Int Jair unss Heren M. CCC. LXXXXI. waren burgermeistere her Volmer in sint Jacobstrase ind her Johan van den Berge. Ditz dat sy intfangen ind upgehaven haint van der steede ass. zensen ind anderen upkoemyngen der steede dies jairs vurschreven.
Primo, van der wiin assis, dye galt dit jair 32.000 m., die hadden her Heynr. van der Linden, her Heynr. Chorus, her Volmer, her Coene van Punt ind her Arnolt Buck.
- Des haint sy gegeven zo presencien in den rait yder raitzman eynen guld. ind 5 dubel, maicht 45 swoir gul. vl. 1871/2 m. It. haint sy zen buwe gegeven 4000 m.
Alsus bliven sy der steede schuldich ind oevert der steede van der wiin assis van dissen jair 27.812 m. 6 s.
It. van der bier assis, dye galt dit jair 16.000 m., dye hadden her Heynrich van der Linden, her Coene van Punt, Herman van der Merkatzen, Jacob van den Birrboem, Gerh. Vette, Setzschin van Weyenberg, Johannes van den Buschoffstave ind Rickolff der bruwer.
- Des is zen buwe gegangen 4000 m.
Alsus oevert der steede van der bierass. van dissen jair 12.000 m.
It. dye cremer assis. galt 1235 m., die hadde Johannes Munche.
It. dye vette ass., 410 m., Johan Queck.
It. dye yser ind eirtze ass., 440 m., Rutger Vinkendey ind Kerstioin Teschenmacher.
It. dye liwoit ass. 250 m., Herman Zeichengiesser.
It. dye roede ass. 325 m., Clois van Humburg.
It. die bunt ass. 215 m., Arnolt ind Wolter Nůylchyn & Luprant Koegelchiin.
It. die vische ass. 1170 m., her Coene van Punt, Peter van Loevenberg, Jacob van den Birboem, Winkiin Erwissman ind Joh. Koegeleir.
It. die cordewain ass. 65 m., Tielchiin van den Walde ind Lambret van Prummeren.
It. die loer ass. 680 m., Tielchiin van den Walde, ind Joh. Wolffhagen.
Josef Laurent: Aachener Stadtrechnungen aus dem XIV. Jahrhundert. Aachen: P. Kaatzer's Verlag, 1866, Seite 382. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Aachener_Stadtrechnungen_aus_dem_XIV._Jahrhundert.djvu/388&oldid=- (Version vom 31.7.2018)
