Dingen und ihr Handlung zu reden und ratschlagen, das durch unser Infallen zerrüttet ist; gütlich bittende, Ihr wöllend Basteon deßhalb auch ernstlich fragen laßen, ob das wahr sy, was er davon wiße, uß was Dorffen, und wer die gewest etc. Datum Baden uff Mittwoch nach Assumptionis Mariä (16. Aug.) Anno 14.
b. Unsern etc. Wir haben Euwer Schriben, uns jetzt getun, mit Zuschickung Gugel-Basteons Bekantniß vernommen, und so der Vogt zu Bühel yetzt nit anheimbsch ist, können wir Euch dißmal nit entlichen Bericht schigken; wollen aber sobald er kombt, das ungeverlich in dryen Tagen geschehen würdet, uns an ihme bekhünden, und dann Euch Bericht des Handels schriben, in Handlung gegen Basteon darnach zu richten haben; bittende, Basteon also in Gefengkniß bis Zukommung unsers wytern Berichts zu behalten. Dass wollen wir gen Euch günstlich beschulden. Datum Baden uff Fritag nach unserer L. Frauentag Assumptionis. (18. Aug.) Anno 14.
c) Unsern etc. Der hochgelert unser lieber getrüwer Doctor Jheronimus Feuß hat uns überantwurt Gugel-Basteons Bekanntnis uff euwer beschehene Frage; welcher üwerer Handlung und angekerten Flißes wir Euch Dank sagen. Und so wir nu in Basteons Bekantniß erfinden, daß er sich wider unsern Herrn Vatter als sin Oberkeit uffgeworfen, sich den armen Cuntzen genant, der sin und allen möglichen Fliß ankert, Empörung by andern Underthanen zu Bühel und im selben Ampt wider die Oberkeit uff zu wecken; vischen, vogeln, jagen, und Hasen, das alles unserm Herr Vatter von hoher Oberkeit wegen zustendig, und sin vätterlich Gnad bis alher gerüwiglich herbracht, fahen; denjhenen, so das nit tun wollen, getrouwet, ihnen durch ihre Hüser zu lauffen, und nach gehabter Rede mit dem Vogte vor deßelben Huse, die ihme doch keinsweges gezomen, uff der Heßenbach begert, daß einer dem andern sin Trüw geben, daß keiner von dem andern wichen solt, damit sie ihrs böses unbillichs Fürnehmen erstatten möchten, ist er solcher siner
Heinrich Schreiber: Der Bundschuh zu Lehen im Breisgau. Freiburg im Breisgau, 1824, Seite 103. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Der_Bundschuh_zu_Lehen_im_Breisgau.djvu/109&oldid=- (Version vom 31.7.2018)
