|
unbekannt: Datt högeste unde öldeste water recht |
|
|
Item Eyn schip segelt van Amsterdam edder van anderen steden wor dat sy / Ydt gefalt dat he synen Mast edder Kabel houwet edder anders wat / by vnwedder bynnen edder buten / vp dat men dat schip vnd gudt bergen mach / So is he schüldich den Koplüden ersten tho fragende vnde en de noth klagen vnde seggen / dat ydt sy vmme tho beholden schip / lyff vnde gudt / dat schölen se reken auer dat gudt alse van werpen / Vnde dat de Kopman sede / Ick geue dar nein ya wort tho / dar vmme schal dath de Schipper nicht laten / men wen he tho lande gekamen is schal he sulffdrüdde[1] sweren dat he dat van noth wegen gedhan hefft.
Item Eyn Schip segelt van Amsterdam edder van anderen steden wor dat is/ he is tho achter vnde vorköfft dat gudt vp dem boddem / he is schüldich so verne de boddeme so vele tho lande bringet / dat tho betalen an den ersten market dar he kümpt bynnen xiiii dagen dar na / vnde dat schal hee betalen twysschen den mynsten vnde dem
Anmerkungen (Wikisource)
- ↑ ”sulff drüdde“ oder ”sulffdrüdde“ = Selbdritt.
unbekannt:Datt högeste unde öldeste water recht. Lübeck: Jurgen Richloff, 1537, Seite 32. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Datt_h%C3%B6geste_unde_%C3%B6ldeste_water_recht_32.jpg&oldid=- (Version vom 18.8.2016)
