Seite:Hugo Martina 1856 0411.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Unde toren lihte han
10
Heizint balde her gan
Svz wart ir vil gedrowet
Daz der keiser wart gefrowet
Martina gottes dirne
Div suoze tugenden virne
15
Div kivsche div schöne
Der lip lob ich gerne krone
Diu reiniv diu zarte
Blvogender meigen garte
Wizer lilie mazen fri
20
Hoh gebluomtes meigen zwi
Rehter bette ein tempel
Der kivscheit exempel
Grozer marter ein leitstap
Dez dir crist craft gap
25
Rose ane svnden dorn
Den got selbe het erkorn
Reines herzin ein bluome
Ein gespil vnd ein muome
163b,29
An kivscheit ein engel
30
Aller tugende bluomen stengel
Werdez gottes opfir
Svnder valsch ane kopfer
Ane gallen turtel tube
Honec suzer himel trube
35
Div clare diu wol behuote
Mit vestem kivschim muote
Kam fur den rihtere
Gegangen ane swere
Mit selden diu gezierte
40
Gein dem rihter smierte
Smehelich mit fuoge
Div vnverzagte cluoge
Gottes erweltiu gimme
Dez wart jvstinus grimme
45
Zornlichen er do sprach
Do er sich smieren sach
Hestu dez keisers gebot
Und och mines für spot
Diu verfluochte zovbererin
50
Hestu nv gespottet min
Dv bist gar an eren lame
Freidic frovwe ane schame
Vnfertic wib ane gelinpf
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 411. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0411.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0411.png&oldid=2888362“