|
Diverse: Codex diplomaticus Anhaltinus/Band 3 |
|
|
(Um 1330.) Arnolds Stammer Rechtsspruch bezüglich der Streitsache des Fürsten Bernhard III von Anhalt und des Bischofs Albrecht II von Halberstadt wegen der Aschersleber Erbschaft und der übrigen Punkte.
Tu den sculden, de de greve Bernart von Anhalt ghift byscope Albrechte von Halberstat, dem capitel unde dem godeshuse umme de dincstole tü Aschersleve unde Hedesleve unde dorp unde monkehove, de dartü hören, dar antwerdet dye biscop von Halberstat also tü: he hebbe dat gut in rechten hebbenen weren. Dar sprek eck, her Arnolt Stamere, tü also en untschedere vor en recht: Wye dat gut in rechten hebbenen weren heft, den scal man in den weren sitten laten, went man eme dye were breke mit rechte. Bricket man eme de were mit rechte unde spricht man eme umme schaden tü, dar scal he tü antwerden, also recht is.
Tü den anderen sculden umme dat hüs tü Aschersleve unde de stat over den stenen unde over dem watere, dat scultychdom, müntige, toln, ioden, höve, molen unde den wingarden, dar antwerdet de biscop von Halberstat tü: hye hebbe dat in rechten hebbenen weren. Dar sprek eck, her Arnolt, tü vor en recht also en untscedere: Wye dat gut in rechten hebbenen weren heft, den scal man in den weren sitten laten, went man eme dye were breke mit rechte, unde brickt man eme dye were mit rechte unde sprickt man eme umme scaden tü, dar scal he tu antwerden, diso1 recht is.
Tü den driden sculden umme Snetlingen unde Bornekere, dat eme anstorven si unde sin rechte eghen si, dar antwerdet de byscop von Halberstat alsus tü: dat hebbe hye in rechten hebbenen weren. Dar sprek eck, her Arnolt Stamere, tü vor en recht: Wye dat gut in rechten hebbenen weren heft, den scal man in den weren sitten laten, went man sye eme breke mit rechte.
Tü den Verden sculden umme dat dorp tü Kocxstede, dar antwerdet dye byscop von Halberstat alsus tü: hye hebbe dat in rechten hebbenen weren. Dar sprek eck, her Arnolt, tu: Wye dat gut in rechten hebbenen weren heft1, den scal man in der were sitten laten, went man sie eme breke mit rechte.
Tü den veften sculden umme de borchere tü Aschersleve unde umme de stat, dar antwerdet de byscop von Halberstat alsus tü: dat he se eme wille tü rechte setten. Dar sprek eck, her Arnolt, tü: dat man sye eme tü rechte scole setten. Byekenne sye eme des scaden, den scolen sye eme wederdon, versaken si des, dar scolen si tü don, dat recht is.
Tü den sesten sculden umme de borchere tü Aschersleve, dat hye von erer weghene von deme hus tü Aschersleve teen moste, do he darvore lach, dar antwerdet de biscop von Halberstat alsus tü: dat he se eme wille tü rechte setten. Dar spreck eck, her Arnolt, tü: dat man si eme tü rechte scal setten, wes si eme daran byeken- nen; sprickt man en vort tü umme scaden, dar scolen si tü don, dat recht is.
Tü den seveden sculden umme den borchwal tu Badenstede, dar antwordet de byscop also tü: dat hebbe hye in rechten weren. Dar spreck eck, her Arnolt, tü: Heft hye dat in rechten weren, dat man ene scal sitten laten, me en breke eme dye
Diverse: Codex diplomaticus Anhaltinus/Band 3. Dessay: Emil Barth, 1877, Seite 416. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_3_416.jpg&oldid=- (Version vom 31.7.2018)
