren samit

O we wie iemerlich er lit

Er lac den fürsten vngelich

Uon dem alle kvnge ir rich

Habent vnd ir cronen

90

Wer möhte im dez gelonen

Man wolt sin lüzil schonen

Und wac in als ein bonen

Er lac alda niht vf gevider

Nahe bi der erde nider

95

Lac der vil gehiure

Im waren bette tiure

Daz was vbir die maze

Er lac och an der straze

Er hate nicht eigen hvs

[69]

100

Nv trahtent daz ein armiv mus

Hvsir vnde bette pfliget

Und allir kvnge herer liget

An der straze bi dem wege

Ane der wælte zarte pflege

105

Man darf sin niemir svochin

Wan in den cranken tuochin

Und in den swachin gudirlin

Da want in div maget in

Owe dem iemer armen

110

Den daz niht wil erbarmen

Vnd niht in iamir schinen

Man mach doch den swinen

28,1

Ställe vnd darzvo guot gemach

Vnd fur den regin ein tach

So lit der hohe zimberman

Der elliv dinc wol machen kan

5

Ane hus vnd ane rat

Der himil vnd erde gemachit hat

Dez ich zeherrin mir vergihe

Der lit hie vnder disem vihe

Ovch sprichit an einer stat da

10

Johannes ewangelista

Er kam her in eigen lant

Und von den sinen niht erkant

Die in ir kennen solden

Billich vnd dez niht wolden

15

Abir die in enpfiengen

Und ir reht begiengen

Den gap er allen den gewalt

Von siner guote menicvalt

Daz siv wurden gottis kint

20

Als ir vnderwisit sint

Uon gehorsami wart er besnitten

Nach der e vnd nach den sitten

Als er hat da vor gebotten

Abrahame svnder spotten

25

Svz leit er daz man in besneit

Fur alder welt vnkivschekeit

Swaz sünden hat div welt gepflegen

Daz hat ein tropfe wider wegen

28b,29

Der er vil menic tusint goz

30

Daz von dem kivschim libe floz

Im wart och ein nam gegebin

Der vns widir gap daz lebin

[70]

Und im gelichim niht hat

Der vbir alle namen gat

35

Vnder dem himil ist kein name

So hoh so wert so lobsame

Mit dem wir vf der erden

Behalten mugen werden

Ane den namen eine

40

Den ich vor allen meine

Den och sante Bernhart

Mit sinem lob niht hat gespart

Er hat mit hohir wisheit

Uon dem namen daz geseit

45

Daz er ist in dem munde

Ein honic zallir stunde

Daz alliz biter süezet

Vnd alle swere büezet

Und in den oren ein süezer sanc

50

Vnd ein trosteclichir clanc

Der daz herze irfrovwet

Und valschis truren stovwit

Er ist och in dem herzin

Ein wunne svnder smerzin

55

Die wedir herze sin noh munt

Nach rehte kan gemachen kvnt

28c,57

Und ist ein süezis wundir

Der sele doch bi svndir

Vnd zovgt sich dicke das ist war

60

An mengen liuten offenbar

Und heizit an den buochin svz

Cordis jvbilus

Vnd kvmet von genaden fluz

Und von der süezen minnen duz

65

Den wil ich iv nennen

Den svnt ir wol erkennen

Swa er mit andaht wirt genant

Da is dez tiefils craft gebant

Ir sunt in reht erkennen sus

70

Er heizit ihesus cristus

Crist tiut in tiuschir zvnge

Ein salbe als ein wihunge

Wan als div schrift verlihet

So heizit er der gewihet

75

Ihesus der name betiutet

Als vns div schrift gebiutet

[71]

Ein behalter eigenliche

Wie suze vnd wie seldenrich

Ist dez namen stimme

80

Er schinet als ein gimme

Uz dem roten golde tuot

Er machet herze vnd och den muot

Starc in wider müetekeit

Sant Bernhart von im seit

28d,85

Daz er als ein öl luhtet

Und in daz herze fivhtet

Vnd ez von sünden ledgot

Swa er wirt gepredigot

Und an in ouch gedenkit

90

Der wirt da von bekrenkit

Lip vnd sele gespiset

Als mich div warheit wiset

Er salbet vnde senftet och

Alhie daz zarte gotis ioch

95

Mit disem namen ist erfult

Gehorsami vnd vbir gult

Er sprach ich bin niht her gesant

Daz ich div reht vnd och div bant

Der e iht welle brechin

100

Ir gewonheit zertrechin

So daz si vf der erde

Uon mir erfullit werde

Gehorsami div braht in hin

Nach siner lieben muoter sin

105

In daz gotis tempil

Die regil vnd daz exempil

Div got der welte hat gegebin

Nach dien wir rihten svn daz lebin

Svz wuohz sin menschliche ivgint

110

In so vollekominer tugent

Vnz er kam an zwelf iar

Man sach sach^[1] in stille vnd offenbar

29,1

In der synagoge sitzin

Fragen vnd reden von witzin

Daz ez siv alle wundert

Daz er so gar gesundert

5

Was mit so hohin fragen

Uor kvngen vnd vor magen

Da was in daz vil vnbechant

War vmbe er was alher gesant

Uon himilschlichir schuole

↑ **Dopplung

[72]

10

Ab sines vattirs stuole

Da allir wisheit vrhab ist

Vnd hohir sin fur alle list

Er kam an einen brvtlovft

Da er vil hohe wirde kovft

15

Uon einem zeichin daz er tet

Von siner liebin muoter bet

Da erste vor den ivngern sin

Er mahte vz wazzir win

In chana Galylea

20

Dez wart im michellob alda

Die ivnger gelovbten an in do

Und warn dez von herzen fro

Svz prediet er vnz vf daz zil

Vnd tet so grozir zeichin vil

25

Der ich gar niht kan gesagen

So er begienc in sinen tagen

Er mahte miselsvhten

Gesvnt mit guoten zvhten

29b,29

Swer mit dem bœsen geiste waz

30

Behaft der muoze alda daz vaz

Sa zestunde rumen

Geswinde an allis svmen

Er tet och vf div oren

Den vngehorinden toren

35

Swem man och der blintheit iach

Dem half er daz er gesach

Er hiez die lamen vf stan

Gesvnt von ir bettin gan

Er hiez vf stan die toten

40

Die von dem tode verschroten

Warin die hiez er sin gesunt

Und gap in lebin an der stunt

Im kam och zvo ein blinde

Geborn von einem kinde

45

Ane menschin ovgen

Dem gap er ane lovgen

Gesiht vnd ovgen an der stunt

Daz was alda ein hohir fvnt

Er gab och lazaro daz lebin

50

Dez wart im hohir pris gebin

Wan der was nach der warheit sage

In dem grabe vier tage

Gelegen tot nach alten sitten

Und haten sin alda gebitten

[73]

55

Er hiez abtuon dez grabis tür

Vnd hiez in balde gan her für

29c, 57

Er tet vil zeichin elliv zit

Dez wuohz gein im der ivden nit

Er strafte si vmb ir missetat

60

Und gab in lere vnd darzvo rat

Wie siv den hohstin solden

Erkennen ob siv wolden

So was in swer vnd also leit

Daz er die baren warheit

65

In seite vnder ovgen

Dez siv niht mohten lovgen

Ir gitekeit div was so groz

Daz si die warheit gar versloz

Als si vil dicke hat getan

70

Div valsche miet vnd och der cran

Tet in so sanfte vnd och so wol

Siv wan der leckirheit so vol

Daz siv daz reht liezin

Mit gitekeit verfliezin

75

Swaz siv nv dez geniezin

Daz sol in clein erschiezin

Do was ir hovart so vil

Daz mit in sin govgil spil

Der tievil treib vnd si so gar

80

Der rehten warheit wurden bar

Und giengen im mit valsche nah

Vf sinen tot was in so gah

Daz in die gar verfluochten

In mengwis versuochten

29d, 85

Siv durste sere vf sinen tot

Wan er siv dicke schamerot

Tet vor in genozen

Cleinen vnde grozen

In waz sin wisiv wisheit

90

Ze hoh zetief vnd och zebreit

Er truoc von wisheit hohen pris

Dez kerten siv ir bestin fliz

Wie er ergriffen wurde

Daz er der schanden burde

95

Truge vnd och den smehin schimpf

Und dez volkis vngelimpf

Daz in hate bi den tagen

Als einen hohin wissagen

[74]

Er kam mit demuoten sitten

100

Ze hierusalem in geritten

Uf einem cranken esillin

Mit im so gien die ivngern sin

Gein im so was daz volk komin

Daz sin kvnft hate vernomin

105

Mit loblichim sange

Mit frovderichim clange

Kamen siv zvo im gevarn

Herlich die ebreischin scharn

Etslich die wider spreiten ir gewant

110

Im ze dienste vf den sant

Svmliche brahten bluomen

Zelobe vnd och ze ruomen

30,1

Mit blüeienden esten

Bekamen siv den gesten

Etlich kamen mit palmen

Frolich mit lobis galmen

5

Genuoge mit ölebovmen

Daz moht in wol trovmen

Man hort och von den kinden

Den meren vnd den minren

Mit luter stimme schrien da

Osaanna Osanna

10

Osanna in excelsis

Daz ruoften siv in lobis wis

Nach ebreischim sit

Schrivwen siv fili dauit

Und haten och rehte

15

Er was dauidis geslehte

Nach dem fleisch vnd niht nach got

Und sprachen im der gesegnot

Der vns hie an dirre frist

In gotis namen komen ist

20

Gesegnit kint von israel

Behalt vns lip vnd die sel

Daz im groziv ere geschach

Und daz man im osanna iach

Daz wil ich iv bescheiden

25

Nach rehte von in beiden

Div ere div man im do bot

Daz was von lazarus tot

30b,28

Den er von tode hiez vf stan

Geswinde von dem grabe gan

30

Der was von hierusalem geborn

[75]

Da von was im daz lob erkorn

Daz wort osanna tutet sich

In tiuschin herre wir bitten dich

Behalter der den toten lebin

35

Mag mit sinen worten gebin

Behalt vns herre an dirre stvnt

Suz bat er herze vnd och ir munt

Vnd do die ivden ersahin

Die ere die im geschahin

40

Und siv div lob erhorten

Div sere ir frovde storten

Do giengen siv vil drate

Mit ein ander zerate

Die fivrsten vnd der bischof

45

Die scriber vnd darzvo der hof

Siv sprachin alle was svn wir tvon

Dirre hat so grozen rvon

Dem volk ist nach im so gach

Im volgit aldiv welt nach

50

Vnsir dinc ist gar ein wiht

Nieman ahtet vnsir niht

Und lazen wir in also hin

Dez han wir grozin vngewin

Daz volk ist so betovbit

55

Daz ez an in gelovbit

30c,56

Ez mac vns werden swere

Lihte komint romere

Und nement livt vnde lant

So sin wir iemir me geschant

60

Nv horent guot eben maz

Einer der hiez kaifas

Der was bischof da fur war

Worden in dem selbin iar

Ez ist vil nvtzir daz ein man

65

Nv alleine sterbe

Danne alle div welt verderbe

Kvnfteclichin an geseit

Da hate er gar die warheit

Uil me danne er doh verstuont

70

Als noch die livte dicke tuont

Wan ihesus crist der wolt sin lebin

Fur alder welte sünde gebin

Dur vns ingrozin noten strebin

Wol im der daz bedenkit ebin

[76]

DIZ IST DER PASSIO VON VNSERS HERREN MARTER

75

Nv trahent in dem sinne

Daz nie grozir minne

Wart befunden noch besehin

Dez ir mir alle müezent iehin

So der mit willen ane strit

80

Sin lebin fur den ander git

Als ich her nach iv mache erkant

So mit div zit wirt benant

Vil wol ich geraten kan

30d,84

Ez mach den bluomen tivren wol

85

Der ander megde schappel sol

Den hat geverwet rosen rot

Cristes blvot vnd och sin tot

Owe der tiuren varwe

Div also reht garwe

90

Den blvomen hat dur büenet

Und alle tugende ergrüenet

Div hoh gelobte gehorsami

Div vns von sünden mahte fri

Ich wil nv kvnden iamer clage

95

Dez abindes vor dem marter tage

Dar an ich groz milte spur

Crist sante sine boten fur

Vnd hiez bereiten in der stat

Die mandate als er siv bat

100

Und gab ein vrkünde cluoc

Swer mit wazzir einen cruoc

Vor iv trage an der straze

Swaz sich der nider laze

Dem svnt ir balde keren na

105

Dem hvswirte sagen da

Der meister wil sin ezzin nemen

Als im von rehte wil gezemen

Bi dir vnd die iungern sin

Daz sol dir schiere werden schin

110

Do sazin siv zetische

Ob fleisch vnde vische

31,1

Da waren dez weiz ich niht

Als div schrift der warheit giht

Daz brot nam der starke degin

Und tet dar vbir sinen segin

5

Vnd braht daz brot vnd bot ez dar

Den ivngern sin nv nement war

[77]

Diz min lip vnd sin lebin

Daz werden sol dur iv gegebin

Zesvon vmb ivwer missetat

10

Und swaz div welt gegebin hat

Dar nach nam er daz reine vaz

Da der win inne was

Vnd segent daz vnd bot ez do

Den iungeren sin vnd sprach also

15

Hie trinkint vz gemeinlich

Und sunt daz wizzen sicherlich

Diz ist mein bluot der nivwen e

Ir sunt och furbaz wiszen me

Daz er dur iv vergozzin wirt

20

Vnd mengen groze selde birt

Diz sint ir üebinde sin

Uil dicke vmb die gehugde zit

Vnd sprach also der selbin zit

Under ivch mich einer git

25

Ane schulde in den tot

Der in die schuzelin daz brot

Mit mir stozit an der frist

Daz mich der hin gebinde ist

31b,29

Do daz ezzin was getan

30

Do sach man in vf stan

Und leite von im sin gewant

Ein linin tuoch vmbe sich bant

Ein vaz mit wazzir er selber truoc

Demutlichen er do twuoc

35

Den ivngeren sin die füeze

Der guot vnd och der süeze

Vnd trucknit in die füeze nas

Mit dem tuoche so er begurt was

Do er ze sante petir kan

40

Do sprach er zim vnd sach in an

Wiltu die füeze weschen mir

Petir ia dast min gir

Daz ich nv tuon dast dir vnkvnt

Unz harnach etslichir stunt

45

Sant petir sprach dez sol niht sin

Daz dv weschest die fiuoze min

Vnd wesch ich dir die füeze niht

So hastu mit mir keine pfliht

So si dir niht allein erlovbt

50

Die süeze wesche mir hende vnd hovbt

Er sprach swer sich geweschin hat

[78]

Der tuo furbaz keinen rat

Wan wesche die füeze so ist er gar

Uon allir vnfletekeite bar

55

Ir sint reine vnd doch niht vberal

Daz meind er do an ivdas val

31C,57

Er wizte den wol der in verriet

Als mit worten do beschiet

Do in gewuosch die füeze alsus

60

Ir herre ir meister ihesus

Do nam er siniv cleider wider

Und saz zvo den ivngern nider

Wizint ir was ich iv hab getan

Ir heizint mich herre meister vnd hant reht daran

65

Und hant och dar an guoten sin

Wan ich ez ane zwivil bin

Sich ich ivwer füeze han getwagen

Ich herre vnd meister wil ivch sagen

Diz svnt ir och ein ander tuon

70

Daz machit minneclichiv svon

Demüetic als der tuben huon

Niht haben vppeclichen ruon

Ich wil iv gebin ein nvwes gebot

Daz svlt ir haben ane spot

75

Ir svnt ein ander minnen

Mit herzin vnd mit sinnen

Als ich iv har geminnet han

So hant ir volleclich getan

Min gebot vnd minen rat

80

Der iv zehohen selden stat

Do siv den rat enpfiengin

Und daz gebot do giengin

Siv mit guten zvhten schon

Vbir daz wazzir Cedron

31d,85

Mit ihesu in einen garten

Da er wolte warten

Daz div schrift irfullit wurde

Und tragen vzir burde

Vnd vns von sünden machen fri

90

Als in daz süeze blüemeli

Gehorsami mit creften twanc

Den er der kivschin megde blanc

Martinen an ir schappel stiez

Div sich och dur in todin liez

95

Ihesus bi sinen ivngeren was

[79]

Siner rede er niht vergaz

Er sprach ich wirde in dirre naht

Uon iv gelan vnd ivwer maht

Ir werdent alle fliehinde

100

Mine helfe schiuhinde

Ir lant mich alle in miner not

Sant petir sich do fur bot

Herre ich wil bi dir bestan

Vnd müeze ich ioh daz lebin lan

105

Als sprachin siv gemeinlich

Offenlich vnd heinlich

Amen fur war ich tuon dir kvnt

Petir daz dv dristunt

In dirre naht min lovgest

110

Und min zemeister tovgest

E der han kreie einest

Swie luzil dvz nv meinest

32,1

Und sprach min geist der truret

Div martir mir ersuret

Min sel angstet vf den tot

Vnd vf die marterlichin not

5

Er rihte von in sinen ganc

In der maze eins wurfis lanc

Er leit sich vf die erde

Und vf sin antlüt daz werde

Sin gebet daz was so heiz

10

Daz der bluotic sweiz

Von im nider tropphet

Sin herze vor angsten kloppfet

Daz bluot von sinem antlütz floz

Vmb den menschlichin kovf

15

Er sprach vater mac ez wesin

So la der martir mich genesin

Und doch niht als ich han gedaht

Din wille werde vollebraht

Diz ist der bluome als ich ez las

20

Der an der megde schappel was

Er was der megde gehorsam

Der bluom vns von der helle nam

Er gie zvo sinen jvngern wider

Die lagen vf der erde nider

25

Der slaf hat siv begriffen

Ir frode was zersliffen

Er sprach petir mohtestv

Niht mit mir ein wile nv

[80]

32b,29

Gewachit han in dirre zit

30

Slafent niht iv nahet strit

Und betent daz ir niht bekort

Werdent von der viende wort

Wan der geist der ist bereit

Daz fleisch hat abir blodekeit

35

Er gie von dan alda er tet

Zvo dem vattir sin gebet

Ob ez mit fuoge mohte ergan

Daz er der martir wurde erlan

Doch niht wan nach dem willen din

40

So wil ich dir gehorsam sin

Er gie hin dan vnd vant die ivnger

Begriffen mit dez slafes hunger

Ir ovgen waren swere

Uon dem bosen mere

45

Er sprach zvo in ir slafent noch

Wol vf ich mvoz der marter ioch

Tragen als ich iv künde

Fur alder weite sivnde

In dirre rede do kam aldar

50

Jvdas mit einer grozin schar

Er sprach zvo in wen suochint ir

Jhesum den wolten wir

Der bin ich sprach er offenlich

Div wort div wan do krefterich

55

Daz siv giengen balde wider

Vnd vielin vf die erde nider

32C,57

Do fragter wen siv suochten

Do sprachin div verfluochten

Jhesum von Nacharet

60

Ich bin ez doch der vor iv stet

Sit ir mich went so lazint gan

Die ir hie bi mir sehint stan

Dur daz div schrift wurde erfült

Vnd siner triuwe ein vbir gult

65

Die dv mir vatir hast erkorn

Der hab ich einen niht verlorn

Sant petir alda ein swert

Dez bischofz kneht alser do gert

Slvoc er daz reht ore da hin

70

Daz heilte im der gotis sin

Der kneht der hiez Malchus

Div schrift in rehte nennit svs

Jhesus von siner milte groz

[81]

Ze petir sprach din swert daz stoz

75

Widir in die scheide

Tvo nieman niht zeleide

Ich wil vnd sol in disen tagen

Erfullen swaz die wissagen

Gesprochin hant nv lange her

80

Nach mines liebin vater ger

Do bunden in die helle rvden

Die blinden die verfluchten ivden

Er sprach waz hant ir nv vernomen

Ir sint mit ivwern wapen komen

32d,85

Zvo mir als zeime diebe

Alle tage mit liebe

Was ich doch in dem tempil hie

Daz mich keiner ivwer vie

Siv fuorten in gevangen do

90

Zemerst fur annan der was fro

Der was dez hohstin fursten sweher

Caipfas der was ein speher

Und ein wissage cristes tot

Der sinen rat den ivden bot

95

Daz weger were daz sturbe

Ein man ovch verdurbe

E daz verdurbe gar div weit

Svz gab den zol vnd och daz gelt

Krist vnd hat für vns bereit

100

Mit sines todis bitterkeit

Sant petir hat gevolget dar

Nach ihesu mit der ivden schar

Vnd ovch der ander ivnger

In rehtir liebi hvnger

105

Swiez in doch liezin in der not

Als in div blode menscheit bot

In was der geist doch niht erkant

Der sterki der in wart gesant

Als ich hernach iv mache kvnt

110

So ich gewinne der fuoge stunt

Der andir ivnger den ich niht

Genennet hat nach rehter pfliht

33,1

Er ist och niht genennet

An dem buoche noch erkennet

Doch was er als ich han vernomen

Und ich bin vf die warheit komen

5

Sant iohannes ewangelist

Den minnete ie der süeze crist

[82]

Den erkande wol der bischof

Da von er in den frithof

Mit ihesu sinem meister gienc

10

Den man vnwerdeclich enpfienc

Sant peter der stuont bi dem tor

Da was er beslozzin vor

Do gie der iunger wider vz

Und fuorte sant petern in daz hvz

15

Vnd do er kam zertür in

Do sprach zvo im div portnerin

Bist ovch dv ihesus ivnger ein

Do sprach sant peter nein ich nein

Die ampliute vnd die knehte

20

Die stuonden nach ir rehte

Fur den frost zvo dem fiure

Wan in was hitze tivre

Sich warnde och sant peter

Uil cleine frovde het er

25

Er was von schulden vnfro

Der bischof fragte ihesum do

Von sinen ivngern vnd siner lere

Div was im gar zeherre

33b,29

Jhesus der hohe phylosof

30

Der sprach zvo dem bischof

Ich han offen in daz lant

Geredet nv gar vnvermant

Offenlich niht heinlich

In der synagoge gemeinlich

35

Und in dem tempil geleret

Mins vater lob gemeret

Da alle ivden sint gewesin

Han ich geprediget vnd gelesin

Div sagint dir wol div mere

40

Ich han heinlich niht geret

Hie noh da an keiner stet

Als er daz wort gesprochin hat

Der amptliut einer dar trat

Und sluoc im einen baggen slac

45

Daz er gedulteclichin wac

Antwurtest dv dem bischof svs

Do sprach ihesus cristus

Han ich gesprochin vbil hie

Daz soll dv bezivgen wie

50

Han abir ich wol gesprochin

Waz hast dv danne gerochin

[83]

Der bischof sante furbaz

Jhesum do vf nivwen haz

Caipha siner tohter man

55

Zvo dem er gebunden kan

Fur den man freisan

33c,57

Sant peter bi der glüete

Stuont da invngemüete

Und gewarnde sinen lip

60

Do sprachin zim man vnd wip

Bistv dez mannes ivnger

Do tet er als er wer ein vnger

Vnd bot da fur sin lovgen

Offen vnde tovgen

65

Siv begunden sich zvo im leven

Einer do dez knehtis neven

Dem er daz ore absluoc

Als ich e da vor gewuoc

Sach ich dich in dem garten niht

70

Bi dem man ander geschiht

Sant petir do von leide

Swuor alda mit eide

Daz er sin künde nie gewan

In der rede crate der han

75

Jhesus der kerte sich dan

Vnde sach sant petirn an

Do daht sant petir an daz wort

Daz er hat da vor gehört

E daz der kreien werde kvnt

80

Dez hanen so hastv dristvnt

Min verlovgint also gar

Uor der ivdenschen schar

Sant peter do er weinde

Groz rivwe daz er meinde

33d,85

Sin piterkeit div wart groz

Daz er sin antlüt begoz

Mit der ovgen rivwe regen

Da von im wart der gotis segen

Die kneht die ihesum huoben

90

Vnd sine froide ergruoben

Die tribin mit im mengen schinpf

Und gan im grozen vngelinpf

Vnd wart alda zegrozem spote

Uor der grozin ivden rote

95

Siv gaben im der sahenden pris

Vnd gruozten in in spot wis

[84]

