|
Diverse: Codex diplomaticus Anhaltinus/Band 3 |
|
|
ninge und uses heren greven Otten2 erven boden de penninge to gevene und he bot se noch tu gevene, dan man ome dat slot durch recht wederdün scal tu losene vor de pen- ninge, dar dat vorsat wart. Rekenet unse herre greve Bern scaden darup, bekant man des, man scal om den wederdün uppen recht mit büte; vorsaket man des, man scal des unsculdich werden upen heiligen. Dat spreke we bi et cetera.
Tu den sessunttwintegesten reden, de unse herre greve Bern sprik, umme de ge- richte upe deme Vrevele und tü Eylwardestorp und des biscopes antwerde dariegen, dar spreke we her Ot und her Herman dat vor en recht: Mach use herre greve Bern des volkomen mit des goddeshus breven, dat sin erven noch he ni vorsat noch gelaten hebben, so scal he sins lins gewere mit sins ens hant behalde upen heiligen, so spreke we her Ot und her Herman, dat dat gut tu rechte sin is; und rekenet unse herre greve Bern darboven enegen scaden darup, bekant man ome des scaden, den scal man om wederdün up recht mit büte; vorsaket men des, men scal des unsculdich werden upen heiligen. Dat spreke we bi et cetera.
Tu den sevenuntwintegesten reden, de unse herre greve Bern sprikd, umme scaden, de om sein si in rechten hanvrede, unde de biscop des nicht vorantwerdet het, dar spreke we her Ot und her Herman dat vor en recht: Wen he darumme sculdeget, den scal man ome to rechte setten, den he vormach. Bekant hes, he scal dat weder- dün up rech mit bute; vorsaket hes, he scal des unsculdich werden upen heiligen. Dat spreke we bi etc.
Umme alle disse rede, de unse herre greve Bern van Anehalt sprikd deme biscope, deme capitele, deme goddeshuse van Halberstat, des goddeshuses mannen unde sinen vesten to umme sin leyn, umme sin egen, umme sin erve, umme sin gut und umme den scaden, und de biscop van Halberstat in sime antwerde sprikd, he hebbe umme scaden ene sone, dar spreke we her Ot unde her Herman dat vor en rech: De biscop het nicht vol antwenled, he scal unsen herren greven Bern durch recht bi sinem ege- nen, bi sinen lenen, bi sineme erve und bi sineme gude bliven laten und scal en daran nicht hinderen. Umme den scaden, des sich de biscop tüd ane ene sone in sineme antwerde, is dar en sone sein, de is darumme sein, dat man beyden siden umme scaden dün scal, wat recht is, als we vorsproken hebben. Dat spreke we her Otte Slychting und her Herman Grudding, dat dat recht is etc.
Disse scedinge is geven tü Quedelingeborch, in den iaren nach Goddes bort dusent iar druhundert iar in dem vifuntwintegesten iare, des snavendes na der himmelvart uses Hern.
Aus einer gleichzeitigen Pergamenthandschrift im Haus- und Staatsarchive eu Zerbst. Die- selbe Urkunde befindet sich, obschon hie und da abweichend und bisweilen unwesentlich geküret, auch in dem Schriftstücke, welchem no. 492 entnommen ist. Hier lautet ihre Ueber- schrift: Dit is de scedinghe uses heren greven Bern van Anehalt uppe sine sculde. — 1. Fehlt im Mspt. — 2. Mspt: Bern. Die andere Handschrift hat richtig Otten.
Diverse: Codex diplomaticus Anhaltinus/Band 3. Dessau: Emil Barth, 1877, Seite 334. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_334.jpg&oldid=- (Version vom 31.7.2018)
