Die Ausfahrt

Die Ausfahrt.

Parodie uf die Corsofahrt.

1., In der Zeitung steht geschrieb’n,
Dass am sieb’n
Loszuschieb’n
Sonntag früh sollt Ausfahrt sein
Der Radler vum „Verein“.
Do geh’n mer mol zum Bahnhof ’naus,
Sie sammle sich dodraus,
Wie Mehlsäck’ seh’n se aus.
Die meerschte, die sinn pünktlich immer dort
Unn radle nochher fort
Zum Ausflugsort.

2., Nooch ’ne halbe Stund’ zuletzt
Abgehetzt
Noochgesetzt
Kummt d’r Vorschtand hinnerdrein
Holt die Andre ein
Unn iss en Fahrwart nit zur Schtell’,
Setzt sich d’r „Philipp“ schnell,
Schtatutgemäss iss sell,
Jetzt gravitätisch vor dem ganzen Tross,
Mit seinem Adlerross,
Unn dann geht’s los.

3., Awer iss der an der Schbitz
In d’e Hitz
Uff sei’m Sitz
Zappelt er mit Fiss unn Hend’,
Dass m’r glaawe kennt:
Es fliegt do grad en Flugschirm aus,
Die Fligel vun sei'm Flaus,
Die bamble hinnenaus,
Unn zitherspielend schtreckt aach himmelweit
Die Ärm er nooch d’r Seit’
Dess iss en Freid!

4., Hinne fahrt enn dicker Herr,
Gross unn schwer,
Wer iss der?
S’iss der Fahrwart Nummro 2,
Selte norr d’rbei.
Neen, s’iss nit meeglich, dass der Mann
Zu denne g’heere kann,
Guck norr sein’ Anzug an.
Unn erscht die Kapp, so denk’ ich mer den Schtaat.
Sell’n Dienschtmann uff’m Rad.
De Fadegrad.

5., Dort d’r zwettletscht, mit dem Glas
Uff d’r Nas’
Ohne Schbass,
Iss en „Herzog“ oder „graph“,
Herrgott ich bin baff.
Der zog erscht korz vun Freiburg her,
Glaub „Eberhardt“ heisst er,
En fescher Kerl iss der.
Unn wo er wohnt? ich meen, er kummt dodraus
Als aus ’me scheene Haus
Aus „14“ 'raus.

6., Unn als Weiberfreind im Land
Wohlbekannt,
Liebentbrannt,
Fallen ihm die Mädel als
Ueb’rall um den Hals:
In Frankenthal das Grethele,
In Marbach ’s Käthele,
Hier „Betty“, ’s „Mädele“.
Unn was in der Camera noch passirt,
Obscura sich vollführt,
Dess g’heert fixirt.

7., So en Ausfahrt norr is scheen
Nit alleen,
Denn ich meen,
Freitags Owends im „Verein“
Misst’s gemithlich sein.
Do werd dann als recht viel plakirt
Unn Witze colportirt
Unn Lohbier als schpendirt.
Unn weil d’r „Herzog“ liebet aach den Suff,
Schteckt er en Fass heit uff,
All Heil unn d’ruff!

 Regnam