Uon den sin wir bewiset des
Daz siv von gottes hantgifte
Sin wirdiger vnde merre
Der vnder engel herre
Sint aller bedruckenge erlan
Ir ampt ist och alsus
Als schribet sant Gregorius
Daz siv vns lerent striten
Geistlichen zallen ziten
Wie sich ein ieglich prelate
Gein sinem vndertan sol halten
Und sin nach gotte walten
Also daz er mit siner geverde
Der im in gote bevolhen ist
Als vns zeigte ihesus crist
Der fivnfte koer Principatus gennnt
Vmbe den ist ez so gewant
Nach gote an vnderbint
Der siv minneclichen pflegent
Unde in mit lere wegent
Wie siv div gotlichen ampt
Als sant gregorius giht
So ist daz ir amptes geschiht
Daz siv die liute wisen svnt
Und mit lere machen kvnt
Sol ere bieten vnde zvht
Mit dienstlicher girde
Als ieglicher ist an wirde
Dem ritter nach sinem rehte
Dem prelaten nach sinem tuome
Als ieglicher ist an rvome
Siv svn der lute och huoten
Daz siv daran iht wuoten
Allein dur sines nvtzis dinc
Svnder mit siebtem sinne
In der waren gottes minne
Hugo von Langenstein: Martina. Hg. von Adelbert von Keller. Stuttgart 1856, Seite 608. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0608.png&oldid=- (Version vom 18.8.2016)