Got grüeze dich künc der iudenscheit

Und tatin im vil mengiv leit

Siv haten in mit tvoch bedaht

100

Vnd triben spot menger slaht

Siv slvogen och sin antlüt

Siv waren sine frivnde nüt

Man hiez in raten vnde sagen

Wer in hate da geslagen

105

Uf sinen minneclichen nack

Im wart gegebin menic slac

Gescholten verfluochet

In menic wis versuochet

Vnz daz der tach[**Scan ist undeutlich] fruo erschein

110

Da was der ivden rat gemein

In fuorten alt vnd darzvo ivnc

In der ivden samenunc

34,1

Siv sprach sag an bistv crist

Uon dem gewissaget ist

Er sprach sag ich die warheit

Daz dvnkit iv ein vppekeit

5

Wan ir gelovbtit cleine

Swaz ich alhie gemeine

Frage ich iv danne so swigent ir

Und gent dekein antwurte mir

Vnd wirde och niht von iv verlan

10

Da von sehint ir niht stan

Dez menschin kint zezeswen hant

Bi sinem vatter ane bant

Da von so bistv gotis kint

Dez wir wartende sint

15

Die warheit seit hie ivwer sin

Wan ich ich ez rehte selbe bin

Da wart ein michil geschre

Siv sprachin alle waz wen wir me

Wir han ez selbe gehoret wol

20

Da von er nv verderbin sol

Siv waren der rede harte fro

Und brahten in pylato

Do wart von der ivden rot

In mengwis geleidigot

25

Daz er were offenbere

Dez volkis ein verkerere

Vnd heizit vns niht zins gebin

Dem keisir hie die wil wir lebin

34b,29

Siv seiten vf in mengen luck

[85]

30

Vnd ovgten mengen bosen tuck

Pylatus sprach ze ihesu

Sag mir die rehten warheit nv

Dv bist kvnic der ivden diet

Daz eim der süeze also beschiet

35

Ja dv hast die warheit

Rehte von mir nv geseit

Pylatus sprach zen knehten

Den hohsten vnd den rehten

Ich vinde an im dekeine schulde

40

Do sprach si mit vngedulde

Er hat daz volk verkert

Vnd aldaz lant enteret

Uon Galylea vntz her

Vil gar nach siner valschir ger

45

Do Galylea wart genant

Pylatus fraget da zehant

Und erkande daz wol da

Daz er von der herschaft

Herodis was vnd siner craft

50

Ob er wære von Galylea

Vnd sant in zvo heredes da

Dem kvnge der was sin gar fro

Er hate in dicke gerne gesen

E vnd mohtes sin geschehin

55

Er hette gehorit siniv zil

Von im grozer wunder vil

34c,57

Und dinget in der gehe

Daz er von im gesehe

Etlichis zeichin

60

Er begunde smeichin

Mit vil menger frage

Da wider tet er trage

Vnd wolt im niht antwürte gebin

Die ivden stalten vf sin lebin

65

Mit vil mengir clage groz

Groz geschrei vnd michil doz

Mohten siv mit allir craft

Herodes vnd sin ritterschaft

Die smahten in sa zehant

70

Siv leiten im an wiz gewant

Und triben mit im wunder

Spotes da bisvnder

Vnd sant in do pylato wider

Und wurden guote frivnde sider

[86]

75

Ir alten haz versuonde alsus

Der süeze ihesus cristus

Pylatus hiez den fursten dar

Rvofen von der ivden schar

Vnd sprach ir hant mir braht alher

80

Disen man nach ivwer ger

Als ein vnrehtvertigen

Und ivwer e widerwertigen

Den kvnnent ir niht vberwinden

Koch dekeine schulde vinden

34d,85

Div wert si dez todis

Noch der kvnic herodis

Lant mich vnzvhtigen

Vnd von iv vnpflvhtigen

Ich weiz vil wol ir hant daz reht

90

Als ich von warheit han erspeht

Daz man iv zivwir hohgezit

Daz iv nv gar nahe lit

Einen gevangen gebin sol

Ob ez iv nv gevallet wol

95

So laz ich iv den kvnic der ivden

Da wart alda ein michil lvden

Und rvften gip vns Barraban

Jhesum den soltu selbe han

Barrabas was ein schacher vnd ein morder

100

Vnd vbiltete ein horder

Und manslegge den schirden si

Vnd mahten in dez todis fri

Gerehtekeit div was da ful

Pylatus hiez an eine svl

105

Jhesum binden sere

Der wart vil vnd mere

Gewundet da von zorne

Mit geisiln vnd mit dorne

Vnd ane bermede so geslagen

110

Daz er mit willen wolte tragen

Und ane schvlde fur vns doln

Er was von der füeze soln

35,1

Verseret gar vnd vngesunt

Und vbir allen lip verwunt

Vntz an dez hovbtes hohsten teil

Fur alder welte svnden meil

5

Diz mohle wol der blvome rot

Sin der got der megde bot

Den geverwet hat alsvs

[87]

Mitt sinem bluote cristus

Vnd an martinvn schappel bant

10

Gehorsami ist er genant

Nv horent von dem bluomen mer

Aber ein nivwes herze ser

Vnd disen iamerlichin lon

Im wart ein ruhe dvrnen cron

15

Uf sin hovbit gesetzit

Div was so wol gewetzit

Daz siv im an den stunden

Vil vngezaltir wunden

Gap in sin hovbit

20

Daz ieman kvme gelovbit

Svz was sin lip wunden vol

Und haten in mit pfellol

Schon als ein kvnic becleit

Daz was dur spot an in geleit

25

In solchim schinpfe lebter

Nach kvnges zit ein cepter

Von ror in sin hant gegebin

Svz mvozer swie siv wolten lebin

35b,29

Er wart gar herteclich getrut

30

Sin ovgen vnd sin antlüt

Als einem diebe verdeckit

Und was vil nach ersteckit

Von ir munde vnflat

Dez wart so vil anin gespart

35

Dez wunder was daz er niht starb

Uon der vnreinekeit verdarb

Daz geschach dvr vnsir nvtz

Die engil gar an vrdrvtz

Schowent ez mit girde

40

Daz die ivden mit vnwirde

An spuwen vnd an grinen

Tobinde mit vnsinen

Daz himil vnd erde erluhtet

Vnd durriv herzen fiuhtet

45

Der elliv dinc geschaffen hat

In siner hohin trinitat

Der was ir allir tore

Sin hobit mit dem rore

Geslagen wart nach ir glvst

50

Vnd menic stoz an sine brvst

Wart im vnd an gezannet

Uerehtet vnd verbannet

[88]

Wart im sin minnecliches lebin

Daz er vmbe vns wolte gebin

55

Mit vnzvhten man im wac

Vil mengen smehen hals slac

35c,57

Vf sinen minneclichin nac

Da denkint an naht vnde tac

Siv bugen sich vntz vf ir knie

60

Daz svnt ir rehte merkin wie

Uil dicke siv fur in knieten

Als siv im wolten bieten

Kvnges ere vnde gruoz

Do tatin siv im frovde bvoz

65

Siv spilten mit im nides spil

Vnd allir govgel fuore vil

Siv hatten siner schanden fliz

Und erten in spotwis

Got grüeze dich dich kvnc von israel

70

Der gruoz vnd och den Gabriel

Braht der liebin mvoter sin

Div aller tugende ist ein schin

Die waren vngeliche

Wan dirre was seldenriche

75

Do was iener nides vol

Und braht vns doch der frovden zol

Pylatus der gie wider dan

Da er die ivden hat verlan

Vnd sprach ich finde schulde niht

80

An disem menschin noch vergiht

Div im svl den lip nemin

Ald im der tot svl gezemin

Ich wil in für ivch füerin

Ivch selbin lazin rüeren

35d,85

Sine schulde vnd sine tat

Und swaz er och begangen hat

Jhesus der wart gefüeret für

Niht in kvnclichir kvr

Mit einer crone dvrnin

90

Vnd was sin cleit pfellolin

Nv sehint sprach pylatus

Wa der ivden kvnic ihesus

Do in die bischof sahin

Gemeinlich die ivden iahin

95

Crucifige crucifige

In tuschen sprichit div crîe

Wan sol in crucigon crucigon

[89]

Pylato tatin siv gedon

Er sprach zvo in nv nemint ir

100

Und crucigent in nach ivwer gir

Ich han niht schulde an im ersehin

Dez ich von warheit wil iehin

Die ivden sprachin alle

Mit vil grozim schalle

105

Wir haben reht nach vnser e

Geschriben vil waz wen wir me

Nach den sol och sterbin

Und lasterlich verderbin

Er giht er si gotis svn

110

Dez wir niht vertragen mvn

Pylatus do der rede erschrac

Div von dem keisir swære lac

36,1

Er gie in daz rihthus wider

Und saz ze dem gerihte nider

Vnd sprach also ze ihesu

Sag mir wannan bistu

5

Der frage wolt der vil here

Niht antwurten mere

Pylatus sprach hastv geswigen

Und hest anwurte mir verzigen

Weistu niht daz min gewalt

10

Dich wol todit vnd behalt

Jhesus sprach du werist gar

Vbir mich gewaltis bar

Und darzvo vbir min lebin

Wære ez diz niht dar vber gegebin

15

Doch hat er groze sünde

Daz ich dir werlich künde

Der mich in dine hende

Gab vnd in din gebende

Pylatus hete in gerne gelan

20

Mohtez mit fuge sin getan

Do wolten die verwazin

Jvden in niht lazin

Siv sprachin dir si daz kvnt

Daz dv niht bist dez keisirs frivnt

25

Lastu in von den banden

Und uz sinen handen

Swer sich für einen kvnc treit

Der hat dem keisir wider seit

36b,29

Do pylatus disiv wort

30

Uon dem volke hat erhort

[90]

Do fuorter für den süezin gast

Dem an gedult nie gebrast

Vnd saz alda zegerihte

Uor mengem bosen wihte

35

Da ihesu wart vil menic geboz

An der stat licostrotos

In ebreisch hiez si Gabata

Vnd was och an dem tac alda

Der da heizit parasceve

40

Do im geschach so rehte we

Intivsch der stille fritac

An dem der welte selde lac

So der stunden zit gelit

Div da heizit sexte zit

45

Pylatus sprach zerselbin frist

Sehint wa ivwer kvnic ist

Die ivden huobin michil wvof

Vnd was gemein ir allir wuof

Hab vf wan sol in toten

50

Dez cruces martir noten

Do sprach pylatus offenlich

Ivwern kvnic den crucigon ich

Siv sprachin wir han kvngis niht

Noch keines kvnges vergiht

55

Wan dez keisers alleine

Der ist vnsir kvnec gemeine

36c,57

Pylatus do den ivden bot

Jhesum in dez cruces not

Den furten siv gevangen hin

60

In dez todis vngewin

Jhesus sin cruce selbe truoc

Nv horent welh ein vnfuoc

Noch wart doch nie kein morder

Noch vbiltat ein horder

65

Der welt vil vngeneme

Noch so widerzeme

Noch so gar verwazit

Uon der gemeinde verschrazit

Noch so gar verfluochit

70

Dez eht ieman ruochit

Noch so gar verbannen

Von frowen noch von mannen

Noch so gar verehtet

Uerschrivwen noch versmehtet

75

Er funde doch nach vngelvke

[91]

Vnd nach der welte bosen tucke

Im sin martir vorbereit

Die er im vmb sin schulde leit

Wan diz kam ane schulde

80

Der vmbe dez vatirs hulde

An dem cruce geoppfirt wart

Fur vnsir sivnde vngespart

Daz lamb daz truoc sin cruce enbor

Owe wer trit vf sinen spor

36d,85

Vmb sine selbis missetat

Die er da her begangen hat

Waz sol ich da von sprechin me

Untz vf die stat calvarie

Hater sin cruce getragen sa

90

In ebreisch hiez si Golgata

Da wart er gecrucegot

Dur daz vaterlich gebot

Mit im so wurden zwene man

Gegebin in dez todis ban

95

Die hatens abir wol verschult

Und littens doch mit vngedult

Jhesus der wart enmitten

Mit gedulteclichen sitten

Gehenkit ane sünden meil

100

Vnd machite vnser wunden heil

Uon suozir minne alsus batter

Vnde sprach vil liebir vatter

Uergib hie disen die geschiht

Wan siv reht wizzint niht

105

Was siv an mir hant getan

Da von soltu ez varn lan

Sit got so minneclich gebet

Ubir sine vient tet

So svn wir im getruwen

110

So wir die svnde rivwen

Daz si der tugenden küene

Gein sinem vater süene

37,1

Pylatus hiez ein titulim

Schriben vbir ihesum

Der vf daz cruce wart gesat

Geschriben dran als er do bat

5

In criesch ebreisch latine

In offenlichim schime

Diz ist ihesus von Nazareht

Der ivden kvnic als hie an stet

[92]

Titulus was ein vbir schrift

10

Gesetzit vf dez cruces stift

Der harte vil der ivden las

Wan ez der stat nahe was

Die ivden sprachin zepylato

Dv soll niht schriben also

15

Der ivden kvnc svnder er sprach

Ich bins der ivden kvnc vnd er smach

Pylatus sprach ez ist beliben

Daz ich da schreib daz ist geschriben

Svz hater in mit fuoge entliben

20

Vnd mit gelinpfe von im vertriben

Nv namen in die ritter

Der muot was gein im bitter

Siv zvgen im abe sin gewant

Svz muoz er lazin in daz pfant

25

Und och zelon vmb sinen tot

Daz er da wart gemartrot

Vnd er den müeze Ionen

Die sin niht wolten schonen

37b,29

Und den rittern Ion gebin

30

Daz siv im namen da sin lebin

Daz was ein iemerlichir zol

Dez man vergezsin niemer sol

Gedenkint an den iamers solt

Den suz die ritter hant verscholt

35

Daz er der martir Ionen muoz

Vnd vns also dez vatirs gruoz

Mit sinem tode hat erworben

Fur vnsir svnde erstorbin

Der rock der was gar ane nat

40

Gewebin der man Ivzil hat

Dar vz wart vier teil gemaht

Als in von rehte was geslaht

Siv sprachin wir svn alle ein loz

Werfen swer sin si genoz

45

Daz er dem belibe gantz

Unnverhowen ane schrantz

Alsus div scrift erfullit wart

Div da vor lange was enbart

Siv hant geteilit min gewant

50

Dar vf geworfen hat ir hant

Ein loz nach ir muot gelust

Und nach ir bosen akvst

[93]

Siv slvogen sine hende

An dez cruces ende

55

Svz henc der reine süeze

Im waren sine füeze

37c,57

An dez cruces aste

Genegilt also vaste

Svz was sin lip gespannen

60

Und an daz cruce gedannen

Darzvo sin adren zerzogen

Als div senne an dem bogen

Die fursten vnd die bischof gar

Daz volk vnd div ivtschiv schar

65

In do mit spote suochten

In schulten vnd verfluochten

Do siv ir zvngen regten

Mit schelt worten vnd wegten

Gein im so stritlich

70

Ir hobit vnd so nitlich

Siv waren siner marter frolich

Und sprachin im zespotte also

Er buozte den anderen ir pin

Vnd mac im selbir kein guote sin

75

Er mangen wol hat genert

Und ist er selbe nv verhert

Vnd mengem hie zetroste komen

Und ist im allir trost benomen

Vnd mengir sin genozsin

80

Nv ist sin trost zerflozzin

Er iah er wer gotis trut

Daz sol er ovgen vbir lut

Und gange von dem cruce nider

So wen wir alle kerin wider

37d,85

Vnd wellin in gelovben

Offen vnd och tovgen

Svz was ir spot menicvalt

Nv horent wunder vngezalt

Der schacher ein der bi im hienc

90

Vnd och dez galgen tot enpfienc

Der schalt er an der selbin frist

Und sprach in spote sistv crist

So hilf dir selben nv zestunt

Vnd mache vns och mit dir gesvnt

95

Do sprach der ander schach man

Furtest nv niht gotis ban

Daz dv in der selben verdamnust

[94]

Bist vnd och in der verlust

Daz abir wir si dulden

100

Daz ist von rehten schulden

Er ist aber ane rehte sache

In disem grozim vngemache

Vnd sprach genendecliche

Herre so dv in din riche

105

Komest so gedenke min

Niht furbaz was div bette sin

Amen fur war als ich dir sage

Dv solt noch hiute bi disem tage

In disem paradyse

110

In loblichim wise

Bi mir in frovden iemer lebin

Svz wart im tusint valt gegebin

38,1

Me danne wer sin girde

Nach gottlichir wirde

Nv stunt bi dem cruce da

Jhesus muoter Maria

5

Und siner muoter swestir

Maria dez was ir iamer vestir

Div cleofas muoter was

Maria Magdalena als ich ez las

Die wan mit iamer vberladen

10

Ir herze in grozim kvmber baden

Do ihesus der vil guotir

Sine liebin muotir

Und och den ivnger bi im sach

Dem er so grozir liebi iach

15

Er tet als die getriuwe sint

Vnd sprach sich wip wa din kint

Und sprach zem ivnger an der frist

Sich wa din muoter ist

Darnach do hate si alle wege

20

Der ivnger in vil reiner pflege

Div magt pflac der megde

In suzem getregede

Div kivsche pflac der kivekeit

Und gan ein andir guot geleit

25

Div selde pflac der tugende

Mit craft vnd och mit mugende

Div liebi pflac der minne

Mit reinem kvschin sinne

38b,29

Div zvht div pflac der reinen schame

30

Dez was gehohit ir beider name

[95]

Div triuwe pflac der milte

Die eren nie bevilte

Div maze pflac der gerehtekeit

Die hant den tiefil widerseit

35

Div wisheit pflac der stete

Daz was ein guot gerete

Gelovbe pflac der zvoversiht

Die hant och mit ander pfliht

Diz was ein minneclich versiht

40

Er selic man swem sam geschiht

Er bermede pflac gehorsami

Daz was daz reine blüemeli

Daz alle tugende totit

Daz crist hat gerotit

45

Mit sinem tiuren mvote

Daz er der megde guote

Gab an ir liehtis schappel

Rosen rot ez was niht gel

Daz div magt Martina

50

Truoc in sinen namen sa

Johannes siner muoter

Mit gantzir triuwe huoter

Die ihesus im ze muoter gab

Der pflac er wol vntz in sin grab

55

Vnd gab in och zekinde

Der megde vol geswinde

38c,57

Als ich han da vor gezelt

Die siv zepflegir hant erwelt

Nv lazin dize rede stan

60

Zvo der marter son wir wider gan

Die nieman wolle sagen kvnde

Von der sexte stunde

Biz hin vf die none zit

Ubir aldaz ertriche wit

65

Wart ez so rehte vinstir

Zeswen halb vnd winstir

Uor vnd darzvo hinder

Trüebir vnd och blinder

Danne ez da vor ie geschach

70

Daz tiute cristes vngemach

Der schre mit luter stimme

Uon dez todis grimme

Vnd ruoft lut hely hely

Darzvo lamazabtany

75

Daz in tuschin tiutet sich

[96]

Min got warvmbe hastv verlazin mich

Svmlich als man da vernam

Wan er meinde elyam

Siv sprachin daz svn wir gesehin

80

Ob daz wunder were geschehin

Daz elyas kome alher

Und in lose nach siner ger

Ir einir der da bi was

Der nam mit ezsich da ein vaz

38d,85

Mit gallen gemischet

Und iarmerlich erfrischit

Vnd bot irn daz an sinen munt

Daz versuochter an der stunt

Und wolt sin do niht trinkin me

90

Mit lutir stimme er aber schre

Damit sin sel och von irn schiet

Vnd loste die gevangen diet

Div sin vil kvme het erbitten

Dur die er sere hat gestritten

95

Die not erkande die sunne

Und liez ir schines wunne

Vnd darzvo der mane

Der wart och liehtis ane

Und spielt dez tempils vnbehanc

100

Enzwei swie daz er were lanc

Vnd wart ein ertbiben groz

Unde darzvo michil doz

Sich spielten velse vnde stein

Diz groz wunder was niht clein

105

Vnd kam dar vz gesloffen

Div grebir wurden offen

Ein michil teil der heiligon

Dez waren siv vil vngewon

Die wurden da endeckit

110

Uon cristes ruof erweckit

Die dar geslafen hatten

An dez todis schaten

39,1

Und von der not erstuonden

Und sin gewalt ergruonden

Die kamen vil behende

Nach siner vrstende

5

Zehierusalem in die stat

Als sant Matheus geschriben hat

Da siv vil lute sahin

Die dez zewunder iahin

[97]

Einer hiez Centurio

10

Er vnd die bi im waren do

Die bi dem cruce lagen

Vnd sin mit huote pflagen

Ersahin solchiv zeichin

Div siv begunden weichin

15

Wie div erde was erzittirt

Und wie da was gewittirt

Die erschrakin sere

Von der zeichin lere

Und kan in groze vorhte

20

Als in daz wunder worhte

Vnd sprachin svz an vnderbint

Werlich dirre was gotis kint

Die ivden kamin zepylato hin

Dem kvnten siv also ir sin

25

Daz ir grozir virre tat lac

Fruo an dem an dem ander dac

Und siv niht gerne dolten

Daz da beliben solten

39b,29

An dem cruce die hohgezit

30

Der toten lip div nahe lit

Und daz er brechin hieze

Ir lider vnd siv niht lieze

Da beliben daz ergienc

Die ritter da der erste gienc

35

Kamin als siv geheizin wan

Vnd dem ersten schach man

Zebrachin siv do sinv lider

Und kamin zvo dem andern wider

Dem taten siv die selbin not

40

Jhesum den funden siv do tot

Do man den totin hangen sah

Mit einem scharpfen sper in stah

Ein ritter dur die siten

Vnd floz an den ziten

45

Dar vz wazzir vnde blvot

Uon dem suozin herzin guot

Daz aldie welt geweschin hat

Von allir hande missetat

Und der diz selbe hat gesehin

50

Der hat der warheit da veriehin

Vnd sin gezvgunge div ist war

Als er bezivget offenbar

Und weiz sin gar die warheit

[98]

Vnd het ez och darvmbe geseit

55

Daz wir ez gar gelovbin

Als wir ez mit den ovgin

39,57

Gesehin hatten an der stunt

Vnd ist darumbe vns worden kvnt

Daz erfullit hat div schrift

60

Der wissagen vmbe die gestift

Wan sol sines gebeines

Zerbrechin hie dekeines

Daz was och wol gefüege

Daz man im niht zerslüege

65

Sin rein gebein vnd siniv lit

Der alder welte mahte frit

Div schrift noh mere kvndet

Daz har nach wirt ergrundet

Und iermerlich errochin

70

Den siv da hant durstochin

Den svnt danne schowen

Durstochin vnd durhowen

Daz die gesehinden hlinden

Die warheit da bevinden

75

Der siv do hie niht wolden

Gelovbin als siv solden

Nv kam darnach gegangen sa

loseph ab aramathia

Der siner iunger einer was

80

Doch heinlich dur der ivdæn haz

An pylatum er do begert

Jesus lip vnd wart gewert

Den er mit grozir andaht

Uon dem heren cruce braht

39d,85

Dez er sich iemir frovwen mac

Daz er gelebt den hohin tac

Daz er den herzeliebin

Solte alda verschiebin

Mit sinen handen in ein grab

90

Der alder welte lebin gab

In dirre not getrebede

Kam och zvo der begrebede

Der ivden furste Nicodemus

Der was ein phariseus

95

Und was da vor nahtes komin

Zvo ihesu als ir e hant vernomin

Vnd sprach rabi wir wiszen gar

Daz dv von got bist komen har

[99]

Wan nieman mac div zeichin tvon

100

Er habe och gotlichin ruon

Die dv hast alhie getan

Als wir wol gesehin han

Rabi daz wort betiutit

Meister swer von reht gebiutit

105

Nicodemus der gehure

Braht ein salbe div was tiure

Gemaht von hohir koste mere

Von mirren vnd von aloes

Wol vf hundert gewege

110

Dez schaden was er niht trege

Und wunden den vil süezen lip

Den div magt gebar niht wip

40,1

In reines linin tuoch alda

Gemachit mit aromata

Dur den reinem süezin smac

Der an dem tiure salbe lac

5

Div mirre ist von nature

So bitter vnd so siure

Swelh totir lip da mitte wirt

Bestrichin daz den verbirt

Aller hande gewurme gar

10

Vnd nemint sin dekeine war

Wan daz fleisch verdirbit

Selbe so der lip erstirbit

Nv was och nach da bi ein gart

Bi dem cruce da er gemartert wart

15

Da was in den fels gehovwen

Ein grab als man mac schovwen

Daz was nvwis da bereit

Dar in nie mensche wart geleit

Dar in so leiten siv in die zwen

20

Dvr der ivden parasceven

Parasceven tiut ein bereitunge

Wan die ivden alt vnd iunge

Bereiten sich zir hohgezit

Als ir e vrkvnde git

25

Alsus der erde bevolhin ist

Der reine süeze ihesus crist

Swer daz bedenkit alle frist

Daz ist der sel ein hohir list

40b,29

Als inbetwang dez bluomen craft

30

Der an daz schappel was gehaft

[100]

