Seite:Hugo Martina 1856 0603.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Ein svnderlich substanzi
Vnd ein verstantlicher geist
Den got in siner volleist
Geschaffen hat von nihte

70
In siner gotlicher pflihte

Und och von nature
Ein rein einvaltic figure
Vnd von nature eigenliche
Zallen ziten bewegeliche

75
Doch also niht daz er

Uar beidv hin vnd her
Er ist mit stetem sinne
Bewegelich zegotes minne
Nach dem er ist gebildet

80
Von dem er sich niht wildet

Er siht mit steten ovgen
An got dast ane lovgen
Der engel och ane villen
Het edilen frigen willen

239d,85
Und ist och mit frier kvr

Aller creature gesetzit für
Sin edil frier willic muot
Minnet frilich daz beste guot
Daz ist div gotliche wirde

90
Die minnet sin frie begirde

Daz in darzvo niht twinget
Kein not noch en bringet
Wan der edeln minne friheit
Die er frilich zegote treit

95
Reht als der vbel engel hat

Frilich erwellet vbeltat
Mit friem muole ane not
Dez im kein dinc vrsache bot
Wan sin frier vbil sin

100
Uf sinen steten vngewin

Sam sint die guoten engel gar
Zegottes minne svnderbar
Gewidempt vnd gezwiget
Zesuozer minne gefriget

105
Der engel von gotes craft

Ist ein milter geist vnliphaft
Den kein stat begrifen kan
Wan er ist alles fleischis an
In irret och dekein dinc

110
Er var dadur ane getwinc
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 603. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0603.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0603.png&oldid=2892224“