|
Verschiedene: Codex diplomaticus Anhaltinus/Band 4 |
|
|
gnanten ern Pothen hern zu Yleburg, Ghebharde von Qwernforte und Otten Kemerer, hern zu Grunow, hat vorsatzt und ingeantwordet zu eym rechten pfände den Hayn sien slos, hus und stad, vor sechsczehalbhundert mark Brandeborschis silvers, die wir ym gereite und nuttzeligen betzalet haben. Und das gelt mag er uns widderbetzalen mit nuwen grossen Friberscher muiitz und io vor die mark ane vier grossen eyn nuwe schok grossen. Und versetzit uns ouch das slos mit alle deme rechte, gerichte, eren, nuttzen, werden, friheiten, zugefellen, mit tzinsen, gulden, geleyten, abelegen, ackern, holtzen, wesen, weyde, wazzern, fischerien und gemeyniklichen mit allen friheiten, mit mollen und mit aller zugehoringhe, uzgetzogen werltliche und geystliche leen, sundir wes darvon wertlichen leenes irsterbe in deme gerichte, das solde zu deme slozze-bliben so langhe, das er das slos widderlosete. Ouch ist getedinghet, das wir uns in dy heyde tzwisschen deme Hayne und Dessow gelegen nicht sullen werren sundir ergan uns, und hat dirloubit burnholtz und fuerwerk von der heyden zu unser nottorft. Und ouch ap wir den luten in deme gerichte holtz vorgheben wolden zu gebuwende adir zu furwerke, daz mugen wir tuen. Ouch waz zu der heyde were, wesen und grase, das mugen wir gewynnen und geniezzen. Ouch sollen wir die borghere zu deme Hayne und die ge- buere in deme gerichte bie rechte lazzen und die wonliche bete yn nicht vorhogen ubir das, als sie den von Slywen und ern Woyen haben gegeben. Ouch en sal der gnante unser herre grave Johans odir siene erben das vorgnante slos Hayn, hus und stad, von uns nicht losen tzwisschen hy und disser nehsten Wynachten ubir dry iar. Were ouch das die hochgebornen fursten und hern unsere gnedigen hern die marc- graven von Miszene das vorgnante slos Hayn von unserm hem graven Hanse von An- halt odir sienen erben losen wolden, so sollen wir das slos graven Hanse adir sienen erben zu losen geben vor das egnante gelt, welche zeit er das eisschet und begeret, ane alle widdersproche und geverde. Were ouch das der gnanten unsere hern die marcgraven das vorgescriben hus und stad widder von unserm hern graven Hanse lo- seten, so mugen wir die huven und vorwerk zum Hayne furder behalden, ap sie uns des nicht abegelden, vor die tzwunddrizzig mark, als wirs von ern Woyen gekouft haben. Losen iz abir nicht unsere hern dy marcgraven wedder unsern hem graven Hanse von Anhalt, wenne er denne die losunghe tuen wolde, so sal ers uns eyn viertel iars vor sagen. Were ouch das wir unsze gelt, sechstzehalb hundert mark, wolden widderhaben, das sullen wir ym ouch eyn viertel iares zuvorn lazzen wizzen, so sal er denne das obgnante sloz Hayn, hus und stad, widderlosen vor die vorgescriben summe geldes. Und das gelt sal er uns betzalen zum Hayne und sal uns das geleyten gegen Bitterfeit odir gegen Grunow, in welcher der steten eyne wir kysen. Were ouch das er denne uns unser gelt nicht en beszalete, so sal er das slos Hayn furbas vorsetzen und uns unser gelt damite dirwerben und widderschicken. Ouch hat er uns globt, das uns unser gelt nymant vorsperren sal, vorclagen nog hinderen, davon uns unsere gelt muchte abeghen, und wenne er die losunghe getan hette, so sollen wir das slos Hayn, hus und stad, yn unvortzogelichen widderinantworten mit alle siener zuhoringhen, als iz ubin scriben steit. Ouch so mag denne unser herre von Anhalt das vorwerk und huven zum Hayne widder von uns koufen vor tzwunddrizzig mark Brandenburgsch silveres, ap er wil und ym des zu nuce ist. Und tuet er abir des nicht, so mugen wir das gut behalden odir andern luten furbas verkoufen. Ouch ist geret, das das ob- gnante slos Hayn, hus und stad, sol unsers hern graven Hanses von Anhalt und siener
Verschiedene: Codex diplomaticus Anhaltinus/Band 4. Dessau: Emil Barth, 1879, Seite 356. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:DE_CDA_4_356.jpg&oldid=- (Version vom 31.7.2018)