Martinen der vil reinen maget

Div sinen ovgen wol behaget

Div luter gehorsami

Got wolde daz si vns were bi

35

Nv lant ivch niht verdriezin

Ich wil noch baz entsliezin

Dez hoh gelobten blvomen tvgent

Der mit minneclichir tugent

Uon himilrich den vatter twanc

40

Vf den sin vnd den gedanc

Daz er fur vnsir schuldie

Zesvon vnd ovch zehulde

Sin ein erbornes kint bot

In den scharpfesten tot

45

Der ie vf erde wart erlittin

Vnd mit dem blvomen vbstrittin

Gehorsami die viende sin

Als an dem cruce ist worden schin

Wir wan mit vngehorsami danider

50

Gevallen da von so hat vns wider

Der süeze bluome gerihtet

Uon dem ich han getihtet

Vnd von im furbaz willen han

Zesprechin swaz ich gutis kan

55

Nach parasceve dem nehstin tage

Nach der rehten warheit sage

40c,57

Kamen der ivden fursten do

Vnd pharysei die zvo pylato

Sprachin wir han vns verhugit

60

Daz vns zerehten noten tugit

Wie der verkerer e sprach

Die wil er lebte daz er do iach

Er wolde nach sinem tode erstan

Dez drittin tagis von dannan gan

65

Daz solt dv herre wol ersehin

Mit huote daz ez niht muge geschehin

Vnz an den dritten morgen

Daz in von dan verborgen

Sin ivngern niht verstoln tragen

70

Und offenlich den liuten sagen

Daz er si erstanden

Von dez todis banden

Und wurde also der iunste schade

Vnd dez ierrodis vbir lade

75

Uil wirsir danoch merre

[101]

Danne e wer der erre

Pylatus sprach ir hant selbe hvote

Gant hutent als iv si zemuote

Als die ivden daz vernamen

80

Zvo dem grabe siv balde kamen

Daz wart allvmbe besetzit

Mit huote gar verletzit

Wan ir sorge was niht clein

Ein vngefuger grozir stein

40d,85

Wart vbir daz grab geleit

Bediv lanc vnd darzvo breit

Sus hat in got gewalt gebin

Hie vbir sin menschliches lebin

Siv konden abir niht gewern

90

Er wolte mit gewalte hern

Die helle vnd och ir fursten

Und loste von ir hursten

Mit grozin creftin vbir lut

Sine herze liebin trut

95

Die er so rehte tivre kovfte

Vnd si in sinem bluote tovfte

Als ir vernomin hant da vor

Tvont vf ir fursten ivwer tor

So gat der froden kvnic dar in

100

Wan daz en mac kein rat sin

Tvont vf div tor der ewekeit

Der frovden kvnic ist hie bereit

Wan div helle ewic ist

Ir not div wert an endis frist

105

Diz hat der edil kvnic david

Gesprochin e vor menger zit

Darzvo div buoch vns kvnt tuont

Daz der frovden kvnic erstuont

Nach der ewangelisten sage

110

Mit warheit an dem dritten tage

Do man den tac von orient

Wol sach vnd doch gein occident

41,1

Dannoch was div trüebe naht

Div sit erluhtet wart mit maht

Do div lihte svnne

Frovde vnd darzvo wunne

5

Alder welte brahte

Die doh vil menger smahte

Do kan die wandils frien

Daz wan die drie marien

[102]

Maria magdalenæ

10

Maria iacobi Maria salome

Die mit edilem salbe kan

Als in gesalbet wolten han

Als ez do was der ivden sitte

Und in ir triuwe wonte mitte

15

Da wart ein ertbiben groz

Vnd ein hart michil doz

Ein engil kam von himil abe

Und ruhte den stein abe dem grabe

Vnd saz dar vf nach der geschiht

20

Als ein blicschoz was sin gesiht

Als ir wol hant vernomen e

Sin gewant wiz als der sne

Die ritter da von vorhten

Als in div wunder worhten

25

Wurden als die totin

Ir muot ir sin verschrotin

Die bi dem grabe lagen

Und sin mit huote pflagen

41b,29

Siv wan ze verre ir magen

30

Daz mohte siv wol betragen

Der engil zvo den frowen sprach

Furtent niht kein vngemach

Ich weiz wol daz ir ane spotten

Svochint hie den kruzegotten

35

Fur alder welte sünde

Jhesum den ich iv kvnde

Erstanden von dez todis stric

An dem het er genomen den sic

Schowent hie die warheit

40

Reht als iv han ich geseit

Nv sunt ir gan geswinde

Sagen sinem gesinde

Den ivngern Petro och dabi

Daz er werlich erstanden si

45

Und kvmit vor iv in Galylea

Da sunt ir in schowen sa

Als iv e sin süezir munt

Hat da vor gemachit kvnt

Nach cristes vrstende

50

Vnd sines todis ende

Wart er zehin stunt gesehin

Als die ewangelisten hant veriehin

[103]

Zemerst liez er sich schowen

Marien magdalenen die frovwen

55

Do er ir sprach vil lieblich

Maria niht enrüere mich

41c,57

Ich bin noch niht ze minem vater komin

Vnd abir als ich han vernomin

Ovgte er si Marien abir do

60

Und ander frowen die waren fro

Die balde zvozim giengin

Vnd füeze vmbe viengin

Die huoben si vnd betten an

Zem dritten mal als ich vernan

65

Sant peter er sich ovgte

Als vns div schrift erzovgte

Crist ist erstanden werlich

Von dem tode vngeverlich

Und sant petir erschein er hie

70

Als in sin milte niht verlie

Zer vierden stunt er och erschein

Mit warheit sinen ivngern zwein

Die giengin gein emavs

Ein kastel was geheizin svz

75

Den er zekennen och geschach

Do er in daz brot brach

Vnd wart in rehte do erkant

Da mit er och vor in verswant

Zem fivnften male er aber wart

80

Sinen ivngern och enbart

Allen wan eht thomas

Do der niht zegegin was

Und nach der wisen meister sage

Geschach diz allis an dem tage

41d,85

Vnd in der zit vnd in der kvnft

Sines todis sigenuft

Do er irstuont vnd vns erloste

Uon der grimme helle roste

Darnach zem fivnften male

90

Ovgter sich ane twale

Daz er si wolte sterkin

Daz sunt ir da vur merkin

An dem gelovbin svnderlich

Svz warb er harte wunderlich

95

Daz er mit in az vnd tranc

Wan etslichir der was cranc

An dem gelovbin siner martir

[104]

Und der vrstendi noch hartir

Vnd sprach ich sehe die wunden

100

Der nagil der vnverbunden

Und laze och in dizen ziten

Mine hant in sine siten

So gelovbe ich ez iemir

Vnd seitent ir mirs niemir

105

Do kam zvo ir der süeze crist

Als er der bezsir iemir ist

Und sprach thomas nv grif her

Mit diner hant nach diner ger

In mine siten mit dem vingir

110

Vnd mache din gemüete ringer

La din gemüete erweichin

Schovwe hie der nagil zeichin

42,1

An henden vnd an füezin

Und la dir balde büezin

Die crankeit des gelovbin

Div dich wolte berovbin

5

Do sprach sant thoman ane spot

Dv bist min herre vnd min got

Do sprach der wunderere

Thoma dv gelovbest nv div mere

Vnd hast der warheit hie veriehin

10

Wan dvz mit ovgen hast gesehin

Aber selic sint die ez nie gesahin

Und sin doch mit gelovbin iahin

So rehte minnecliche

Vnd also heimekliche

15

Gewarb von himilrich der helt

Mit den der er och vz erwelt

Im selbin hat vz alder welt

In sin himilschlich

Nach siner vrstunde

20

Do er dem tode ein ende

Mit sinem tode hat gegebin

Vnd vns daz lebindige lebin

Er warb vnd och hin wolte

Uarn als er do solte

25

Von dannan er was her bekomin

Als ir wol hant da vor vernomin

An dem vierzogosten tage

Die iunger do nach siner sage

42b,29

Vnd er in och beschiet da bi

[105]

Uf dem berge montis oliveti

Wider selb Bethania

Kamin siv gegangen sa

Dar kam och der trivwe

Und machite in da nivwe

35

Der waren schrifte ricke

Die er in da vor dicke

Mit warheit hat entslozzin

Svz warb er vnverdrozzin

Vnd strafte alda ir kranken mvot

40

Daz siv niht waren baz hehuot

An dez gelovbin luterkeit

Als er in hate vor geseit

Und och die hertekeit ir herzin

Mit süezir rede svnder smerzin

45

Die in sahin erstanden

Vnd daz niht bekanden

Er och niht vngestrafet liez

Dar zvo si svzir mvot si hiez

Gan in die welt vnd alle ir ort

50

Und kvnden da daz gotis wort

Vnd swer och dez gelobic wirt

Mit reinem herzin vnverirt

Und den tovf enpfahit

Vnd den och niht versmahit

55

In dez herin vaters namen

Und dez svnes vil lobsamen

42c,57

Dar zvo dez heiligen geistis

Der drier namen volleistis

Der wirt ane zwivil behalten

60

Vnd dez himilrichis niht verschalten

Swer abir niht gelovbit

Der wirt niht gerovbit

Dez himilrichis wunnen

Die von dem lebindin brvnnen

65

Der vnnzallichin milte gat

Der er verlornen iemir hat

Si sint vnd heizint die vor got

Iemir sint verdampnot

Die abir mit reinen sinnen

Gelovbint vnd mit minnen

70

Von stetis herzin grunde

Die hant och daz vrkvnde

Daz siv werdent also balt

Daz siv den tievil mit gewalt

[106]

75

In minem namen tribent vz

Daz siv vaz vnd och daz huz

Der menscheit müezent rvmen

Geswinde an allis svmen

Noh grozir vf den erden

80

Sol och ir erde werden

In minem namen sa zestunt

In allen zvngen wesen kvnt

Die svn siv schone sprechin

Div bant der tiefil brechin

42d,85

Und ane schaden wandelen

Die slangen vnde handelen

Ir nature vnd och ir craft

Mit mines namen meisterschaft

Wirt in och giftic trank gegebin

90

Das mac och krenkin niht erlebin

Noch kein vergift mac in getuon

In mines namen hohin rvon

Siv svn och vf die siechin

Die wedir gan noch criechin

95

Noch von krankheit sich geregen

Ir hende in minem namen legen

Und si gesvnt machin

Von swelher hande sachin

Ir siecheit ist die sun genesin

100

In minen namen gesunt wesin

Von ierusalem svnt ir niht komen

Als ir hant von mir vernomen

Und der gelubde biten

Die iv in kvrzin ziten

105

Senden wil min liebir vater

Alsus hiez er vnde bater

Vil menic süeze lere er wac

Der ich niht gar gesagen mac

Er liez si in ellende

110

Und hvob vf sine hende

Vnd gab in sinen hohin segen

Uon himilriche der werde degen

43,1

Diz was ein frivntlicher sit

Vnd sprach ich gib von minem stit

Daz tiure cleinode vnde kran

Solten siv hie von im han

5

Und sin da bi gedenkin

Do er in wolte entwenkin

Got wil dez fridez rvochin

[107]

Wan dar sin niendir ruochin

Wan da der süeze fride ist

10

Do er in lie zer iungestin frist

Da mit ein wolken in enpfie

In dem er vf zehimil gie

Svz wart er ane lovgen

Benomen da ir ovgen

15

Als vns div warheit tvot erkant

Und sitzit zvo der zeswen hant

Dez vatirs ebin ewic

Vnd hat genomen hie den sic

Enbunden vz des todis stric

20

Gegebin vns der frovden blic

Die ivnger die in sahin

Alsus zehimil gahin

Die sahin bi in zwene man

In vil wizen cleidirn stan

25

Die sprachin zeden iungern sa

Ir man von von galylea

Sagent an wez stand ir

Zehimil sehinde mit ivwer gir

43b,29

Jhesus der iv hie ist benomen

30

Vor ivwirn ovgen der sol komen

Gelichir wis als er hin schiet

Ze sehin alder welte diet

Dez zehindez tagis darnach

Die ivngern was zesamne gach

35

Mit gedinge mit guoten sitten

Si dez vatirs gabe bitten

Nv kan von himil ein michil schal

Der in ir oren lvte erhal

Darinne kan der trost geist

40

Mit vil gehir volleist

Da von daz hvz erfullit wart

Uon siner craft nach siner art

Da die ivnger sazin

Div grozin wunder mazin

45

Vnd wart in da irovgit

Gesihteclich erzovgit

Zerteilten zvngen als ein fiur

Da mit der heilic geist gehivr

Kam vf ir iegslichin

50

Mit siner craft geslichin

Vnd erfult si gar mitter siner mvgent

[108]

Daz si von siner grozin tvgent

Allir hande zvngen retten

Da vnd och an anderen stetten

55

Wan als sant paulus vns betivt

So was allir hande liut

43c,57

Daz vnder alden himil ist

Ze hierusalem der selbin frist

Die do zesamme kamen

60

Do siv div wunder vernamen

Siv duhte daz siv gar geschant

Werin do in wart erkant

Dien alten zvo den ivngen

Do siv ir allir zvngen

65

Sprachin inden siv wan geborn

Daz was in allen harte zorn

Vnd wan erschrockin oh da von

Wan siv dez waren vngewon

Und nam si doch dar vnder

70

Harte michil wunder

Vnd sprachin alle sament sa

Sint disv niht von galylea

Die vnsir zvngen sprechint

Vnd die gewonheit brechint

75

Svz ovgte sinen ovgen gewalt

Gotis craft vil menicvalt

Und sante in aldiv riche

Die bottin algeliche

Sinen namen predigen

80

Vnd die livte ledigen

Uon ir vngelovbin

Dem valschin vnd dem tovbin

Vnd allir hande siechit

Uon dem siv kvnber oder leit

43d,85

Hatten vnd och dar erlitten

Der wart inbuoz mit guoten sitten

Siv gebutten den bosen geisten

Die muozen ir gebot leisten

Vnd wart ir craft gebunden

90

Ane wer an den stunden

Ir gewalt vnd och ir wort

In die welt vnd al ir ort

Erhvllen do vnd och sit

Als vor gedenkit hat Dauit

95

Diz was daz süeze blüemelin

Div luter rein gehorsamin

[109]

Daz got hat betwungen

Daz er hie hat gerungen

In menschlichir nature

100

Vndir vnsir figure

Mit arbeit vnd mit nœten

Und sich dur vns lie toten

Vnd och dur vns erstanden

Und vns von hellebanden

105

Mit siner milte hat erlost

Der gab den blvomen och zetrost

Martinvn der vil reinen magt

Von der div mere sint gesagt

An ir liehtis schappel cluoc

110

Daz si von reiner kivschi truoc

Der blumen fivnfe sint gemaht

An der megde kranz gestaht

44,1

Nv svn wir aber furbaz sagen

Dez sehzten bluomen niht verdagen

Der wol der cranz zierit

Mit kvnst daran gewierit

5

Darzvo mit hohen listen

Dez clein die toren wisten

Mit wirdeclichir spehe

Geworht vnd so wehe

Daz nieman wol enmohte

10

Gesagen als ez tohte

Dez sehzten blvomen büschil

Der was dez tievils nüschil

Vnd ez zesamen wol besloz

Vmbe der megde hovbit bloz

15

Uon rehte bloz was ez da von

Als man von megden ist gewon

Vnd ez von arbeit tuon mun

So wol in die ez rehte svn

Tragen vnverdeckit

20

Daz lob ir ere reckitt

Fur der welte hohsten pris

Als ein blüeiendes meien ris

Fur den küelen winder

Der div cleiniv kinder

25

Dicke hat erfruorit

Vnd siv der frovden stœrit

Got weiz vnd die alten

Die man och dicke irkalten

44^b, 29

Siht alhie die clawen

[110]

30

Sich rimpfin vnde snawen

Vnd etslichir zittirt

So ez sivre wittirt

Die küele winde weient

Die vnder ovgen spreient

35

Den wizen vnd den kalten sne

Daz tuot den vnberaten we

Svz frowet vnz div svmerzit

Die got nach dem winter git

Doch were dez sumers wunne clein

40

Vnd were der winter kalt allein

Der vns truric machit

Und vns frowe smachit

Vnd vns erfrœret dicke

Und vns bringet schricke

45

Mit sinem swehin blicke

Vnd darzvo leidez ricke

Vnd och die vogil klemmet

Ir hohin sanc ir lemmet

Div tier vnd alliv stolzin hirz

50

Die trüebet er gelovbit mirz

Vnd wisit iegir vf ir spor

Swa siv hant gelovffen vor

Da von menic tier sin lebin

Den winter muoz zezolle gebin

55

Svz müeiet menge creatiur

Der winter kalt vnd vngehivr

44c,57

Vnd so der winter enden wil

So hebt sich menger frovden spil

Gein dem lihten svmer clar

60

Uon ivngen livten offenbar

Die den winter wan versmogen

Die siht man danne frolich zogen

Vf mengen grunen angir

Da wirt daz truren swangir

65

Svz tuot der winter küele

Dez meien rich gestüele

Werder vnde sine blvot

Und infrovden baz behuot

Danne ob ez iemir were

70

Svmer an alle swere

Swer mir ez nv gelovbit

Svz was der megde hovbit

Mit blvomen wol bekronet

[111]

Ir lip ir sel beschonet

75

Niht blvomen so der welte kint

Hie tragent wan die werdint blint

Einis tagis vnde sal

Bleich gervnpfin vnde val

Die blvomen die got selbe git

80

Die blüeient iemir alle zit

Vnd werdent niht verblichin

Ane varwe noch entwichin

Nv lat iv kvnden furbaz

Wie der sehzte blvome was

44^d, 85

Der daz schappel volle braht

Als ich da vor han gedaht

Daz was div wisiv wisheit

Der ende nie wart angeleit

Noch anevanc noch ende

90

Kein sin ist so behende

Der da von kvnne betrahten

Gemezzin oder gepfahten

Oder darzvo wesin frum

Wa er anegenge oder drvm

95

Uinde oder mittel teil

Dirre bluome machit geil

Beide sel vnd darzvo lip

Den div maget niht ein wip

Truoc an ir schappel da

100

Div hoh gelobte Martina

Nv svnt ir merkin saminthaft

Dez blvomen art vnd sine craft

Der div wisheit ist genant

Von dem tuot salomon erkant

105

Swer vor gote in vorhten stat

Daz der reht ergriffen hat

Der hohin wisheit anevanc

Und ist vor sinen ogen cranc

Dirre welte vnstæte habe

110

Der niht mere hin zegrabe

Volget dan ein armes tuoch

Diz ist ir Ion vnd och ir ruoch

45,1

Swie vil hie guotis wirt zesamen

Gehordet in der welte namen

Daz muoz hie och beliben

Den mannen vnd den wiben

5

Mac sin werden hie niht me

Wan groz geschre vnd ah owe

[112]

Diz ist der welte wisir sin

Und wirt ir darnach solich gewin

Vorht git allen tugenden wec

10

Und ist gein himil ein sichir stec

Vnd ein geweriv brvgge

Uest vnd niht lugge

Von der wisheit sprichit sus

Der guote sante Jeronimus

15

Und sprichit dv soll minnen

Die scrift in dinen sinnen

So wirdistu von wisheit

Geminnet vnd din selde breit

Vnd wirt din sele geleret

20

Wisheit darzvo geheret

Und kanst daz guot erkennen

Die dine sinne wennen

Zvo der wisheit wol geslaht

Von der der himil ist gemaht

25

Und darzvo alle sternen

Bi den so mac man lernen

Daz man an kvnsten fruhtic

Wirt vnd gar genuhtic

45b, 29

Wan in die vbil sele gat

30

Tvgent noch kein wisir rat

Der heiligen wisheit ist gewesin

Her von altir vz erlesin

Daz si der welte smehe

Und ir betrogene wehe

35

Hie mit willen litten

Vnd ir frode richin sitten

Ir zarten handelunge

Und ir bosen wandelunge

Darzvo ir sweren kvmber doln

40

Beidv offen vnd verholn

Dur daz si ewecliche

In dem himilriche

Sich sollen iemir vrovwen

Mit dem erstanden lovwen

45

Da man sich rehte frowen mac

Da tusint iar sint als ein tac

Der da gestir hine schiet

In der welte vnd vor ir diet

Der wec der wisheit wirt gegebin

50

Dien allem die hie ir lebin

Wisheit der fur alder welte lebin

[113]

Minnent vnd ovch steten muot

Zvo der wisheit kerent

Ir willen daran merent

55

Senecca der heiden sprach

Von der wisheit vnde iach

45c,57

Waz hilfet frovwen oder man

Gvotu dinc gelernet han

Ob siv div niht üebint

60

Die kvnst also betrüebint

Vnd guotir werke horint

Und vz ir herze storint

Die hant der rehten wisheit niht

Noch mit ir hohin lone pfliht

65

Er sprach och wiltu volgen

Der wisheit vnerbolgen

So soltu rihte dine wege

In vil wislichir pflege

Din lebin geginwurtic

70

Offenlich reht vertic

Zegote vnd gein den luten

Ane valschis truten

Mit frovden sunder smerzin

Wan in swelhem smerzin

75

Wisheit hat gehuzit

Dar in sint och verclusit

Die tugende vnd ir nvtze

Vnd werdent niht vrdrvtze

Uns sol nach wisheit hvngern

80

Got sprach zvo sinen ivngern

In lieblichim prise

Daz siv soltin wise

DIZ IST VON DEM SLANGEN

Gelichir wis den slangen wesin

Der het fivnf wisheit vz irlesin

45d, 85

Daz guotiv werc betiutit

Daz erste ist daz ir biutit

In so wislichir kvr

Elliv sinv lider fur

Daz er behüet daz hovbit

90

Und dez niht werde berovbit

Wan er merkit daz vil ebin

Daz an dem hovbit lit daz lebin

Dez och die heiligen pflagen

Die wol getorsten wagen

[114]

95

Ir guot ir ere vnd och die hut

Daz si daz liebe hovbit trut

Unversert behielten

Vnd dez mit frovden wielten

Daz hovbit ist der süeze crist

100

Uon dem wir lebin alle frist

So sin wir cristen oh her wider

Alle sament sinv lider

Vnd svllen vns vbietin

Und allir arbeit mietin

105

Daz wir daz hovbit behalten

Vnd mit im frovde walten

So ist div ander kvndekeit

Die der wise slange treit

So er von altir traget

110

Daz er danne laget

Einis lochis enge

Da er siv dur pfrenge

46,1

Vnd lat abe den sinen slvh

Dez ist sin ältu hut vil ruh

Unde wirt geiunget

Sin lebin im getunget

5

Daz wil ich also künden

Swer von alten sünden

Gehis welle scheiden

Der sol sich gar entkleiden

Der welt vnd alir koste

10

Und von der svnden roste

Vnd von vntugende reifen

Sich dur ein enge sleifen

Zegot in einen ordin

Und sol da wider hordin

15

Swez er sich hat gesumet

So wirt im abe gerumet

Der alten svnden hæze

Vnd dirre welte freze

Und der vntugende reze

20

Die sint got vngemeze

Dez slangen drittiv witze

Div ist vil spitze

Er ist niht gar ein tore

Vf die erde ein ore

25

Er vil balde drvckit

Den sweif er danne smvkkit

[115]

In daz andir geswinde

Dvr da er niht bevinde

46b,29

Dez zovbereres wuofe

30

Vnd sines wispils ruofe

Hie bi der mensche lerne

Ober welle gerne

Dem zovberere entrinnen

Und sichirheit gewinnen

35

Die tiefil sint die zovberere

Vnd ist ir wispil vns gevere

Uon den argen diebin

Svn wir ein ore verschiebin

Vnd svn gedenkin an den tot

40

Der ie dem lebe ein ende bot

Daz svnt ir rehte wizzin

Swer dez ist geflizzin

Daz der belibit stæte

Uor svnden vnræte

45

Daz ander ore vermachin

Mit so getanen sachin

Daz wir niht vergezzin

Wir trahten vnde mezzin

Die blœdekeit dez libes

50

Dez mannes vnd dez wibes

Swer die wil rehte erkennen

Und fur sin ovgen spennen

Der mac dez tievils tætin

Früeien vnde spetin

55

Mit warheit sich entsliezin

Daz lat ivch niht verdriezin

46c,57

So wil ich von der vierdin sagen

Die man siht den slangen tragen

Den dez niht betraget

60

Dur vientschaft er laget

Der frowen versen allewege

An den strazin vnd an stege

Daz wip da wider rustet

Sin hobit si zerknvstet

65

Daz svnder abir da fur han

Vnd ez zetiute also verstan

Div versin ist ein ende

Dez libez so behende

Da von so varet alle vart

70

Unsir alter wider wart

Dem slangen vil geliche

[116]

