Seite:Hugo Martina 1856 0669.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Sint gar in snodem gelte
Daz ich wol sprechen mac
100
Siv spisent kvme einen tac
Unde tuot doch mengem we
Der ir het genomen me
Danne siner nature fuoge
Oder der maze genuoge
105
Vberigiv spise dicke villet
So der nature hie vnwillet
Und si niht gerne dowet
Disiv spise luzel frowet
Darzvo si vrdrutz birt
110
So si genozzen dicke wirt
Disiv selbe spise cranc
Ist vns allen wol zedanc
266,1
Vns der tot hie scheide
Mit iamir vnd mit leide
Uon den selben geneschen
Vnd vns zvo einer eschen
5
Mit der armen spise kere
Uon friunden guot vnd ere
Vnd in einem ogen blicke
Iage zvo werndem schricke
Und zvo leiden nach geburen
10
Da div spise muoz ersuren
Div alhie ist wider gote
Genozzen vnde sinem gebotte
Disiv vil armiv lip nar
Ist vil vngeliche gar
15
Dirre sehsten trahte cluoc
Der man zehimel hat genuoc
Doch an vrdrutzis qual
Mit froden endelosiv mal
Si dem suozen ihesu crist
20
Da froden niemer me gebrist
Da wir erkennen alle frist
Der grundelosen wisheit list
Nv horent aber furbaz
Mit guoten triuwen ane haz
25
Die sibenden trahte so rilich
Die man zehimel so frilich
An ende iemer niezin sol
In wahsender wunne froden vol
266b,29
Div heizit div edel friheit
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 669. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0669.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0669.png&oldid=2892249“