Diskussion:Matthias Koch
Texte ohne Scans von web.archive.org/*/www.tieringen.com
<poem>
Baatscharna*1
Jetz guckat dia zwua Weiber a´ ! Se stauh´t mr grad voar d Fea´schter*2 na´ !
A gschlagne Stond - ischt dees koa Schand ? Tuant dia do baatscha mitanand.
S ist d Hechlr-Lies ond d Spittl-Mei; ajo, dia könnats, meiner Treu !
Des strohlig Rassla*3 goht it aus, I schilt gauh´ fescht zom Fea´schter naus !
Halt, jeramle ! dees laas i gauh´, I will koas uf da´ Schnabel hau´.
Dia täte miar bigottligs schö: Dia zwua, dia hau´t Hor uf da´Zäh´ ! .
- 1Schwätzerinnen, *2Fenster, *3verdammte Schwatzen
Kohlraisle*1 . D Kohlraisle bliat wiedr S ganz Deuffatal ischt blob ! Ond Lüftle streichat drübr, dia send so lend ond lob ! . Heut send mr na spaziara, no sait mei kleine Lies: "O Vattr, guck, do leit ja dr Hemml uf dr Wies !" .
- 1 = Traubenhyazinthen
Dr Bäck . Heut ischt as übermachat hoaß, d´Leut trialat ganz voar lauter Schwoaß. . Dr Bäck schwitzt Dreck, dear guot dick Ma´, ond hät no´d Hos ond s Hemmad a´. . Dear grausig Durscht ! Dees wud am s domm; dr gaht jetz an da Bronna nom. . Da Hosaträgr rutschat ra, ond lommeleg hangat d Äram na. . Jetz setzt r s Käpple ufs lei´k Aohr und buckt se na ond treik´d am Raohr. . Dees duat am e´dr Gurgl wohl ! dr trei´kt und trei´kt ond wud it vol. . Ja hairt r denn gar nemme uf ? Konnt as am neit a´s Zäpfle ruf ! - . Jetz häd r se verlabariart; Dear Drau´k, dear hät a ganz kuriart. . S ischt am jetz wohl, ma sieht ams a´: Dr leit voars Haus uf Stäfl na´, . Na langat r sein Globa raus ond blosat blobe Rengle naus.
Schupfnudla*1 . Was geit *2 as, was fraibt dia kleina Leut ? D Muatr machat Schupfnudla heut ! . Se weallat da´Toag uf am Kuchebritt, D Buaba ond d Mädle toand fleißig mit: . Schupf, schupf gauh´t dia Händle, die Nudla wei´d fei´; D Muatr tuat´s glei e da Kochhafa nei´. . Send se no gsotta ond kommat ruf, fischat se s´gschickt mit am Schomlöffl uf. . No tuat se s´ brota e ausglau´nam *3 Schbeack; Dia Kend wei´t *4 it vo´ dr Pfanna a´weag.
Drom tätigat s´ d Muatr zom Küchele naus ond sait: Gauh´t, schbielat a weng voar am Haus ! . Dia Schupfnudla wei´d schö gnuschbr *5 ond brau´ ond hau´t a fei´ Gschmäckle, s fraibt d Muatr au. . Se trait s´mit dr Kachl e´d Schtuba nei ond schreit deana Kadawer gottig *6 rei´. . Jetz beatat, sait se, dr Tisch isch deckt ! Guck, wia-n-as deana hongriga Wölfle gschmeckt ! .
- 1mit den Händen gewellte Nudeln,*2gibt,
- 3ausgelassenem, *4wollen, *5knusprig, *6hurtig, schnell