Wie er vns ersliche

An dem hine scheiden

Lip vnd sei den beiden

75

Den leit er menge stricke

Wie er vns verricke

Die rivwe vnd den gelovben

Und vns der frovden rovben

Div im ist vor versperret

80

Da fur er iemir berret

Der helle strazin vnd ir pfeder

Vnd leckin in der schanden beder

Nv denken an diz wunder

Und wesin iemir mvnder

46d, 85

Vf die zit vnd vf die stunt

Wan vns allen ist vnkvnt

Wenne der tot vnsir voget

Kom geslichin vnd gezoget

Und die armen sele iage

90

Von dem libe hin mit clage

Doch habin wir gewizzirs niht

Dan alhie dez todis pfliht

Nv svn wir vns mit riuwe twagen

Dez slangen hovbt gar zerslagen

95

Daz ist den sinnen ane vanc

Die sint so blœde vnd ovch cranc

Daz wir si wol verderbin

Mvn vnd gar ersterbin

Vnd den ersten gedenkin

100

Svn wir alle entwenkin

Wan swie die bi vns restent

Die tungent vnde mestent

Alle hovbt sünde

Uns in die helle gründe

105

Dez slangen fivnfter abirlist

Von dem och zesagenne ist

Als wir da vor vernamen

Der wonet in den bramen

Und in wüestem gemiure

110

Da lit der vngehiure

In nezzilen dornen vnde crut

Verborgen vnd niht vbirlut

47,1

Menschlichim kvnne da zevar

Ist ergelegin menic iar

Also svln och hute

Alle geistlich livte

[117]

5

Sich in die wüeste ziehin

Vnd ir vient fliehin

Daz ist der welt gelucke

Die ovgint bose tucke

Der man clein genuzit

10

So man daz bat vz guzit

Nv sprichit sant Gregorius

Von dem alten slangen svs

Nv horint einen guoten spruch

Der tievil mac enkeinen brvch

15

Noch keinen schaden vns getvn

Noch an vns haben siges rvon

Wir wellin danne lihin

Und im niht verzihin

Vnsir selbis wafen

20

Und ane wer slafen

So mac er vns hie niht geschaden

Noch helle pin vf vns geladen

Diz ist der arme vient

Vf den die vogil schrient

25

Doch gein den svnden ratgebin

Svn wir mit stetim kampfe strebin

Als div den slangen hat veriaget

Martina div starke maget

47^h, 29

Diu im sin hobit het zertrette

30

Vnd von der welte ioh entwette

Sich gar erloset von ir clette

Und darzvo von ir svnden lette

Sit der vil wisen witze

Von dem valschin gelilze

35

Der mengen hat erblendit

Und noch hute schendit

Alle die in an sehint

Vnd im stetir wolge iehint

Tvllivs ein heiden sprach

40

Als im sin wises herze iach

Der wise man der ahtent

In sinen sinne vnd trahtet

Dez lebins so er ieze pfliget

Vnd vor sinen ovgen liget

45

Und darnach daz vervarne zit

Daz doch daz nieman wider git

Da kvnftic er och merkit

Da mit er sere sterkit

[118]

Die wisheit siner sinne

50

Beide vz vnd inne

Abir sinen wisen rat

Senecca gekvndit hat

Vnd giht swem daz niht gezimit

Daz er in sin gehugde nimit

55

Div iar die vervarnen tage

Der hat verlorn nach siner sage

47^c, 57

Daz lebin daz erwaltet

Ane wisheit eraltet

Ich wil die rede kvrtzin

60

Dur bezzerunge schurtzin

Wan nieman ist so wize

Der nach rehtem prise

Die wisheit ir grunde

Ir stricke noch ir bunde

65

Da von so merkint groze craft

An dem bluomen tugenthaft

Den got gab zestiure

Der megde vil gehiure

An ir hovbit krenzil

70

Uol komin ane schrenzil

Sint die sehz bluomen

Die alder welte guomen

Niemer mohte volle lobin

Alle sinne müesen tobin

75

Die darnach wollen spehten

Ir hohin selde ir vehten

Wan wil siv nennen ander wart

Daz ir die tugent vnd ir art

Deste baz erkennet

80

Swer si treit der rennet

Den tievil ane svnden bant

Dvr sin geleit vnd dur sin lant

Der erste bluome ist demuot

Uon dem sint alle tugende fruot

47^d, 85

Der ander ist div truwe

Dez fruht ich selten kivwe

Der drille daz ist maze

Ich wene wol der laze

Sich vil selten vinden

90

Bi tvmben torschin kinden

Vnd och bi den alten

Die sich lazint valten

Mit gabe vnd och mit kremil

[119]

Unde sitzint vf die schemel

95

Der githekeit gestüeles

Vnd vf ir schanden brüeles

Der vierde ist div erbermede

Der ist nv in der ermede

Daz sin luzil ieman gert

100

Er ist wordin gar vnwert

Daz ez mich erbarmet

Da von vil mengir armet

An tugentrichim schatze

Vf himilschlichim platze

105

Dez furtich daz in cratze

Div helleclichiv katze

Der fivnfte bluome gehorsami

Dez bin ich leider alzefri

Der got hat betwungen

110

Daz er sich ruohte iungen

Ein muoter vnd ein amme

Uon der megde wamme

48, 1

Was si siner menscheit

Der gotheit ein reines cleit

Der drivalt ein trisol

Der erbermekeite vol

5

Der sehzte bluome wisheit was

Der allen tugenden schone maz

Ir sitte vnd ir fuore

Nach ort mezze vnd nach snvore

Heb vf die wisheit nim si dan

10

So sint die tugent alle wan

Und mun niht tugent heizin

Als hulschin von dem weizin

Habent cleine nvtze

Alse sint vrdrutze

15

Ane wisheit alle tugent

Sint als div kint div nie gesugeut

Alhie dekeiner frovwen brvst

Nach ir reht vnd nach gelust

Swer nv welle svochin

20

Die blvomen vnd ir ruochin

Der darf ir niender warten

Wan in der tugende garten

Den got hat gepflantzit

Und dar vz becrantzit

25

Die vil schonen Martinam

[120]

Der sin crantz vil wol gezam

Vnd ander vil der megde

In der frovden geiegde

48^b, 29

Da frovde frovden nœtet

30

Da frovde truren tœtet

Da frovde kvmber stœret

Da frovden clank niht hœret

Da frovde iamer truret

Da frovde frovde muret

35

Da frovde nit vertribet

Da frovde an angest blibet

Da frovde arbeit niht wizzen wil

Da frovde vrowent frovden spil

Da frovde tilget vientschaft

40

Da frovde git frovden nivwe craft

Da frovde frode zaphet

Da frovde vntriuwe straphet

Da frovde wunne schonet

Da frovde selde cronet

45

Da frovde süeze minne birt

Da frovde mit wunsche vergolten wirt

Da man nihtis inne gert

Wan werde sin tusint valt gewert

Dar sol vns wol dursten

50

Zvo der frovden fürsten

Der frovde mit frovden schenckit

Sin minne tranc da trenkit

Uon den süeze fliuzit

Div himil vnd erde begiuzit

55

Den menic zvnge rüemet

Der hat so wol geblüemet

48^r, 57

Martinam sine dirnen

An hovbit vnd an stirnen

Noch het er die vil heren

60

Mit grozin vnde meren

Selden im gesellet

Div im so wol gevellit

Zestetir brvt alhie gemehilt

Ir herze gevestet vnd gestehilt

65

Mit siner minne vingerlin

Div mahilschaft sol stete sin

lemir me an ende

Svz tiutit an der hende

[121]

DIZ IST VON DEM VINGERLIN

Dez vingerlinis mahilschaft

70

Der grozin liebi steten haft

Als noch die lute von alter lebint

Ir sehint wol daz siv hie gebint

Die triuwe mit der rehten hant

Daz ist der rehten triuwe pfant

75

Wan als ich mich versinne

Trivwe ist ein stetiv minne

Dem vingerlin gelichit

Div hie noch dort entwichit

Svz hat gemahilt sin gemahil

80

Der tugende riche stetir stahil

Mit stetir minne truwe

Stet ane meines brvwe

Alhie gezeichint sine brvt

Daz vingerlin hie vber Ivt

48d, 85

Betiutit den gelovbin

Den waren niht den tovben

Daz vingerlin niht endes hat

Wan ez vmb den vinger gat

Svz ist an ende ane drom

90

Der stete liht gelovbe from

Wan er von dem rinnet

Der ende niht gewinnet

Noch anevanc noch ende geleit

Wirt siner ebin ewekeit

95

Swelh mensche nv daz wagit

Uon dem gelovbin fraget

Den antwurtet alsvs

Der heilic augustinus

Wan sol hie mit gelovben iehin

100

Daz wir noh horen niht ensehin

Hie mit dez libis ovgen

Wan daz ist ane lovgen

Swaz man hie mit den ovgen siht

Daz weiz man wol vnd zwivilt niht

105

Sant Thoman niht gelovbic was

Gotis wunden e er si maz

Und dar in mit der hende greif

Alrest sin zwivil do zersleif

Vnd sprach do min got dv bist

110

Dez antwurte der süeze crist

Der warheit div nv balde gihst

Wan dv ez mit den ovgen sihst

[122]

49, 1

Die sint abir selic

Rein vnd vnmelic

Die ez niht gesehin hant

Vnd mit gelovbin hant erkant

5

Uon dez gelovbin richin hort

Sant Bernhart spricht ein wort

Daz der vest gelovbe groz

Grozis lonis si genoz

So verre so dv dinen muot

10

Setzist vf dez gelovbin guot

Vnd vf sin fries eigen

So verre soltn zeigen

Dir dez gelovbin riche

Fur eigen ewecliche

15

Und fur din erbe besitzin

Mit vnbetrogenen witzin

Swie vil dv wilt begrifen

Daz mac dir niht zerslifen

Swer nv ein gitic herze habe

20

Der mezze mit dez gelovbin stabe

Verre vf dez gelovbin velt

Und mach im richis erbe gelt

Nach dez herzin gelustes

Dez himilschen gerustes

25

Swelh mensche vf erde rehte lebt

Vnd nach gotis willen strebt

Der wirt och hie gespiset

Uon dem gelovbin vnd gepriset

49^b, 29

Daz ist also zemerke

30

Von dez gelovbin sterke

Gespiset vnd geblüemet

Ob er daran niht lüemet

Da von siv sint geflizzin

Dez gelobin ir svnt och wizzen

35

Swer reht gelovbit ane wan

Daz den werdent vndertan

Hie alle creatiure

Gehure vnd vngehiure

E doch ist der gelovbe ein wint

40

Vnd ane guotiv werc och blint

Gvotis werk och niht entfrumet

Ob reht gelovbe darzvo niht kvmet

Si sin svnders beide tot

Gar verlorn ir beider not

45

Solte got sin wundir

[123]

legslichim hie besundir

Erzeigen vnde manchin kvnt

Und sine wisheit ane grunt

Wir mvn doch niht erkvnnen

50

Den schin der lihten svnnen

Noch volleclich dar in gesehin

Mit den ovgen vnd erspehin

Den glanz er welle vns blendin

Vnd vnsirs liehtis pfenden

55

Der da gat von dem hvse

Der himilschlichin clvse

49^c, 57

Wir sun gelovbin einvaltic

Daz got ist gewaltic

Und allir dinc almehtic

60

Wir svn niht gar betrehtic

Nach siner hohin wisheit wesin

Der nieman endes kan irlesin

Noch kein sin erspennen

Daz mvn wir wol erkennen

65

Hie vf erde svnderlich

An mengem werke wunderlich

Den wercman tuot sin werc erkant

Dicke verre in frömde lant

Daz im daz niht geschehe

70

Vnd wer sin werc niht spehin

Svz sol man got getruwen

Er hat so schone gebuwen

Die himel vnd die erde

In wunneclichim werde

75

Der himil wil ich nv gedagen

Wan nieman rehte kan gedagen

Uon den frovden da inne

Mit menschlichim sinne

Abir von der erden cleide

80

Vnd von ir ovgen weide

Hant ir gesehin vnd vernomen

Wie schone si ist wie vollekomen

Div vil lihte svmerzit

Und wie si danne wider git

49^d, 85

Den argen winter reze

Ir lihten varwe heze

Die nach den alten sitten

Der süeze mäie hat gesnitten

Der wirt si danne berovbit

[124]

90

Swer hie bi niht gelovbit

Daz got gewalt an ende hat

Dez wirt von schulden niemer rat

Swer von der ovgen lere

Niht gerte furbaz mere

95

Getriuwet grozir crefte

Bi selchir meisterschefte

Als vns ist vor gespannen

Den frowen vnd den mannen

Wir svn vns niht versumen

100

Den zwivil von vns rumen

Der vns von gote scheidit

Und vnsir sei verleidit

Vor siner angesihte

Und den strengem gerihte

105

Da hilfet niht der miete cran

Est ane minne an reht verlan

Wan sol ez hie versorgen

Den abent vnd den morgen

Und vnsir cranc gemüete

110

Bevelhin gotis güete

Als och div gotis dirne

Div süeze tugenden virne

50, 1

Div kivsche svnden frie

Zvo dez himils massenie

Gemehilt dur ir lihten schin

Mit dez gelovbin vingerlin

5

Martina maget frowe cluoc

Div den gelovbin schone truoc

Uor kvngen vnd vor keisir

Der gote lob wart heisir

Von dem gelovbin den div magt

10

Unerbolgen hat gesagt

Vnd gar an alle vorht

Als gotis minne worhte

In ir kvschim herzin kamer

Da von ir viende lob vil lamer

15

Wart vnd darzv spurhalz

Ir selde an creften wurden malz

Ir valsch gelovbe hin geleit

Als iv wirt von mir geseit

In dem vingerlin och lac

20

Ein stein der hohir tuginden pflac

Sin schin wart niemer tunkil

Und doch niht ein karfunkil

[125]

Noh der saphir so blawe

Dirre stein git rawe

25

Sel vnd darzvo libe

Noch me ich von im schribe

Er vertribet och miht zvhte

Von dem libe daz gesuhte

50^b, 29

Er was och niht ein jachant

30

Sin glanz der gat in alliv lant

Der warheit ich gehille

Er was niht der perille

Noch der grüene smagrade

Der doch wol der megde

35

An kivscheite gelichit

Er brichit vnde weichit

An der vnkvschin hende

Vnd nimt sin craf ein ende

Svz kan der tugende tiuten

40

Uon den vnkvschin liuten

Er was och niht ein rubin

Der hat dur luhten roten schin

Vnd ist im allir steinen craft

Etlichir maze angehaft

45

Und och niht der adamas

Der brichit in daz herte glas

Vnd wil niht wan in stahil ligen

Und kan im och niht an gesigen

Deheinir slaht gesmide

50

Daz er kein brechin lide

Wan von wildis bockis blvot

Und tutit vesten kivschin mvot

Noch der kalt topazion

Der ist nach golde geverwet schon

55

Von natur ist er so kalt

Was von siner craft gestalt

50^c, 57

Wirt dez heizin wazzirs wal

Und tuot von siner kelti val

Er machit kivsch gemüete

60

Vnd loschit svnden glüete

Noch div berliv silbir var

Der man gerne niemit war

Noch der menic varwe iaspis

Dez svnt ir rehte sin gewis

65

Noch der tiure crisolde

Den hant die herren holde

Er ist selic der in solde

[126]

Haben als er wolde

Noch der luter cristalle

70

Swie wol er vns gevalle

Noch der riche Onichilvs

Noch der tiure Sardivs

Noch der vil liht amatist

Der vertrunckinheit git frist

75

Er was och niht der kalcedon

Dez div welt ist hie gewon

Er was niht krisopastus

Noh der himil varwe iacinctus

Sardinivs was er och niht

80

Den man vil crefte giht

Noh der eiter varwe turggis

Der hat vur vallen hohin pris

Noh der gamahiv wert

Dez man in golt gesmide gert

50^d, 85

Noch achates noh ligurivs

Seltzene doch genant alsvs

Er was och niht ein brasime

Er grabin vz dem wasime

Noch der win varwe Granat

90

Der man doch vil mengen hat

Doh der lieht varwe palast

Der doch mengen ist ein gast

Noch rote Coralle

Gvot fur dez tvnrren valle

95

Er was och niht ein agstein

Vil bezzir was er den ich mein

Nv ratent vf die gimme

Mit gemeiner stimme

Und trahtent ane swere

100

Von waz der stein were

Ein teil wil ich iv zellen

Siner craft er kan entswellen

Libis vnd der sele geswulst

Und losen von der svnden hvlst

105

Vnd scheidet och dez herzin clage

Uon allir svnden siechtage

Vnd schirmet ane zwivil

Uor dem argen tivil

Beide alt vnd darzvo ivnge

110

Vor der zwivelunge

An der gotis güete

Er sterkit daz gemüete

[127]

51, 1

Gein dez tievils listen

Die kan der stein zerknisten

Von sivnden blinden vnde lamen

Die kan er vz der helle hamen

5

Mit sinen creftin zvckin

Gein im so mvoz ovch smuckin

Der helle rude sinen sweif

Da mit er menic sel begreif

Die vnder siner clawe

10

Hat vil selten rawe

Swaz hordis nv dv welt pfligit

Als ander swaz verborgen ligit

Alder noch sol werden

Gegrabin vz den erden

15

Daz doch hie frowet mengen mvot

Daz were doch ein armes guot

Gein dez steines edilkeit

Die er bezeinchinliche treit

Wan er tuot vf den toren

20

Den munt vnd och div oren

Und git den stummen wisiv wort

Div e waren niht gehort

Ich han darzvo niht mugent

Daz ich dez edlin steines tugent

25

Nach sinem werde entslieze

Vnd ez iv och verdrieze

Da von wil ich ez kvrtzin

Und mine rede schurtzin

51^b, 29

Balde kvnden ane schamen

30

Vnd wil iv sinen werden namen

Er ist div starke zvoversiht

An die alle tugende niht

Tovgint noch och sint nvze

Siv sint vor got ein vrdrvze

85

Und als ein ritter ane swert

Der muot doch zestrite gert

Si bittet alle tugende fur

Zegot in vnverzagter kvr

Nv horint vom steine me

40

Hie vor in der alten e

In den buoche detronomio

Gap got ein gebot also

Den ivden als er wolde

Daz nieman nemen solde

45

Dewedern mvli stein zepfande

[128]

Wan er daz wol erkande

Daz ir dewedir gienge

An den andern noch vervienge

Wan ez ist ein selich pfant

50

Daz alden lvten ist erchant

Dez man kvme mac enbern

Die livte woltin denne gern

Iemir ane brot wesen

Ane die bestin spise genesin

55

Zvoversiht gedinge ist alein

Vnd tiut den vndern mvlistein

51c,57

Div zvovirsiht div treit enbor

Daz kranke herze vnd ist ein tor

Zegotis erbermeherzekeit

60

Wan der niht endis wirt geseit

Der obir mulistein daz ist

Gotis vorhte alle frist

Dv daz herze drvckit nider

Und ez mit maze tempert wider

65

Wan der gekestegotte geist

Nach der demvot volleist

Der ist ein opfir vor gote

Nach der schrift svnder spote

Div vorht vnd div zvoversiht

70

Vervahint an ein ander niht

Da von habe smerzin

Der svnder in dem herzin

Umbe die svnde die er hat

Begangen vnde missetat

75

Dar zvo sol er gedinge han

Vnd von verzwivilvnge stan

Doch wil ich daz kvnden

Swer zevil wolte svnden

Uf zvoversiht daz were niht gvot

80

Vnd wer mit wisheit niht wol behvot

Swer och zegroze vorhte

In sinem herzin worhte

Der wolte sin gemüete

Gein der gotis güete

51d,85

In verzwivelunge kerin

Vnd sine svnde merin

Wan sol ir beider maze habin

Mit vorhte slahin mit gedinge labin

Uf diz rede sprichit svz

90

Der guote sant ysodorvs

[129]

Vnd tiutit vf die maze

Daz sich nieman laze

Uf sin rehtekeit zegar

Da bi sol er och nemen war

95

Daz er verzwivelunge niht pflege

An dem erbermede gotis wege

Svnder daz er vorhte trage

Mit der gedinge naht vnd tage

Wer wart ie geschendit

100

Der sich hate gewendit

Zegot mit rehter gedinge

Wa nam der misselinge

Wer wil mich dez bewisen

An kinden ald an angtisen

105

Ald der es ie gehorte

Wan zvoversiht ein porte

Ist dez gelovbin ane wan

Dvr die man sichirlich mac gan

Und daz selbe guot erspehin

110

Dez mit gelovbin ist veriehin

Daz fleislich ovge nie gesach

Noch menschin mvnt da von sprach

52,1

Noch kein gedanc betrahte

Noch kein sin erfahte

Noch menschin ore gehoret

Daz got hat erborit

5

Den guoten die in minnent

Und stete nach in sinnent

Daz mohtin wir noh gerne ervarn

Vnd dise kvrze frovde sparn

Daz wir alda gesehin

10

Div selzenen spehin

Wunderlichen wunder

Uon ovgen zeovgen besvnder

Nv prvfent alle sinneclich

Wa wart ie stein so minneclich

15

An creftin also riche

Der disem stein geliche

Nv biten wir die reinen magt

Uon der div mere sint gesagt

Der süesen seldenrichen

20

Daz si vns ruoch bestrichen

Mit ir gemahil vingerlin

So sin wir fri der helle pin

Daz vil riche cleinot

[130]

Daz ir der engil furste bot

25

Vnd si gemahilt hat zehimil

Div hie gar an allen schimil

Nach sinen hvlden hat gestrebt

Und nv in gantzen frovden lebt

52b, 29

Nv lat ivch wol gevellen

30

Ich wil div cleider zellen

Vnd swaz der megde gegebin ist

Uon ir gemahil ihesu crist

Ez ist och mengem frömde

Er schriet der megde hemede

35

Uz der vil reichen kivsche

Wan si leit menge biusche

Uon dez tievils kvndekeit

Als iv wirt harnach geseit

Vbir daz hemede hat gesnittin

40

Ein rock nach megdelichin sittin

Uz der vil svzin milte

Wan si dez niht bevilte

Si gebe dur ir brivte govme

Ir vardes guot bi dem sovme

45

Darzvo ir minneclichin lip

Div clare magt niht ein wip

Ubir den roch ein svggenie

Gab ir der himilsche frie

Vz der gerehtekeit genaht

50

Nach der hilmelschen pfat

Wan ir herze was gereht

Ane bieggerie sleht

Der himil hirte hvoter

Der svggenie fuoter

55

Was div hohe gelobte zvht

Uon der kvmet guote fruht

52c, 57

Daz ist aller der welte pris

Und dort der frovden paradis

Daz mvn siv gerne halten

60

Die ivngen zvo den alten

Der megde vriedil ir och gab

Ein cleit daz nie hant gewab

Einen mantel von hoher craft

Guot für hitze von fur frost

65

Fur svnden hitze vnd ir fiur

Gab er der megde ganziv stivr

Fur den frost gab er och schirn

Genade frowe lihe mirn

[131]

Daz ich mich da mit decke

70

So mich der tiefil wecke

Mit siner svnden glüete

Daz er min da vor hüete

Dirre mantel was gedult

Allir tugende vbir gult

75

Zerlazin vornan offen

In den si was gesloffen

Er was ir och gemeze

Si hat den tievil reze

Mit gedult vber wunden

80

In disen kvrtzen stunden

Der mantel was wol vnderzogen

Mit einer vedir vnbetrogen

Div menic herze hat gebogen

Ze hohin tugenden vngelogen

52d, 85

Daz was div minneclichiv scham

Div nie von megden gerne kam

Wan si ir kivschi dahte

Uor blickin vnd vor brahte

Ir muot darzvo ir sinne gar

90

Daz si der welte niht neme war

Och was div kvschi turtel

Mit einem turen gurtel

Nach gotis willen vnbegebin

Vngeworht vnd vngewebin

95

Daz was div stete stetekeit

Div gurt alda div richin cleit

Sigit och allen tugenden lon

Nach ir wirde riche cron

Elliv werc sin lobis fri

100

Ist in div stetekeit niht bi

Div magit truoc als ir gezam

An ir cleide ein furspan

Daz bedaht ir kivschin brvst

Dv was an alle akvst

105

Daz was div stete minne

Div treib vz ir sinne

Div liebi dirre cranken welt

Div vil bitter widergelt

Ir dienist ir mannen hat beschert

110

Swer in ir solde hinnan vert

Div magt nach ir girde

Was vnd nach ir girde

[132]

53,1

Mit einem blvomen kranze

Lieht vnd darzvo glanze

Gekronet vf ir hovbit

Als megden ist irlovbit

5

Von sehz blvomen wol geslaht

Finlich nach wunsche gemaht

Demvot was der erste

Allir tugenden herste

Der ander was div triuwe

10

Div alte niht div nvwe

Div trvwe ist wurmeze

Der alten vngemeze

Wer ist der triuwe halte

Und ir nach rehte walte

15

Der dritte blvome ist maze

Der stat niht an der straze

Wan darf sin niht warten

Wan in gotis wurze garten

Anglinpfe elliv dinc zekvrze

20

Ane dez selbin blvomen wurze

Elliv dinc div müezen habin

Maze ald si sind gar beschaben

Erbermede was der vierde

Den got selbe zierde

25

An dez heren crivces stab

Do er dem schacher hvlde gab

An den blvomen hie vf erden

Kan nieman behalten werden

53b, 29

Der fivnfte blvome vns loste

30

Von der helle roste

Div vil luter gehorsami

Div zierit wol daz schappelli

Div man behalten mac

Und dur vns in der krippe lac

35

Horent von dem sehzten blvomen

Der gab einis esils guomen

Menschliche sprache

Gein Balaamis rache

Do er wolt verruochin

40

Daz gotis volk verfluochin

Als ir wol vernomen hant

Der blvome wisheit ist genant

Der alle tugende fruhtet

Den svnden sich enpflvhtet

45

Och truoc div maget ein vingerlin

[133]

