1320. April 28. Halberstadt. Bischof Albrecht I von Halberstadt bestätigt dem Stifte Gernrode das Patronatsrecht über die Kirchen zu Ströbeck und Zistedt.
In nomine Domini amen. Albertus Dei gratia episcopus ecclesie Halberstadensis venerabili domine Ghertrudi abbatisse ac honorabilibus dominabus Ghertrudi preposite, Ode decane totique capitulo ecclesie secularis in Gherenrode sinceram in Domino karitatem. Tenore presentium recognoscimus et publice profitemur et ad omnium notitiam, quorum interest aut interesse poterit, cupimus pervenire, quod, licet aliquid inpetitionis ex parte nobilium virorum dominorum Werneri et Ottonis fratrum de Hademersleve super iure patronatus ecclesie parrochialis in Strobeke iam pro tempore motum fuerit, tamen nos visis, perspectis et diligenter examinatis quibusdam litteris patentibus1, sigillis pie recordationis quondam domini Volradi episcopi Halberstadensis, predecessoris nostri, et venerabilis domine Mechtildis tunc abbatisse et capituli ecclesie in Gherenrode nec non dominorum Werneri et Garduni de Hademersleve ac comitis Ottonis de Valkensten, insuper ad maiorem evidentiam sigillo capituli nostri Halberstadensis fideliter sigillatis, cum testium fide dignorum subscriptione sufficienter sumus instructi, quod dictum ius patronatus ecclesie in Strobeke simul etiam cum iure patronatus ecclesie parrochialis in Cistede vobis et ecclesie vestre proprietatis titulo dinoscitur perpetuo pertinere ex quadam donatione in via permutacionis quorundam beneficiorum racionabiliter facta, prout in patentibus supratactis litteris inde confectis plenius continetur. Quam donationem, sicut prefatus predecessor noster, quondam dominus Volradus episcopus, de consensu capituli nostri ratam habuit et gratam, quam et nos ratam habentes et gratam in nomine Domini auctoritate, qua fungimur, presentibus confirmamus, et in evidenciam premissorum presentes litteras vobis et ecclesie vestre in Gherenrode duximus concedendas sigilli nostri appensione munitas. Datum Halberstat, anno Domini mo.ccco. vicesimo, iiijo Kalendas Mai.
1320. Mai 2. Der Official der Magdeburger Curie setzt in der Klagesache der Deutschordensritter zu Burow gegen den Fürsten Albrecht II von Anhalt und Genossen wegen Verwaltigung und Friedensbruchs Termin an.
Anno Domini mo.ccco.xxo, feria sexta proxima post diem beatorum apostolorum Phylippi et Jacobi, in causa, quam movet seu movere intendit magister et preceptor provincialis fratrum hospitalis sancte Marie Teutonicorum contra illustrem dominum Albertum comitem de Anhalt, Conradum de Waldeser militem, Themonem de Vorsten
Otto von Heinemann (Hrsg.): Codex diplomaticus Anhaltinus. Band 3., Dessau: Emil Barth, 1877, Seite 256. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_256.jpg&oldid=- (Version vom 31.7.2018)