|
Diverse: Codex diplomaticus Anhaltinus/Band 3 |
|
|
man genich, den unse herre greve Bernet nicht vormoghe, unde was de beschuldeghet, er he sin unwoldich worde, unde weygherde he rechtes, so schal use herre greve Ber- net selven vor en antwerden, also rech is.
Her Bertram von Veltem heft gesculdeghet usen heren greven Bernde umme teyn man, de he eme let vor Aken, dar he ene umme bat, do se in siner kost waren, do worden vive in uses herren greven Berndes deneste vanghen et cetera. Dar antwerdet use herre greve Bernet aldus to: ,Use herre von Magdeburch unde unse herre von Halberstat hadden sich tosammen dan, islich ob sines solves win unde4 obpe sines sol- ves vorlust et cetera.' Schedelude uses herren van Halberstat spreket: .Bekant greve Bernet, dat eme her Bertram de lüde gheleghen hebbe, so schal he1 den schaden gel- den; vorsieht he, so schal he eme don, dat recht is.' Schedelude uses herren greven Berndes spreket: ,Heft use herre greve Bernet ome vor sinen schaden nicht gheredet, he schal des unsculdich werden et cetera.' Hir spreke we to also eyn oberman: Bekent use herre greve Bernet, dat her Bertram eme de lüde gheleghen hebbe, so schal he1 den schaden ghelden; vorsieht he, he schal des unschuldich werden,.also recht is.
Echt schuldeghet use herre van Halberstat usen herren greven Bernde umme dat eghen to Snetlinghe, dat he eme dat untweren schole umme de ansprake, de de gheyt van den Wnderen greven Otten von Anehalt, de by dem van Orlemunde sin. Dar antwert use herre greve Bernet to: Snetlinghe unde alle, dat darto hört, dat dat sin rechte erveeghen si, unde hebbe des ni gegheven, also dat he des to rechte umberen schole. Schedelude uses herren van Halberstat spreket: ,Umme dat eghen to Snefc- linghe, dat greve Bernet sed, he ne hebbe des ni gegheven, also dat he is to rechte umberen schole et cetera'. Schedelude uses herren greven Berndes spreket: ,Het unse herre greve Bernet dat eghen ni gegheven, also he des büken umberen schole, he is des nare to behaldene, went dat eme gynich man untforen moghe'. Hir spreke we to also eyn oberman: Nademmale dat unse herre van Halberstat spricht, dat hus to Snetlinghe6 unde alle, dat darto hört, is use unde uses goddeshuses eghen, unde use herre greve Bernet spricht, he ne hebbe des eghens ni gegheven, also dat he des to rechte umberen schole, dat men usen heren von Halberstat in sinen eghentliken weren unde in sinen hebbenden weren besitten schal laten, went ome de eghentliken were breke, also recht is'. Echt spreke we also eyn oberman umme de ansprake der kindere greven Otten van Anehalt, de darvore bescreven is: Bekant des unse herre greve Bernet, de schal de untweren; vorsaket he, he scal darvor don, dat recht is.
Echt spreke we also eyn oberman umme de vesten uses herren greven Berendes, de use herre von Halberstat in siner schuldinghe gheschuldeghet unde benemet hat, dat de use herre greve Bernet utthen schal, also eyn recht is.
Echt spreke we also eyn1 overman: Schuldeghet men gemende umme dotslach* yder umme lamnisse, nademmale dat hals unde hant afghelovet is, dat schal men gelden mit satteme wedergelde, if men des bekant.
Echt spreke we also eyn overman: Schuldeghet use herre von Halberstat eder genech sine man, dene he to reethe vordegheden schal, unsen herren greven Bernde umme schult, de he eme schuldich sy, bekant he der, he schal se ghelden; vorsaket he, he sal darvor don, dat recht is.
Echt spreke we also eyn overman: War use herre von Halberstat yder genech sin man, den he to reethe vordeghedingen schal, schuldeget usen heren Bernde umme
Diverse: Codex diplomaticus Anhaltinus/Band 3. Dessau: Emil Barth, 1877, Seite 348. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_348.jpg&oldid=- (Version vom 31.7.2018)