Daz gab abir hende schin

Daz was der reht gelovbe

Der hat vil groze rovbe

Dem tievil von der helle enzogen

50

Vnd in daz himilrich gesmogen

Uz dem vingerlin so glaste

Ein stein so rehte vaste

Den von sines glanzis brehin

Mac kein ketzir angesehin

55

Daz was div zvovirsiht so clar

Div glenzit in daz kvnftic iar

53c, 57

Da alle vinster ende nimet

Vnd da div trüebi niht gezimet

Svz was div svnden frie

60

Uz der himilschen trappenie

Von ir brivtgom becleidet

Der sinv ogen weidit

An dem wunneclichin bilde

Uf dem himilschin gevilde

65

Daz er mit siner hende goz

Vnd allis wandils machte bloz

Er solt iemir bilde giezin

Im kan so minneclichis fliezin

Dez wunschis lebinde spise

70

Daz rüeme ich vnde prise

An dem bilde vollekomin

Martinvn als wir han vernomin

Der got so richiv cleider

Gab der ich niht leider

75

Nach ich wirde kan gelobin

Vf erde hie siv sint da obin

Nach ir reht gezierit

Da si got an smieret

Lieblich da mit erkoset

80

Die drivalt si er glozet

In dem spiegel der gotheit

Hoh tief lanc an ende breit

Nv dise rede lazen slifen

Wir svn wider grifen

53d, 85

An der süezen hystori

Von ir cleider glori

Kan ich niht baz gesprechin

Doch muoz min herze lechin

Nach ir ere die wil ich lebe

90

Wie ich ir lob noh baz gewebe

[134]

Doch pflige ich cleiner kvnste

Waz daz ich die vernunste

Schepfe von ir selde

Und der rim gemelde

95

Mir von ir güeten fluzit

Der minen sin beguzit

Vnd git mir swaz ich tihte

Min kvnst div wiget zenihte

Ich gib ir lob vnd ere

100

Nv horet furbaz mere

Do Martina div magt

Als da vor ist gesagt

Dem abgot appollen

Vergolten hat mit vollen

105

Sine claffe vnd sine trüge

Sin hofart sine lüge

Und in valte vnd gar zirbrach

Vnd gotis zorn an im rach

Wan ir gebet was helle

110

Da von sin guldin zelle

Wart zeschin vnd zestovbe

Dez hat er clein gelovbe

54,1

Daz ez mohte sin geschehin

Vnd muoze offenlich veriehin

Sine bosen alten ducke

Im selbir zvngelucke

5

Wie er betrovc so menic sel

Und wart den engil vriel

Gegebin da gevangen

Der leit in in die langen

Ewigen helle quale

10

Da lit er nv zemale

Och viel dez tempils vierde teil

Dur dez vngelovbin meil

Nv slvoc alda vil heiden

Die wurden der vil leiden

15

Helle da zegisel

In dez fiuris risel

Dar zvo dez tempils pfaffen

Die wurden da erschaffen

Zesengern in der iamer schuol

20

Zeschribern in der schanden pfvol

Da siv die tievil lerent

Wie siv von frovden kerent

Und wie der keisir entran

[135]

Mit im der heiden menic man

25

In viel zeschantze ein esse

Der wart sin muoter so wesse

Gein der maget scharpfe

Im klanck dez tievils harpfe

54b, 29

Ze svze in sin ore

30

Dez wart er sit ein tore

Er wande ez were von zovber

Wan in dez tievils clovber

So sere hat ergriffen

Da von was im zersliffen

35

Div gotlich witze

Im wan adamez bitze

Dannoch vngeheilet

Dar vmbe got geseilet

Wart vnd an gespvwen

40

Im was der wec verbvwen

Den vns crist zehimil maz

Er truoc den cristen grozen haz

Daz er och wol bewarte

Uientlich er gebarte

45

Gein der megde süeze

Der warin sine grüeze

Gelich vnd och sin trovwen

Von ivda dem Leovwen

Hat sie zehelfe ir genomen

50

Der kvnde ir nvtz vnd ir fromen

Zerehte wol bedenkin

Alexander wande krenkin

Der keisir ir gemüete

In siner tobinden wüete

55

Hiez er die maget ziehin

Für sich div niht enpfliehin

54c, 27

Wolte sinem gewalte

Da von si menic valte

Martir vnde not enpfie

60

Frolich si fur gie

Vest vnd vnirschrockin

Uil vngefüeges trockin

Daz reinen megden niht gezam

Ir minneclicher lip da tram

65

Wan si was ane maze clar

Noch golde var ir reides har

Ir antlüt schone lvhte

Dez si der tievil schuhte

[136]

Als div tube tuot den arn

70

Und den spærwer die sparn

Ir herze von der minne warn

Dez si floch der helle barn

DIZ IST DIV ERSTE MARTER.

Si was och an ir libe

Vil schoner danne ich schribe

75

Swaz clarheit an ir libe lac

Fur die so luhte vnde wac

Dez gelobin liehtir schin

Dur den si leit vil mengen pin

Der glaste von ir munde

80

Vnd von ir herzin grunde

Daz in nieman mohte

Liden dem ez niht tohte

Der keisir hiez mit flize

Vf ir nacke snewize

54d,85

Sine swache buobin slahin

Mit swarzen handen ane twahin

Wie mohte der vnmilde

Daz wunnecliche bilde

Martinam die vil heren

90

So frevillich enteren

Div vor im stuont ane alle wer

Und vor dem verfluochten her

Daz leit div magt vnverschvlt

Willeclichin mit gedult

95

Wan si daz wol erkande

Daz von der tugende bande

Der vil süezin minne stahel

Ir brvtgom vnd ir gemahel

Dur si wart gehalsleget

100

Und vf sinen nac geleget

Menic hant so svndic

Als von der schrift ist kvndic

Svz hat im nach gevolget

Div magt vnerbolget

105

Vnd lie sich halstreichin

Ir wizin nak so weichin

Siv haten gar zerblvwen

Ir kel ir blankin nvwen

Nach dez keisirs mvot gelvst

110

Vnd sines herzin akvst

Hie mit in niht genvogte

[137]

Noh baz er sich erklvogte

56,1

Als noh tuont die bosen

Er wande er mohte losen

Die maget von ir liebin trut

Und hiez die schurpfer vberlut

5

Die waren mordez reze

Daz in was in vngemeze

Dez ir mir alle mvzent iehin

Die zvht ald tugende kvnnent spehin

Er hiez Martinvn antlüte

10

Ane zart getrute

Slahin daz was lilien wis

Got leite sinen hohin flis

Dar an mit tiurer varwe

Nach menschin wunsche garwe

15

Lilien wis vnd roseloht

Als ez ir reinen herzen toht

Die lilien wis tvtint kivschin mvot

Die rosen daz vil tivre blvot

Daz div maget rerte

20

Hie mit was daz geherte

Der megde antlüt geverwet

Daz was alda gegerwet

Mit slegen vngefüegen

Der wolt siv niht genüegen

25

Svz liez si nach ir willen

Div maget ir antlüt villen

Dez keisirs schurpfere

Mit willen ane swere

55b,29

Vntz siv me nicht mohten

30

Ir herze was geflohten

In der süezin minne hack

Da ez verworren inne lac

Kein marter wirdet sighaft

An der starken minne craft

35

Nieman kan hie vindin

Da mit man vber windin

Die vil starkin minne mvge

Si ist alle zit mit fluge

Gein dem gekeret

40

Der alle zit meret

Ir craft vnd ir begirde

In loblichir wirde

Vnd der div minne heizit

Der mengen hat gereizit

[138]

45

Daz er guot vnde lebin

In der minne hat gegebin

Wan mac toden wol den lip

Beide man vnde wip

Da mit ist an den stunden

50

Div minne niht vber wunden

Svz lie div magt Martina

Ir minneclich antlut alda

Dez keisirs knehte blivwen

Dez dorfte si niht rivwen

55

Wan ir zarter brivtgom

Enpfie von slegin mengen som

55c,57

An sin antlut von den ivden

Von schreige mengen lvden

Und in schinpfe mengen wuof

60

Er muoze liden grozin ruof

In vil smehin spotte

Vor der ivdenschin rotte

Div in vil dicke an spe

Der vnflat tet im also we

65

Daz er nach ir storbin

Was vnd da bi erworbin

Wan daz er wolte furbaz

In sinem bluote werden naz

Dar an gedahte disiv magt

70

Martina div vil vnverzagt

Enpfie die slege vnd menge not

An ir lihten wengil rot

Als ir div minne do gebot

Div ist stark als der tot

75

Vnder der minnen schilde

So wart daz minne bilde

Gemüeiet dannoch harter

Mit wunderlichir marter

Dur ir minne friedel wunt

80

Alexander do zestunt

Der keisir vngehiure

Hiez der megde tiure

Mit yseninen hacgen

Die haten spitze zacgen

55d,85

Martinen ovgen brawen

Als dez tievils clawen

Vn milteclich vz zerren

Daz wolt im nieman werren

[139]

An erbermede vz graben

90

Die schurpher vnd dez tievils knaben

Die waren darzvo sa gereit

Nv horint von der tobheit

Die der vnmilte erdahte

Da mit er balde smahte

95

Daz antlut der megde

Dez menger stunt inclegde

Den daz müeze erbarmeden

Daz ir antlüt erwarmen

Solte in ir megde bluote

100

Vor svnden div behuote

Div kvsche tugenden mere

Stunt stille als der ir schere

Vnd liez ir dur ir liebin

Ir brawen da zercliebin

105

Ir antlut da zestrovfen

Und in ir blvote tovfen

Div doch mit rehter volleist

Getovfit wart von gotis geist

Wie mohte der keisir sich erbitten

110

Daz er mit so herten sitten

Der megde antlut verwandelot

Un ez vbil handelot

56,1

Dez ir an der stunde

Vil menger erbunde

Dem daz wol was erchant

Wie ez vmbe si was gewant

5

Daz si was so hoh geborn

Uon geburt vnd vz erkorn

An dem edilstin geslehte

Vnd an der hohsten vehte

Div do lebte so schone

10

Undir romschir krone

Och tet in we ir clariv ivgent

Daz div in ir besten tugent

Alsvs wart enteret

Ir lihter schin verkeret

15

Der von ir antlut brach

Den man wibis wunschis iach

Und gar hoh gelobter sitte

Die der megde wonten mitte

So was ir zvht so vollekomin

20

Die si hat an sich genomin

Och was ir kivsch geberde

[140]

Ir tugenden vnbewerde

Ir herze och niht bevilte

Der hohgelobten milte

25

Die hate si süezeclichin

Gen armen vnde richen

Dvr got gein den cranken

Der konde ir wol gedanken

56b,29

Gein der richin von der art

30

Der ir angeborn wart

Svz hat ir selden riche kvnst

Der welte lob vnd och ir gunst

So volleclichin hie beiaget

Swaz ie von tugenden wart gesaget

35

Dez was si gar ein gimme

Div leit alhie so grimme

Martir an ir libe

Div mannen vnde wibe

Gahin an ir herzin

40

Dur ir schone smerzin

Und dur die nature clagen

Sahin an erbermede nagen

Ir brawen obir ovgen

Nv horint ane lovgen

45

Ein wunderlich wunder

Daz da geschach hie vnder

Die die maget muoten

Und toblich an ir wuoten

Die wurden müede allesament

50

Vor dem keisir vnverschament

Mit lvtir stimme ruoften

Die schurpfer vnde wuoften

Wie ez svnderen

Die wir wenen besweren

55

Mit disen grozin wizin

Und vns ir marter vlizen

56c,57

Mit vil vngefüegen slegen

Der wir wunder vf siv legen

Ir brawen vz brechin

60

Den keisir an ir rechin

Seht daz wiget si fur spot

Wir werden hie gekestgot

Uon ir offenberlich

Ane zwivil gewerlich

65

Vnd haben von ir mere

Arbeit vnd och sere

[141]

Danne si von vns lide

Uns dunkit daz si mide

Div not die wir ir bietin

70

Vnd wir vns mere nietin

Dirre martir swere

Diz sint frömde mere

Uns ir hende sint verzagt

An slegen vffen dirre maget

75

Div martir ist vf vns gelegen

Der wir mit nide genir pflegen

Wir tunber danne tumber

Ein angstlichir kvmber

Der ist vf vns gesliffen

80

Wir sin alhie begriffen

Mit so starkin nœten

Die vns wellent tœten

Und vnsir selen triben

Balde von den liben

56d,85

Wir sin hie vor iv allen

Gelegin in der vallen

Geswigen vnsir kallen

Uil gar vnd vnsir schallen

Div rede si gekürzit

90

Ez waren hie gestürzit

Die schürpher vnd die buobin

In die selbin gruobin

Die der megde wan gegraben

Die dorfte dannoch nieman laben

95

Wan ir sele was gesvnt

Doch was ir lip sere wunt

Gehandilt vnbescheidenlich

An erbermede heidenlich

Doch wan ir wissegere

100

Uon dem rehten rihtere

Do zemale vbir schalkit

Mit slegen wol er walkit

Die siv der megde butten

In ir zorne siv do svtten

105

Vnd in ir vbil brieten

Ir schoz nie wol gerieten

Div siv der megde schuzzin

Wan div wider flvzzin

Zvo in vnd alle ir wafen

110

Uil vbil siv si trafen

[142]

Siv wellen ald enwellen

Siv mvn doch schier gezellen

57,1

Die ere die siv hant beiagt

An sant Martinun der magt

Der wil zarten gotis trut

Siv riefin an den keisir lut

5

Vnd sprachin swaz wir tügen

Swie vil wir vns gemügen

Mit marter an der frovwen

Daz mvnt ir alle schovwen

Daz ist gar vnd gar verlorn

10

Wan div not ist vns erborn

Und ist daz ane lovgen

Si stat vor vnsirn ovgen

Vnbeweglich als ein aneboz

Fri vnd allis leidis bloz

15

Wan si dunkit gar ein wiht

Swaz ir leidis hie geschiht

Wir sin an disen stunden

Uon iv vbir wunden

Vnde gar von ir geschant

20

Daz ist von warheit vns bekant

Da von la herre dir gezemin

Daz div si heizest von vns nemin

Sit ez niht vervahit

Vnd si die not versmahit

25

Wir sehin vier die schonsten man

Umbe die iuncfrowen stan

Die luhtent als div svnne

In ir besten wune

57^b,29

Ir schoni nieman geahten

30

Kan noch wol betrahten

Die wir mit den ovgen sehin

Die lant der frowen niht geschehin

Wir liden von ir schin

Slege vnd darzvo pine

35

Wir sin mit ir vbir laden

Swaz wir wellen ir geschaden

Der wirt vns gar vnd ist si fri

Ir wont so groziv helfe bi

Daz wir sprechin ane spot

40

Er ist ein gewerer got

Der dirre ivncfrowen pfliget

Und ir so riche helfe wiget

Er leit vf vns zemale

[143]

Die not vnd alle quale

45

Die wir ir solden bietin

Der müezen wir vns nietin

Vnd mügent vns vil vaster

Diz ist ein grozis laster

Nv trahtent alle svnderlich

50

Daz wunder also wunderlich

Wie waren ie dez tievils kint

Mit gesehinden ovgen blint

Und also gar betovbit

Der sinne gar berovbit

55

An selden so erhvnkin

In witzen gar evtrunkin

57^c,57

Gekvppelt an dez tievils strich

Der hat in genomen sich

Der selden wec was in verwaset

60

Der reht gelovbe was in vergraset

Daz er in was vnkvnde

Siv waren in ir wise

So gar vermaladiget

Daz si sint gefriget

65

Der himilschin wisheit

Der wege sint ir gar verseit

Ir stige gar vermiesit

Als ir wol selbe kiesit

Vnd von der svnden dornen

70

Uerwahset hinden vornen

Verwustet vnd verbremet

In ir herzen was gesemet

Dez tievils krvt vnd och sin wurtz

Da von mac ich ez machen kvrz

75

Siv waren gar erlazin

Der pfeder vnd der strazin

Die zegote giengen

Und sin gesinde enpfiengen

Die waren in vil gar verspart

80

Div vil selic zvo vart

Div was von schvlden inverhagt

Daz siv die vil kvschen magt

Martinam also plageten

Vnd ir selden lageten

57^d,85

Nv horent vmbe den tovben

Alexander der wolte niht gelovben

Von den vier claren mannen

Als waz si sin verbannen

[144]

Die got der megde sande

90

Da mit erbalde wande

Den biterlichin smerzin

Ir libis vnd ir herzin

Daz mohten wol vier engil sin

Siv haten nach der svnnen schin

95

Die dirre megde pflagen

Zelantwer bi ir lagen

Gein dez gotis vienden

Vil sere schrienden

Swaz siv martinen tatin

100

Kvnbers daz siv den hatin

Und daz div ivncfrovwe

Wer ane pines schovwe

Und daz siv vil harter

Von ir grozin marter

105

Wurden mer geletzit

Zerslagen vnd zerkretzit

Uon ir kestegunge

Diz horten alt vnd iunge

Dez wart der helle reiser

110

Alexander der keisir

Von zornis grimme tobelich

Dez geberde was vnlobelich

58,1

Gein sinen schurpheren

Der megde wizzegeren

Mit zornlichim muote

In duhte daz siv zeguote

5

Werin ander marter not

Die man ane schulde bot

Der reinen gotis brivte

Daz wac si gar zenivte

In herze als ein adamas

10

In gotis minne gehertit was

Div ist als der tot stark

Div sich hie niht verbarck

Si brach vz an ir libe

Als ich harnach schribe

15

Der keisir zvrnde sere

Daz siv niht tatin mere

Der megde vngemachis

Sin vbil herze swachis

Gein der ivncfrowen bran

20

Er ovgte ir mengen wolf zan

Als im was wol gemeze

[145]

Der arge morges reze

Geborn von dez tievils lide

Hiez die schurpher bider wide

25

Daz siv vf huobin ane zaln

Von den steinen scharpfe schaln

Div als div mezzir snittin

Und niht der megde mittin

58b,29

Die hiez er werfen ane twal

30

An ir antlüt liht gemal

Daz also clare luhte

Dez wol da mengen dvhte

Als ein blüeiendis meien ris

Rosen var nach lilien wis

35

Ich wil dem maler kvnste iehin

Der so tiurer varwe prehin

Zesamen hat gemischet

Div niemir me erlischet

Und stete nivwe blüeiet

40

Sin glantz die ketzir brüeiet

Ald swer niht reht gelovbet

Der wirt da von berovbet

Der selden die er wenet haben

Div wirt eweclich begraben

45

Mit im in der helle grunt

Da werdent im div mere kvnt

Der siv niht enwolden

Gelobin als siv solden

Nv prüefint an der helle tier

50

Alexander der so schier

Die maget hiez enschepphin

Vnd wande da mit erclepphin

Ir muot nach wibis brœdekelt

Do was ez andirs dar geleit

55

Ir was ir kivsch gemüete

In der minne gelüete

58c,57

Gotis so gevestit

Vnd dar in so verbestit

Daz er niht enwanhte

60

Der heilic geist si tranhte

Mit der wisheit wazzir

Da von so wart so nazzir

Vnd durstic nach ir brvtgovm

Da von so was ir als ein trovm

65

Der welte guot ir riche habe

Si brach den zelt vnd den trab

[146]

Den zelt der welt gelucke

Den trab ir boser trucke

Der si hie spulget beider

70

Ir senftir zelt hat leider

Mengen hin gereitet

In zartnvsse da er beitet

Nvwir martere ane trost

Da er niemer wirt erlost

75

In dem wernden helle rost

Bi dem tiefil allir bost

Der welte drap ist vngemach

Lip vnd sel machen swach

Mit turnei vnd mit tanze

80

Mit mengem sweren kranze

Von ysenhvoten helmen

Der erde stovbic melwen

Irsteckit in den aten

Gense vieze braten

58^d,85

Vnd menic vnfuore

Siv howent bi snvore

Daz ist bi dem ende

An dez todis wende

Wan siv rerint dick ir sweiz

90

In der wilden welte creiz

Svz lident meren kvmber

Der welte kint vil tumber

Danne die gotis kenpfen noh

Dulden under sinen ioch

95

Da inne si frolich ziehint

Der welte lob si fliehint

Und went hie kvmber liden

Svgen von der widen

Den vil süezen honic waben

100

Die sele spisen vnde laben

Div weide div ist svre

Vnd bitter von nature

Daz sint liplichiv werc

Div sint swerer danne ein berc

105

Dem fleisch vnd wider wertic

Wan ez ist vngevertic

Und von nature trege

So daz ez gerne enpflege

Rvwe vnd gemaches

110

An linden betten vnd taches

[147]

In hitze gerne küele

Pfvlwen senft gestule

59,1

An der svnnen haben schattin

In die lihten blvomen wattin

Vnd in süezin meien tovwe

Den ovgen haben schovwe

5

Uf den grüenen anger

Kvrtze blvomen langer

Die da ein ander dringent

Vnd den ovgen bringent

Die zarten ovgen weide

10

Uf der bernden heide

Da frovde spilt mit wunnen

Ob mengem küelen brvnnen

Die mit murmil senftem klanc

Gent vnd mengem krumbem ganc

15

Da siht man rote rosen

Vnd horint vogel kosen

Mit menger svnder sprache

Svnder haz vnd nides rache

Der vogil süeziz schallen

20

Und ir svndir kallen

Wem sol daz niht gevallen

Daz ist ein frage iv allen

Diz ist dez zarten libis spil

Untz an sines endis zil

25

Swer sich dez bedenkit

Swie schiere sich bekrenkit

Diz gemach vnd diz gerete

Von dirre welt vnd stete

59^b,29

Wie daz allis ende nimet

30

Wie der welte lon gezimet

So wirt ez gar ein truren

Und muoz die frovde ersvren

Vnd denkit an die wunden

Cristes vnverbunden

35

An dem cruce blvotes rot

Und wie der vil grimme tot

Sine sele von im schiet

Wie sin bitterkeit geriet

Wer mohte daz geschriben

40

Wan mannen vnde wiben

Die vf erde ie hatin lebin

Wart scherpfer tot nie gegebin

Swer sich dez besinnet

[148]

Wie in got hat geminnet

45

Der wirt sa von minnen wunt

Untz an sines herzin grunt

Daz stat in mengem zitter

Dez ist div wide bitter

Von der suget er allein

50

Den vil süezin honic sein

Der mac danne leiten

Den lip zvo arbeiten

Und wirt danne trage buoz

Vnd div bitter wide svoz

55

Alsvs sovg Martina

Uon der svren widen da

59^c,57

Daz süeze honic mit flize

In ir grozin wize

Und ol von dem herten steine

60

Nv prüeven waz ich meine

Daz ol erbermede tutet

Die alle svnde ernivtet

In vier naturen stat daz ol

Die sint bezeichenvnge vol

65

Ez swebit allen dingen obe

Die fluzzic sint in hohim lobe

Alsvs div erbermede swebit

Ob allen svnden die da klebit

Den menschen an mit riuwe

70

Si si alt alder nivwe

Svz vellit niht zegrunde

Erbermede an keiner stunde

Die wile der man rivwe hat

Div erbermede obin stat

75

Und hebit den man enbor

Alliz vz der svnden hor

Öl ist och liehtis schinis

Clares vnde fines

Gelichir wis so luhtet

80

Div erbermede vnde fuhtet

Mit ir schin die erde

Daz ist div menscheit werde

Die got vz der erde geschvof

Swa der svnder sinen rvof

59^d,85

Zegot mit andaht schriet

Der wirt zehant gefriet

Mit dem claren olis glanz

Alsvs wirt sin schin ganz

[149]

