Seite:Hugo Martina 1856 0709.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


95
Die dritten frode tuon ich kvnt
Die er gerne horen munt
Die gotis kint als in gezement
Och von dirre welte nement
Daz ist daz siv mit reinen sitten
100
Hant ir vigent vberstritten
Die also grozer meisterschaft
Pflagent vnd gewaltis craft
Und si da wider also cranc
Waren werke vnd gedanc
105
Und si doch vber wunden
Alhie in kvrzen stunden
Die tusent listic heizent
Vnd steteclichen reizent
Herze vnd vnser sinne
110
Uf der welte valsche minne
Beidiv wind vnd regen
Sint doch dicke hie gelegen
282,1
So gelit ir rat hie niemer
Wan siv vehtent iemer
Gen vns mit steter pfliht
So gilt ez einen riemen niht
5
Ez gilt ein ganze hut
Daz wizzint alle vber lut
Daz fleisch vntz an den grat
Beidiv korn vnd och sat
Beidiv rebin vnde win
10
Daz muoz allis veil sin
Ez giltet noch mere
Lip sele guot vnd ere
Allis daz man mac geleisten
Div minsten zvo den meisten
15
Nieman sich strites sume
Wir sin hostaffel vil kvme
So sint vnser vient risen
Wizzint wir muozen mit disen
Uienden iemer vehten
20
Got helfe sinen knehten
Daz in niht misselinge
An keiner slahte dinge
Dez herten strites sint ane
Die vf dem himelschen plane
25
Zvo criste sint gesellet
Ir strit im wol gevellet
Doch so sunt ir striten daz
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 709. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0709.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0709.png&oldid=2888538“