Seite:Hugo Martina 1856 0608.png

Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

	Hugo von Langenstein: Martina

Uon den sin wir bewiset des

65

Mit der warheit schrifte

Daz siv von gottes hantgifte
Sin wirdiger vnde merre
Der vnder engel herre
Sint aller bedruckenge erlan

70

Under in nieman vndertan

Ir ampt ist och alsus
Als schribet sant Gregorius
Daz siv vns lerent striten
Geistlichen zallen ziten

75

Vnd lerent och mit rate

Wie sich ein ieglich prelate
Gein sinem vndertan sol halten
Und sin nach gotte walten
Also daz er mit siner geverde

80

Sinen vndertan hie niht beswere

Der im in gote bevolhen ist
Als vns zeigte ihesus crist
Der fivnfte koer Principatus gennnt
Vmbe den ist ez so gewant

241d,85

Daz siv ob andern engeln sint

Nach gote an vnderbint
Der siv minneclichen pflegent
Unde in mit lere wegent
Wie siv div gotlichen ampt

90

Svn erfullen vnverschampt

Als sant gregorius giht
So ist daz ir amptes geschiht
Daz siv die liute wisen svnt
Und mit lere machen kvnt

95

Wie man ieglichen mit genvht

Sol ere bieten vnde zvht
Mit dienstlicher girde
Als ieglicher ist an wirde
Dem ritter nach sinem rehte

100

Nach siner art dem knehte

Dem prelaten nach sinem tuome
Als ieglicher ist an rvome
Siv svn der lute och huoten
Daz siv daran iht wuoten

105

Daz ieman üebe disen gerinc

Allein dur sines nvtzis dinc
Svnder mit siebtem sinne
In der waren gottes minne

Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 608. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0608.png&oldid=- (Version vom 18.8.2016)