Daz ol spiset och den lip

90

Ez sien man oder wip

Daz alle die wol wizzint

Die sin ie enbizzint

Die erbermede ich prise

Div ist ein edil spise

95

Dez lebindigen brotes

Uns wart och nie so notes

Swer niht da von gespisit wirt

Der hie vnd dort ist verirt

Von dirre spise mere

100

Sprichit vnsir herre

Swer hie niht versmahit

Und dise spise enpfahit

Min fleisch vnd min blvot

Der ist hie vnd dort behuot

105

In mir beliben iemir

Den tot beschowen niemir

Got helf vns hie erwerben

E daz wir ersterbin

Div spise div so kreftit

110

Ze stetin frovden heftit

Noch hat daz ole mere

Bezeichenunge kere

60,1

Ez machit libes wunden heil

Vnd loset siv von swerndem meil

Sam tuot div erbermede gotis

Uon der minne gebotis

5

Div in an daz cruce spien

Vf der wilden erde grien

Div heilit hie von swere

Uns armen svndere

So wir die sele verseren

10

Mit sünden vnd mit meren

E vns eine werde gesvnt

So sin wir drizic abir wunt

Dize wunden ane zal

Machit rawe frovde smal

15

Vnd in swelhen stunden

Div vnzallichen wunden

Mit der rivwe smerzin

In dez svnders herzin

Besiuftit wirt merkint ebin

20

Die wil er zehant vergebin

Dem svnder als wir vns entseben

[150]

Und siv niemer vf geheben

Vnd wil ir gar vergessin

Wan nieman mac ermessin

25

Sin erbermeherzekeit

Zetrost vns allen daz geseit

Svz hat div magt vngelogen

Uon dem herten stein gesogen

60b,29

Daz ol e daz süeze sure git

30

Daz in dem herzin velsche lit

Daz was der liplich tot

Den div herte marter bot

Si was der tugenden plide

Daz ir div bitter wide

35

In süezis honic trovfte

Swie tiure si ez kovfte

Doch sprich ich an den truwen

Der kovf darf si niht ruwen

Swie svr ez was ez ist nv svoz

40

Und ist ir allir swere buoz

Wol gesetzit dort ir fuoz

Daz ir der tiefil lazin muoz

NV HŒRENT VON DER HELLE VND OVCH IR NO

Nv horint abir furbaz

Alexanders alten haz

45

Der er Martinun ovgte

Und an ir antlüt zovgte

Daz er mit slegen hiez zerbern

Ir ovgen brawen vz zern

Mit yseninen krapfen

50

Fur nafzen vnd fur slafen

Was ez ein arzenie

Der velsche selden frie

Wolt sich an ir erkvlen

Und hiez die schurpfer wuelen

55

In dem antlüt minneclich

Ane erbermede vnsinneclich

60c,57

Dez er och niht envindit

Erbermede so in verslindit

Der vil witen helle giel

60

Da der vnmilte in viel

Zvo dez tievils presse

Im wart mit vollen messe

Sin lon alda gehvfet

Daz helle tranck er svfet

[151]

65

Swie lvzil in doch durste

Im wil der helle furste

Ein brot alda begiezin

Dez sol er clein geniezin

Er ezsiz lihter truckin

70

Wan er muoz ez slvckin

Weiz got ane kvwen

Darzvo wil im brvwen

Der helle schenke ein svnder bier

Daz maze drizic vnde vier

75

Niht einer berner gulte

Der si ioh vbir fulte

Ich sege vz an den truwen

Daz mes ist har gebrvwen

Gar bereitit vnd gesotten

80

Vz den slangen vnd den crotten

Und vz frischin nateren

Ez machit groze blateren

Den lvten an den zvngen

Den alten zvo den ivngen

60d,85

Wan ez ist niht erkaltet

Swie lange ez si gehaltet

Ein salbeie horit och darzvo

Dar abe si spate vnde fruo

Ubir maht svn trinkin

90

Wan git ins ane winken

Ubir flivsclich genuoc

Die putteglere sint so cluoc

Daz siv ez ane zadil gebint

Den gesten dar die wile siv lebint

95

Doch hat lebin endis niht

Mit stetim tode hat ez pfliht

Der tot da niht erstirbit

Swie doch daz lebin verdirbit

Da ist daz lebin vnd der tot

100

Gemehilt zvo der stetin not

Da hant ach vnd iemer we

Ein ander da zesteter e

Vnd werdent niht gescheiden

Wan siv sint mit eiden

105

Gesichirt zvo einander

Gelich dem salamander

Der hat von natur ein stiur

Daz er wont in dem fiur

Als der visch in dem wage

[152]

110

Diz ist ir lebin vntrage

Ich will die salbeien nennen

Die svnt ir svz erkennen

61,1

Mvggen vnde spinnen

Der sol in niht zerinnen

Den tumben helle giegen

Und vnreine fliegen

5

Och ist ir kvrzewile

In der helle zile

So siv ez bratent

In dem fiure als siv e tatent

So wirfet man siv in den sne

10

Da ist inzwirent als we

Und gefrierint in dem yse

Da hebt sich iamers wise

Von der not siv ir affent

Die zene in lvt erclaffent

15

In den vngewittern

Wan daz siv kvnnen zittern

So werin siv zetode erfrorn

Div kvrtzwile ist in erkorn

Uon dem sne wider in die hitze

20

In der flammen glitze

Svz mvozen siv dez tiefils bal

Iemir wesin ane zal

Svz sint die helle govche

Da in stetim rovche

25

Ist der gesunt den ovgen

Dez hant siv ane lovgen

Genuoc vnd ane kovf vergebin

Stetir ruoz sol in an clebin

61b,29

Reht als an bœmin tuot der tuft

30

In dez ckalten wintirs luft

Wan siv ir ovgen wandon

Gein svntlichen schandon

Und den gelustez niht verzigen

Vnd in liezin an gesigen

35

Aller sünden vntugent

In ir bestin libes ivgent

Dez svn siv tievil schovwen

Für minnecliche frovwen

Und dez himils ovwen

40

Haben tievils drovwen

Hant die rede niht zespotte

[153]

Daz vnkivsch ovge ist ein botte

Dez herzin daz vnkvsche pfliget

Und in bosim willen liget

45

Daz sol frovden dort enbern

Iemir me an ende swern

Von helle rovche riezin

Rivwe trehine giezin

Der frovden kvrze blicke

50

In die wernden schricke

Svn gewehsilt iemer wesin

Und inrvwe ir svnde lesin

Ir ovgen svn siv weiden

An hundert tusint leiden

55

Siv werdent och mit tovwe

In der helleschen ovwe

61c,57

Genvhteclich begozzin

Vnd gar vbir flozzin

Daz tovwe ist swartz vil keche

60

Uz dem verfluochtim beche

Daz stete vf siv riset

Vnd ir vnselde priset

Siv hant och einen stetin nebil

Uz dem vnreinen swebil

65

Der siv sere ankempfit

Ir brust ir aten tempfit

Svz wirt ir lon in gewegin

Siv hant och einen stetin regin

Der vf siv stete vellet

70

Vnd von fivre wellet

Und sint siv ane cleider

Hvote vnd mantil beider

Gein dem regen ane schirn

Irschellit werdent in div hirn

75

Von der helle wuofe

Und der tiefil ruofe

Die steteclichin luogent

Die armen selen muogent

Vnd wert daz iemir ane zil

80

Uf disem iamir spil

Verbiutit not mit leide

Und haltent och div beide

Div spil sit gar vnnlæzic

Vnnwege vnd och vnmæzic

61d,85

Und muozint siv doch halten

Vnd ir gebotte walten

[154]

In sint och zallen stunden
Füeze vnd hende gebunden
Und vngewaltic alle ir lidir

90

Siv ligent ane wer da nidir

Wan siv ir hende ruorten
Und nach ir willen fvorten
Vil vnreiner werke triben
Und dar an stete beliben

95

Mit menger marter quale

Die siv do ze male
Gotis kenpfin tatin
Die siv fur zovberer haten
Vnd ir lebin gar zespotte

100

Haten vor der heiden rotte

Und swie siv wolten wurben
Mit in vntz siv ersturbin
Dez sint och da ir hende
In ewigem gebende

105

Vnd niemir da erlost

Ir vancnvst ist ane trost
Ir füeze svn och iemir
Gebunden sin vnd niemir
Getretten keinen fuoz trit

110

Als doch wilent was ir sit

Wan siv ir füeze truogen
Zemengen vnfuogen

62,1

Vnd nach ir willen giengin

Uil menic sünde enpfiengen
Nach ir frien muot gelusten
Vf disen wilden ertgerusten

5

Dez sint siv da in bande

In dem verfluochten lande
Ligen allir frovden fri
Dem helle rüden iemir bi
Siv hant och stete vinstir

10

Zesuwen halb vnd winstir

Uornen vnd och hinder
Dez tievils erbe kinder
Obin hoch darzvo vnder
Vnd ist ir danne wunder

15

Und wert ane endis drvm

In secula seculorum
Amen dar vbir ist getan
Daz ez niemir sol zergan
Wan siv hie ir ovgen

[155]

20

Offenlich niht tovgen

Uon ir scheppher kerten

Vnd siv ir ovgen lerten

Falschlichin minnen

Mit herzin vnde sinnen

25

Fur den scheppher die geschaft

Div von ir selbin ane craft

Waren alsiv selbin wan

Da von svn siv liehtis an

62b,29

Wesin in dem fiure

30

Bi dem tiefil vngehure

Siv lident menge sturme

Von allir hande wurme

Die siv da sere bizint

Ir vngemachis vlizint

35

In der vinstirn helle

Der ich niht gar gezelle

Doch wirt von einem gesaget

Der steteclich an ende naget

In dem kerne ir herzin

40

Mit vnzallichim smerzin

Billichin er mit maht dur grebit

Als ysaias da entsebit

Der wissage der niht livget

Vnd ez von gote zivget

45

Daz ist der wurm der gewissent

Wan siv sich hie vlissent

Wider got zelebenne

Dez willen niht begebinne

Wan ir mvot do ewic was

50

Dez treit dv marter steten haz

Den ewigen willen

So ewic martir villen

Der wurn dekeiner trivwe pfliget

Altir noch müede im angesiget

55

Svz wirt ir herze zerzert

Wan ez hie wart verspert

62c,57

Daz dar in niht en keme

Swaz gote was geneme

Erbermede ald erbarmen

60

Da inne niht wolde erwarmen

Ald swaz zegote hœrit

Daz wart da vz gestorit

Dez si der wurme betrüebit

In ir herzin er üebit

[156]

65

Endelose rivwe

Angenade nivwe

Daz er die iemir brivwe

Umbe die vntrivwe

Ir oren svn och wesin fol

70

Iemer eweclichir dol

Der tiefil geschreige

Ir iarmerlichin weige

Der vngefuogen Ivote

Allir schanden fruote

75

Wan der helle hvnde doz

Der michil vnde groz

Daz in nieman gahten

Kan noch wol betrahten

Siv lovfent in der rivwe rvore

80

Mit stetir vnfuore

Ir vngefuoges bellen

Sol iemir mere hellen

In der armen oren

Machen siv zetoren

62d,85

In dirre hvnde bile

Sol ir kvrze wile

Iemir wesin ane trost

Werden niht da von irlost

Siv wellen ald enwellen

90

Svz getanes schellen

Hant siv von dem helle iager

Da von wirt ir frœde mager

Ir hvrnet in zevalle

Wan er hat mit schalle

95

Daz iamer veige wild eriagit

Daz gote müeze sin geclagit

Wan ir svnden oren tor

Was dem gotis rate vor

Und dez gebotte gar verrigelt

100

Mit dez tiefils rat gesigilt

Swie vil in hie die wissagen

Cristes botten bi ir tagen

Ie geseiten ald geschriben

Grozir zeichin hie getriben

105

Daz was ir spot vnd ir schinpf

In ir grozin vngelinpf

Siv dar vmbe lagin

Solhir tukke siv pflagin

[157]

Swie vil in wart betiutit

110

Der schrift div wart verniutit

In ir oren als ein spel

Zvo dez tievils rate snel

63,1

Dez hant siv clein genozin

In sint och vor beslozzin

Dez himilrichis porten

Mit den scharpfen worten

5

Gant verfluochten in daz fivr

Zvo dez tiefils hein stiur

Daz im vnd sinen engils ist

Gar bereit an endis frist

Suz hillit in so grimme

10

Div süeze gotis stimme

Die siv do niht horen wolten

Daz wirt in suz vergolten

Siv müezin liden ane danc

Einen als vnreinen stanc

15

Den nieman kan geschriben

Da inne stete beliben

Die vil armen müezen

Den alten smack büezen

Der dick hat gerochin

20

Alhie ir naselochin

Uon süezir sanftir spise

Nach wunsche wol ze prise

Nach ir willen gar gemachit

Da von daz herze lachit

25

Vnd der muot da gein spilt

Da von siv gotis dienst bevilt

Und vil süezin predigon

Svz kan der smack ledigon

63b,29

Den man vil guoten willen

30

Vnd die genade stillen

Die got in wolte sendin

Die kan der smack wendin

Alsvs stellit er mit mahte

Wie er vil menge trahte

35

In bereite svnderlich

Selzene vnde wunderlich

Er wirbit och mit flize

Wie er och fruo enbize

Er mvoz och guoten win haben

40

Sin vil œdis hirn labin

Wol gotis gabin œde

[158]

An sinem dienste blœde

Dez vil süezin winis smack

Er govchit sinen horsack

45

Ist er alt er wirt ivnc

Mengen frolichin sprvnc

Wil er danne sprechin

Darzvo liedir singen

Uon gotte harte verre

50

Sin frovde wirt vil mere

Von wine danne von biere

Svz wirt er zeime tiere

Daz er niht got erkennet

Swer sich nv also wennet

55

Der sol den stanck dulden

Billich vnd von schulden

63c,57

Vnd dez iemir mere pflegin

Der sehz tusint iar gelegin

Hat in der helle svtten

60

Den ie die tievil butten

Irn vil liebin gesten

Den hohsten vnde besten

So div welt hat erzogen

Die hant sich in die helle gesmogen

65

Pylatus vnd herodes

Die dez ewigen todis

Sint erstorbin vnd doch lebint

Iemir me zepfande strebint

In dez tievils landen

70

Nach pfandes reht verstanden

Doch wil si nieman lœsin

Die veigen vnd die bœsin

Ich rede ez ane visiln

Die sint gesworn gisiln

75

Dise herren beide

Siv brechint niht ir eide

Dvr dekeinir slahte not

E daz siv wurden scham rot

Siv hant also vesten muot

80

Vbir lip vnd vbir guot

Liezin siv ez beide gan

E man siv sehe in laster stan

We waz eren sprach ein frösche

Disen schimpf vnd disen hosche

63d,85

Svnt ir niht fur vbil nemin

Spottes sol im gezemin

[159]

Von ir horren bœsir geist

Dem siv dienten allir meist

Ist ein altes sprich wort

90

Als ir dicke hant gehort

Schade der het gerne spot

Diz ist der turnben gebot

Nv in disen ziten

Schade sol schaden riten

95

Also wen die tievil tvon

Gein ir dienern niemer svon

Gewinnen noch fridez tac

Siv mvozin habin disen smac

Uon dem nieman kan gesagen

100

Ze rehte hie in disen tagen

Siv mvozin weiz got gelten

Daz vil senfte zelten

Daz siv zerhelle fuorte

Als ich da vor ruorte

105

Der vil arme ivdas

Der mvoz dowin daz mas

Daz er von gotis hende enpfie

Und in do verkovfen lie

Vnd dez was so flizic

110

Pfenninge vmb drizic

Er in do den ivden gab

Der galt den zelt vnd den drab

64,1

Er kan in die helle gedrabt

Vf einem orse daz niht snabt

Ez vellit aber einer stunt

An den grundelosen grunt

5

Do ez so sere smeckit

Und niemir wirt verdeckit

Von warheit niht vol reckit

Ein smack den andern weckit

Man pfliget da niht rovchis

10

Dez svezin wierovchis

Da ist och vil tiur alda

Div senfte tymiana

Wan ist och da smakis fri

Der edilin spica nardi

15

Der warheit ich niht irre

Uil tivr ist da dv mirre

Div also sveze drehit

Den mvot zefroden wehit

[160]

Nv was welt ir me

20

Daz werde holtz aloe

Daz div hirn creftit

Und siv in rvowe heftit

Daz von dem paradise flivzit

Dez smack so sveze dvzit

25

Daz ist da vil tiure

In dez rochis fiure

Vnd füegit niht zediseme

Der hohgulte Biseme

64b,29

Den man mit golde dristunt

30

Wider wiget dem er ist kvnt

Der ist da vil selzene

Daz ich weiz niht wene

Mvschat vnde zin mint

Den armen keine frovde gint

35

Ingeber vnd negillin

Wellent och da geste sin

Cvbebin vnde macis

Dez svnt ir rehte sin gewis

Zitwar vnde Galgan

40

Sun siv beider wesin an

Der tivre Balsam ist och gar

Ein gast der verfluochten schar

Der also menge tugende hat

Sin smack fur alle wurzen gat

45

Wir werden an fristen

Uon dem Balsam cristen

Svz hat in got gehohit

Daz er vns hie enpflohit

Von der an gebornen sünde

50

Und von der helle gründe

Ich mac die rede kvrtzen

Alle svezen wurzen

Die den lvten mvgen gebin

Trost vnde frolich lebin

55

Der wirt da niht befunden

An dekeinen stunden

64c,57

Bech vnd vnreine swebil

Sol iemir riechin in ir gebil

Wurme fiurez hitze

60

Gent ewecliche bitze

Selen vnde liben

Die nieman kan vertriben

Ir altir svnden gedanc

[161]

Machit siv mit vorhte cranc

65

Die schowent siv da offen

Der svnden strale troffen

Het ir herzin gerne

Und wolten danne gerne

Daz siv werin nie geborn

70

Ir stete rivwe ist gar verlorn

Vnd mvn doh rivwe niht entwesen

Siv mvozen iemer mere lesen

Div buoch der rvwe svnden

In der helle grunden

75

Ir selbir svnde rechin

Und in ir herze sprechin

Waz half vns vnsir hohvart

Div selten wart von vns gespart

Div spise vnd och div cleider

80

Der wir pflagin leider

Und allir vnsir richtvom

Darzvo mengir svnden rvom

An harnasche an rossin

Waz han wir dez genossen

64d,85

Vnd vnsir kivsche

Der frevelige tiusche

Und swaz wir frovden hatten

Die sint gelich dem schatten

Mit vns hin gescheiden

90

Zetusint tusint leiden

Was hilfet frivnde alder mac

Als ein schif dur den wac

Ist geflozzin ane spor

Daz wir wol sahin da vor

95

Und nieman nv mac gesehin

Sam ist an frovden vns geschehin

Man manc ioch niht erkapphen

Nv einen fuoz stapphen

Der frovden so wir pflagen

100

Mit wiben kinden magen

Wan da wir wurden geschapphen

Getovfit von den pfaffen

Ze hant do wart vergessen

Daz lebin daz gemessen

105

Uns was in der welte

Wir sigen in ir zelte

Harte balde her geritten

Ir blic hat vns versnitten

[162]

Wir waren vmbehvetet

110

Dez menic wunde blvetet

An vns allent halben

Der genaden salben

65,1

Sint vns iemir tiure

In disem helle fiure

Ez ist ane lovgen

Wir mügen niht erovgen

5

Ein zeichin keinir tugende

Daz wir von vnsir ivginde

Haben her gefüeret

Div selde vns niender rüeret

Div welt hat vns geschendit

10

In sünden her gelendit

Und sin in der versweinit

Verfluochit vnd vermeinit

Svz ist ir stete rivwe

In der betrüebede nivwe

15

Siv sprechint aber mere

In ir herzin sere

Wir haben geirret an dem wege

Der rehten warheit vnde stege

Uns engab dort niht geleit

20

Daz rehte lieht der warheit

Vnd schrigent danne wuefinde

Zvo den bergen ruefinde

Daz siv vf siv vallen

Ir herten rivwe gallen

25

Ist in ein stetir kvmber

Siv tumber danne tumber

Do siv rvwe solten han

Und in div zit was verlan

65b,29

Do wolten siv niht rivwe haben

30

Nv ist in der weg vergraben

Vnd alle ir rivwe vmbe svz

Uerflozzin in der sünden flvz

Dar vbir seite ihesus crist

Der div rehte warheit ist

35

Ein bispil dvr bezzerunge

Daz alt vnd darzvo ivnge

Sich bezzirten dar an

Er sprach wilent was ein man

Der was gutes riche

40

Gecleidet herliche

Von pfellol vnd von siden

[163]

Ungemach wolt er niht liden

Vnde stalt mit siner craft

Uffen groze wirtschaft

45

Mit flize er dez pflac

Beide naht vnde tac

Bi den ziten och do was

Ein dvrftige der do sas

Vor dez richis mannis tür

50

In vil armeclichir kür

Der was geheizin alsuz

Der vil arme Lazarus

Grozir eizen was er vol

In der kvmberlichen dol

55

Der brosemen er do gerte

Der in doch nieman werte

65c,57

Die von dez richin tische rirent

Doch vil me danne zwirent

Die im nieman wolte gebin

60

Svz hate er ein armis lebin

Ander selbin stunde

Kamen dez richis hvnde

In sinis hovis kreise

Und leckoton im sin eize

65

Siv pflagen me erbermede

Mit im in siner ermede

Danne der wirt tete

In siner richin wete

Der hvnde zvnge ist heilsam

70

Daz im do zestaten kam

Nv dirre bettelere starb

Dem sin armuot erwarb

Daz er in abrahamez schoz

Gefurit wart mit frovden groz

75

Von mengem gotis engil her

Dez er sich frowet iemer mer

Och wart ez so gefüeget

Swie wol der riche geclüeget

Was mit sinem richtvom

80

Unde mit der welte rvom

Daz moht im niht erwerbin

Er mvoze doch ersterbin

Hinnan mit dem tode drabin

In der helle begraben

65d,85

Da er die frovde giltet

Und in der tiefil schiltet

[164]

Do er in dem fiure stuont

Alse die verfluochten tvont

Mit den ovgen er vf sach

90

Lazarum vil gemach

Han in abrahamis bvosen

Gar ane leidez truosen

Vnd im was von fiure we

Uater abraham er schre

95

Geruche dich erbarmen

Vnd sende mir vil armen

Lazarvm zetroste her

Daz er nach miner ger

Mich dirre not ergetze

100

Vnd sinen vinger netze

Doch in einem wazzer

Und mir mache nazzer

Vnd kvle die zvngen min

Wan ich lide grozin pin

105

Uon dez fures flammen

In dirre helle wammen

Abraham antwurte im do

Svn dv bist gewesin fro

Nach wunsche vertriben dine tage

110

So hat lazarus mit clage

Verslizzin elliv siniv iar

In kvmbir stille vnd offenbar

66,1

Nv sol er iemir frovde pflegin

Enpfahin minen hohin segin

Der mit seldin ist gewegin

Im vnd mengem werdem degin

5

So solt dv iamer dulden

Nach dinen alten schulden

Och ist ein michil vnderscheit

Enzwischent vns vnd iv geleit

Daz hie die erwelten

10

Zefrovden die gezelten

Von vns zvo iv niht komen mvnt

In froden siv beliben svnt

Iemer ewecliche

In der froden riche

15

Ovch ist der wec iv benomen

Uon iv mac nieman her komen

So wil ich dich vater bittin

Abraham nach minen sittin

[165]

Daz dv ruochest senden

20

Lazarum vnd lenden

Zvo mines vater hvse

Daz er von disim gruse

Minen brvoder kvnde

Fivnfen die noch in svnde

25

Dort in der welte lebint

Wider der warheit strebint

Daz siv sich mit flize

Hvten vor dirre wize

66b,29

Div den verfluochin gezimet

30

Vnde niemir ende nimet

Der vil arme svz batter

Abraham vnsir vater

Sprach siv hant die wissagen

Unde moysen bi ir tagen

35

Die horen ob siv wellin

Was in die guotes zellin

Nein vater vnde keme dar

Ein totir man vnd nemen war

Siner rede vnd kerten wider

40

Vnd leiten mit rivwe nider

Div werc div wider gote sint

Unde wurden guotiv kint

Abraham do abir sprach

Wellent siv diz vngemach

45

Niht gelobin mohten Moyse

Den wissagen noch der e

So gelobten siv vil cleine

Einem totin alleine

Alsvs wart der arme entwert

50

Alliz dez er hate gegert

Svz sint in riuwe quale

Die armen alzemale

Und ir rvwe ane nvtze

Die siv hant an vrdrvtze

55

Doch wil iv kvnden

Die wile der man svnden

66c,57

Mac so ist och rivwe guot

Ob er si nach rehte tuot

So er sünden niht mac

60

Weder naht noh tac

So ist div rvwe gar verlorn

Die er danne hat erkorn

So sele von libe scheidit

[166]

