Seite:Hugo Martina 1856 0616.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Wie vnd in welher ahte
Er mit aller siner mugent
Hie üebe dise hohen iugent
Die ich vor han ergrundet
90
Und von den engeln gekvndet
Wan swer die üebit mit siner craft
Der sol in die liebin geselleschaft
Al zvo der engeln liehten scharn
Mit der gotes helfe varn
95
Nach dez kores ampte erwarb
Hie e daz sin lip erstarb
Doch svnt ir merken einen sin
Als die engel von seraphin
Ratent daz man sinne
100
Steteclich vf gotes minne
Und daz man och die straze
Der zerganclichen minne laze
Div ist kvrz vnd bringet not
Vnd den eweclichen tot
105
Als ist ein samenunge
Div vns mit manunge
Uon gotes minne kerent
Vnd valsche minne lerent
Darzvo siv mengen rat gent
110
Ein tievillicher convent
Der vns niht entwichet
Und leider an mengen gerichet
245,1
Gelicher wis den guoten rat
Der vor der engel koren gat
Ist ie ein tievillichu schar
Mit valschen rate wider gar
5
Beidv fruo vnd spate
Die sich mit ir rate
Uon himel hant gescheiden
Nv merkent von den beiden
Weder rat iv baz gevalle
10
Den hant lant die andern alle
Svz ist iv gemachet kvnt
Ir ampt ir wesen alle stunt
Der himelschen engel clar
Die vns ratent dur daz iar
15
Den svn wir gerne volgen
Mit minnen vnerbolgen
Die zehimel engegen giengen
Sant Martinun vnd enpfiengen
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 616. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0616.png&oldid=- (Version vom 8.8.2019)
Von „https://de.wikisource.org/w/index.php?title=Seite:Hugo_Martina_1856_0616.png&oldid=3545005“