Eygentliche Beschreibung Aller Stände auff Erden:Vorrede 4
| Eygentliche Beschreibung Aller Stände auff Erden | |
|---|---|
| fertig | |
| <<<Vorherige Seite Vorrede 3 |
Nächste Seite>>> Vorrede 5 |
 | |
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |
|
Vorrede.
liche vnd gelehrte Männer haben / durch welcher weißheit der Gemeinnutz vnd Stattregiment geherrscht vnd gehandthabt werde. Auß hochdringender not muß man auch allerley nutzbarliche Handwerck / Künst vnd Gewerb haben / vnd die Menschlich Gesellschafft kan derselbigen keines entrahten / wie das allen verstendigen bekenntlicher ist / denn hiervon vil zu schreiben. Auß disen vnd andern dergleichen vrsachen vil mehr / auch vielem vnrath vorzukommen / muß ein solche vngleichheit (darvon wir droben gesagt) in Menschlichen Leben gewißlich seyn. Derhalben sol ein jeglicher in seinem Stand / Beruff oder Handwerck / dareyn jn Gott gesetzt / wol zu frieden seyn / vnd treuwlich darinnen fortfahren / in betrachtung / daß auch der geringste / vnd ärmeste Mensch / er sey was Wesens / Wird / oder Standts er wölle / bey der Göttlichen Maiestat nicht vergessen sey. Wie denn in disem Büchlin von allen Ständen / Hohen vnd Nidrigen / Geistlichen vnd Weltlichen / Sachen (vermöge seines Innhalts) gründtliche vnd eygentliche beschreibung ist / als von Keyser / Königen / Bapst / etc. Von den Hochgelehrten vnd jren gewönlichen Gradibus, vnd freyen Künsten / von allerley Handwercken / vom grösten biß zum kleinesten / von anfang der Welt her biß auff dise jetzige zeit / so in Menschlichem leben nötig vnd gebreuchlich seind / sampt derselbigen vrsprung / erfindungen / vnd weiter gelegenheit. Vnd seind vorwar dise Historien von erfindung aller ding / nicht allein lustig zu lesen / Sondern bringen auch nicht geringen nutz vnd erfahrung. Ich wil allein Exempels weise gantz kurtz anzeygen / von wem die Büchstaben vnd die löbliche Kunst der Truckerey erfunden seyen / auff daß der günstig Leser vernemmen möge / was vnd wie in diesem Büchlin / von allen dingen / Geistlichen vnd Weltlichen Sachen / tractiert oder gehandelt werde. Die alten Historien aber bezeugen / daß Cadmus[1] / etliche einer mit namen Mercurius / die Buchstaben erstlich erfunden hab / Wiewol hiervon ein grosser streit ist bey den Gelehrten / welche solches andern auch / die in erfindung der Buchstaben jr bestes gethan / zu eygnen. Es sey aber demselbigen wie jm wölle / so ist es zwar ein vnaußsprechliche gutthat / Sintemal allein durch schreibens Kunst (dazu Buchstaben nötig) der gedechtniß bestendigkeit erhalten / vnd alle ding zu gedencken von nöten / von schaden deß vergeß errettet werden / vnd vorzeiten / als man der Truckerey gemangelt / hat man alle Bücher abschreiben müssen / vnd ehe das Papyrmachen auffkommen / Dattel vnd Bircken Rinden hierzu gebraucht. Derhalben ist dasselbig wie Polydorus Vergilius[2] spricht / den Menschen ein grosse gab gewesen / aber keines wegs gegen diser zu vergleichen / so wir zu diser zeit vberkommen haben. Denn so jetziger zeit ein neuwe Matery zu schreiben erfunden ist / wirt in einem tag so vil Schrifft von ei- Anmerkungen (Wikisource)
|