Und in daz lebin leidit

65

Swie danne ist hie gesæget

Sam snidet vnde mæget

Div sele dort andirs niht

Als herre dauit giht

Swer danne segit in daz lebin

70

Dem wirt lebin dort gegeben

Swer hie segit in den tot

Der snidet dort dez todis not

Svz hant die armen gesnitten

Nach dez todis sitten

75

Siv hat der marter zange

Verclemmit mit ir twange

So siv die guoten schowent

Die alle zit betowent

Mit nvwen frovden ane zal

80

In dem himilschlichin sal

Siv sprechint in dem herzin

Von ir rivwe smerzin

Diz sint die wir ie smahten

Mit schalle an vahten

66d,85

Der lebin wir zespotte

Ie wagen vor gotte

Vnd ie waren vnsir schimpf

Und in gabin vngelimpf

Wir tobir danne tovbe

90

Der tovbe falsche gelovbe

Het vns an in betrogen

Unsir sin hat vns betrogen

Wir waren so vnsinnic

Der selden vngewinnic

95

Seht wie sint erwelt

Under gotis frivnt gezelt

So sin wir gar verfluochit

Kein frode vnsir geruochit

Svz hazzint siv die wunne

100

An ir selbir kvnne

Vnd ist ir svnder swere

Da wider frovdenbere

Sint abir gotis kinder

So siv div helle rinder

105

Schowint also harte

Mit der svnden garte

Die tievil stete mennen

Froren vnde brennen

[167]

Sieden vnde rœsten

110

Siz mvoz die guoten trœsten

So gat alsus gerochin

Mit so mengem bochin

67,1

Wirt an sinen vienden

Uon riuwe iamer schrigenden

Doch svn die verfluochten rotten

Die gotis gesegenoten

5

Nach dem ivncsten tage niht sehin

Als div buoch hant veriehin

Daz der vnmilte

Den svnden nie bevilte

Sol werden hin getan

10

Vnd von gotis ogen gan

Daz er siner frovden glantz

Iht schowe vnde mengen krantz

An den himilschin gesten

Die man so schone glesten

15

Siht von mengir gimme

Und lob von engils stimme

So sprechint danne die armen

Von fivris not die warmen

Dez svnders gedinge

20

Div wiget also ringe

Als ein krankis bart har

Daz wol schinit offenbar

Daz der wint verbleiet

Und lihteclich hin weiet

25

Ir gedinge wiget och kvme

Als dez meres schume

Den die starkin wellen

Von der winde quellen

67b,29

Schier ist zerfüeret

30

Swa er wirt gerüeret

Och gelichint die govche

An krankeit den rovche

Der von dem snellin winde

Zerteilit wirt geswinde

35

Ir zvoversiht muoz wesin arn

Als ein tac der ver varn

Ist vnd niht kvmet wider

Also lit ir trost nider

Stete blivwit man ir lider

40

Gar besengit ir gevider

[168]

Der helle fivr wirt niht entzünt

Als div wariv schrift künt

Uon holtze noch von blaste

Noch von windis draste

45

Got hat ez so geschaffen

Den helleslichin affen

Daz ez niht mac erlöschin

Alsam die turren boschin

Brinnet ez vil stritclich

50

Zallen ziten nitlich

Och seit ein wissage werde

Daz och vnder der erde

Si div grimme helle

Und ir michil vngevelle

55

Daz wil ich och gelovbin

Daz die valschin tovbin

67c,57

Die vf erde hant gelebt

Und ie wider got gestrebt

Vnd die erde liebir haten

60

Ir süezin fruht ir senften schaten

Uerre furbaz in ir sinne

Danne die gotis minne

Die svn och nv beliben

In der erde vnd vertriben

65

Da die iemir langen tage

Mit rvwe senfteberer clage

Siv mvn sich wol erfullin

Alda der erde gullin

Der och ir herze ie hat gegert

70

Der svn siv werden wol gewert

Daz helle fiur brennit iemir

Vnd geluhtet doch niemir

Daz ieman sehe deste baz

Als dur ein trüebis glas

75

Ez brinnit alle stunde

Untz in der helle grunde

Vnd wirt doch niht gemindert

Die armen ez frovde hindert

Och ist div vinster also groz

80

Der nie vinster wart genoz

Wan si div lieht schuhten

Div in von gote luhten

Dez svn siv ane lieht wesin

Und vf allen vierin kresin

67d,85

Gemartert werden wunderlich

[169]

An iegslichim lide svnderlich

Daz och hie gesvndet hat

Daz giltet da die missetat

Als och dem vil richin man

90

Dem sin zvnge sere bran

Div mvose herte büezin

Daz trank die spise süezin

In sinem oden kroppfe

Da von wart im ein troppfe

95

Och von abraham versaget

Swie sin kvmber wart geclaget

Alsvz sint div helle kint

An sele vnd an libe blint

Siv schowent an den verfluochten

100

Den genaden die verruochten

So vngehivre marter

In den si vngesparter

Iemir muozen siechin

In tobendem vnsinne kriechin

105

Daz siv niemer alder kvme

Gehaben mvn die rvme

Daz siv ane wenkin

Mvgen iht gedenkin

Wan an die selbin angst

110

Die siv lident allir langst

Wan daz von nature geschiht

Dez mir wol div mengi giht

68,1

Swa danne ist der smerze

Da wonet och daz herze

Dar vbir horint ein mere

Daz seit man vil gewere

5

Wie einim meister vor erschein

Siner totir ivnger ein

Der seit im daz er wer verlorn

Und zvo der helle geborn

Vnd daz er iemir vor got

10

Solte sin verdampnot

Und iemir sin an ende

In dez tievils gebende

Do der meister daz vernam

Sere er sich dez erkam

15

An der selbin stunde

Der meister fragen begunde

Sinen ivngern vntrage

Ob man dekeiner frage

[170]

In der helle pflege

20

Swer da inne lege

Dez antwurte im der ivnger

Angst frost durst hvnger

Sol in kvmbir iemir wesin

Waz solt man anders da lesin

25

Keiner frage man anders pfliget

Wan der tot hat gesiget

Unde git den svnden lon

Her vbir sprichit Salomon

68b,29

Kein werc noh kein kvnst

30

Noch kein wisheit noh vernunst

In der helle ist noch kein sin

Dar dv mensche gahest hin

Wan an den verworhten

Die got hie niht vorhten

35

Ist so groz vergessenheit

An ir sinne da geleit

Solich blintheit an ir muot

Daz er stete ist behuot

Menschlicher bescheidenheit so gar

40

Der verstantnvsse also bar

Ir sinne ir herze geschant

So gar in der tievil lant

Daz si selten oder niemir

Mvn gedenkin iemir

45

Ze got dekeinir dinge

Wan eht ir misselinge

So div sivnde ie grozir ist

So swerer marter alle frist

Die hie gewaltes pflagen

50

In hohin eren lagen

Den ist iemir an geborn

Daz siv grozir not bekorn

Ir gewaltis so geniezin

Dez siv wol mac verdriezin

55

Der stete kvmber ane slaf

Gelichir wis alse div schaf

68c,57

Siht man die grüenen wasin

Dur die weide abe grasin

Vnd abir danne wahset wider

60

Swie nahe svz nagent nider

Also wahsit iemir mere

Der vil armen herze sere

Und git in sterbinde not

[171]

Der vntodimliche tot

65

Svz habint siv dez todis lebin

Daz in iemir ist gegebin

Siv wolten gerne sterbin

Mit dem tode verderbin

Und wer in zvkirmeze

70

Der herte tot vil reze

Vnd sin grimmer zitter

Der in etswenne bitter

Und darzvo vil swere

Zeniezin gewesen were

75

Dez wunschint siv danne dicke

Der in e gab menge schricke

Der tot were in danne ein trost

Daz er siv tete da erlost

Der tot siv danne schiuhit

80

Sin scharpfes ort siv flivhit

Swem sin wafen ist geriuhit

Balde ers von in ziuhit

Nieman sol zem bœstem

Sich gotis erbermede trœsten

68d,85

Daz er iht gebe an leite

Vf der sünden breite

Und die maze iht breche

Wider sich selbin iht spreche

Got pfliget solher güete

90

In der erbermede blüete

Daz er niht zvrnit iemer me

Und er iht denke we

Sin erbermede als ein berc

Wiget vbir siniv werc

95

Und daz der eine torne

Crist in sinem zorne

Der erbermede niht vergesse

Da wider er och messe

Vil geswinde er an sine rent

100

Ein vil swere argument

Daz ein wissage kvndet

Swer vbir reht sündet

Daz siv werdent gesaminot

Uon dez rehteres gebot

105

Der nah rehte rihtet

Vnd alle krumbe slihtet

Und geworfen niemen se

[172]

Daz siv habent groz geschre

Vnd dar in beslozzin

110

Div zit ist da verdrozzin

Darnach vber vil tage

Nach der warheit sage

69,1

Werdent siv beruochit

Mit gerihte versuochit

Und darnach versenkit

An frovden gar bekrenkit

5

Da die argen bœsen

Nieman mac erlosen

Mit dekeiner slahte guot

Iemir in der helle bruot

Mvozin siv verstanden

10

Dem tievil sin zepfanden

Horint frömede nature

Swie scharpf vnd wie svre

Der helle fivr brinnet

Swie vil ez krat gewinnet

15

Daz doch der vil armen bant

Niht werdent abgebrant

Die da zallen stunden

Vaste ligent gebunden

Die armen selen veigen

20

Die dem tievil zeigen

In sin riche sint gegebin

In daz iemir sterbinde lebin

Da sunt ir wider och vernemin

Ein mere wil ez iv gezemin

25

Daz wil ich iv enbinden

Daz got mit drin kinden

In der alten e zovgete

Und sinen gewalt ovgete

69b,29

Als er dicke hat getan

30

Daz sunt ir rehte verstan

VON DEN DRIN KINDEN IN DEM ÄITE ÔVEN

Vor gotis geburte hie vor

Der kvnic Nabuchodonosor

Truoc ze babilone

Mit gewalte crone

35

In siner herschaft prise

Gelich dem blüeienden rise

Bluot im sin gemüete

In vbir muotez flüete

[173]

Uon sines gewaltis sachen

40

Hiez er mit koste machin

Von clarem liehtem golde

Eine svl als er wolde

Div ander hohi sich gezoch

Wol vf drizic eln hoch

45

Sehz eln an der grœze

Und die an einer blœze

Setzin vf einen plan

Zvo einem wazzer heizit duran

Vnd gebot bi sinem gewalte

50

So groz so menicvalte

Daz allis lant dar keme

Swaz eht were geneme

Daz getorste nieman vbertretten

Vnd die svl an betten

55

Daz tatin do vil vmbetrogen

Uon allir erst die herzogen

69c,37

Vnd darnach die fürsten

Die hohsten vnd die würsten

Die man in dem lande

60

Ze gewalte erkande

Und darnach alle ritter

Wan div vorhte was bitter

Daz ez nieman vbir gienc

Swer daz gebot reht enpfienc

65

Und daz volk vnd daz gedigen

Alsvz wolte der kvnic gesigen

Der gebutel ruofte

Mit hellir stimme erwuofte

Vnd gab in ein zeichin

70

Den starchen vnd den weichin

So man horte livten clanc

In hellem done süezen sanc

Daz danne ane twale

Daz livt alzemale

75

Ez waren dise alder die

Nider vielin an ir knie

Vnd die svl betten an

Beide fursten vnde man

Swer och daz versmahte

80

Daz man balde gahte

Den zebulvir brennen

Der ez niht wolde erkennen

Och was da enzvndit

[174]

Als div schrift kvndit

69d,85

Ein oven groz der glvote

Dez vorhte mengen brvote

Daz fivr da sere tobte

Darzvo der kvnic lobte

Swer niht ane swere

90

Dez gehorsam were

Daz der mit vnsinnen

Solte da verbrinnen

Do daz zeichin geschach

Menglich man knivwen sach

95

Die svl genaden bitten

Nach dez tievils sitten

An alleine driv kint

Div waren niht so blint

Daz siv woltin gelobin

100

Als die andern tovbin

Der svl der keiner selde

Noch von golde so gemelde

In was vil liebir svz ir sel

Ananyas Azarias Misahel

105

Svz wan div kint genenmet

An vorhten vnd erlemmet

Der kvnic zvrnde grimme

Mit tobelicher stimme

Von vnsitten wuotik

110

In zornis laste brvotik

Uon vngeberden misse var

Vnd hiez div antlüte gar

70,1

Den eitoven heizen

Fur mit fivre reizen

Daz div hitze siben valtic

Grozir vnd gewaltic

5

Was danne si wer gewesin

Daz volk zesamin balde lesin

Und hiez si den kinden

Hende vnd fuze binden

Mit starken banden grozin

10

In den oven stozin

Die darzvo wan gesetzit

Die wurden so geletzit

Von dem fivre verswendit

In eschen stovp gesendit

15

Do kan vil geswinde

Uon himilschen gesinde

[175]

Ein engil in den eitoven

Balde in dez fiures schroven

Vnd slvoc des fivres flammen

20

Uz des ovens wanmen

Vnd braht einen kvlen wint

Alse die in tovwe sint

Merkint hie an vnderbint

Got geminnet hat div kint

25

Svz wurden siv getrœstit

Div man wolt han gerœstit

Ich hœre div buoch sagen

Daz dv flamme wart geslagen

70^b,29

Nivn vnde vierzic eln

30

Als div warheit kan gezeln

Und swaz an den stunden

Der amptlut wart funden

Als vns div schrift kvnt

Die in haten angezvnt

35

Die wurden so verswachit

Zepulvir gar gemachit

Der liute von kaldea

Dez kvngis kneht alda

Div kint waren ane leit

40

In dem oven vil gemeit

Gar an allen smerzin

An libe vnd an herzin

Siv hvoben vf vil schone

In einem süezin done

45

Mit lobelichim schalle

Daz siv ez horint alle

Zvo frovderichim sange

Ane fures twange

Lob div livte erclvngen

50

Do div kint svngen

Dv bist der gesegenot

Unsir vater herre vnd got

Und ist din name loblich

Vor allen namen frovden rich

55

Dv gist allem dienste gelt

Mit froden gar dur alle weit

70^c,57

Dez lobis ein michil teil

Daz div cristenheit dvr heil

Zallen fron vasten doch

60

Got zelobe singet noch

[176]

Der kvnic sere dez erschrac

Fur ein wunder er daz wac

Und sprach von grozir witze

Wir liezin in die hitze

65

Der kinde niht wan drier

Nv gat der vierde frier

In dem starkin fivre

Der ist so gar gehiure

Unde hat so liehtin schin

70

Gotis svn mac er wol sin

Vnde hiez div kint gan

Vz dem oven balde dan

Div horte man ane wenkin

Uil svze done clenkin

75

Mit sange sin lob gebrediot

Der siv da hate geledigot

Vnd waren elliv ir bant

Uon dem fivre abgebrant

Gar vnverbrant ir rocke

80

Darzvo ir hars locke

Noch an ir gewande

Nieman kein mal erkande

So vil niht so fivris smac

An ir cleidern keines lac

70^d,85

Ane masen garwe

Noch niht dez fivres varwe

Dez kvngis kvnclich gewalt

Wart von dem wunder balt

Daz sinen muot erwazte

90

Ein gebote er sazte

Daz niht entwichin

Armen vnde richin

Wan solte volleclichin lobin

Den werden got in himil obin

95

Der daz groze wunder

Erzovgte da besunder

Und hiez nach siner girde

Div kint an ir wirde

Vnd an ir ere setzin wider

100

Als siv wan gedrvckit nider

Als wart ir lob geheret

In werdekeit gekeret

Als got sinen frivnden pfliget

Demvot den hohvart an gesiget

105

Svz vngelichir meisterschaft

[177]

Ist der zweier fivre craft

Alhie dez fiuris hitze

Gein der helle bitze

Daz rede ich ane hoschin

110

Wan mohtes mit erlöschin

Kelti halb solt ez wesin

Trahtent wer sol da genesin

71,1

Wir mvn niht erliden diz

Dez wir alle sin gewis

Nv mohte sprechin etswer

Svz von sinis herzin ger

5

Der mensche der mit missetat

Uf ein zit gesundet hat

Sol der brinnen ane zil

Daz ist ein vngelich spil

Dem antwurte ich siner rede

10

Wisen vf die rehten pfede

Ez ist ane lovgen

Div gotlichin ovgen

So in alle herzen sehint

Daz siv den willen gar erspehint

15

Den der svnder haltet

Wan er dez mvotez waltet

Eweclich zesvnden

Der wille ist ane grunden

Und solt er iemir lebin

20

Daz er wolte niht begebin

Dez mvotes gein den schulden

Vnd gein gotis hulden

Den eweclichin willen

Wil got iemir villen

25

Da von mvoz er tumber

Gar an ende kvmber

Iemir liden vngezalt

Darzvo marter menicvalt

71b,29

Swer och ane wankin

30

Got in sinen gedankin

Mit steten herzin minnet

Nach sinem willen sinnet

Der sol iemir wernden lon

Enpfahin darzvo eine kron

35

Div mit dirre welte hort

Unnvergolten were dort

Da von svn wir hüeten

Daz wir iht erwüeten

[178]

Vnd in daz lant iht komin

40

Als ir vor hant vernomin

Da truren hat gehuset

Da we ab frovden gruset

Da der iamir heizit wirt

Da der ach daz wirt gebirt

45

Da div schande tanzit

Da lastir gat bekranzit

Da sich vntugende frowet

Da zorn der zvhte drowet

Da div fuge heizit gast

50

Da dez leidez nie gebrast

Da vntruwe git geleit

Da den eren wider seit

Da div vergift schenkit

Da daz gesinde trenkit

55

Da div galle spiset

Und alle bitter priset

71c,57

Da rovp die banier füeret

Und alle sünde rüeret

Da brant die weisen schreiget

60

Da div vnselde reiget

Da vnkivsche hat verschamet

Da alle tugende sint erlamet

Da erbermede ist veriaget

Da niemir svnnen schin betagit

65

Da div milte fliehin mvoz

Da leides niemir wirdet bvoz

Da trvwe mvoz entrinnen

Und mangils niht zerrinnen

Da sich der ban iunget

70

Vnd alle sünde tunget

Da mort der truwe laget

Da rehte liebi traget

Da ab der minne vnwillet

Da ach vil lute hillet

75

Da der nit ist iemir gruon

Vnzvht gein den tugenden kvon

Da div hofart blüeiet

Da bosir wille trüeiet

Da div crankeit hat gesiget

80

Und der verzwivelunge pfliget

Da vngedult mit hazze spilt

Vnd daz gebot vnselde gilt

Da och der svnden fraze

[179]

Gesetzit ist kein maze

71d,85

Da zvoversiht niht wesin sol

Daz ein ende habin dol

Da der stete vnfride

Zerret herzin vnde lide

Da man der svnden gitsac

90

Mit wernder not erfullin mac

Da der lebinde tot gezimet

Da vrluge ende niemer nimet

Da der svnden zimber man

Stetin lon sol iemir han

95

Da valsch dem wuocher zartet

Da we dez liedis wartet

Da man den meister schindet

Der nivwe sivnde vindet

Da elliv svnde vindet gelt

100

Uon dirre welt in alle welt

Da der wirt zannet

Gein sinen gesten grannet

Da der wirt lachit

Da alle frovde swachit

105

Vnd da enbleckit sine zene

Nach dem lahter ich niht sene

Mit fiusten er siv trutet

Die zvht er gesten biutet

Er wil si minne tolben

110

Mit vngefuogen kolben

Solche minne berie

Git der helle scherie

72,1

Sinen gesten git er tranck

Daz siv werdent froden cranck

Und darnach ein oxime

Daz in wirt zwirimt als we

5

Solich arzenye

Git der helle frie

Er machit daz die siechin

Niht mvn von armuot kriechin

Zvo dem verfluchten arzat

10

Nimit doch vil menger rat

Er tempirt mengem sin muot

Daz er wirt zwirimt als vngvot

Seht welh arzat vnde wirt

Der siechin vnde geste verirt

15

Sin rat alle vnselde birt

In siner clvse der iamer kirt

[180]

Der ich in guoten witzin

Swa ich denne sitzin

Einen wirt sehe

20

Geschaffen also smehe

Swie ich were müede

Swie vaste er mich lüede

Ich wolt e fur riten

An den selbin ziten

25

Ich lieze mich geladin

Vffen kvnftigen schaden

Ich lieze e liebir ein pfant

Beidiv silbir vnd gewant

72b,29

Wolt ich anderswa verzern

30

Mich dirre herberge wern

Der wirt heizit schentingast

Dem vntungende nie gebrast

Merkint daz vil ebin

Er git nieman vergebin

35

Er gebe einim fuhz sin brot

Lieze er im den balk rot

Muotes ist er ringes

Git er ieman dinges

Von einem ivden borgen

40

Der mohtes ane sorgen

In wil pfandis niht gezemin

Wan er wil die sele nemin

Und die fur eigen habin

In die helle dort begrabin

45

Er ist so vngefüege

Daz ich von im rüege

Allen falsch allis vbil

Vnd dem bœsen helle grubil

Keiner tugent er bedarf

50

Sin gemuote ist so scharf

Als ich liebir eze

Alle mine heze

Beidiv sattil vnde ros

Balde trettin an daz mos

55

Ze fuoze als ez tohte

Swa ich niht riten mohte

72c,57

Als ein andir hirte

E ich bi disim wirte

Wolte beliben

60

Die naht bi im vertribin

Sere ich ab im gruse

[181]

Ich wolt in sinem huse

Der suhte vngerne switzin

Da ist zevil der hitzin

65

Ungetempirt gar der luft

In siner kvnclichin kruft

Sin sal stat gar zetiefe

E ein man geriefe

Nach einem kvelen brvnnin

70

Der im dez wolde gunnin

Er were müede wordin

So starc ist da der ordin

Ich wil mich dar niht begebin

Siv hant gar zestrengis lebin

75

Ich mac in niht erliden

Ich wil in gar vermiden

Iemir suz nach rate

Fruo vnd darzvo spate

Daz clostir ist beslozzin

80

Da inne ist gar verdrozzin

Uf die truwe mine

Wan git discipline

An dem tage sibin stunt

Strengir ordin ist vnkvnt

72d,85

Vnd ist da der metti sanc

Dem Convente gar zelanc

Siv singent da div sibin zit

In iamirs done widir strit

Daz vrlob ist da gar versagt

90

Daz müeze gote sin geclagt

Kint nv lazin disin spot

Und vahen widir von got

Vnd zvo dem mere wider

Da wir gelazin haten sider

95

Daz ich dar vz gegangen han

Daz ist dur guot getan

Daz ich ein teil gezelle

Die not der grimmen helle

So die armen selan pflegint

100

Die vz dirre welte stegent

Mit grozin missetetin

Nach der tievil retin

Als och alexander

Menge marter vander

105

Da mit er wolt bekerin

Martinam die vil herin

[182]

Die got mit grozer sicherheit

In sinen kampf hate bereit

Der hiez man ir brawen

110

Mit zagin vz krawen

Die ir antlut zierten

Und doch nieman irten

73,1

Wan den keisir vnd sine buobin

Die siv och vz gruobin

Die keinir eren bedurfen

DIZ IST DIV ANDER MARTER

Darzvo die valschin wurfen

5

Schalan von den steinen

Grozin vnde cleinen

An ir antlut rosin var

Und nach wizen lylien clar

Daz got selbe varwete

10

Vnd si geistlich marwete

In sin senftes minne ioch

Dainne mengir zvhit noch

Mit sitten vil gedultic

Dez ich doch bin vnschuldic

15

Ich sage war doch leider

Daz ich der tugende cleider

So lüzil han an mich gesnitten

Dez muoz ich nach toren sitten

Erfrorn wan vnd kvele

20

Uf dirre welte brvele

Vnd frurit mich vil übil

An miner hende grübil

Die hende tiuten guotiu werk

So bin ich ein crank getwerk

25

Uon trakeit ich niht wirke

Div zeswe vnd div lirke

Hende sint mir erfrorn

Ich han trakeit erkorn

73b,29

Und bin der ingesinde

30

Si nimit zeinem kinde

Swer ir gert zemuoter

Den spiset so ir fuoter

Daz er die tugende hazzit

Svz bin ich gefazzit

35

Mit trakeit hæze

Die sint mir gemæze

Der ruohte mich berovbin

[183]

Div div den gelovbin

Unerschrockinlichen truoc

40

Der man ane zellen slvoc

Als geneistin von der ezsin

Scharpfen schalen wessin

Daz leit si mit gedulde

Der tugende vbir gulde

45

Martina vnde was ir svoz

Wan der trakeit was ir buoz

Div reine ane svnden schimil

Sach vf da zehimil

Mit dez libis ovgen

50

Und der sele tovgen

Doch da mit allir gernest

Vnde sprach mit ernest

Dv bist der gesegenot

Miltir vater vnde got

55

Din lob an endis frist

Gebenedicter ihesu crist

73c,57

Der sine kampf reckin

Svzeclich kan weckin

Mit siner minne troste

60

Da mit er och ie loste

Von der welte die versmahten

Die dur in hie vahten

Die wiltv herre lœsin

Uon dem argen bœsin

65

Mit der starkin gedinge

Von allim misselinge

Mit der ewigen zvoversiht

An die guotes niht geschiht

Süezir starkin lobesamen

70

Durch ir heiligen namen

Er ist alle stunde

Herzin vnde munde

Den zwein liden gemeine

Suozir danne ein honic sein

75

Wer ist vf der erde

Der niht getrostit werde

Uon ihesu der stimme

Irluhtet als ein gimme

Vz dem roten golde

80

Wan sol in habin holde

Darzvo svnt ir merkin

Wie er och kan sterkin

[184]

