Don den obirn engeln alle stunt
Daz kvndent siv den vndern
Dez sol och nieman wundern
Bi den selben och her wider
Der nivnde kor der engel
Der triuwe ein bluogender stengel
Diz sint nach gotes orden
Der iunste kor och worden
Die nehsten bi den luten
Siv hant niht namen von nature
Wan siv sint ein figure
Und ein verstantlicher geist
Vnd kvndent div mindern dinc
Mit ir botschaft vmbe rinc
Siv wisent och der liute sin
Uf hoher seiden gewin
Und im zedienste komen svn
Vnd wie siv hie svln leben
Dez kvnnen siv wol lere geben
Siv kerent vf mit stetem fluge
Zvo der drivalt spiegel glaz
Da ist ir tranc vnd ir maz
Ze helfe dez menschen val
Diz drie kore in selden hoh
Der minne ie ze gotte zoh
Da inne got erbeizit
Mit siner genaden helfe
Bi mengem engelschem welfe
Dirre nivn kore samenunge
In der got wonet mit gewalt
Mit lebenden frovden vngezalt
Als ich da vor han gesaget
Der rehten warheit niht verdaget
In der got vil gar gewaltic
Wonet bi im selbin da
Heizit an der scrift ierachia
Hugo von Langenstein: Martina. Hg. von Adelbert von Keller. Stuttgart 1856, Seite 611. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0611.png&oldid=- (Version vom 18.8.2016)