Seite:De DZfG 1890 04 339.jpg

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Verschiedene: Deutsche Zeitschrift für Geschichtswissenschaft

Audaces ditat, timidos ut flamina [?]^{[x 1]} vitat,
Hostes subpeditat, quos feriendo citat.

7.

Laudant gesta ducem veram flagitancia lucem,

Nec timet ipse trucem pro cruce ferre crucem,
Ut pacem ponat, galea capud ipse coronat,
Ictus iam donat, bellica tuba^{[x 2]} sonat.

8.

Princeps arma gerit, dat prelia, funera querit,

Ensis utrimque ferit, impius ense perit.
Grandia rex egit, cum subdola regna subegit,
Matfredum fregit, quem modo terra tegit^{[x 3]}.

9.

Set rex corde leo pro tam felice tropheo

Subcumbente reo dat sacra thura deo.
Gallia deridet^{[x 4]}, sapiens Provincia ridet,
Teutonicus stridet, cum sua fata videt.

10.

Post casus memores ad regni sumptus honores

Hostes peiores devorat ante fores.
Iam Conradinus, puer annis, mente lupinus,
Regni per facinus vult penetrare sinus.

11.

O puer inmitis, renovans discrimina litis,

Bella movere sitis, mors erit ista sitis!
Cur prece, cur donis vis frangere claustra leonis?
Te male disponis – consulo, cede bonis^{[x 5]}.

12.

Ut fatuus juvenis verbis deceptus amenis

Afflictus penis ad tua dampna venis.
En leo turbatur, movet aspera bella, minatur
Hostibus, armatur, undique pugna datur.

13.

Rex qui corde fremit hunc percutit, huncque peremit,

Turbam cede premit, pressa dolore gemit.
Hinc furit Yspanus Henricus mente profanus,
Polluit insanus sanguinis imbre manus.

14.

Ensis cuncta vorat, hic anhelat^{[x 6]}, et ille laborat,

Hic gemit, hic plorat, hic latus ense forat.
Fluctibus in pravis^{[x 7]} fere frangitur anchora navis
Et fidei clavis – est ita pugna gravis.

15.

Set casum mutat deus et sua castra salutat!

Vincitur et nutat, qui superare putat.
Has frangis vires, obstet cum nulla tibi res,
Qui deus atque vir es, qui sine fine vires.

Anmerkungen (x)

Empfohlene Zitierweise:
Verschiedene: Deutsche Zeitschrift für Geschichtswissenschaft. Freiburg i. Br.: Akademische Verlagsbuchhandlung von J. C. B. Mohr, 1890, Seite 339. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_DZfG_1890_04_339.jpg&oldid=- (Version vom 13.10.2022)