Da man in nemmin hœrit

Wie gar da wirt gestœrit

73d,85

Der viende drovwin

Minder danne die lowin

Siv ab iht erschrickent

Die an dich herre blickent

Die sich also verstrickent

90

In die minne verrickent

Din name ist egberlich

Allen den gewerlich

Die in niht erkennint

Und ane vorhte nennint

95

Din name der frovden wunne

Allis heilis ein brvnne

Dar vz vil gewaltic

Trinkit der einvaltic

Vnd wirt von minnen trunkin

100

Nieman so versvnkin

Ist in keiner sünde

In lœse von der vnde

Siner sünden meine

Din vortlich name reine

105

In frovden vbir flivzsit

Dur aldie welt divzsit

Din name allenthalbin

Uf die wilden alben

In div tiefin witen tal

110

Din name hille vbir al

In œdiv stein gemivre

Gar din name gehivre

74,1

In roschin valschen wüesten

Wir doch erkennin mvesten

Dines namen herschaft

Und sin vnzallichin craft

5

Vf alle hohe uf alle plan

Siht man dinen namen gan

Wer mohtes gar erzellen

Er gat och dur die hellen

Und dur ir abgründe

10

Dur aller wunder bünde

Vnd dur allir sinne tor

Im ist niht beslozzin vor

Und ist vol der heilicheit

Der niemir ende wirt geseit

[185]

15

Din name hat gewundert

Ob min werin tusint hvndirt

Die ob den wisen Salomon

Mit rehter wisheit truogen kron

Die kvnden dez namen fruht

20

Irzellin niht noh die genvht

Div an im ane zwivil lit

Vnd allen creaturen git

Enden vnd beginnen

Uirlierin vnd gewinnen

25

Lebin vnde sterbin

Genesin vnd verderbin

Ezzin vnde vasten

Arbeiten vnde rasten

74b,29

Slafen vnde wachin

30

Brechin vnde machin

Lovfen vnde riten

Gahin vnde biten

Swimmen vnde fliezin

Kvrtzwile vnd verdriezin

35

Hvffen vnde kriechin

Genesin vnde siechin

Sweimen vnde fliegin

Wisen vnde giegin

In der welte wilde zame

40

Hat berihtet gar din name

Din gesegint drivalt

Und din einic gewalt

Vater svn heilic geist

Sit dv alle tugende weist

45

Und alle dinc dir offen

Sint vnd niht versloffen

Dinv ovgen sint so clar

Daz dir elliv herzin bar

Sint vnd alle sinne kvnt

50

Dv sihest in allir willen grunt

Uor dir ist kein lage

Vf dem wilden wage

Spiurest dv der schiffe gank

Als ir kere vnd ir wank

55

Und den vogil dur den luft

Spurit dines gewaltis gvft

74c,57

Dur daz crut den slangen

Wa er ist hin gegangen

Daz spor der wilden vische

[186]

60

Ist dir nivwe vnd frische

In dez meres wellin

Swie tobelich siv quellin

Da schowist dv ir genge

In der wite vnd in der enge

65

Dv merkist vogil dœnen

Ir schallen vnd er kronen

Dv merkist allir wurmel

Wispel vnde murmel

Allir creature kosen

70

Kan din hohir sin erglosin

Ir sprache ir svnder svnde

Beidiv vz vnd inne

Sint siv dir alle kündic

Und doch din sin vngründic

75

Allen creaturen

Gehiuren vnd gehiuren

Diz gelobe ich alliz wol

Sprach div maget selden vol

Vnd daz din gotlichiv tugent

80

Und din almehtigiv mvgent

Wol alle dine vigent

Die hie gein dir schrigent

Und sich gein dir blegent

Gein dinem gewalte kregent

74d,85

Balde mac gesweigen

Die crankin vnde veigen

Ir zvoversiht zerbrechin

Vnd dinen zorn rechin

Da von so bit ich herre

90

Dine genade verre

Din endelosin guote

In der erbermede blvote

Da si inne blveget

Die nieman vbir frueget

95

Uon diner tugenden rate

Kvmet nieman och zespate

Dem eht von kvmber wurre

Me danner geturre

Wirt er tusint valt gewert

100

Me danner habe gegert

Uon der erbermede schrin

Sprichit sant augustin

Daz sich wol div menscheit

Schamen mac der trakeit

[187]

105

Daz got vbir die mazin

Mere welle lazin

Svnden ane zellin

Danne wir von svnden vellen

O we der grozin trege

110

Wir sin vns selbin vnwege

Daz vns got wil gewern

Mere danne wir wellen gern

75,1

Daz tet niht div reine

Div sveze die ich meine

Martina in ir martir

Si rvofte zegote hartir

5

Milter troster hore mich

Dez ich herre muote an dich

Wan ich vater heische

Daz dv minem fleische

Die genade lihest

10

Und mir niht verziehest

Daz ez so kreftic werde

Daz ich vf disir erde

Dine wider warten

Von sünden die verscharten

15

Mit gedult vbir wimde

Und mine sele enbinde

Von ir rates stricke

Die siv so rehte dicke

Fur miniv ovgen strovwent

20

Die miner sele drowent

Und mich wolden scheiden

Von dir zetusint leiden

Die ruoche herre zefuoren

Daz siv mich niht enruoren

25

Geruoche die bekerin

Und dine wege lerin

Vnd in dine hvlde gebin

Und vmbe keren ir lebin

75b,29

Wisen an die rehten wege

30

Die zvo diner rehten stege

Mengen svnder wisent

Die din erbermede prisent

Gip in svozir vater trost

Daz siv werden gar erlost

35

Uon dez tiefils hende

Vnd von dem gebende

Daz mengen hat geseilit

[188]

Diner genaden vrteilit

Da rvoche siv vz fliezin

40

Diner guote geniezin

Hilf in vz den sünden watten

Vnder diner vetechen schatten

Rvoche siv behuoten

Erbermeclichin brvoten

45

Als sinv eiger der struz

Div brvetet er wunderlichen vz

Wan der hat solche pfliht

Daz er mit stetir gesiht

An sinv eiger sihet

50

Als sin nature vergihet

Mit stete ane wenkin

Svz kan er si bedenkin

Unde hilfet in genesin

Von tode bi dem lebin wesin

55

Die nature hat alle frist

Der vil sveze ihesus crist

75c,57

Mit der erbermede ovgen

Schowit er vnz tovgen

Steteclich siht er vns an

60

Beidiv wip vnde man

Vnd bivt vns sinen aplaz

Uaterlich an vnderlaz

Alsvz div maget begerte

Dez si got och gewerte

65

Mit ir herzin mvnde

Daz got an der stunde

Sine guote merte

Vnd die schürpfer bekerte

Die sich ir marter flizzint

70

Ir brawen vz rizzint

In ir blvote siv enbizzint

Mit wizzint ane wizzint

Betrahtent welhe stivre

Div magt vil gehivre

75

Ir vienden do tete

Wie si fiur siv bete

Der svn och wir getrvwen

Uf ir genade bvwen

Daz si nach minneclichim sitte

80

Got fur ir frivnde bitte

Svz hat si vnerbolget

[189]

Ir friedil nach gevolget

Dem tugenderichen sovme

Der an dez kriuzis bovme

75d,85

Fur die sünde der welte

Bürge vnd darzvo gelte

Wart der süze heilant

Wan sin site wart entrant

Uon einis blinden sper

90

Do kan vz sinem herzin her

Der tivre lon geflozzin

Der vns hat begozzin

Von svnden gar geweschin

Der vns vz der eschin

95

Gelich im selbin machte

Der sine menscheit swachte

Und vns da mit gehohit

Der helle dort enpflohit

Crist der milte alsvs batter

100

Vnde sprach vil liebir vatter

Uergip die mich getodint hant

Wan siv rehte niht verstant

Waz siv hant begangen

An miner marter langen

105

O we der dez gedahte

Waz daz nvtzis brahte

Betrahten dicke daz gebet

Daz crist vbir sin vient tet

Der lieze dicke slifen

110

So er wolde grifen

Nach rache vmbe sine swære

Div im geschehin wære

76,1

Er tore swer sich richit

Wan got selbir sprichit

In vaterlichir sprache

Gebint mir die rache

5

Ich wil si selbir gelten

Daz tvon wir leider selten

Wan der zorn vns bleget

So vns an weget

Ein cleiner wint der vngedult

10

Und wirs haben wol verschult

So wen wir selbir rechin

Vnd swellin als die zechin

Gelichir wis zespotte

Als ein smehiv crotte

[190]

15

Mit der hofart lvodir

Ez sien swestir brvoder

Die sich rechin wellent

Und daz gebet niht zellint

Daz crist fur sine viende

20

An dem kriuce schriende

Zvo sinem liebin vater sprach

In dem grozin vngemach

So der herte stein spielt

Der daz swere kruce hielt

25

Der lihte svnne erlast

Vnd der vmbe hanc zerbrast

Der in dem tempil hienc

Dez manen schin och zergienc

76b,29

Div grebir wurdin offen

30

Und kan dar vz gesloffen

Ein michil teil der totin

Von der stimme noten

Also creftic was der ruof

Daz er daz wunder geschuof

35

Ich mvoz wol von schulden iehin

Wa wart ie hertir stein gesehin

Danne dez menschin herze

In daz der bitter smerze

Cristes niht mac komin

40

Wa wart hertir vels vernomin

Dez svnt ir mich bescheiden

So der von cristes leiden

Niht mac werden linder

Neina gotis kinder

45

Kerent von der herte

Uon der hoferte

Vnd drvckint ivwern zorn nider

Swenner sich blege wider

Alse div vil süeze magt

50

Wan der herze was verhagt

Mit der tugenden esten

Den hohsten vnd den besten

Uerzvnet was div wise

Mit der selden rise

55

Wol mit tugenden vmbegraben

Daz wir guot vrkvnde ghaben

76c,57

Div frie von allem meine

Gelich dem agsteine

Der ysen an sich zivhit

[191]

60

Und dez niht enschiuhit

Also hat si alle tugent

Von ir bestis kindis ivgent

Uolleclich an sich gezogen

In die tugent sich versmogen

65

Da inne si nv blüeiet

Ir bet den tiefil brüeiet

Daz tet si vil geswinde

Vbir sin ingesinde

Die ir lip plageton

70

Und ir selden lageton

Waz tet der wunderere

Dez horint frömdiv mere

Er tet als er solde

Wan der milte wolde

75

Gar vbir wunden werden

Mit minnen vf den erden

Ob allir craft der starke

Der sich in der arke

Der megde bark dur minne

80

Vffen die gewinne

Daz er vns aber brahte

Von der svnden versmahte

Der horte och dise maget bel

Martinam der gebet was snel

76d,85

Fur sinen gotlichen thron

Do kan geluhtet also schon

Uon himil ein liehter glanz

Der was lutir vnde ganz

Wan er von der pfallence schein

90

Da der edil karvonkil stein

Steteclichin glestit

Den menic wunder gestet

Daz wir hie besvnder

Schowen ob vnd vnder

95

Ob vns an der svnnen

Der schin wir dicke erkvnnen

An dez manen schine

Wie der wahze vnd swine

An vngezalten sternen

100

Mugen wir och lernen

Die von siner hohin celle

Lvhtent also snelle

Under an der erde fruht

Die vns dienent mit genvht

[192]

105

Die wir doch vil selten

Got nach rehte gelten

Er git vns allis dinges

So sin wir also ringes

Muotes an den sorgen

110

Den abint vnd den morgen

Wenne er welle enbœrin

Und rechenvnge horin

77,1

Vnsir gült ist an geschriben

Und wie wir han vertriben

Vnsir tac vnsir zit

Uf disim ertrich wit

5

Mit gedankin mit worten

Daz ist von orten zeorten

VON DER AHTE RITTER BEKERDE

Geschriben vnd gerechenot

Daz wissent gar ane spot

Dem alder welte sünde

10

Offen ist vnd kvnde

Der sante sines liehtis glast

Dem an milte nie gebrast

Dez div maget hate gebeten

Daz wolt er niht vbir treten

15

Da mitte wurden vmbe gebin

Die der megde lebin

Ane schulde wolden nemin

Dez in solde niht gezemin

Der manne waren ehte

20

Nach der warheit pfehte

Uon himil kam ein doz

In dem ein stimme floz

Div offenlichin rette

Tvot an der selbin stete

25

Bescheidenlich betiute

Daz ez alle die livte

Sinneclich vernamin

Die zvo dem wunder kamin

77b,29

Wan daz ich mine dirnen

30

Die seldenrichen virnen

Martinam wil eren

Mit ir mein lob meren

Div mit langem flize

In liplichir wize

35

Sich lange her hat geüebit

[193]

Dick div mich betrüebit

Und von keinen leiden

Sich von mir wolte scheiden

So werint ir verderbit

40

Vnd eweclich ersterbit

Gegangen vbir iv min zorn

Daz ir werint gar verlorn

Nv hant ir der genozzin

Div gar vnverdrozzin

45

Gebettin hat vmb ivwer heil

Erworbin iv der selden teil

Abir den alten slangen

Der iv hat vmbe gangen

Der steteclichin laget

50

Den nidez niht betraget

Gein menslichim kvnne

Wie er siv der wunne

Dez himilrichis verdringe

In sinen gewalt bringe

55

Den wil ich kvmbirs noten

Und sinen gewalt toten

77c,57

Deren er hate nv genomin

Den wil ich zenihte dromin

Und han iv hulde gegebin

60

Vnd gefristet ivwir lebin

Daz ich wolde bekerin

Diz volk vnde lerin

Gein miner hulde

Uon siner grozin schulde

65

Die ich mit gedulde

In der erbermede erfulde

Er sprach abir tohtir

Der megde rœselohtir

Dv solt dich gehabin wol

70

Wis ane leit vnd ane dol

Und wis gar ane sorge

Daz dich kein sunde horge

Alde dich kein vigent maze

Swie tobelich er rase

75

Alder welt gelucke

Uon mir iht enzvcke

Alde dich der welte herte

Vnd ir vngeuerte

Uon mir iht enkere

[194]

80

Alde ir betrogenv ere

Alde ir valsche süeze

Noch ir zarten grüeze

Alde dir von ir iht werre

Ich bin din liebir herre

77d,85

Dv min gemahel vnde brvt

Ich din friedil vnd din trut

Dv min amyge vzirwelt

Ich dir fur elliv lieb gezelt

Dv min tohtir vnde tube

90

Ich din minne herbist trube

Dv min blüeiendes paradys

Ich din kivsche lylie wis

Dv min roter rose

Ich diner minne glose

95

Dv min wurzegarte

Ich diner frovden warte

Dv min svmir wunne

Ich diner selden brvnne

Dv min geblüemtes forest

100

Ich dines herzin minne nest

Dv miner rede wunnental

Ich dines herzin frovden sal

Dv miner liebi heilawac

Ich din gemahel vnde mac

105

Dv min meigen tovwe

Ich diner frovden schowe

Dv min nahtegalen sanc

Ich diner sele harpfen clanc

Dv min oster blvome

110

Ich honic dinem gvome

Dv miner frovden gespil

Ich din trost ane zil

78,1

Habe an mich gedinge

Wiz fri vor misselinge

Ich bin din herre vnde got

Den dv hast an gebettot

5

Den din herze an rüefit

Nach miner minne wüefit

Ich bin vnd heize div maze

Wiz sichir ich en laze

Dich niht vbir winden

10

Uon den helle kinden

Noch si ob dir richson

Swie vil siv kvnnen gelichson

[195]

Wedir si noch ir bottin

Laze ich din spottin

15

Uon den verschamten bœsen

Wil ich dich tohter losen

Uon den vnvertigen

Vnd den wider wertigen

Argen tievil ræzin

20

Und gar den vngemezin

Wil ich dich beschirmen

Die mvozen balde gehirmen

Der vnfuge der siv pflegent

Und den vzirweltin wegent

25

Siv mvozin gein dir swigen

Vnd dir von vorhten nigen

Ich laze ir bœzin kvndekeit

Dir tohter niemir fugen leit

78b,29

Do diz div gotis stimme

30

Mit süeze niht mit grimme

Gereite mit siner amyen

Der kvschin reinen frien

Fri was si dez mvotes

Ir libis vnd ir guotes

35

Ir frivnde vnd ir richen habe

Tet sich frie gar abe

Dvr ir gemahel vf gewettit

Vnd sich der viende errettit

Uon der süezin stimme rede

40

Wart vz siner sinne pfede

Der keisir gar gewendit

Ze tobheit gelendit

Vnd ane sin von zorne

Der veige vnd der verlorne

45

Uon vnsinne vnmvotic

Tobende vnde wuotic

Noch tovbir danne tovbir

Erwanden daz von zovbir

Div magt mit ihm spilte

50

Dez sere in bevilte

In duhte wol von swere

Daz sin gespotit were

Im tet we der vngelimpf

Daz er einer frovwen schimpf

55

In sines richis orden

So loterlich was worden

78c,57

Und in sines gewaltis schin

[196]

Ein also krankis frowelin

In ane vorhte smahte

60

Mit demuot si vbir mahte

Siner hofart luoder zil

Div als ein fluckis vederspil

In vbir muotes hohe flovk

Von dirre welte svze sovk

65

Div doch zeiungest bittirt

So dez todis meister wittirt

In siner frovden svmerzit

Div vf smalem velde lit

Siner bernder frovden bovn

70

Gelich als ein richer trovn

Der nach dem slafe swindet

Und der man niht vindet

Daz der trovn geheizin hatte

Owe der kvrzin frovden schatte

75

Nach der svnnen werbet

Div von nature erbet

Daz si niemer rvowe pfliget

Vntz si der welt an gesiget

Swer den froden wil getrvwen

80

Der wil vf ein wolkin bvwen

Daz der wint zerfüeret

So balde vnd er ez rüeret

Also keisir Alexander

Cleine got erkander

78d,85

Dez herze von hoferte swal

In disim kvrzin iamer tal

Dekein frovwelin so kranc

Hie vor gestuont ane wanc

Vnd sinen gewalt ringe wac

90

Der hie der welte richeit pflac

Und dez niht mohte geniezin

Daz solt in wol verdriezin

Daz siner frovden anger

An spilnden frovden swanger

95

Von dirre megde worden was

Mit gewalt in leit gesaz

In sines herzin veste

Mit trurins vbir leste

Siner frovden strazen

100

So gar vbir mazen

Wan besetzit vnd belegen

Daz er dekeiner frovden pflegen

[197]

Uon dirre swere mohte

Daz kein schimpf iht tohte

105

Im was siner frovden wert

Von dirre megde gar verhert

Sin kvrtzwile sin wunne

Was worden also dvnne

Haz vnd nit dv beide

110

Siner frovden ovgenweide

Hatten also gar verhagt

Dannoch Martinam die magt

79,1

Frovde schone bluoten

Die man die si do muoten

Fur die si hat gebetten

Uz ir gelovbin getretten

5

Do siv horten vnde sahin

Div wunder div da geschahin

Siv vielin von vorhten nider

Vngewaltic alle ir lider

Uf ir antlüt mit schricke

10

Von der wunder blicke

Die siv hatten vernomen

Und baten die magit volkomen

Daz si geruchte erwerbin

Genade daz siv niht verderbin

15

In ir sünden müesten

In dirre welte wüesten

E siv gein gotis hulde

Ir vil grozin schulde

Nach genaden gerihten

20

Vnd hie also geschihten

Umbe ir süntlichis lebin

Daz in geruohte got vergebin

Ir vngefüegen missetat

Der si alexander hat

25

Mit gewalt betwungen

Daz siv die magt ivngen

So vngefuoge handeloten

Beide mit martir vnd mit spotten

79b,29

Dez wart ir sünde nüwe

30

Mit vil grozir riuwe

Siv sprachen seldenrichiv frovwe

Mit der süezin himil tovwe

Begozzin gar genuhteclich

Din lip din sele zvhteclich

35

Erliuhtiv magt niht ein wip

[198]

Din süezir dur clarer lip

Von hohir art wol geborn

Dv tovwic rose ane dorn

Den got selbe hat entslozzin

40

Mit siner svnnen vnverdrozzin

Dv himil varwes viol

Dez heiligen geistis vber vol

Dv himilschlicher lylien smak

Der nie maze noch clac

45

An megde muote verstuont

Mit himil saffe ist gegruont

Din kvschir magtlicher stam

Vnd ein vngewichin dam

In dirre wildvn welte se

50

Unsir svntlichis we

La dich erbarmen miltiv magt

Din selden morgen sterne tagt

Vnd gat och niemer vnder

Got hat mit dir sin wunder

55

Uns armen hie erzeiget

Vnd sich gein vns geneiget

79c,57

Zartiu wunschil ruote

Habe vns in diner huote

Ruoche dine milte ergruonen

60

Vns gotis zorn vns svonen

Irzeige och frowe dinen gedult

Daz wir hie gar ane schult

Also tobelichen haben

Din minneclich antlüt ergraben

65

Rosen rot lilien blanc

Dez der keisir vns betwanc

Dez laze vns frovwe niht entgelten

Vnd daz wir vns selten

Dines willen flizzen

70

Und daz wir vns rizzen

Dine magtlichen brawen

Mit yseninen clawen

Dez vergisse gotis trut

Vnd hilf vns vber lut

75

An der welte nemen sick

Himilschlicher meigen blick

Slivz vf diner selden schrin

Werdiv gotis kenpferin

Teile vns diner tugenden hort

80

Der dich ist ane gevrbort

[199]

Uon dem himilschlichin adel

In den tugenden richen stadel

Hastv selden vil gesnitten

Und der richin ernde erbitten

79d,85

Der teilt och vns mit genuht

Seliclich fruht dur dine zvht

Tvgendiv richiv schule

Habe vns vz dem pfuole

Vnsir houbit sünden

90

In den wir ane grunden

Haben her geswunmen

Der waren schrift stummen

Tvo zegote vnser rede

Hilf vns an die rehten stede

95

Vnsir enkir heften

Mit dinen richen creften

Uon der welte clebir mer

Wir armes wiselose her

Uil miltu frowe vns erner

100

Wir sien anders ane wer

Den aht mannen antwurte

Div magt von hohir gebvrte

Nach ir hohen eren

Und welt ir ivch bekerin

105

Mit gelovbin ane frist

Zvo minem herren ihesu crist

Vnd ivch lazin rvwen

Mit warheit in triuwen

Allir ivwir missetat

110

So wirt noch guot rat

Uersprechin mit gelovbin

Div falschin vnd div tovbin

80,1

Vnreinen verfluohten abgot

Die dur tievillichin spot

Sint von iv her geüebit

Da mit ir hant betrubit

5

Ivwir sel vnd ivwir sinne

Beidiv vz vnd inne

Und iv zetugenden wennen

Mit ganzim herzin erkennen

Daz och ieglichim wirt

10

Dort sin lon vnd verirt

Nach rehtim lone gewegen

Von dem himilschlichin degen

[200]

Und daz ir svlt niezin

Iemir ane verdriezin

15

Die himilschen wunne

Bi der engil kvnne

Da als ein tac tusint iar

Uor gotis antlüze clar

Sint der gestir hin schiet

20

Bi der frovderichim diet

Went abir ir der warheit

Gelovbin niht die ich geseit

Han von minen herrin

So wizzint daz ir merrin

25

Kvmbir müezint liden

Der ivch niht mac vermiden

In der verfluohten hellen

Denne ieman muge gezelle

80b,29

Ald ieman kvnne geschriben

30

In den ir beliben

Muozint svnder twale

In der wernden quale

Da leit von leide swillit

Da iv kvmber villet

35

Und der iamir wider strit

Da ivch not dem leide git

In spotlichim balle

Mit tievillichim schalle

Und div not niht endit

40

Vnd gotis vient schendit

In sempiterna secula

Amen ist gesprochin da

Uber der sünden lonis gelt

Dvr alle kvnftige welt

45

Siv sprachin da zestunde

Alle vz einem munde

Genade ein selic frowe her

Vermache vnsir herze ser

Reine gotis bredierin

50

Vnsir svnden ledigerin

Tvbe svnder gallen gift

Pfingest rose ane stift

Wunneclichiv svmerkvnft

Ualschis gelovbin signvnft

55

Wolkenlosir meigen glanz

Megde schame ein svnder cranz

80c,57

Honic svziv herbest fruht

[1] WS: Im Original wurde an dieser Stelle der Buchstabe „d“ vergessen. Dieser wird im Register verlangt.

[2] *Druckfehler anstelle von "Und"

[3] Eine Zeilennummer zwischen 45 und 50 wurde im Original nicht vergeben

[4] **Dopplung

[1]

[2]

[1]

[1]