Ein svnderlich substanzi
Vnd ein verstantlicher geist
Den got in siner volleist
Geschaffen hat von nihte
Und och von nature
Ein rein einvaltic figure
Vnd von nature eigenliche
Zallen ziten bewegeliche
Uar beidv hin vnd her
Er ist mit stetem sinne
Bewegelich zegotes minne
Nach dem er ist gebildet
Er siht mit steten ovgen
An got dast ane lovgen
Der engel och ane villen
Het edilen frigen willen
Aller creature gesetzit für
Sin edil frier willic muot
Minnet frilich daz beste guot
Daz ist div gotliche wirde
Daz in darzvo niht twinget
Kein not noch en bringet
Wan der edeln minne friheit
Die er frilich zegote treit
Frilich erwellet vbeltat
Mit friem muole ane not
Dez im kein dinc vrsache bot
Wan sin frier vbil sin
Sam sint die guoten engel gar
Zegottes minne svnderbar
Gewidempt vnd gezwiget
Zesuozer minne gefriget
Ist ein milter geist vnliphaft
Den kein stat begrifen kan
Wan er ist alles fleischis an
In irret och dekein dinc
Hugo von Langenstein: Martina. Hg. von Adelbert von Keller. Stuttgart 1856, Seite 603. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0603.png&oldid=- (Version vom 18.8.2016)